نزل بالياء فتح كى كى

الموضوع دا مع اضافه لقيتو فى واحدى من المنتديات وقلت النجيب الفكره هنا

لانو عارف الاصحاب كلهم بتاعين كوشتينه ... والزول الكاتب الموضوع فى

المنتدى داك .. فهم المدحه فهم كوتشينه ... ( حريق او اربعطاشر )

نزل بالياء فتح كي كي
جبل حلسي تحتو البامبي

انا قلت الدراويش ديل لاعبين كنان ولا شنو؟
ايه هو اللي نزل بالياء "رموا ليهو كرت نص" .. وفتح كي كي .. يعني جر الخمسين ولا شنو ؟
أين يقع جبل حلسي؟
انا اعرف البامبي وهو اشبه بالبطاطس وطعمه حلو

بالله العارف يشرح لينا المعنى وراء النزول بالياء .. والفتوح بالكي كي

عليكم الله ما فهم برضو

وعاوزين نعرف فهمكم انتو برضو

بيقولو ليك يا محمد ,,, الدرويش ترجم في حلقة الذكر اي انه بدأ يقول كلاما غير مفهوم ,,,, وقد يكون مفهوما لمرتادي هذه الحلقات ,, فهذه من ترجمات احدهم ,,, وتحتاج لترجمة ,, وموضوع الترجمة محول لجهات الاختصاص..... لك الود.

ميرغني ابراهيم عمر كتب:بيقولو ليك يا محمد ,,, الدرويش ترجم في حلقة الذكر اي انه بدأ يقول كلاما غير مفهوم ,,,, وقد يكون مفهوما لمرتادي هذه الحلقات ,, فهذه من ترجمات احدهم ,,, وتحتاج لترجمة ,, وموضوع الترجمة محول لجهات الاختصاص..... لك الود.

لكن اظنو الدرويش دا جرو فى الكوتشينه خمسين

..............................................................................................

فى الترجمه الواحد بفقد الوعى وما بعرف انو عمل شنو ولا قال شنو

قالوا:- فى درويش بقول فى نص الحلقه ( احبس العجل من الفجل ...احبس العجل من الفجل ...احبس العجل من الفجل )

وبعد ما انتهت الحلقه سالوهو احبس العجل من الفجل .. دا شنو

قال ليهم الفجل ما اخضر والعجل بياكلو

الشيخ قال ليهو امشى شوف ليك شغله انت زول مستهبل

طيب لو مصّر,, نزل باليك (الذي هو الآس)
فتح كي كي ,,, الراجل فتح كي ونا (تقال للجرسة) وكي التانية لتأكيد الجرسة
دخل الحلسي ,,, لو لعبت ضمنة بتعرف السي وهو ال3,,, والراجل دخّل,, تريس حلو ربط ليهو خمسة بين آس ودو ,, واربعه وخمسه..
تحتو البامبي ,,, طبعا بالنسبة لي الناس البيلعبو قمار,, بيختو القروش تحت الملاية المفروشة فوق التربيزة,,, يعني الراجل خرت القروش التحت الملاية ,,, وشبهها بالحلاوة بجامع الحلاوة في كل ,,والمعني واضح ان شاء الله.

من طرف ياسر الثلاثاء نوفمبر 17, 2009 9:40 pm

العم/ محمد الموضوع جميل لكن زي المواضيع دي ما ملاحظ انو الزول البكتبها مفروض يكون بعرف العب

ياسر ميرغني كتب:العم/ محمد الموضوع جميل لكن زي المواضيع دي ما ملاحظ انو الزول البكتبها مفروض يكون بعرف العب

كيفك ياسر ..............

عمك ما بعرف يلعب كوتشينه لكن بعرف بلي ستيشن

وعارفنى كويس انت ومعاك محمد

نزل بالياء فتح كى كى

نزل بالياء فتح كى كى

رد: نزل بالياء فتح كى كى

رد: نزل بالياء فتح كى كى

رد: نزل بالياء فتح كى كى

رد: نزل بالياء فتح كى كى

رد: نزل بالياء فتح كى كى