عماد الشفيع علي بنبر مولع

من طرف ياسر الخميس فبراير 07, 2008 12:38 pm

الاخوة / اعضاء المنتدي بعد موافقة ادارة المنتدي علي انشاء الكرسي الساخن قررنا ان نسميه بنبر مولِع وساقوم بتسمية العضو الذي سيجلس عليه اولا ثم سيقوم اي عضو بتسمية من يليه وهكذا.
واقترح ان يكون اول من يجلس عليه هو العم:عمادعبد الرحمن والاسئلة الافتتاحية كالاتي:

الاسم الكامل:
الحالة الاجتماعية:
العمل :
المراحل الدراسية:
السن :

أمانة ما وقع راجل ,,,,,,,,,و جاوب لينا علي الاسئلة الاولية دي وبعدها شيل شيلتك ,,, والله نفافلك فلفلة جد,,,, تحياتي

من طرف عماد الشفيع الخميس فبراير 07, 2008 1:00 pm

الاسم : عماد عبد الرحمن الشفيع
الحالة الاجتماعية : متزوج وللله الحمد
العمل : موظف بشركة افراس للتجارة والمقاولات - الدمام
المراحل الدراسية :الابتدائية بكوستى+مدنى + الحصاحيصا الثانوية العامة الحصاحيصا ج + الثانوية الحصاحيصا الحكومية0
السن : 48 سنة

المدير العام كتب:يا اخوي وين الحصا حيصا الغربية والكاملين او المعيلق؟ بدينا الدسديس من هسه؟

أول حاجة التحية لياسر ميرغني على الفكرة الجميلة والبنتمنى تجر رجل الناس للمشاركة
تانياً: الدكتور جيكل والمستر هايد (أطلع من المدير العام وشارك بميرغني الزبيدي وبطل الهباشة)
ثالثاُ: ياعمدة نبداها من تحت:قريت روضة ولا زمنكم كانت مافي؟؟؟

يا اخوي وين الحصا حيصا الغربية والكاملين او المعيلق؟ بدينا الدسديس من هسه؟

تعرف يا هيثم تاني المدير دي ما حأخش بيها كلو كلو ,,,, ولو لاحظت حتلقي 500 مشاركة باسم المدير ونحولها لي ميرغني المسكين ,,, نسوي شنو انتو قاعدين لينا بالمرصاد.

الاخ عماد: هاك الكوم دا

ماهو اكثر شئي تكرهه في الدنيا ؟
أحب الوقات الي نفسك؟
عيوبك؟
محاسنك ان وجدت؟
فترة سكنكم بالمايقوما؟
قصة الحرامي الزريتو او زراك في الزقاق؟
والتقيل جايييي

من طرف عماد الشفيع الخميس فبراير 07, 2008 1:54 pm

[quote="هيثم على الشفيع"]

المدير العام كتب:يا اخوي وين الحصا حيصا الغربية والكاملين او المعيلق؟ بدينا الدسديس من هسه؟

أول حاجة التحية لياسر ميرغني على الفكرة الجميلة والبنتمنى تجر رجل الناس للمشاركة
تانياً: الدكتور جيكل والمستر هايد (أطلع من المدير العام وشارك بميرغني الزبيدي وبطل الهباشة)
ثالثاُ: ياعمدة نبداها من تحت:قريت روضة ولا زمنكم كانت مافي؟؟؟[ /

********************************

التحية للأخ هيثم الشفيع وشنو بقيت تشرد منى طبعا قريت الروضة وكانت آبلتنا آبلة عواطف وآبلة دولة وطبعا كنت بجى الأول ( ياسر مرغنى والله ياولدى كان ابوك قرأ الروضة أنا قريتها وكان ما قرأها انا ماقرأتها كدى اسألو )

هاياااااااااااااااااااااعمدة
دولة دي-الله يرحما- درستني أنا ولما جات لعزا المرحوم ياسر عرفت منها إنها لما درستنا كان عمرها 17 سنة يعني مواليد 1960 .....أقنعني إنها درستك!!!!
بعدين تحت تحت سمعت إنو غششوك في موضوع مدرسات الروضة دي
قال روضة قال

من طرف عماد الشفيع السبت فبراير 09, 2008 9:25 am

ميرغني ابراهيم عمر كتب:الاخ عماد: هاك الكوم دا

ماهو اكثر شئي تكرهه في الدنيا ؟
أحب الوقات الي نفسك؟
عيوبك؟
محاسنك ان وجدت؟
فترة سكنكم بالمايقوما؟
قصة الحرامي الزريتو او زراك في الزقاق؟
والتقيل جايييي

الغربة ( اصلو طعيمه مُر لكن قاعد بالجبر ) والمقعدنى الأمرة منها وثانيا الرحيل من مكان لآخر وثالثا اسرائيل والهلال وريال مدريد
احب الاوقات الى نفسى ( جلسة عائلية فى بيتنا قدام امى تعمل لينا فى الشاى باللقيمات واخوانى واخواتى واولادى كلنا قاعدين فى يوم اجازة وتمتد الجلسة حتى مواعيد الفطور )
عيوبى : احمد الله ماعندى عيوب الأ 0000000000000 ؟؟
المحاسن : طبعا الواحد لايدرى او بمعنى اصح يترك للآخرين تقديرها
فترة سكنا بالمايقوما : كانت فترة جميلة وطبعا انا اعتبر فترة السكن بالحصاحيصا بصفة عامة هى اجمل فترة فى حياتى وهذه المدينة الجميلة لها وقع فى نفسى وجمال المنطقة يأتى من جمال الشلة والصحبة وطبعا انا اسميا كنت ساكن فى المايقوما لكن اغلب الفترات كنت جالس فى اشلاق البوليس حتى الوالدة الله يديها طولة العمر قال عماد يدخل من الباب الصغير ويخرج من الباب الكبير ويرجع للأشلاق 0
قصة الحرامى : ايام الامتحانات قبل ان نعمل فيها فيها يامرغنى عايزين نسكن الداخلية للقراءة المهم كنت بزاكر انا واحمد ودفاطنة ومعنا بت جارتنا اسمها على ما اعتقد نورة وعند الساعة الثالثة صباحا المهم احمد نام وانا قررت الذهاب للحمام ( الأدبخانة ) وكان بينها وبين الصالون زقاق وانا من عادتى ما بعاين قدامى المهم وانا لافى لجهة الزقاق والأ واصطدمت بشخص وعندما رفعت رأسى وجدت ليك وآحد طوله تقول مترين واسود اللون ولابس اسود فى اسود وفى تلك اللحظة رجع كل منا خطوتين للخلف بعد ن مكثنا اكثر من دقيقة كل من ينظر للآخر ( مهجومين ) وطبعا بعد داك اخوك راجل عملت فيها عايز اضرب بونية وهو من الخلعة رجع وقفز من الحيطة وانا جريت للداخل و كوركت الكوريكة المشهورة الحرااااااامى واذا بالجميع يصحون من النوم واحدين جو شايلين سكاكين واحدين شايلين عكاكيز لكن الخو0000000000 لحدى هسع مامرقت ( طبعا ياياسر مرغنى نحن كنا صغار وبنخوف الحرامية ) 0

من طرف ياسر السبت فبراير 09, 2008 9:57 am

العم عماد/ طيب اكان بتخوف الحرامية مالك بتكورك حرااامي بعد ما نط وكت بتخوف الحرامية ولحد هسة الخلعة ما طلعت وعلى فكرة انت قاصد بتخوف الحرامية ولا بتخاف منهم ,,,,,,,,,جاوب لي علي الااسئلة دي بكل صراحة

من طرف عماد الشفيع السبت فبراير 09, 2008 10:03 am

ياسر ميرغني كتب:العم عماد/ طيب اكان بتخوف الحرامية مالك بتكورك حرااامي بعد ما نط وكت بتخوف الحرامية ولحد هسة الخلعة ما طلعت وعلى فكرة انت قاصد بتخوف الحرامية ولا بتخاف منهم ,,,,,,,,,جاوب لي علي الااسئلة دي بكل صراحة

والله ياولدنا ياسر داير تبقى لى زي ابوك المهم بصراحة بصراحة الزمن داك كنا بنخاف منهم ( طبعا انا وأبوك ) لكن هسع بنخوف 100 حرامى 0

من طرف ياسر السبت فبراير 09, 2008 10:40 am

ابوي قال لي البنية القلتها دي ما حصلت ,,, انت قلت اعمل للحرامي انا عايز اديهو بنية عشان اجري , وقمت حركت يدك زي العايز تدي بنية قام الحرامي فك فيك بنية وانت قمت كوركت {الحرآآآآآآآآآآآآآآآآآآآآآآآآآآآآآمي} صاح ولا لا.

عماد كيف حالك؟
1/ حكمة تؤمن بها؟
2/ شخصية في حياتك؟
3/ علاقة عماد بالغناء؟
ولسه وراك.

من طرف عماد الشفيع السبت فبراير 09, 2008 11:13 am

ياسر ميرغني كتب:ابوي قال لي البنية القلتها دي ما حصلت ,,, انت قلت اعمل للحرامي انا عايز اديهو بنية عشان اجري , وقمت حركت يدك زي العايز تدي بنية قام الحرامي فك فيك بنية وانت قمت كوركت ر الحرآآآآآآآآآآآآآآآآآآآآآآآآآآآآآمي} صاح ولا لا.

والله صاح بس انا نسيت الحته دى وابوك قاعد للنبش وانا حمدت الله قايلك قاعد براك فى المنتدى هو الصحاه شنو ؟

من طرف عماد الشفيع السبت فبراير 09, 2008 11:24 am

ميرغني ابراهيم عمر كتب:عماد كيف حالك؟
1/ حكمة تؤمن بها؟
2/ شخصية في حياتك؟
3/ علاقة عماد بالغناء؟
ولسه وراك.

01/ اتق شر من احسنت اليه
02/ رسول الله ( ص ) والوالد عليه الرحمة
03/ ( جيناكم من الايام ) وعليها قيس بس مستمع جيد وخاصة غناء الطنبور

العمدة بفرح متين؟؟
وبزعل متين؟؟؟

العمدة والحظ ,,,, وحكاية عن حظك المولع؟

من طرف عماد الشفيع الإثنين فبراير 11, 2008 7:38 am

هيثم على الشفيع كتب:العمدة بفرح متين؟؟
وبزعل متين؟؟؟

يا اخوى الحسين الصغير الحسين الكبير بيفرح لفرح الآخرين ويزعل لزعل الآخرين وبرضو البزعلو الفراق بآقى قلبو رهيف وما بيقدر على الهببآى

من طرف عماد الشفيع الإثنين فبراير 11, 2008 7:43 am

ميرغني ابراهيم عمر كتب:العمدة والحظ ,,,, وحكاية عن حظك المولع؟

والله احمد الله ما يا هو الحظ داك لكن انا بعتبر الحظ فرصة بتجى للشخص وكيف يستثمرها وانا جاءتنى الفرصة مرتين ولم اسثمرهم وانت عليك ان تقيس حظى 0000000000000

من طرف هالة الزبيدي الإثنين فبراير 11, 2008 7:59 am

اولا لك التحية ياسر ميرغني الموضوع جميل
ولك التحية اخونا عما د الشفيع لمن اجهز ليك اسئلة

من طرف عماد الشفيع الإثنين فبراير 11, 2008 8:15 am

هالة الزبيدي كتب:اولا لك التحية ياسر ميرغني الموضوع جميل
ولك التحية اخونا عما د الشفيع لمن اجهز ليك اسئلة

شكرا اختنا هالة يديك الله الصحة والعافية ويظهر الجماعة ديل داير يلحقونى امات طه وبقوا لى زى عمر الجزلى ( اسماء فى حياتنا ) اى يزول يجيبه بعد فترة ينقرض وانا اتمنى فترتى تطول شوية لأنه ماشفنا للدنيا دى حاجة ( لسه انا واخوك مرغنى صغار وجهال ) آآى يامرغنى زى عائشة الفلاتية
التحية ليك تانى بس عايز منك خدمة قولى لبعلك العزيز اصحى يابريش؟؟؟؟؟؟؟

من طرف ياسر الإثنين فبراير 11, 2008 11:05 am

العم عماد/ هاك الاسئلة دي :
علاقة عماد بالكورة ؟
اكثر شيء افرحك ؟
اكثر شيء زعلك ؟
ماذا كنت تتمنى ان تعمل غير عملك الحالي؟
ان شاء الله تعجبك الاسئلة دي لاني لسة ما بديت

عمدة كيف حالك ؟
اختصرتنا يا اخي ,, شنو كلمتين وزايغ؟
هؤلاء في كلمات":
محمد الجمل
جلال الجزولي
علي بتاع الطعمية
حاجة الدهر
الزينة بت عيسي
الرحمة لمن رحل والصحة لمن بقي.

ياسر ميرغني كتب:العم عماد/ هاك الاسئلة دي :
علاقة عماد بالكورة ؟
اكثر شيء افرحك ؟
اكثر شيء زعلك ؟
ماذا كنت تتمنى ان تعمل غير عملك الحالي؟
ان شاء الله تعجبك الاسئلة دي لاني لسة ما بديت

ولدنا ياسر شوية شوية على عمك
اولا : الكورة احب الهوايات لى وطبعا كنت بلعب وسط مهاجم يعنى زى ديغو فى برشلونة وطبعا لعبنا محليين فى فريق الاشلاق وكنا نجد متعتنا فى الكورة لأنك تلعب وتضحك وتشاكل وكلنا كنا مع بعض وبالمناسبة مرة جابونى فى الاذاعة ببرنامج الرياضة ( مرغنى دى انت عارفها ) كنت فى الثانوى العامة فى الكاملين ولاعبين ضد مدرسة ثانية فى الدورة المدرسية وانهزمنا 2/1 وانا احرزت الهدف 0
ثانيا : فرحت عندما جاء ابنى محمد الاول مكرر على جميع فصول المدرسة بينبع وفى اول عام دراسى له وطبعا الاشياء المفرحة كثيرة لكن هذا اكثر شئ افرحنى 0
ثالثا : اكثر شئ زعلنى وفاة الوالد عليه الرحمة 0
رابعا : كنت أتمنى أن أكون كابتن طيار ( عشان اشوف بلاد الدنيا الواسعة )

ميرغني ابراهيم عمر كتب:عمدة كيف حالك ؟
اختصرتنا يا اخي ,, شنو كلمتين وزايغ؟
هؤلاء في كلمات":
محمد الجمل
جلال الجزولي
علي بتاع الطعمية
حاجة الدهر
الزينة بت عيسي
الرحمة لمن رحل والصحة لمن بقي.

محمد الجمل شخصية محببة لكل الذين عاشوا فى الاشلاق حقبة السبعينات وطبعا كان مع ناس عمك يوسف محمد احمد وزوجته خديجة بت مدنى طبعا هو انسان غير سوى وكان يخدم ابهاتنا خاصة عندما يحضرون من المركز تلقاه شايل البطيخ والقفف وطبعا كان عنده صلعة زى حقت شبو وعندما تضع اصبعك على صلعته بحركة لا ارادية يقول تييييت ( بورى العربية ) لكن لازم تكون حذر عندما ترفع اصبعك تقوم جارى ( زى 000000) المهم اذا قبضك كان الله فى عونك ومن اقواله المأثورة ( بالتحرقك بالتحرق ابوك ) اظنو كفاية 0
جلال الجزولى والله يامرغنى بتذكروا رهاب رهاب
على بتاع الطعمية نسيتو عديييل
حاجة الدهر امرأة مكافحة لها دكان فى أول المايقوما ناس الاشلاق بيشتروا منها بالمناسبة الزمن داك ما كان واحد عندو عقلية تجارية الاشلاق ما كان فيه دكان ولا طبلية ساى والله الفرصة لو لقاها بنغالى كان بقى حاجة تانية
حاجة الزينة الله يرحمها امرأة علم يكفى انها أم قدورة وابو كشر والتوم قرشو ومن بعيد تعرف انو المرة ديك هى الزينة لأن عجاجتها رابطة وكمان كانت ساوة المشى لرفاعة ساساقها الله يرحمها

عماد / شكرا للاجابات المستفيضة ,,, أما جلال الجزولي كان مهاجم هلال الحصاحيصا والمدرسة في الدورات المدرسية معقول يا عمدة صفيت ؟ عمك علي بتاع الطعمية كان بيقعد جنب دكان عمك محي الدين بتاع الفول ضخم الجثة وكان يعمل بالهيئة المركزية نهارا,,,,,اما سؤال اليوم:

محطات في حياة عماد ؟
الغربة ماذا اكسبتك وماذا افقدتك ؟,,,, يلا إتفشي.

من طرف عماد الشفيع السبت فبراير 16, 2008 12:13 pm

ميرغني ابراهيم عمر كتب:عماد / شكرا للاجابات المستفيضة ,,, أما جلال الجزولي كان مهاجم هلال الحصاحيصا والمدرسة في الدورات المدرسية معقول يا عمدة صفيت ؟ عمك علي بتاع الطعمية كان بيقعد جنب دكان عمك محي الدين بتاع الفول ضخم الجثة وكان يعمل بالهيئة المركزية نهارا,,,,,اما سؤال اليوم:

محطات في حياة عماد ؟
الغربة ماذا اكشسبتك وماذا افقدتك ؟,,,, يلا إتفشي.

المحطة الاولى : مدينة كوستى نشأت فيها وبدأت الدراسة فيها برضو اشلاق بوليس ( تصدق يامرغنى ونحن فى كوستى كنا مدردحين ) للذين يعرفون كوستى فيها معالم مثل ضريح سيدى الحسن والزيارة بتاعت المستشفى وديل العصركنا نبيع فيهم صابون الغسيل 3 بعشرة قروش وفى زيارة المستشفى فيها كان سوق عامر كنا نبيع القماش طبعا العصرية فقط وعلى ما اذكر المتر كان 000 ولا بلاش نقوم ندخل نفسنا فى الدقداق وخاصة المتربصين كتار ومع ذلك كنا اولاد ناس مش زى ناس الباقر اخوه محمد ود العباس كانو يبيعوا عصير الليمون ولمن خلاص السوق ينتهى يشربوا لمن تمتلئ بطونهم والباقى يتشطفوا بيه حساده بس ( على حسب قول الراوى وهو كبير 0000000000 حافظ الشيخ ) 0
المحطة الثانية : مدنى / دردق / محطة الشجرة ومكثنا فيها شهور والتحقت بمدرسة دردق الابتدائية 0
ثالث المحطات :وهى المحطة الرئيسية واذا رجعت لاشلاق دوت كوم تجدنا اسهبنا فيها
رابع المحطات /السكن امدرمان امبده العمل ديوان شئون الخدمة / مطعم وزارة الشباب والرياضة
المحطة الخامسة : سنة الف وتسعمائة و000000 بداية الغربة اللعينة وفيها عدة محطات بداية بالرياض ثم تبوك ثم شرورة ثم ينبع ثم جدة ثم الطائف ثم الدمام وانشاء الله ( ثم الجاية ) السودان نواصل 0000000000

ياعمدة في سؤال من ميرغني
يا ماشفتو ...يا..عملت فيها ما شايفو،،،وهو:-
الغربة........ماذا أفقدتك ؟؟وماذا أكسبتك؟؟؟؟؟

من طرف عماد الشفيع السبت فبراير 16, 2008 3:07 pm

هيثم على الشفيع كتب:ياعمدة في سؤال من ميرغني
يا ماشفتو ...يا..عملت فيها ما شايفو،،،وهو:-
الغربة........ماذا أفقدتك ؟؟وماذا أكسبتك؟؟؟؟؟

والله يا هيثم شفتو آآآآآآآآآآآآآآآآآآآآآآآآآآآآآآآآآآآآآآآآآآآآآآآآه من الغربه وانا قصدت بالمواصلة لأن السؤال دخل فى اللحم الحى والواحد داير يجر ليه نفس طويل وبعد داك يبدأ 00000000000نواصل غدا بإذن الله 000

الاخ عماد ,,, اخيرا نجحنا في تحريضك علي الكتابة ,,,, بعفوية ,,, وصدقني في اجاباتك الاخيرة استمتعت بي عمدة الحقيقي وليس عمدة المتحفظ,,,, وواصل وامتعنا بعمدة الحقيقي,,,, لك الود.

من طرف عماد الشفيع الإثنين فبراير 18, 2008 3:57 pm

عماد الشفيع كتب:
ميرغني ابراهيم عمر كتب:عماد / شكرا للاجابات المستفيضة ,,, أما جلال الجزولي كان مهاجم هلال الحصاحيصا والمدرسة في الدورات المدرسية معقول يا عمدة صفيت ؟ عمك علي بتاع الطعمية كان بيقعد جنب دكان عمك محي الدين بتاع الفول ضخم الجثة وكان يعمل بالهيئة المركزية نهارا,,,,,اما سؤال اليوم:

محطات في حياة عماد ؟
الغربة ماذا اكشسبتك وماذا افقدتك ؟,,,, يلا إتفشي.
المحطة الاولى : مدينة كوستى نشأت فيها وبدأت الدراسة فيها برضو اشلاق بوليس ( تصدق يامرغنى ونحن فى كوستى كنا مدردحين ) للذين يعرفون كوستى فيها معالم مثل ضريح سيدى الحسن والزيارة بتاعت المستشفى وديل العصركنا نبيع فيهم صابون الغسيل 3 بعشرة قروش وفى زيارة المستشفى فيها كان سوق عامر كنا نبيع القماش طبعا العصرية فقط وعلى ما اذكر المتر كان 000 ولا بلاش نقوم ندخل نفسنا فى الدقداق وخاصة المتربصين كتار ومع ذلك كنا اولاد ناس مش زى ناس الباقر اخوه محمد ود العباس كانو يبيعوا عصير الليمون ولمن خلاص السوق ينتهى يشربوا لمن تمتلئ بطونهم والباقى يتشطفوا بيه حساده بس ( على حسب قول الراوى وهو كبير 0000000000 حافظ الشيخ ) 0
المحطة الثانية : مدنى / دردق / محطة الشجرة ومكثنا فيها شهور والتحقت بمدرسة دردق الابتدائية 0
ثالث المحطات :وهى المحطة الرئيسية واذا رجعت لاشلاق دوت كوم تجدنا اسهبنا فيها
رابع المحطات /السكن امدرمان امبده العمل ديوان شئون الخدمة / مطعم وزارة الشباب والرياضة
المحطة الخامسة : سنة الف وتسعمائة و000000 بداية الغربة اللعينة وفيها عدة محطات بداية بالرياض ثم تبوك ثم شرورة ثم ينبع ثم جدة ثم الطائف ثم الدمام وانشاء الله ( ثم الجاية ) السودان نواصل 0000000000

الغربة احسن تشبيه لها افتكر ( الغربة مثل طاولة القمار الذى كسب عايز يزيد والذى خسر عايز يعوض ) وفى كلتا الحالات الزمن يسرق المغتربين اما بخصوصى انا وبما ان السؤال موجه لى والله حسابيا يامرغنى واذا حسبناها بالربح والخسارة فأننى اعتبرنفسى خسران لكن احمد الله للأعطتنى له الغربة اللعينة وهى ستر الحال وخلتنى انا واسرتى مستورين الحال ( مستروين الحال دى فسرها زى ماعيز تفسرها ) والذى اخذته منى الغربة والله كتير يكفى ذهاب شبابنا واجمل لحظات عمرنا ضاعت فى الغربة برامج ممل وتعب وشقى وبعاد من الاهل والصحاب وزيادة كل ذلك الامراض الواحد فينا فقد الاحساس بالزمن وبطعم الحياة والبرنامج بقى يوميا وروتينى الصحيان صباحا / الدوام / الاكل / مشاهدة القنوات التلفزيونية المملة + اخذ الدواء فى مواعيده ( بقيت زى حبوبة زينب ) كيس الدواء لايفارقنا ثم النوم 0

مليت من الغربة يامحمد ياولدى يا ايدى اليمين
داير الرجوع بس كيف يكون وتفكيرى فيه انا من متين
كل ما اقول اصبر شوية باكر تكون الحالة زين
القى الظروف ياها الظروف بس زايده سؤ بحلف يمين
00000000000000000000000000000000
وطبعا جسدها شاعر الشايقية واختصرها فى :
الغربة اصلو طعيما مر لكنى بقعد بالجبر
لامن سنين الهم تمر ياربى الهمنى الصبر

الاخ/ عمدة ,,,,,,,, انا علرفك ممكون اكتر من كده ,,,,,, لكن اكتفينا من الغربة.
هؤلاء في كلمات:
الشيخ سلمان
عمك علي الصول
بابكر بانقا
ابو عبيدة حسن الطيب
وحتما سنلتقي مرة اخري

من طرف عماد الشفيع الثلاثاء فبراير 19, 2008 9:45 am

ميرغني ابراهيم عمر كتب:الاخ/ عمدة ,,,,,,,, انا علرفك ممكون اكتر من كده ,,,,,, لكن اكتفينا من الغربة.
هؤلاء في كلمات:
الشيخ سلمان
عمك علي الصول
بابكر بانقا
ابو عبيدة حسن الطيب
وحتما سنلتقي مرة اخري

الشيخ سلمان : شخصية غامضة وصارمة وحازمة للذين لايعرفوه وشخصية جميلة دمها خفيف له قفشات ومواقف للذين عاصروه وعاشوا معه وكان يلقب بالعمدة رحمة الله عليه 0
عمك على الصول : وهو صول المدرسة الثانوية الحكومية وكان من منطقتكم ( البسابير ) ولا من حجر العسل لا اتذكر المهم من الاشياء التى لم انساها ابدا عندما تم اختيارنا انا وانت واظن معتصم يوسف العوض ومعنا بعض الطلبة بزى التدريب العسكرى لمدرسة البنات الثانوية العليا فى الدورة المدرسية والمبارة بين رفاعة الثانوية والحصاحيصا الثانوية فى الكرة الطائرة وهذا اليوم لن انساه ابدا للمضايقات التى تعرضنا لها 0
ابوعبيدة حسن الطيب : بالمناسبة هو معنا بالدمام وياهو ابوعبيده جمال اخوه يتشاف اكبر منه وهو شخصية مرحة يمتاز هو واخوانه الذين عاشرناهم بأنهم يقيظوك ويطلعوا 000 وعندما تعكس ردت فعلك عليهم يقابلونها ببرود شديد وابوعبيدة له مواقف مع بابكر بانقا وفيصل ساتى( باشاتا ) فى الخصوص وفى مرة طبعا غاظ بابكر بانقا فما كان من ودبانقا الا وطار فوق واده ابوعبيدة كف طبعا ابوعبيدة ضحك ضحكته المشهورة بس 0
بابكر بانقا : ايضا قابلته فى زواج معاوية الشيخ وبينى وبينكم والله حاليا بقى اصغر من زمان طبعا كان لاعب كرة ماهر بس بتاع مزاج وايضا فى الكوتشينة ( الوست ) كان بتاع نظرية يلعب ليك عشرة بواحد آتو ويقول ممكن اوآقع زميلى ولا انسى عندما زعل جمال السر فى التمرين وكان عايز يقد الكفر وطبعا جمال اعمى وكان يفتش فى مسمار ولم يجده وفى تلك اللحظة هدأ جمال فما كان من ودبانقا حصل ليه مسمار وقام اعطاه لجمال ونفذ جمال وعده وتم تقسم الكفر على الجميع كالمعتاد وطبعا مقولة ود العباس قال تقابل بابكر بانقا تلقاه لابس جلابية فى الجيب اليمين كيس تمباك والجيب اليسار سماعة الكشف طبعا بعد مابقى دكتور 0

الاخ / عماد الشفيع ,,, سميناهو بنبر مولع ,,, وشكلو يا دوب حيولع .
عماد واللا مبالاة ,,,, هل الاتهام صحيح ولا لا,,, اشرح.
عماد وكلية الشرطة ,,,,,
عماد والاصحاب,,,,,,,,,,,,,,,,
لك التحية

ميرغني ابراهيم عمر كتب:
عماد واللا مبالاة ,,,, هل الاتهام صحيح ولا لا,,, اشرح.
عماد وكلية الشرطة ,,,,,
عماد والاصحاب,,,,,,,,,,,,,,,,
لك التحية

وقبل تجاوب ميرغني زيد عليها:
صحي عماد طيب وبيثق في أي زول ؟؟؟؟

العمدة ما عارفك عملت شنو في الصفحة ال3 الفيها الاسئلة الحارة ,,,,, يستلزم دخول الادارة لحلها,,,, وبعد داك نواصل.

يااااعمدة
شنو آخوي عملت نايم؟؟؟
ميرغني سألك كم سؤال وأنا زدت عليهم واحد وإنت عامل رايح
أصحى يابريش عشان نخلص منك نشوف زول نقعدو بدلك

عماد شنو يا اخي!!!!!!!! ما تجاوب لينا علي الاسئلة دي ,,, وكان قايلنا بنطنش ,,, لعلمك لن يبدأ بنبر جديد قبل ان تكمل اجاباتك. لك الود.

الاعزاء / مرغنى وهيثم
قدر ماقلت ازوغ من الأسئلة الأخيرة وقلت الشهر تم بقيتو لى فى حلقى وبما اننى لدى مأمورية عمل اليوم للرياض وسوف تمتد ليوم السبت وبيكون الشهر تم وانتم مصرين على الاجابة فسوف اختصر الاجابة فى كلمات ارجو السماح :-
01/ عماد واللامبالة دى حقيقة اعترف بها وظلت مبارينى حتى كبرنا واغتربنا وبقت عندنا مسئولية واولاد وعائلة وبقيت مسئول من اسرة وانقلبت الآية ( زمان الوالد الله يرحمه كان شايل المسئولية ) وطبعا الغربة مافيها لعب لازم تبقى مسئول والأ مابتأكل عيش وايضا بقى عندنا اولاد واسرة لازم يقتدوا بنا 0
02/ عماد وكلية الشرطة والله كانت حلمى وامنيتى لكن بقدرة قادر تغير اتجاهى وقصبا عنى وطبعا قصتها طويلة يامرغنى وانت اكتر واحد يدرى بذلك ( لكن قدر الله وماشاء الله فعل )0
03/ عماد والصحاب : هذه نعمة اعتز بها وهى كثرة الصحاب وبينى وبينكم أى شخص أعرفه اصاحبه وطبعا دى مشكلة لأن هناك اصحاب مرات يودوك سقط لقط ( واضرب مثل بازهرى ص0000) 0
04/ والله ياهيثم برضو من مشاكلى انو بثق فى أى زول والمصيبة بيقولوا المؤمن لايلدغ من جحر مرتين ونحن للثقة الزائدة و العوارة والهبالة الدغ 100 مرة
*************
ا

من طرف عماد الشفيع السبت مارس 01, 2008 10:15 am

وبما اننى سوف اختار الشخص الذى يجلس فى البنبر لشهر مارس 2008 م فأننى اضع الأخ العزيز مدثر الجاهورى واول سؤال اطرحه له هو 000عرفنا بنفسك :
01/ انت منو ؟؟؟؟
عمرك / جنسك / من ياتو منطقة / شغال شنو / هسع انت وين /الحالة الاجتماعية / ولازززم وقبل كل شئ تورينا صورتك 0 طبعا الشئ الوحيد الذى اعرفه عنك انك هلالابى متعصب وما أكلت الموليته مع خالص تحياتى وامنياتى لك بالتوفيق وشيل شيلتك انا شردته 0 عذرا السيد المدير نأمل الموافقة والاعتماد على جلوس هذا العضو فى بنبر ياسر المولع 0

من طرف **المشرف العام** السبت مارس 01, 2008 12:03 pm

لقد تم تثبيت الموضوع وفي انتظار اخونا الجاهوري,,,,, للرد علي اسئلة الاخوة الاعضاء

من طرف مدثر الجاهوري السبت مارس 01, 2008 4:55 pm

عماد الشفيع كتب:وبما اننى سوف اختار الشخص الذى يجلس فى البنبر لشهر مارس 2008 م فأننى اضع الأخ العزيز مدثر الجاهورى واول سؤال اطرحه له هو 000عرفنا بنفسك :
01/ انت منو ؟؟؟؟
عمرك / جنسك / من ياتو منطقة / شغال شنو / هسع انت وين /الحالة الاجتماعية / ولازززم وقبل كل شئ تورينا صورتك 0 طبعا الشئ الوحيد الذى اعرفه عنك انك هلالابى متعصب وما أكلت الموليته مع خالص تحياتى وامنياتى لك بالتوفيق وشيل شيلتك انا شردته 0 عذرا السيد المدير نأمل الموافقة والاعتماد على جلوس هذا العضو فى بنبر ياسر المولع 0

الأخ عماد الشفيع .. أول حاجة كتر خيرك وبارك الله فيك والفيك اتعرفت تسمع لي كلام ميرغني وتورطني في بنبركم ده .. بعدين أنا محامي بسأل مش بسألوني .. الظاهر موضوع الشعار وهلاليتنا ألقت بظلالها .. عموماً بناء على طلبات الجمهور وحرام بعض الشباب بنقعد في البنبر المولع .. بسم الله الهبشك ما ضراك ..
الأسم : مدثر عثمان الجاهوري
الجنسية : سوداني بالميلاد .. وإن كنت تقصد القبيلة شايقي والحمد لله
العمر : مواليد 1/12/1963م مواليد منطقة الجزيرة نسري جنوب شندي
المنطقة : سكان الحصاحيصا ده أخر مدينة أتحركت منها وجيت السعودية لكن لمن أرجع بستقر في الخرطوم محل الرئيس بنوم والطيارة بتقوم
شغال شنوا : في السودان كنت شغال محامي وكان عندي مكتب بالحصاحيصا .. حالياً شغال مستشار قانوني بالغرفة التجارية الصناعية بمدينة حائل بالمملكة العربية السعودية
هسع أنت وين : أنا الأن بالمملكة العربية السعودية مدينة حائل
الحالة الاجتماعية : متزوج ولدي بنت أسمه إيلاف تسعة سنوات ومصطفي خمسة سنوات
صورتي : برسلة للمدير بالمسنجر عشان انزله
أهم حاجة : أنا هلالابي موت وبشجع برضوا ريال مدريد الفريق الملكي الأسباني أنا وصاحبي متي .. وكذلك الانتر بإيطاليا
وبكره أي حاجة حمراء يعني تور .. الإشارة الحمراء .. النار الحمراء .. الشطة الحمراء تتصور بأكل الشطة الخضراء فقط .. الشاي الأحمر بشرب شاي بلبن
أي سؤال نحن جاهزين بس ما تسمع كلام الحاقدين .. لك الشكر والتقدير الأخ عمده

من طرف مدثر الجاهوري السبت مارس 01, 2008 4:57 pm

المدير العام كتب:لقد تم تثبيت الموضوع وفي انتظار اخونا الجاهوري,,,,, للرد علي اسئلة الاخوة الاعضاء

الأخ المدير .. مدير الهناء أنت بس قاعد للتثبيت .. يعني تعكسه وتجري تلحقه تحرز الهدف عموماً مؤمرة وكشفناها

من طرف عماد الشفيع الأحد مارس 02, 2008 9:05 am

الاخ / مدثر تحياتى شكرا على الاسهاب لكن سبحان الله انت طلعت هلالابى وبتشجع ريال مدريد والأنتر ( رأيكم شنو يامرغنى ومعاوية ) عكسى تماما انا بشجع المريخ + اسى ميلان + برشلونة عموما نواصل اسئلة البنبر :
01/ ليك كم سنة مغترب وهل السعودية اول دولة اغتربيت لها 0
02/ طبعا مهنة المحاماة من المهن الفيها خلاف فعايز اسألك بمنتهى الصراحة والشفافية اذا عرض عليك ان تترافع على المجرمين الذين انتهكوا عرض الطفلة مرام وقتلوها ( القضية التى شغلت الشارع السودانى قبل فترة ) هل سوف توافق ولماذا ؟
03/ هل يمكن للمحامى ان يترافع عن اى قضية لمتهم مع علمه التام بان المتهم مذنب ؟
ونواصل 00000000000000 ولك التحية 00

من طرف مدثر الجاهوري الأحد مارس 02, 2008 10:27 am

عماد الشفيع كتب:الاخ / مدثر تحياتى شكرا على الاسهاب لكن سبحان الله انت طلعت هلالابى وبتشجع ريال مدريد والأنتر ( رأيكم شنو يامرغنى ومعاوية ) عكسى تماما انا بشجع المريخ + اسى ميلان + برشلونة عموما نواصل اسئلة البنبر :
01/ ليك كم سنة مغترب وهل السعودية اول دولة اغتربيت لها 0
02/ طبعا مهنة المحاماة من المهن الفيها خلاف فعايز اسألك بمنتهى الصراحة والشفافية اذا عرض عليك ان تترافع على المجرمين الذين انتهكوا عرض الطفلة مرام وقتلوها ( القضية التى شغلت الشارع السودانى قبل فترة ) هل سوف توافق ولماذا ؟
03/ هل يمكن للمحامى ان يترافع عن اى قضية لمتهم مع علمه التام بان المتهم مذنب ؟
ونواصل 00000000000000 ولك التحية 00

الأخ عماد شكراً على المرور بالنسبة للأسئلة
لي عشرة سنين بالمملكة السعودية وهي أول وسوف تكون الأخيرة بإذن الله عايزين نستقر في السودان
طبعاً قضية مرام قضية رأي عام هنالك سلبيات وإيجابيات في الترافع عنها للأتي :
1ـ القانون بحدد أنه كل متهم يجب أن يترافع عنه محامي فإذا درست القضية ووجدت مبررات للدفاع عن المتهم من واجبك كمحامي الدفاع عنه وتوضيح كافة الاحتمالات التي يمكن توقعها
2ـ المتهم قبل مرحلة المحاكمة يعتبر بريء حتى تثبت إدانته
3ـ المحامي الذي ترافع عن المتهمين في قضية مرام دفعتي وصديقي الأستاذ ساطع الحاج ومن حقه قبول الترافع عن المتهمين
المحامي يمكن أن يترافع عن متهمين ارتكبوا جرم معين لكن وفقاً للمسببات وملابسات القضية ممكن يكونوا غير مدانين وفقاً للقانون لذلك ممكن تدافع عنهم طالما توجد ثغرات في القضية ودوافع ومبررات والأمر يطول بالنسبة للمحامي ويختلف تفكيره عن الشخص العادي في مثل هذه الأمور
بالنسبة لتشجيعي للهلال وريال والانتر الحمد لله جميعها فرق قوية وليلة البارح خير دليل فوز لريال وهزيمة للبرسا وشجع يا سلام

الاخ مدثر / مرحب بيك كتير في البنبر الساخن ,,,,,
من مواليد الجزيرة نسري ,,,, وتاريخ الميلاد لا يتطابقان ,,,, اول حاجة نسري دي جنبنا وبسؤال الوالد اكد لي بما لا يدع مجالا للشك ,,, ان الجزيرة نسري وحتي نهاية السبعينات لم يكن بها قابلة قانونية ,,,, واي شخص ولد قبل هذا التاريخ كان بي داية حبل وبالتالي لم تكن هناك شهادة ميلاد,,, وعلي ما اظن شهادة تسنين تستخرج حين الدخول للمدرسة الاولية علي ايام اخونا مدثر ,,,, ووقتها كان الطالب بيخش عمرو 8_9 سنوات يعني بعد التساهل معك شهادتك تسنين 1/1/ 1956_1958 علي اقل تقدير ,,,,, وهذا استنادا إلي تقارير ديوان الاحصاء بولاية نهر النيل ,,,, والغريق لي قدام.
لك الود.

من طرف مدثر الجاهوري الأحد مارس 02, 2008 12:23 pm

ميرغني ابراهيم عمر كتب:الاخ مدثر / مرحب بيك كتير في البنبر الساخن ,,,,,
من مواليد الجزيرة نسري ,,,, وتاريخ الميلاد لا يتطابقان ,,,, اول حاجة نسري دي جنبنا وبسؤال الوالد اكد لي بما لا يدع مجالا للشك ,,, ان الجزيرة نسري وحتي نهاية السبعينات لم يكن بها قابلة قانونية ,,,, واي شخص ولد قبل هذا التاريخ كان بي داية حبل وبالتالي لم تكن هناك شهادة ميلاد,,, وعلي ما اظن شهادة تسنين تستخرج حين الدخول للمدرسة الاولية علي ايام اخونا مدثر ,,,, ووقتها كان الطالب بيخش عمرو 8_9 سنوات يعني بعد التساهل معك شهادتك تسنين 1/1/ 1956_1958 علي اقل تقدير ,,,,, وهذا استنادا إلي تقارير ديوان الاحصاء بولاية نهر النيل ,,,, والغريق لي قدام.
لك الود.

الأخ ميرغني سلام ..
أنا مواليد الجزيرة نسري وده جزيرة محاطة بالنيل من جميع الجهات وتعتبر الأشهر في ولاية نهر النيل بعد شندي وعطبرة والدامر .. بعدين القابلات كانن موجودات في الجزيرة نسري .. وأنا شهادتي ميلاد وموجودة ولو عايز برسلة ليك عشان تختها في المنتدي كعب الناس الما عندهم شهادات ميلاد ولا شهادات تسنين طلعوهن لمن جوا امتحنوا الشهادة السودانية طلعوا شهادة التسنين والجنسية مع بعض .. بعدين نحن درسنا الروضة والإبتدائي والثانوي العام والعالي وجامعة النيلين أنت من زمن خور طقت وحنتوب ووادي سيدنا وجامعة جوبا بعد السلام الأول بتاع نميري يعني أول دفعة اتخرجت من جوبا وحضرت هلال مريخ بتاعت جوبا بالمناسبة الكورة انتهت كم يعني أنت لمن جات الرياضة الجماهيرية كنت كبير في الجامعة وقالوا كنت زعلان لمن وقفوا التوتو كورة .. يعني أنت من زمن ناس قرعم وجقدول

مدثر الجاهوري كتب:
بعدين نحن درسنا الروضة والإبتدائي والثانوي العام والعالي وجامعة النيلين

أخونا مدثر حبابك
وانشالله بنبر تقوم منو نجيييييييييييييييض
والله أنا كنت متخيل ميرغني زول مغرض في قصة العمر دي لكن النص أعلاه يبين إنك بديت بنبرك بالزوغان والتلفيق
الثانوي العام دة أنا الصغير وجاهل ماحضرتو تكون حضرتو جامعة النيلين السواها الكيزان بعد 89؟؟؟؟؟؟؟؟
استغفر وقول القاهرة فرع الخرطوم
والكبر ماعيب ياخ
كعب الزول الللامي سجم الكورة الفي الدنيا كلو(الهلال-الريال-الإنتر) أحلف عليك مشجع متعصب للهلال السعودي-أعوذ بالله -

من طرف مدثر الجاهوري الأحد مارس 02, 2008 1:08 pm

هيثم على الشفيع كتب:
مدثر الجاهوري كتب:
بعدين نحن درسنا الروضة والإبتدائي والثانوي العام والعالي وجامعة النيلين
أخونا مدثر حبابك
وانشالله بنبر تقوم منو نجيييييييييييييييض
والله أنا كنت متخيل ميرغني زول مغرض في قصة العمر دي لكن النص أعلاه يبين إنك بديت بنبرك بالزوغان والتلفيق
الثانوي العام دة أنا الصغير وجاهل ماحضرتو تكون حضرتو جامعة النيلين السواها الكيزان بعد 89؟؟؟؟؟؟؟؟
استغفر وقول القاهرة فرع الخرطوم
والكبر ماعيب ياخ
كعب الزول الللامي سجم الكورة الفي الدنيا كلو(الهلال-الريال-الإنتر) أحلف عليك مشجع متعصب للهلال السعودي-أعوذ بالله -

الأخ هيثم الشفيع سلام مربع
يأخوي أنت لو دفعة ميرغني وصاحبوا تكون قريت العام كيف لازم تكون قريت الأسطي في مدني الأميرية ولا مدرسة أحمد على جابر في رفاعة قبل السلم التعليمي .. أنا قريت الثانوي العام والعالي وجامعة النيلين لمن كنت في سنة رابعة غيروها بقت النيلين واتخرجت منها الجابني ليك أنت وميرغني الأكلتوا الموليتة ولبستوا اللامبرك والترفيره .. بعدين الصورة واضحة وضوح الشمس برضوا زورناها .. بعدين الفرق ده ما فيها كلام الهلال بغلب المريخ وريال هزم برشلونة في عقر داره والانتر فاز على أي سي ميلان أخر مرة والهلال السعودي بقوز على النصر من أربعة سنوات ماضية يعني في رايك نشجع منوا