أصحاب جد كوم
تعال إلي عالمنا...إن كنت مسجلا يمكنك الدخول من هنا ,,او التسجيل إن كنت غير مسجل
المواضيع الأخيرة
» الفنان رمضان حسن
الأحد مارس 09, 2014 11:33 am من طرف عواد عمر

» ملتقي الاصحاب
الخميس مارس 06, 2014 10:58 pm من طرف ميرغني ابراهيم

» مذكرات بيل كلينتون
الخميس أكتوبر 17, 2013 9:42 pm من طرف الميزر

» صور اعجبتني
السبت يونيو 15, 2013 6:10 am من طرف فاطمة

» نكات اسحابي
الإثنين يونيو 03, 2013 1:34 am من طرف محمد الساهر

» أخطر 3 شهادات عن هروب مرسى من السجن
الخميس مايو 30, 2013 10:42 pm من طرف عازة

»  من روائع الشاعر جمال بخيت
الخميس مايو 30, 2013 10:18 pm من طرف عازة

» إطلاق نــار على الفريق "سـامي عنان
الخميس مايو 02, 2013 9:00 am من طرف محمد الساهر

» عاجل..أبو تريكة فى العناية المركزة
الخميس مايو 02, 2013 8:33 am من طرف محمد الساهر

»  وقفة مع البافاري : مشروع أفضل فريق يقطع الكرات
الخميس مايو 02, 2013 8:21 am من طرف محمد الساهر

»  10 أطعمة تعرضك للإصابة بمرض السرطان
الخميس مايو 02, 2013 5:18 am من طرف محمد الساهر

» أسهل وأحدث 10 طرق لإنقاص وزنك في أقل من 10 دقائق
الخميس مايو 02, 2013 1:39 am من طرف عازة

» القدرات النفسيه
الخميس مايو 02, 2013 1:11 am من طرف محمد الساهر

» تنمية قدرات العقل
الخميس مايو 02, 2013 1:08 am من طرف محمد الساهر

» مصر: تطبيق الحد الأقصى والأدنى للأجور في مايو
الخميس مايو 02, 2013 12:58 am من طرف محمد الساهر

» السجن مدى الحياة لـ"بن على" و10 لوزير داخليته
الخميس مايو 02, 2013 12:38 am من طرف سيدورف

» فتح النار على باسم يوسف لاستضافته مغنيا شاذا
الخميس مايو 02, 2013 12:32 am من طرف سيدورف

» مورينيو والريال.. قصة موت معلن؟
الخميس مايو 02, 2013 12:16 am من طرف سيدورف

» رئيس برشلونة يعترف بتفوق بايرن.. وفخور بلاعبيه
الخميس مايو 02, 2013 12:12 am من طرف سيدورف

» فساتين الزفاف
الثلاثاء أبريل 30, 2013 3:22 am من طرف عازة


استراحة مع اجمل ما كتبه شعراء الشايقية

استعرض الموضوع السابق استعرض الموضوع التالي اذهب الى الأسفل

استراحة مع اجمل ما كتبه شعراء الشايقية

مُساهمة من طرف هالة الزبيدي في الأربعاء نوفمبر 07, 2007 5:22 pm

استراحة مع اجمل ما كتبة شعراء الشايقية
الاخوة الاعضاءمن المعروف أن معظم الشوايقة حنينين واشعارهم من النوع الذي يمس الوجدان ويتغلغل في الروح لدرجة انك تحس وتتعايش مع القصة كأنك صاحبها اوأنك من يقصدك الشاعر مع العلم ان الفنانين الشوايقة يزيدونها حلاوة ويضيفوا عليها بهارات بأدائهم مما يجعلها مقبولة من الجميع اتمني يشترك الجميع بامدادنا بالكلمات الشايقيةالاصيلةويلا نبدا

كمان زعلان
صديق احمد
عبدالله محمد خير
تعاتبنا !!! وما قبلان تكاتبنا
ما إنتو اللبيتو الحله يا نوره
ورحلتو بعيد بلا شوره
تراها الحله من يوم قمتو مهجوره
وما رضيانه بعدك إلا مجبوره
ومشتاقه
عارفه الدنيا لمان تقسى فراقه
حليل الحله .. وين أملاكه
(وين حوره)؟؟ وين شاديها ؟؟
يا شاديها ما تزوره
يا فتنه
يا البعد الله منك كان مخافتنا
أكان حيين .. وما متنا
وكان حن القدر والدنيا لمتنا
وتاني الحله زي ما كنا ضمتنا
بنحلف ليك بزمتنا
سعادتك كل مهمتنا
وبلاك قامت قيامتنا.


الرواسى للشاعر حاتم حسن الدابى
غناء جعفر السقيد
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة
__________________



حوا كلمات خالد شقورى
أداء يعقوب تاج السر

ضمه جسم الليل عويله وضمت الاهات زليله
حوا ياناس ياحليله وثاني ياناس ياحليله
ماسكي كف الثوب تخيط والدموع تنزل هميله
كان متاكي الباب وخايفي من ابوها يشوف حويله
مالعليهو هو ماهو هين كيف تعل روحو العليله
كان يقول لها حوا مالك والعذاب كيفن مشى لك
حوا لا تزيدي العليكي فوق كتيفي انا شايلو فالك
حوا ماهميني حالي الا بس هاميني حالك
حو ا حوا باقي نصبر ونحبس العبر الثقيله
حوا برد الدنيا اكبر والله اكبر من عغتاها
كان بامكانه تسرق بس ضمير الخير حماها
زاد ازاها وزاد شقاها لمه ابوها الراجيه ودع
وروحو دقت بوغ رحيله
حوا قالت داير تاكل لو لقت لها لقمه نيه
قالوا ليها ان دايري تاكلي اكلي في خاطرك شويه
اضحكيلم وابسميلم تلقي بدل القمه ميه
حوا قالت دايره تغمر لو حلم بالفرحه طافه
قالو ليها الدايري تغمر الا في صدر السخافه
بينا وبين عيشة المعزه ماخلاص بعدت مسافه
حتى قدر الموت اباها مش حرام الموت ياعافا
سوت الشاي للعطالي ماجنت غير الرزاله
حامت الحلات تغسل شالو ناس الحله حاله
مدت الايد للعمايه ختو في ايدينه لالا
قنبت في ضل مصغر سارحة تلتق في نعالة
في ضجيج عجلات زمانه مانست صرخة جماله
حوا ماتت لمه ماتت امها وكانت طفيله
ماتت لمه ابوها روحو دقت بوغ رحيله
وماتت الف مره لمه سلبوها الفضيله
ودمتم

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف ميرغني ابراهيم في الخميس نوفمبر 08, 2007 4:34 pm

التجلة لشعراء ابناء شايق ولك اختنا هالة لجهدك المقدر.
لك الود.

ميرغني ابراهيم
المشرف العام

المشرف العام

عدد الرسائل: 4015
العمر: 54
الموقع: السعودية
المهنة: طبيب
الهواية: كرة القدم
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف عمر ابراهيم في الجمعة نوفمبر 09, 2007 8:45 pm

جميلة تلك الكلمات التى يخطها كتاب الشعر الشايقى بل الاجمل منه الطريقة واللحن .......... ونلاقيك ونعاينلك ونقول انشاء الله نتفرق وكان قبلنا منك غادى لى شوفتك بنتحرق

عمر ابراهيم
صاحب أخو
صاحب أخو

عدد الرسائل: 105
العمر: 38
الموقع: السودان الخرطوم
الهواية: الاطلاع
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في السبت نوفمبر 10, 2007 3:15 pm

ليكا من غير ما تقول لى سلام بقول اهلا حباب يا هالة الزبيدى..فتحت بابا يفوح منه العبير..انا منحاز لشعراء الشايقية(كما يقول المثقفاتية)..واصلى و اسرقى لينا نسمات ندية وسط هذا الهجير عشان نقدر(نصبر على البوخ القريب نستحمل اصوات القعو...لامن يجينا الهمبريب والليل غناوى نولعو..يايمة تفرحى من طرف..عاد والمسافرين يرجعوا)..بس يا هالة غير الشايقية هم البقولوا الشوايقة... الشايقية بقولوا شايقية...

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في السبت نوفمبر 10, 2007 3:36 pm

مشكورين علي المرور الاخوان ميرغني وعمر ومعاوية امدونا بالمزيد من روائع الشايقية وهاكم دي

الطمبور صديقنا وعزنا وملجانا

وكتين السنين تفتح بوابة أحزانا

مما قمنا نسمع فيهو لا ملينا لا ملانا

زي إبل الرحيل شايلي السٌقا وعطشانه

أوتارو الحنيني تملِّي عايشي معانا

في الريف والحضر ومحل ما تمشي خطانا

الله لو بشيشي تداعبو إيد فنانة

تتراقص جميع الدنيا بي أركانا

لو قلبك حجر وغنانا شايفو رطانه

أول ما يرن تلقاك طربتا معانا

إحساسك يذوب قامتك تميل طربانه

زي مرّ النسيم وكتين يداعب البانه

الطمبور سماحتو القمرة مالي سمانا

الليل والسكون والرملة كالمرجانه

نتلملم نكون في شلة زاهية الوانا

نضحك ننبسط لما الصباح يلقانا

وفي رواية اخرى معروف من قديم

انو الجمال نسبي وللموجب دوام لابد من سلبي

لكن نتفق رسمي وكمان شعبي
الطمبور علاج لكل مرض عصبي

لكن نتفق رسمي وكمان شعبي
الطمبور علاج لكل مرض عصبي
سبحان رب العباد ربي
خلا قدح حراز دبكر أصيل عربي
ومكسي جلد بقر يلصف تقول دهبي
فوقو تلات عصي واقفات بلا شعبي
وخمسه سلوك سونان موزوني بالنسبي
لو رنت تذوب ترقص جبال كجبي
والبركل يمور يتحول العقبي
ولو ما كت بخاف والناس تشيل كضبي
كنت بقول يرن تنحلا لوكربي
وأنداح الوئام بين الخلق يدبي
والبوسني الجريح يستأمن الصربي
وينشر الفرح من راجا لاوربي

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في الإثنين نوفمبر 12, 2007 10:11 pm

يا هالة لو سمحت ظروفك ادينا( يا رمال حلتنا زوووووولا كان باانسك يا حليلو...يا حليلو...قام رحل من بلدو روح ..روح والله روح وفات لى دار ماها هيلو...ماها هيييييلو)

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف عمر ابراهيم في الأربعاء نوفمبر 14, 2007 8:05 pm

مافى كلام .............. لكن عندى ليك اقتراح الاخت هالة ......... تقومى تعملى مكتبة على حسب المغنى او الشاعر .......... تصور كيف يكون الحال لو ماكنت

عمر ابراهيم
صاحب أخو
صاحب أخو

عدد الرسائل: 105
العمر: 38
الموقع: السودان الخرطوم
الهواية: الاطلاع
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في الأحد نوفمبر 18, 2007 3:52 pm

معاوية علي الشفيع كتب:يا هالة لو سمحت ظروفك ادينا( يا رمال حلتنا زوووووولا كان باانسك يا حليلو...يا حليلو...قام رحل من بلدو روح ..روح والله روح وفات لى دار ماها هيلو...ماها هيييييلو)

مشكورعلي المرور اخونا معاوية جاري البحث عن رمال حلتنا
لك التحية

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في الأحد نوفمبر 18, 2007 3:54 pm

عمر ابراهيم كتب:مافى كلام .............. لكن عندى ليك اقتراح الاخت هالة ......... تقومى تعملى مكتبة على حسب المغنى او الشاعر .......... تصور كيف يكون الحال لو ماكنت


طلباتك اوامر يا عمر الزبيدي
بس القي وقت
لك التحية

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في الخميس نوفمبر 22, 2007 8:17 am

حديثك شوقنا ليك قول لنا اى حديث نسمعو قول لنا اصلك ما بتريدنا وللا قول لنا قوموا ارجعوا
نحن جيناك وقصدنا كان الله شملنا بيك يجمعوووا ولو يدور يخرب بينا زول لا نبارى ولا نتبعوا
تبقى دنيانا هنا وسرور ضمة عرق الشقا نقلعوا
نزرع الريد فى كل دار نسقى لما يفرهد خدار
ولما يتتاكى يشيل ثمار نحن اول ناس نفرعوا
فر بسمك شلعن بروق رغم انف الضو يلمعو
فر فرح..فرح قليب فيك خاب املو ومطمعو
ينبهط فى لجج السماح ينبسط لطعن الرماح
اصلو فى ريدو قمح قماح سد باب الريد شمعو
نسيت الباقى بفعل الكوارث والعمر وفساد الحكام

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في السبت نوفمبر 24, 2007 5:00 pm

معاوية علي الشفيع كتب:حديثك شوقنا ليك قول لنا اى حديث نسمعو قول لنا اصلك ما بتريدنا وللا قول لنا قوموا ارجعوا
نحن جيناك وقصدنا كان الله شملنا بيك يجمعوووا ولو يدور يخرب بينا زول لا نبارى ولا نتبعوا
تبقى دنيانا هنا وسرور ضمة عرق الشقا نقلعوا
نزرع الريد فى كل دار نسقى لما يفرهد خدار
ولما يتتاكى يشيل ثمار نحن اول ناس نفرعوا
فر بسمك شلعن بروق رغم انف الضو يلمعو
فر فرح..فرح قليب فيك خاب املو ومطمعو
ينبهط فى لجج السماح ينبسط لطعن الرماح
اصلو فى ريدو قمح قماح سد باب الريد شمعو
نسيت الباقى بفعل الكوارث والعمر وفساد الحكام
[b]مشكووووووووووووور معاوية الشفيع

يا اخوي العمر عرفناهو الكوارث وفساد الحكام الدخلم شنو
لك التحية [/b]

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في السبت نوفمبر 24, 2007 5:17 pm

وقفت بعد حلبت لبينة الشاي تكورك يا الحسن
يا ام الحسن وينو الحسن ؟

ولامن صفت رغوة شخيبات اللبن
في حلتا المبني من طبق السكن
واقفي في حوش البهايم ولسع تكورك آلحسن

جاها حسا من بعيد مارق من القاطوع ورا
قال ليها خير يا الحاجي خير ؟
قالتلو خير .. تعال لي جاي
دايراك تعنون لي جواب يا الراسي لي ولدي الخدير
ولا تبقي زي شافع السرير.. يقول لي زين آيمة زين
زين وتبقي بعد شهير ؟؟وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شاياً بي لبن قرض معاهو حرف فطير
قالتلو بسم الله قول واكتب وصيتي انا للخدير

الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طول في البنادر يا الحبيب لا متين ؟

تعال اوريك حق ابوك الجم حقيق حاج اللمين
ان عرفتو بلا عمار يقولو ولداً عندو طين

والعلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين
انا كت برسلا ليكا في لوري الخزين



هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في السبت نوفمبر 24, 2007 5:20 pm

يا ساري الليل : ما شفت عوض تابع النجمات فات لي قدام ؟؟
يا ساري الليل لقد ذهب عوض في ليلة من فيضان 1988م



من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويل مع الأيام

الزول زول الله من الصلاح الرفعت عنهم الأقلام
من غرث الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
ثم يبدا في وصف ملابس عوض وما كان زاده يوم خروجه
متجلبب بي تيبان الرحمة غتا وهندام
متنعلت بي أرض الله الواسعة خطى الأقدام
متزود شايل خير الزاد تقى وإلهام
يا ساري الليل ما شفت جناح جبريل غتاهو بقالو مظلة جلوس وقيام

يبقالي نجع متوجه قاصد أرض الشام
ما شفتو هناك مع الحجاج لابس الإحرام
بين يثرب ومكة وفي بيت الله المكسي رخام
يبقالي هناك يكون مندسي مع الخدام
فتشنا سما أرض ما شفنا منام
في التمر الشايل تكا سبيطو مدلول خام
في الجرف الأخضر في لوبيهو وفي النجام
في جدول جاري تسرسر مويتو نعيماً دام
ومع ذلك لم نجده وقد طال الغياب ولن نيأس فالحلة في الانتظار فاينما وجدته بلغه السلام
يا ساري الليل أنا داير أوصيك وأديك كلام
الروح إين صعدت لي باريها وفي جنات الخلد مقام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف ميرغني ابراهيم في الأحد نوفمبر 25, 2007 12:41 am

الاخوان/ معاوية, هالة , عمر .

من اشد المعجبين والمتحيزين للشعر الشايقي , تجدونني ,, ولكن لا اخفيكم سرا , ان قلت ان ما احفظه من غناء الشايقية لا يزيد الا قليلا عما احفظه من غناء شرق السودان مثلا, واحسب ان السبب يكمن في توصيل الشعر الشايقي للمستمع, القصد ان الشعر الشايقي عظيم عظيم عظيم وملئ بالكثير المثير من تشبيهات وكنايات وتوريات , وما اليه من اوجه البلاغة ,,,, وهناك قامات سامقة في الشعر , لا تعد ولا تحصي , ولكن يبدو ان المشكلة تكمن في التطريب , اي المطربين ,,,لا احد يشبه النعام ادم وصديق احمد { اين هو} ثم محمد كرم الله ومحمد جبارة,,,,,,,, هل هذا كل ما قدمه الغناء الشايقي ,,,؟؟؟ قد يقول قائل { عبد الرحيم البركل} هوصورة طبق الاصل لمن سبقوه في رأي المتواضع جدا,,!!!! الغناء بنفس الكيفية والصورة,,,, لا اظلم احدا ولكني تجدني مستمعا جيدا للشعر الشايقي ,, ولكن اقل طربا للغناء الاان كان لمن ذكرت { يطربني حد الطرب صديق احمد والنعام ادم} با ختصار انا اري ان قامة المطربين تقل كثيرا عن قامة الشعراء الذين هم بصمات في خارطة الشعر السوداني ,,, اين هؤلاء المطربين من شعر الحميد,,, حتي تلقفه مصطفي سيد احمد وحدث الناس عنه ,,, اين هم قبلا من اسماعين ود حد الزين ,,, ومن ىسيد احمد الحاردلو,,,,,,,,,,, اقول لكم اين هم ,,, هم مع الشعر العاطفي الصرف{ حسن الدابي, تاج السر الطيب,,,وووووو} هذا ليس عيبا في حد ذاته ولكنه يقصر كثيرا من قامة الشعر الشايقي الفارعة,,,, شئء آخر هام جدا ولو اني اطرب كثيرا كثيرا للايقاع الشايقي,,, واكثر ما يطرب في غناء مصطفي سيد احمد,,, دليب,,, ولكن اريد ان اقول انا ترعرعنا وسط غناء الدلوكة وايقاع العرضة في منطقة جنوب شندي مما قد يكون قد اثر كثيرا علي اذاننا,,, فان كما تعلمون شايقية نص كم ,,, ولكم الود الكثير
.

_________________




تخيّل كيف يكون الحال!!!!

ميرغني ابراهيم
المشرف العام

المشرف العام

عدد الرسائل: 4015
العمر: 54
الموقع: السعودية
المهنة: طبيب
الهواية: كرة القدم
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الأحد نوفمبر 25, 2007 1:18 pm

أختنا هالة والأحباب
أنا-عائذاً بالله منها- مريض بحب الشعر وكما تعلمون ..شايقي فبالضرورة أحب شعر الشايقية ، وعطفاً على حديث ميرغني أضيف أن هناك مجموعة من شعراء الشايقية لم يسمع بهم أحد ولكنهم كتابييييييييييييييييييييييييييييييين وكضرب مثل فقط أضع بين ايديكم قصيدة لشخص اسمو(ياسر علي بشير)إتحداكم كان في زول سمع بيو!! وشوف براكم هي خطيرة كيف..
ياميرغني :في زول غنّاي شديد وماشي في شارع حقو براهو إسمو محمد النصري حاول تسمعو...

عَقـــــــــــــــوق الحِـــــنْ

كلمات/ياسر علي بشير
أداء/محمد النصري

أفكر في لقاك كيفن..................بعد ما عُدْ علي كيفي
عيونك ما على كيفن.

ما سنين ودنين أنا استنيت جروف البينا لو يلدن
على قيفك
ضفاف قيفك
من الشمات أبن يفضن
بنات الشوق يلاوزن فوق من الأمواج وما يردن
******
فيا بحر الرجا المقطوع
أجر ياريح وما تهدِّنْ
وجل يامشرعي الممنوع
قوافل ريدي ما يعدِّنْ
إذا جيبة الحبيبة دموع
خطاي تالاها لا تودنْ
******
واقول ياقلبي خلَّو الزول
إذا ماكان سحابة تضن
على العشمانلو في قندول
يحاحي الطير رياحو تزِنْ
وانا الفوق التراب مكتول
وفرقي من (السرابة) بئن
******
موهطة كنتي يالجواي
كما بين الغناوي لَحِنْ
عُقُبْ شرَّيتْ عليكي رجاي
بياض نية وطويتك حِنْ
فليش زالفتي غادي وجاي
وطوَّحِك الزمان ليشن؟؟
*****
بخافلك من حقيق مظلوم
بخافلك ياعقوق الحِنْ
أخافلك من حساب اليوم
وَكِتْ كل النفوس يصْفِنْ
سؤال منو القيامة تقوم
بقيت ناكر جميل كيفن؟؟؟؟

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف المشرف العام في الإثنين نوفمبر 26, 2007 10:53 am

خطير ,,,,,,,,, يا هيثم / معاك وابصم بي العشرة,,, ياسر كتاب ,,,كتاب
اعدك وعد قاطع بالاستماع للنصري,, وما دام دا شاعرك غنايك حيكون تمام. لك الود.

_________________

المشرف العام
المشرف العام

المشرف العام

عدد الرسائل: 219
العمر: 54
تاريخ التسجيل: 04/11/2007

معاينة صفحة البيانات الشخصي للعضو http://alzoubaidi.ahlamontada.com

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في الأربعاء نوفمبر 28, 2007 2:19 pm

ميرغني ابراهيم عمر كتب:الاخوان/ معاوية, هالة , عمر .

من اشد المعجبين والمتحيزين للشعر الشايقي , تجدونني ,, ولكن لا اخفيكم سرا , ان قلت ان ما احفظه من غناء الشايقية لا يزيد الا قليلا عما احفظه من غناء شرق السودان مثلا, واحسب ان السبب يكمن في توصيل الشعر الشايقي للمستمع, القصد ان الشعر الشايقي عظيم عظيم عظيم وملئ بالكثير المثير من تشبيهات وكنايات وتوريات , وما اليه من اوجه البلاغة ,,,, وهناك قامات سامقة في الشعر , لا تعد ولا تحصي , ولكن يبدو ان المشكلة تكمن في التطريب , اي المطربين ,,,لا احد يشبه النعام ادم وصديق احمد { اين هو} ثم محمد كرم الله ومحمد جبارة,,,,,,,, هل هذا كل ما قدمه الغناء الشايقي ,,,؟؟؟ قد يقول قائل { عبد الرحيم البركل} هوصورة طبق الاصل لمن سبقوه في رأي المتواضع جدا,,!!!! الغناء بنفس الكيفية والصورة,,,, لا اظلم احدا ولكني تجدني مستمعا جيدا للشعر الشايقي ,, ولكن اقل طربا للغناء الاان كان لمن ذكرت { يطربني حد الطرب صديق احمد والنعام ادم} با ختصار انا اري ان قامة المطربين تقل كثيرا عن قامة الشعراء الذين هم بصمات في خارطة الشعر السوداني ,,, اين هؤلاء المطربين من شعر الحميد,,, حتي تلقفه مصطفي سيد احمد وحدث الناس عنه ,,, اين هم قبلا من اسماعين ود حد الزين ,,, ومن ىسيد احمد الحاردلو,,,,,,,,,,, اقول لكم اين هم ,,, هم مع الشعر العاطفي الصرف{ حسن الدابي, تاج السر الطيب,,,وووووو} هذا ليس عيبا في حد ذاته ولكنه يقصر كثيرا من قامة الشعر الشايقي الفارعة,,,, شئء آخر هام جدا ولو اني اطرب كثيرا كثيرا للايقاع الشايقي,,, واكثر ما يطرب في غناء مصطفي سيد احمد,,, دليب,,, ولكن اريد ان اقول انا ترعرعنا وسط غناء الدلوكة وايقاع العرضة في منطقة جنوب شندي مما قد يكون قد اثر كثيرا علي اذاننا,,, فان كما تعلمون شايقية نص كم ,,, ولكم الود الكثير
.
[b]اشكرك اخي ميرغني
للشايقيه عنصر التفرد و السيطره على شياطين الشعر
و القر ين من اكثر المناطق قوة و حيو يه فى التعبير و الشعر
[/b]و قوة الشعر هذه دفعت بالطنبور الى افاق الا ليات المو سيقيه بل تفوق عليها
شعر الشايقية اصبح في قمة الانتشار في الاونة الاخيرة حتى انو غير الشايقية يستمعوا له ويعرفوا كلماتو .. ودي حاجة سمحة شديد

اعتقد انو السبب هو بساطة الشايقية نفسها وسهولة جريانها على اللسان...و جمالها ....الشعر الشايقي تجاربو صادقة وواقعية وتمس الجميع ومع نبرة الطمبور فالامر يزداد حلاوة وعذوبة ....

و احنا طامعين في انتشار الاغنية الشايقية اكتر من كده ...

بعدين مافي شاعر سوداني أحسن من حميد ومافي فنان أحسن من مصطفى سيد احمد ، مع العلم أن الإثنين شايقية
[b]لك التحية
[/b]


عدل سابقا من قبل في الأربعاء نوفمبر 28, 2007 2:42 pm عدل 1 مرات

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هالة الزبيدي في الأربعاء نوفمبر 28, 2007 2:27 pm

هيثم على الشفيع كتب:أختنا هالة والأحباب
أنا-عائذاً بالله منها- مريض بحب الشعر وكما تعلمون ..شايقي فبالضرورة أحب شعر الشايقية ، وعطفاً على حديث ميرغني أضيف أن هناك مجموعة من شعراء الشايقية لم يسمع بهم أحد ولكنهم كتابييييييييييييييييييييييييييييييين وكضرب مثل فقط أضع بين ايديكم قصيدة لشخص اسمو(ياسر علي بشير)إتحداكم كان في زول سمع بيو!! وشوف براكم هي خطيرة كيف..
ياميرغني :في زول غنّاي شديد وماشي في شارع حقو براهو إسمو محمد النصري حاول تسمعو...

عَقـــــــــــــــوق الحِـــــنْ

كلمات/ياسر علي بشير
أداء/محمد النصري

أفكر في لقاك كيفن..................بعد ما عُدْ علي كيفي
عيونك ما على كيفن.

ما سنين ودنين أنا استنيت جروف البينا لو يلدن
على قيفك
ضفاف قيفك
من الشمات أبن يفضن
بنات الشوق يلاوزن فوق من الأمواج وما يردن
******
فيا بحر الرجا المقطوع
أجر ياريح وما تهدِّنْ
وجل يامشرعي الممنوع
قوافل ريدي ما يعدِّنْ
إذا جيبة الحبيبة دموع
خطاي تالاها لا تودنْ
******
واقول ياقلبي خلَّو الزول
إذا ماكان سحابة تضن
على العشمانلو في قندول
يحاحي الطير رياحو تزِنْ
وانا الفوق التراب مكتول
وفرقي من (السرابة) بئن
******
موهطة كنتي يالجواي
كما بين الغناوي لَحِنْ
عُقُبْ شرَّيتْ عليكي رجاي
بياض نية وطويتك حِنْ
فليش زالفتي غادي وجاي
وطوَّحِك الزمان ليشن؟؟
*****
بخافلك من حقيق مظلوم
بخافلك ياعقوق الحِنْ
أخافلك من حساب اليوم
وَكِتْ كل النفوس يصْفِنْ
سؤال منو القيامة تقوم
بقيت ناكر جميل كيفن؟؟؟؟



مشكور علي المرور اخي هيثم
واهلا بيك مرة تانية
وزي ما قلت محمد النصري فنان بمعني الكلمة بس زي ما قال ميرغني الزبيدي عاوزين انتشار بحجم الالبداع
لك التحية

هالة الزبيدي
صاحب تختو في الجرح
صاحب تختو في الجرح

عدد الرسائل: 354
العمر: 40
الموقع: الرياض
المهنة: ربة منزل
الهواية: الاطلاع
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في السبت ديسمبر 01, 2007 2:17 pm

هالة البيدى..
مازلت فى انتظار النص الكامل لرمال حلتنا...
سبب الكتابة هو انت حاتم الدابى كان فىالطائف وعمل ليلة

ما تفرحى..الزول بقى كوز عديييييل.
وخلانا لى برد امشير والموج والزيفة
ة

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف ميرغني ابراهيم في السبت ديسمبر 01, 2007 3:06 pm

هالة مشيتي وجيتي لي كلامي,,,,,,,,, ومصطفي لم يغني بالطنبور!!!!!!!! ما تحسبيهو,,,,,,, اخونا معاوية سيرة الدوابي دي هالة ما بتنفع معاها,,و ولذلك قصة

_________________




تخيّل كيف يكون الحال!!!!

ميرغني ابراهيم
المشرف العام

المشرف العام

عدد الرسائل: 4015
العمر: 54
الموقع: السعودية
المهنة: طبيب
الهواية: كرة القدم
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الأربعاء مارس 19, 2008 1:29 pm

الأخت هالة والأخوان
شايف الموضوع دة زي اتنسى كدة ، وعاوز أعيد بعثو برابط كنت نزلتو في مواقع تستحق زيارتك وبالجد أتمنى تزوروه لأنو فيو حاجات سمحة
http://www.alnsri.com/vb/forumdisplay.php?f=32

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الخميس مايو 29, 2008 1:32 pm

محاولة لإحياء هذا البوست الجميل قبل أن يدفنه غبار النسيان:

آخر الريد

محمد الحسن سالم حميد

-------------
جاييك من آخر الريد مشياً
على الأشواق
عز الليالى البيد آنست
نورك باق
خبيت مشاعرى شديد
الدروخة الساساق
كلما لك انت بعيد
توميلي بالاطواق
بى آيه تفتحى الأبواب
للجاك عديل ودنا
داير عينيك قراب وتبقيلي
دار ودنا
لو بالمحبة حباب إبن الملوح أنا
لو بالنغم زرياب وما خلى
فيك غنا
لو بالعلم دا كتاب مفتوح لك
ألف سنة
لو بالضرب دي حراب عنتر
مدارقو هنا
لو بالرسم جذاب عند أمو كل جنا
لو مو الشمس كضاب البدر
يضوي سناء
لو بالقرش وين جاب ما جاب
براهو هنا
لله كم خطاب تتمنى حالو مني
يا بت بلا استغراب تكشحلى
جور وضنا
وأنا اجدر الخُطاب واكتر قلوبه عنا
راجيك تقولى حباب يا ......
ريدتى هاك كفنه
فالدنيا دون أحباب غيمة
الضباب دفنه .

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف المشرف العام في الخميس مايو 29, 2008 6:26 pm

حلو يا هيثم ,,, رضي الناس ام ابو ,,, الحميد سيد العاميه السودانيه مافي شك ,, وشيخ شعراءها ,,, لك الشكر.

_________________

المشرف العام
المشرف العام

المشرف العام

عدد الرسائل: 219
العمر: 54
تاريخ التسجيل: 04/11/2007

معاينة صفحة البيانات الشخصي للعضو http://alzoubaidi.ahlamontada.com

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الخميس نوفمبر 26, 2009 3:17 pm

البوست دة دفنتوه لييييييييه؟؟؟؟؟

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الأحد نوفمبر 29, 2009 3:25 pm

ودي محاولة لبعث البوست دة من موات

وبرضو بيغنيها محمد النصري

شبر شك

عطا الكنيبلي


شبر شك .. يغرِّق .. ملامح اليقيــــــن
منام ظن .. يبدِّد .. صحاك من سنيــــن
أظنك .. محدِّد .. فراقك متيــــــــــــــــن
تدسو .. و توسِّد ... قليبي الأنيــــــــــن

أقيــــف .... لا تأكد .. بعوم في الظنون
بضيق .. لما تبعد .. و أغش العـــــيون
أعيشك مغمِّد .. محل ما تكــــــــــــــون
أنومك ..و أسهد .. منام السكـــــــــون

أذاي .. احتراسك تقول الـــــــــــــوداع
تشل حيل حواسك .. بلا اقتنـــــــــــــاع
متين قلبي داسك ... متين يا مُطــــــاع
يطل بطش بأسك .. .فراق و انقطــــاع

فراق مافي رجعة .. برغم الطريــــــق
أنيــــــن.. مافي دمعة .. تهدِّي الحريـق
اغيب مرة اوعى .. أغيب ما أفـــــــيق
افيق وجعة وجعة .... أغَيْبِبْ و أفــيق
اطيق ياتو لوعة .. و بقيت لا رفيـــــق

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في الأحد نوفمبر 29, 2009 4:58 pm

ابراهيم ابن عوف قمة سامقة فى الشعر الشايقى-بالمناسبة لا فرق بين الغناء والشعر عند قدماء الشايقية-يقول ليك أغنى ليك يعنى أسمعك شعر..
نرجع لابراهيم ابن عوف ومطلع قصيدته التى غناها المرحوم النعام ادم..يقول المطلع:
عينيك.دنيتى بتشقينى فيها ألقى السعادة ارتاح
مرة تجود على تشفينى ومرة تزيدقليبى جراح
عينيك-آه-سيوفا سنينى حاجبأ حارسن سفاح
وانا مانى الوحيد خلينى قبلى مكتلى الأرواح
استخرج ما شئت من الصور البلاغية من هذه القصيدة..ولعله بسببها سمى ابراهيم ابن عوف بشاعر العيون..

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في السبت ديسمبر 19, 2009 5:07 pm

شنو ياااااااااا أهلنا!!؟؟؟

البوست دة ما منتظر مشاركاتكم

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف ميرغني ابراهيم في الأحد ديسمبر 20, 2009 12:41 pm

ما دام طار جني الوزين,, يا دوبو قلّ نوم العين

,,وبعدين
أشكيك يا دهر لي مين؟
لي الفقرا البيقيموا الدين
ويا دوبو قلّ نوم العين
حليل الفقرا البيقيموا الدين,,,, ديل بقوا بطلعوهو.

واصل يا هيثم أنا كما أسلفت تعبان جدا في الغناء الشايقي,, لكم الود.

_________________




تخيّل كيف يكون الحال!!!!

ميرغني ابراهيم
المشرف العام

المشرف العام

عدد الرسائل: 4015
العمر: 54
الموقع: السعودية
المهنة: طبيب
الهواية: كرة القدم
تاريخ التسجيل: 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الأحد ديسمبر 20, 2009 2:58 pm

الخوة تقول بقت مافي


كدكي

آمُحمد ليش بقيت جافي
بعد ماكنت زول وافي
وتناضم الطير بالقوافي
وقمت ضربت الفيافي
وحرمت الناس من عوافي
حليل زمن الزمن صافي
وأيامنا مع قوز قرافي
حقيقة مجمّع ثقافي
وحليب في ضرع أمو دافي
بحرشوقنا بلا مرافي
ولساني ناروا ميوبسي شافي
إبر ذي طعن الأشافي
دهـ شيتاً غلب المطافئ
كدي أقعد عِدْ من زفافي
وراجع المضي ماهو خافي
حجاب اللهو علي العافي
صلاة النبي مُدة كافي
سعيد انشاء الله إنت عافي
وسعيد بي حُسْن الضيافي
ومنُ ضمن العمل الاضافي
مواصل الريد الخرافي

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف انصاف علي الشفيع في السبت يناير 30, 2010 5:11 pm

القصيدة التالية كانت على ما أذكر منشورة في احدى الصحف اليومية أواخر السبعينات أو أوائل الثمانينات الاّ أنني للاسف لا أذكر أسم شاعرها وهي من أجمل ما كتب من شعر قصصي - وهو مجال حمل شعراء الشايقية لواءه على مر الأزمان-القصيدة تبدأ ببطاقة تعريفية لبطل القصة:
زول اسمو حماد ود سعيد
وطنو الصغير اسمو أم بكول
ميلادو ما معروف متين
لكين كبار ناس أم بكول
بيقولو كان سنة البحر غطى الجروف
سنة المدير ميجر (صنب)زار أم بكول
والعمدة كان عازم العمد ضابح خروف
أعظم تواريخ في سجلاّت المواليد في الوجود
ثم يبدأ سرد القصة باسلوب الفلاش باك:
نوع العمل متوفي قبّال عشرة يوم
وتلاتة يوم زي اللحوم خاتينّوا في التلاجة مجهول الأهل
والرادي بعد الكافينول أعلن عن الجثة ويقول:
زول بي شنب وخدودو أفقي مفصّدة
في الجيب خمستاشر قرش وحجاب عشان عين العدا
ويمضي الشاعر فيحكي لنا في لغة سلسة عن حماد ود سعيد المزارع البسيط في قرية أم بكول بشمال السودان وعن قصة حبه لأم الحسن وزواجه منها ثم معاناته ومحاولاته لتحسين وضعه المعيشي وصبر أم الحسن ومساندتها له:
ما أصلو عاد أم الحسن لابسالا توب واحد وحيد
تمشيبو للبكا والفرح تمشيبو للجار والبعيد
والله فد يوم ما اشتكت زي البنات قالت قدم دايري الجديد
ويبيع حماد ثوره وكل ما يملك ويقرر السفر للعمل بالخرطوم واعدا أم الحسن بأن أيام المعاناة ستولّي بلا رجعة في العاجل القريب:
والله يا أم الحسن بعد الشقا الشفتيهو ياما تسعدي
والله لاتسقي البهم لاتحشّي قش
للدلكة والدخان تقومي وتقعدي
ويسافر حماد الاّأن الحال في الخرطوم لم يكن كما تصوّره فيبدأ رحلة المعاناة للبحث عن عمل وتمتد الرحلة أياما وأيام ولا شيء غير الوعود لكنه لا ييأس ويستمر في البحث وأخيرا:
الدنيا فرحت وزغردت
قبلوه في البوليس نفر
يطير حماد فرحا ويسرع ليرسل البشرى الى أم الحسن(عبر التلغراف في ذلك الزمان)وفي طريقه الى (البوستة):
شطح الخيل
وقدّامو شاف أم الحسن
متعطّرة ومتبخترة
زي العروسة معطّرة
الاّ أن الأقدار كانت تحمل له عكس ذلك:
في الساعة ديك لاقاه بص شمبات وحماد طار على الأرض انطرح
والدم بحر سال في التراب
والدم كتب :والله يا أم الحسن بعد الشقا الشفتيهو يا ما تسعدي
والله لا تسقي البهم لا تحشّي قش
للدلكة والدخان تقومي وتقعدي.
وللأسف أضعت النص الكامل للقصيدة لكنها تستحق القراءة وأتمنى أن أجد النص كاملا عند أحد الأصحاب.

انصاف علي الشفيع
صاحب نشيط
صاحب نشيط

عدد الرسائل: 98
العمر: 45
الموقع: المدينة المنورة
المهنة: ربة منزل
الهواية: الاطلاع
تاريخ التسجيل: 16/11/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف عماد الشفيع في الأحد يناير 31, 2010 1:20 pm

مع التحية للعزيزة انصاف القصيدة تم اخذها من منتديات الزومة منارة الفقراء


رائعة شاعرنا الكبير الأستاذ / عوض فضيل
حماد ود سعيد ( بلاغ ضد بص شمبات )

زول إسمو حماد ود سعيد
بلدو الصغير إسمو أم بكول
ميلادو ما معروف متين
لكن كبار ناس أم بكول
بيقولو ساعة البحر غطى الجروف
وسنة المدير ( ميجر صنب )
زار أم بكول
والعمدة كان عازم العمد وضابح خروف
أعظم تواريخ في سجلات المواليد في الوجود
إتوفى قبال عشرة يوم
إنتو أضحكو الدنيا أيه
غير المسرات والضحك
وكلام على الهاتف مع أحلى البنات
وأشعار غزل .. ليل وشوشات
وهدية من أغلى البنات قارورة من أرقى العطور
وهدية لي نفسك براك
قارورة من أرقى الخمور
عشان الليل بيك ما يطول
وأنا بعتذر يا أصدقاء حماد شنو وبلد أم بكول ؟
ناس في غاية الضحك والإنبساط
ذكر المسائل الما بتسر
حدثنا عن بهجة مدن تضحك على رنة وتر من الفجر
وحتى الفجر
حدثنا عن نهدين حلاوة البرتكان
واقفين بيتحدوا النظر
حدثنا عن ليل البنات ليل الخدر
لكن !!! برجع وبعتذر يا أصدقاء
ماله باكية أم الحسن
أختو اللي من أربع سنين لابسالا توب
واحد قديم وجد تمشيبو للبكاء والفرح
تمشيبو للجار والبعيد
والله ... أبداً ما اشتكت وقالت قدم ودايره الجديد
كيف تشتكي ؟ وهي العارفة بي مغص القرش
تاراً قديم من زمن أبوه وجدو والجد الكبير في
لحظة ما بتصادقوا
ويصعب على حماد شقى أم الحسن يتعب شديد
ويكدح شديد وبرضو القرش ما يوصلو
ولمن خلاص ضاق عليهو الحال
باع التور وإشترى توبين جداد لأم الحسن
ونعلين جداد وأداها من باقي القروش عشرين
ريال
من خوفوا من قدر الزمان
وحماد نزل جاء العاصمة كايسلو أعمال
حماد طلع حماد نزل عذابو ضاق بيهو الجبال
يقولوا أمشي تعال ... وبعدو
كأنهم بختارو في صبر الرجال
ولمن خلاص الدنيا غنت وزغردت
قبلوهو في البوليس نفر
قالوا لو تقدر تمش وتستلم الشغل آخر الشهر
حماد فرح وتمنى لو يطير عشان يمشي البلد
يودي الخبر
وحماد سرح ( والله يا أم الحسن والله يا ما تسعدي
والله لا تسقي البهم
لا تحشي قش وسماحة ساكت تقعدي
شطح الخيال قدامو وشاف أم الحسن في أحلى توب
زي العروس متحننة ومتعطرة
وفي اللحظة ديك
لاقاهو بص شمبات
وحماد طار على الأرض إنطرح
والدم بحر سال في التراب
وقليبو يا دوب محتضن الفرح
والدم كتب فوق التراب
والله يا أم الحسن والله يا ما تسعدي
والله لا تسقي البهم لا تحشي قش
وسماحة ساكت تقعدي
والرادي بعد الكافينول
يعلن عن الجثة ويقول:
زول بي شنب وخدود أفقي مفصدة
وفي الجيب خمسطاشر قرش وحجاب عشان عين العدو

عماد الشفيع
ملك القفشات
ملك القفشات

عدد الرسائل: 705
تاريخ التسجيل: 15/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف هيثم على الشفيع في الأحد يناير 31, 2010 2:17 pm

عماد الشفيع كتب:

أختو اللي من أربع سنين لابسالا توب
واحد قديم وجد تمشيبو للبكاء والفرح
تمشيبو للجار والبعيد




والله يا أم الحسن والله يا ما تسعدي
والله لا تسقي البهم
لا تحشي قش وسماحة ساكت تقعدي

مشكووووور ياعمدة على تكملة النص

لكن:

مثلي مثل إنصاف ما زالت عالقة بذاكرتي الكثير من مقاطع هذه القصيدة
(وبالمناسبة "حميد" لا ينكر بتاتاً أنه كتب عم عبد الرحيم بعد سماعه لهذه القصيدة)
وما أردت قوله هنا أن أم الحسن هي زوجته وليست أخته ،
وأظن أن من قام بنشر القصيدة كان من دعاة المشروع الحضاري الذين يعتبرون (الدلكة والدخان)كلمات فاضحة ومخلة بالآداب....

لذلك فالمقطع هو : كما أوردته إنصاف وليس "سماحة ساكت"

هيثم على الشفيع
مشرف

عدد الرسائل: 1910
العمر: 43
الموقع: ام درمان-الثورة
تاريخ التسجيل: 23/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: استراحة مع اجمل ما كتبه شعراء الشايقية

مُساهمة من طرف معاوية علي الشفيع في الأحد يناير 31, 2010 2:47 pm

على ما أذكر الحجاب كان عشان عين العدا...مش عين العدو..

معاوية علي الشفيع
صاحب تختو في الجرح
صاحب تختو في الجرح

عدد الرسائل: 345
العمر: 34
المهنة: لاعب كرةقدم متقاعد
الهواية: ممارسة الطب
تاريخ التسجيل: 06/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى