قرفان والاغاني السودانية

من طرف قرفان جدا الجمعة فبراير 06, 2009 7:20 pm

تعودت منذ زمن عادة سيئة وهي الاستماع الي الاغاني السودانية والاغاني عموما بنظرة اعتبرها واقعية فاحصة وقد يعتبرها البعض من الحالمين تشاؤمية , علي كيفهم ان شاء الله ما يسمعوا الحقيقة وقيل أسمع كلام الببكيك وما تسمع كلام البضحكك.
من يشاركني هذا الذوق العالي فليشارك بما يفتح الله عليه حتي ولو بيت بيتين من اغنية والما عاجبهم يشربوا من البحر

الاغنية الاولي : اغنية جميلة جدا لابوعركي البخيت
اسمعوها بأذن قرفان:

بوعدك
" اها بدينا الكضب"

بوعدك يا ذاتي يا اقرب قريبة
" قريبة وين و, كان قريبة هسة تكون قطعت الكبري"

الليلة بهديك نور عيوني بكل طيبة
"ما تبالغ ياخي مرة واحدة نور عيونك و طيب تشوفها هي زاتها كيف؟"

وبكرة بهديك دبلة الحب والخطوبة

"دل دل منين يا حسرة؟ ومرتب الشهر البعد الجايي مطالب , حق النبلة خليك من الدبلة في؟"

اي حاجة تزعلك حالا اسيبا
" يعني زي ناس الصعوط والسجاير وكده, السجائر حتخليها رغم انفك لكن الصعوط دا ما تبالغ, سؤال جانبي: انتو قصة الجكس مع الصعوط شنو؟"

عندي زيك كم اميرة وكم حبيبة
" إيييييييييييك"

وعدي من قلبي وارادتو ومن ضميري
"المصحف بس يا ولدنا , خليك من حكاية ضميري والجاغات"

ما في زول اجبرني ما شاورت غيري
" جبان!! والله سألت لمن زهجت, ابوها منو؟ وساكنين وين إلخ"

وكل كلمة اقولا بتصور شعوري
"بالله؟"

دي البريدة وهي الحتقابل مصيري
" نتقابل في الآتو يا حبه"

مين يفرق بين حبايب نادى شوقم
" كتييييييير, ابدأ بشرطة النظام العام , وموضوع اهلك خليو علي جنبه"

الامل زاد العواطف في طريقم
" تكون قاصد زاد العوارض مش كده"

وكل زول شايفنو بريدم
"في زول بريد لي زول ساكت اليومين دي , انت وهم؟"

والمحبة البانية رامية ظلالا فوقم
" البانية ولا البامية سيبك بلا ظلالها بلا بطيخ"

وصدقوني هذه من اجمل الاغاني السودانية واغاني ابو عركي.

قرفان

عوووووووك

مالك وقفت؟؟؟؟؟

قرفان والاغاني السودانية

قرفان والاغاني السودانية

رد: قرفان والاغاني السودانية