عادت سودانية سيئة

من طرف هالة الزبيدي الأحد يونيو 28, 2009 3:04 pm

ازيكم يا جماعة قلنا نعمل ليكم بوست للعادات السودانية السيئة شايفاكم ما اتفاعلتو ما العادات الحميدة يلا ورونا الماعاجبكم في الشعب السوداني شنو

دمتم

من طرف هالة الزبيدي الأحد يونيو 28, 2009 3:22 pm

اسؤا عادة عند الحريم الزيارة بدون مواعيد يعني مرات الصباح تكون نايم في نص الحوش تلقي مرة جيرانكم حايمة جنب راسك تقول ليك كيف اصبحتو

من طرف هالة الزبيدي الأحد يونيو 28, 2009 3:27 pm

الناس الجنهم لوم
جيتنى و ما جيتنى
عزيتنى و ما عزيتنى
يا كافي البلا الرجال زاتم بقو يلومو

من أسوأ العادات السودانية -برأي- الطريقة التي يتم بها العزاء عند النساء (الإصرار على البكاء مع قريبة المتوفي) والتي تعتبر في عرف البعض مقدسة ، فمن لاتبكي وتكتفي بالدعاء و"الفاتحة" يكون الميت {ما واجعا}

قطع شك,,, من أسوأ العادات السودانية الدخان حق النسوان

من طرف هالة الزبيدي الأحد يونيو 28, 2009 11:08 pm

هيثم على الشفيع كتب:من أسوأ العادات السودانية -برأي- الطريقة التي يتم بها العزاء عند النساء (الإصرار على البكاء مع قريبة المتوفي) والتي تعتبر في عرف البعض مقدسة ، فمن لاتبكي وتكتفي بالدعاء و"الفاتحة" يكون الميت {ما واجعا}

مشكور علي المرور والمداخلة هيثم الشفيع
اغرب حاجة في موضوع البكا دا انو الواحدة لما تكون ماشة علي بيت البكا بتكون بتتونس عادي وايمكن تكون بتدندن بي اغنيتة المفضلة واول تصل بيت البكا تبدا تنوني ساكت بلا دموع اما بالنسبة لقدسية صاحبة العزاء فحدث ولا حرج بتكون زيها وزي السيد محمد عثمان بالنسبة لي الختمية اي واحدة دايرة تخت ايدة فوقة ولو مافي طريقة تخت ايدة في الخاتة ايدة فيها فهمتو الفزورة دي

من طرف هالة الزبيدي الأحد يونيو 28, 2009 11:31 pm

ميرغني ابراهيم عمر كتب:قطع شك,,, من أسوأ العادات السودانية الدخان حق النسوان

مشكور يا مرغني علي المرور والمداخلة الدخان بالنسبة للمرأة السودانتية بمثابة حمام بخار يعني ساونا المساكين

من طرف هالة الزبيدي الجمعة يوليو 03, 2009 4:18 pm

في عادة فاقعة مرارتي وامبارح حصلت لي امبارح القريبة دي

لما زول يشيل تلفونك واقول ليك داير يتفرج في الاستديو وبعدما ينتهي من الصور يسمع الاغاني العندك بعد داك بي قدرة قادر يحول لي الرسائل ويقرا الرسايلك الجايك والمرسلة بس اجمل حاجة انو يجيك اتصال وهو بيقرا في الرسايل وما يعرف يتصرف يعمل شنو
ودمتم
لنا عودة

هالة / ما تلخبطي الكيمان دي ما عادة سودانية ولا حاجة دا عدم ذوق عالمي ,,, والعادة السودانية هي ما اعتاد الناس ان يفعلوه عادة ويتوارثونه ,,, اما حكاية لموبايل دي ثورة جديدة لم تمر عليها الا سنوات قليلة ,,, وامهاتنا واباءنا ما بيعرفوا يفتحوا كيف حتي ,, هي شريحة من الناس ,, مستجدة ممكن تسميها ,, وحتي لو مستجدة ,, مش في حاجة اسمها الذوق؟ لك الود.

من طرف هالة الزبيدي الأحد يوليو 05, 2009 3:43 pm

انا ما لخبطتة الكيمان براها ملخبطة يعني عادة تفتيش الجوال دي تقدر تقول عادة سودانية مستحدثة لانها ما لاقتني عند ناس غيرنا انت لاقتك ؟
لك الود

من طرف هالة الزبيدي الأحد يوليو 05, 2009 3:52 pm

في عادة سيئة تانية قول لي كمان دي ما سودانية يا مرغني
لما تشتري ليك جريدة وتركب المواصلات وتلقي البص كلو يقرا معاك وفي واحدين يقولو ليك دقيقة ما تقلب الصفحة لما اكمل الموضوع دة
لكم التحية

الفقرة اتقسموا النبقة يا هالة ,,, نحن اتعودنا نتشارك في اشياءنا ,, وما بفتكر فيها حاجة لو انت قاعد تقرأ في جريدتك وانا مرت عيوني علي سطور موجودة بها,, انت ما بتضرر لانو الجريدة فيها اشياء عامة وما فيها شيئ خاص انت داسيهو ,, اتفق معك كإتيكيت وادب لياقة لايجوز ان تطالع في صحيفة الغير حتي باستئذانهم ,, نعم يمكنك استئذانه لمطالعتها بعد فراغه منها ,,, ولكن ما الضرر الحقيقي الذي يلحق بصاحب الجريدة ,,,لك الود.

عادت سودانية سيئة

عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة

رد: عادت سودانية سيئة