مسطبة شعبية

موضوع: رد: مسطبة شعبية الأحد ماي 04, 2008 10:22 am

اخونا مرغنى شكرا على السؤال نحن بالبينا والفينا مكفينا وريكارد طلع 00000 ( تجى مع القافية موزونة كمان ) لكن المحيرنى الجاهورى وين والقطعو عن المنتدى الإ الشديد القوى ودايرين نعرف التحت تحت القالها مرغنى دى شنو ؟ ويالجاهورى البيأكل براه بخنق مع تحياتى للجميع 000000000

موضوع: رد: مسطبة شعبية الأحد ماي 04, 2008 7:46 pm

الأخوان الأفاضل سلام حار وأشواق .. طبعاً كنت الأسبوع الماضي في رحلة عمل للرياض حضرت كورة الهلال وصن داون مع عماد كج .. وكج فعلاً كج في كل حاجة طير برشلونة وجاب أجل ليفربول وطبعاً الهلال كان داير يجيب أجلوا لكن دعواتنا والله ستر .. طبعاً الأيام ده أجمل الأيام .. سامي الحاج فكوا .. الدوري في السودان وأسبانيا وإيطاليا حسمناهوا .. دوري أبطال أوربا على مشارف نشيل الكأس عايزين شلسي يشيل الكأس لكن مانشستر ما بخليهم رونالدوا ده الشافتوا عيني السنة ده شايل الكأس .. عموماً ناس أفراحه زايده وناس اتالموا .. شوفونا بنشجع منوا شجعوا ورانا ..
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

موضوع: رد: مسطبة شعبية الإثنين ماي 05, 2008 9:59 am

مرحب مرحب بالعزيز الغالى والمنتدى من غيرك 00000 ؟ الجماعة مايزعلوا بس ارجع وفتش عن المواضيع السابقة وسألناك من التحت تحت بتاعت مرغنى وما وريتنا 000 عموما مبروووووووووووك الانجازات للفرق التى شجعتها وعقبال السنة الجاية 0000

موضوع: رد: مسطبة شعبية الإثنين ماي 05, 2008 5:32 pm

الاخ الجاهوري/ ما قلت لي عماد عن الحاجات التحت تحت دي شنو؟؟؟؟
اما موضوع الانتر ,,, مبروك عليكم قونين انزاغي ,,, والحسم لسه يا شيخنا,,, فيهو قولان ,,,, اما الفطيسه الدوري الاسباني مبروك عليكم,,,, وتشلسي ما بشيل الكاس,,, وشنبي ما بحلقو,,, لك الود.
_________________
تخيل كيف يكون الحال؟؟؟

موضوع: رد: مسطبة شعبية الثلاثاء ماي 06, 2008 6:48 pm

الشنبات خلوها في ناس حلفوا قبل كده وما حلقوا شنباتهم لكن خففوها لكن الظاهر في ناس بنحلقه ليهم صلعه نضيفه ... قلنا ليكم شوفوا الجاهوري بشجع منوا وشجعوا وراهوا .. مانشستر ما بشيل كاس أوربا الكأس أزرق ... ده كلوا كوم بكره كيف ريال والبرسا وقولوا يا لطيف ............. الأخ عماد حفلة ندي اقيمت ومسجلة ويوم الخميس شوفه في قناة زول ولا هارموني ما عارف شايف ليها دعاية ... بس أحضره وما تفوته اسمع وصيتي ليك ....
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

موضوع: رد: مسطبة شعبية السبت ماي 10, 2008 8:55 am

دقيناكم دق البن وضربناكم بالأربعة مع الرأفة حليل البرسا وأيام ريكارد المدرب القدير وحارسكم بهاء صفاية وهنري دخل عليكم بالساحق والماحق والبلاء المتلاحق.. وربنا يعين دمرتوا المريخ وقبلتوا على البرسا جبتوا أجله عقبال المانشستر وحلق الشنوبة .. كده الدوري الاسباني شلناهوا والإيطالي شلناهوا والسوداني مضمون في الجيب .. مفكرين في كأس أوربا وأفريقيا للأندية والله يدينا الفي مرادنا ..
يأولاد الشفيع طمنونا على صحة أخونا هيثم ...
المسطبة ده فاضية كده ليه .. خلوا روجكم رياضية وتعالوا عازمكم فطور وبيبسي وشاي بلبن مش أحمر وسجائر مارلبورو أبيض ..
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

موضوع: رد: مسطبة شعبية السبت ماي 10, 2008 8:58 am

تتصوروا في واحد أخونا هو إجازة يوم الأربعاء مشي أشتغل نبطشية وشرد والله أنا بعتبروا زول عاقل وبقرأ الفرق كويس .. لكن برضوا بعيب عليهوا الواحد أشجع فريقوا في كل الظروف والهروب صفة غير حميدة
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

موضوع: رد: مسطبة شعبية الأحد ماي 11, 2008 6:18 pm

يأخوانا المنتدى ده أهلوا خلوا ولا شنوا لعل المانع خير .. يالجاهوري بعد العملتوا في البرسا ده في خير .. نبرطع برانا في المسطبة ده ... ريال فايز والهلال متأهل والانتر منتشي وحولينا وما علينا ...
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

موضوع: رد: مسطبة شعبية الأحد ماي 11, 2008 7:52 pm

التهنئة للجميع ,, بتاهل الهلال والمريخ للمرحلة المقبلة من التصفيات,,,, وفوق فوق سودانا فوق
_________________

رأي بعينيه ماءً عز مورده ,,,,, ولا يملك دون الماءِ منصرفا

موضوع: رد: مسطبة شعبية الأحد ماي 11, 2008 7:56 pm

الاخ الجاهوري: برطع زي ما عايز ,,, الانتر الليله لحقوهو امات طه ,,, وبارما كيف؟؟؟
مباراة حياه او موت ونقطه واحده ما عايزين ,, عايزين ال3 نقاط عشان يقعودوا في السيريا
اي وكان ما لحقوكم الرقدوا قابلني,,,,لك الود
_________________
تخيل كيف يكون الحال؟؟؟

السلااااااااااااااااااااااام عليكم
غبت وجيت لقيت الجاهوري يبرطع في المسطبة شرق وغرب مع إنو هلال السودان مغلوب في بريتوريا(ومبروك الصعود) والإنتر متعادل وقرررررررررررررب يفقد الدوري والريال متعادل وأهم حاجة الهلال السعودي (أقصد الريال السعودي) مغلوب رايح جاي
طيب أخونا دة فرحان ماااااااااااااااااااااااااااااااااااالو؟؟؟

موضوع: رد: مسطبة شعبية الثلاثاء ماي 13, 2008 1:33 pm

موضوع: رد: مسطبة شعبية الثلاثاء ماي 13, 2008 2:27 pm

أهلين بالجاهوري

عامل لي فيها(خليل ابراهيم) عاوز تحتل المنتدى؟؟؟

لكن أنا جيت ....وسندحر فلول المتمردين

وفرقك القلتها دي آخوي كان فيها فايدة ماكان طارت ليها من دور صعد ليو هلالك{النجم الساحلي مغلوب رايح جاي/الترجي مغلوب 5/1"ياربي النتيجة دي لاقتني وين قبل كدة؟؟"/صنداونز طار بواسطة أضعف المتأهلين}
عرفت نحن ما فرحانين لا بالفوز على الفرق الحمام ولا خايفين من المغلوب ليه؟؟؟

موضوع: رد: مسطبة شعبية الثلاثاء ماي 13, 2008 4:39 pm

والله ياهيثم الله يستر عليكم من التوانسة ديييييييل.
ياربى تسلم.....