المواضيع الأخيرة
اسكابشنات
+6
سلمى الشفيع
قرفان جدا
الرشيد الريح نورالدين
هيثم على الشفيع
ميرغني ابراهيم
scaption
10 مشترك
أصحاب جد كوم :: خشم الباب :: إسكابشنات
صفحة 1 من اصل 1
اسكابشنات
دمغةاولى:
الغباش الفى دمى منك
لو كسر ضلعين عزرتو
(الود عاطف ود خيرى)
ختم بتوقيع:
واعلن يا صحف ضليت
خرجت ولم اعد للان
وقد ودرت محبوبى
(اللذيذونى عثمان بشرى)
ختم بارز:
اتمدد على كيفك
اتمدد قدر فرشك
وحت لو كان اذا نعشك
زنق احلامك البكرة
(الزائد لذة عثمان بشرى)
الموضوع : ترتار الحلة.....اللامى الشلة
يا سلاااااام....فى زمان ليس ببعيد كان هنالك ما يضاف الى جميل (لذيذونات) بلادى فيما يسمى الترتر (الرقاش) ....الذى ان فشلت فى الوصول الى صاحبته ولم تستلم المنديل حرير قد ينتهى المطاف بك الى نيلك الازرق او الابيض منه او الى (ابيهم) الذى علمهم (النهر)
بت لذيذونة طاعمة تصول وتجول وتكسر كل ما يمكن ان يحول بينها وبين الحبيب الذى يمتطى صهوة (الترتار) ويكثر الانظار فى الانسان الطرفو نايم وصاحى..وصاحى كالنعسان....
ترتارات لا تخضع لقانون الاعمار من بداية الدنيا (هن) واقفات امام عتبة بيوت الحلة الطيبة....تنتعل خصوبة ارض بلادى البكر وتعلن وتصرخ بمل الفم عن مبدا الحكر....وتتنفس فى (احشائها) اوكسجين بلادى النقى وتكسو ظهرها الذى لم يعرف انكسارا يوما ما بسواد قارتنا السمراء...تاخذ شكلا دائريا كمحاور الافلاك...وتكتنز بالاسلاك....ظهرها مريح ومجلسها فسيح...تضم العوام والعباقرة والاعلام...لا تابى العطالة ولا تحتقر البطالة.....تحترم الاذكياء وتغازل الاغبياء...فيها المكر والدهاء وبعض من الحياء...على اسوارها الضحك المعافى والخصام المكافا....ضحك مجلجل... وحديث (مشلشل)...وقطيعة وزريعة وقلة من الادب التى قد تخلو من ادب...
فيها طرب وميزيكا قرب....فيها مؤامرات ومحاضرات ومقارعات ومفارقات ومشاركات ....فيها وااااى وفيها سااااااى وفيها تعال شيل الشاى... فيها يا عواليق...وفيها هووووى يا مطاليق......وفيها....وفيها
ورغم ما فيها وما فيها ...فيها الود القيافة المستنى بت الحلة اللذيذوووونة....بت بتطلع مغرب متدثرة بثوب جميل فى ابهى ما يكون كيفما تحب وكيفما نحب ان نراها....تمشى الهوينى لا عجل وتتلفت يمنى وتارة يسرى وتردد فى سرها
الشوق شرب حزن المواويل
وانجرح خاطر النهار
وقبل ان تنجرح شمس بلادى وتفقد كل دمائها الندية ويلفها ليل بهيم تصرخ انت ود الترتار قوون المغربية احسن من 100 !! ومافى احسن واجمل من ذلك....انه لقاء الاوكسجين بالهايدروجين عصب حياة للترتر والترتار الذى يردد فى سره وجهره
من بعد عز المزار
والليل سها وملت
نجومو الانتظار
اانها لحظة انتظرها كثيرا...البت الذيذونة تتبختر بين الضحايا والحفايا والعرايا و(الشقايا)...وحتى الذين لم يسلموا من (هنايا) والذين افرغوا حبر الدوايا وعبروا عن اطروحة الالم الرفيع...واخرين اصابتهم سهام الاحبة واصبحت قلوبهم هائمة وحياتهم بلا نكهة كانهم يرددون
وبقت حياتى مقسمة
نص فى الارض
ونص فى السما
وانتهت بهم المطافات الى براحات هوليوود (المحايا) ...ومن بعدها كانوا او هانوا!!!
فيلم حياتى بسيط معتق ومجرتق بامال عريضة بكلمة منك حلوة...كنت مستنيها.... لله دره كم من الزمن جلس على الترتار ليسمع منها مش حاتنازل عنك ابدا مهما يكون..وبين قوسين(يا مجنون!!)...فيلم البطلة فيه خائنة والخائن فيه بطل!!او يحق له حب الذيذونة بت الحلة؟ولم لا!!!؟قد تاخذه الغرة عينها ويصيغ المبررات لنفسه ويغنى لها:
يا بت انا ود الحلة
عاشق وحياة الله
قد لا تصدقه (الترتر) وقد يجلس مرة اخرى على الترتار ويؤكد عشقه لها
والله..والله
وتبدا سلسلة جديدة من المغامرات او ان شئت سمئها المجاذفات ..لامحفوفة بالمخاطر....والزرازر...احتمال من بعض العساكر
وكثير من الهواجس...اخوها قاطرنى....فلان ساحرنى...ووهناى مداقرنى....غايتو الله يستر
ترطيبة تحت ضل خريمة:
ترتار الحلة مليان مواضيع بالجملة....طالما ممدود فى الحلة
ادونا فرقة تدخل ورقة وراجعيييييين
الغباش الفى دمى منك
لو كسر ضلعين عزرتو
(الود عاطف ود خيرى)
ختم بتوقيع:
واعلن يا صحف ضليت
خرجت ولم اعد للان
وقد ودرت محبوبى
(اللذيذونى عثمان بشرى)
ختم بارز:
اتمدد على كيفك
اتمدد قدر فرشك
وحت لو كان اذا نعشك
زنق احلامك البكرة
(الزائد لذة عثمان بشرى)
الموضوع : ترتار الحلة.....اللامى الشلة
يا سلاااااام....فى زمان ليس ببعيد كان هنالك ما يضاف الى جميل (لذيذونات) بلادى فيما يسمى الترتر (الرقاش) ....الذى ان فشلت فى الوصول الى صاحبته ولم تستلم المنديل حرير قد ينتهى المطاف بك الى نيلك الازرق او الابيض منه او الى (ابيهم) الذى علمهم (النهر)
بت لذيذونة طاعمة تصول وتجول وتكسر كل ما يمكن ان يحول بينها وبين الحبيب الذى يمتطى صهوة (الترتار) ويكثر الانظار فى الانسان الطرفو نايم وصاحى..وصاحى كالنعسان....
ترتارات لا تخضع لقانون الاعمار من بداية الدنيا (هن) واقفات امام عتبة بيوت الحلة الطيبة....تنتعل خصوبة ارض بلادى البكر وتعلن وتصرخ بمل الفم عن مبدا الحكر....وتتنفس فى (احشائها) اوكسجين بلادى النقى وتكسو ظهرها الذى لم يعرف انكسارا يوما ما بسواد قارتنا السمراء...تاخذ شكلا دائريا كمحاور الافلاك...وتكتنز بالاسلاك....ظهرها مريح ومجلسها فسيح...تضم العوام والعباقرة والاعلام...لا تابى العطالة ولا تحتقر البطالة.....تحترم الاذكياء وتغازل الاغبياء...فيها المكر والدهاء وبعض من الحياء...على اسوارها الضحك المعافى والخصام المكافا....ضحك مجلجل... وحديث (مشلشل)...وقطيعة وزريعة وقلة من الادب التى قد تخلو من ادب...
فيها طرب وميزيكا قرب....فيها مؤامرات ومحاضرات ومقارعات ومفارقات ومشاركات ....فيها وااااى وفيها سااااااى وفيها تعال شيل الشاى... فيها يا عواليق...وفيها هووووى يا مطاليق......وفيها....وفيها
ورغم ما فيها وما فيها ...فيها الود القيافة المستنى بت الحلة اللذيذوووونة....بت بتطلع مغرب متدثرة بثوب جميل فى ابهى ما يكون كيفما تحب وكيفما نحب ان نراها....تمشى الهوينى لا عجل وتتلفت يمنى وتارة يسرى وتردد فى سرها
الشوق شرب حزن المواويل
وانجرح خاطر النهار
وقبل ان تنجرح شمس بلادى وتفقد كل دمائها الندية ويلفها ليل بهيم تصرخ انت ود الترتار قوون المغربية احسن من 100 !! ومافى احسن واجمل من ذلك....انه لقاء الاوكسجين بالهايدروجين عصب حياة للترتر والترتار الذى يردد فى سره وجهره
من بعد عز المزار
والليل سها وملت
نجومو الانتظار
اانها لحظة انتظرها كثيرا...البت الذيذونة تتبختر بين الضحايا والحفايا والعرايا و(الشقايا)...وحتى الذين لم يسلموا من (هنايا) والذين افرغوا حبر الدوايا وعبروا عن اطروحة الالم الرفيع...واخرين اصابتهم سهام الاحبة واصبحت قلوبهم هائمة وحياتهم بلا نكهة كانهم يرددون
وبقت حياتى مقسمة
نص فى الارض
ونص فى السما
وانتهت بهم المطافات الى براحات هوليوود (المحايا) ...ومن بعدها كانوا او هانوا!!!
فيلم حياتى بسيط معتق ومجرتق بامال عريضة بكلمة منك حلوة...كنت مستنيها.... لله دره كم من الزمن جلس على الترتار ليسمع منها مش حاتنازل عنك ابدا مهما يكون..وبين قوسين(يا مجنون!!)...فيلم البطلة فيه خائنة والخائن فيه بطل!!او يحق له حب الذيذونة بت الحلة؟ولم لا!!!؟قد تاخذه الغرة عينها ويصيغ المبررات لنفسه ويغنى لها:
يا بت انا ود الحلة
عاشق وحياة الله
قد لا تصدقه (الترتر) وقد يجلس مرة اخرى على الترتار ويؤكد عشقه لها
والله..والله
وتبدا سلسلة جديدة من المغامرات او ان شئت سمئها المجاذفات ..لامحفوفة بالمخاطر....والزرازر...احتمال من بعض العساكر
وكثير من الهواجس...اخوها قاطرنى....فلان ساحرنى...ووهناى مداقرنى....غايتو الله يستر
ترطيبة تحت ضل خريمة:
ترتار الحلة مليان مواضيع بالجملة....طالما ممدود فى الحلة
ادونا فرقة تدخل ورقة وراجعيييييين
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
أنت وين من زمان,, بي ترترك وترتارك,, والذي منه
أمتعتني حقيقة ,, وأدهشتني حد الدهشة ,, لم اكتشفك من قبل,
وأيييييييييييييييييييييييييييييييييييييييييييوي ,, سكابشن جانا
ولدنا إ؟سكابشن ,"رأيك شنو في الاسكابشن النص الحروف دا",,, متعك الله بالعافية ,, كما امتعتنا حد المتعة ,,,بالله ما تغيب وحنثبت الاسكابشانات دي لحدي ما نفرز ليها محل براها,, ولا أقول ليك فرزناهو من هسه ,,,بس ما تغيب وخلينا نطول معاك ,,لك الود.
أمتعتني حقيقة ,, وأدهشتني حد الدهشة ,, لم اكتشفك من قبل,
وأيييييييييييييييييييييييييييييييييييييييييييوي ,, سكابشن جانا
ولدنا إ؟سكابشن ,"رأيك شنو في الاسكابشن النص الحروف دا",,, متعك الله بالعافية ,, كما امتعتنا حد المتعة ,,,بالله ما تغيب وحنثبت الاسكابشانات دي لحدي ما نفرز ليها محل براها,, ولا أقول ليك فرزناهو من هسه ,,,بس ما تغيب وخلينا نطول معاك ,,لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
الريس ود الزبيدى الكاسر قيدى وقاطع رشمة السكات... سلاااااااامات بقدر رقم اوفقادرو والاشواق كميات خزانات مروى والحماداب.....غايتو هى محاولات اما دقت فى العراضة او جابو القون الجماعة القريبين منها....باختصار هى قضاء وقدر زى كورة بلادى.....
غايتو اعزرنى يا ريس فى صنة الونسة ونواصل ..وفى الفتر بعد المشاويرفى المفاصل زى ما بقول الشاب خالد فالكاو.....
ترطيبة وفى الشعر شيبة:
قالو فى المتل الماتعرف منو القالو ترحيب ود القبايل يخلى الزول يعمل عمايل.....هههه
كدى اشحم (الفرول) واجيكم صاد
غايتو اعزرنى يا ريس فى صنة الونسة ونواصل ..وفى الفتر بعد المشاويرفى المفاصل زى ما بقول الشاب خالد فالكاو.....
ترطيبة وفى الشعر شيبة:
قالو فى المتل الماتعرف منو القالو ترحيب ود القبايل يخلى الزول يعمل عمايل.....هههه
كدى اشحم (الفرول) واجيكم صاد
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
سكابشن يااااااااااا بتاع (ديدمونة)
هل تذكر تلك الأيام؟؟؟ { ايام "فتوة الإلهام" برأي البروفيسور/علي المك رحمه الله}
واصل ونحن منتظرين
هل تذكر تلك الأيام؟؟؟ { ايام "فتوة الإلهام" برأي البروفيسور/علي المك رحمه الله}
واصل ونحن منتظرين
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: اسكابشنات
يا اسكابشن الدكاترة ديل رقم افوقادرو مابرعفوه...scaption كتب: سلاااااااامات بقدر رقم اوفقادرو
فى انتظارك تواصل!!!!
الرشيد الريح نورالدين- مشرف
- عدد الرسائل : 458
تاريخ التسجيل : 09/12/2007
رد: اسكابشنات
اسكابشن الف مرحب ,, واصل.
هيثم لشفيع الف مرحب,,, ومنتظرين .
الرشيد الريح الف مرحب ,,غياب غير مبرر,,ربما ستتعرض للمحاسبة
لكم الود.
هيثم لشفيع الف مرحب,,, ومنتظرين .
الرشيد الريح الف مرحب ,,غياب غير مبرر,,ربما ستتعرض للمحاسبة
لكم الود.
عدل سابقا من قبل ميرغني ابراهيم عمر في الثلاثاء فبراير 10, 2009 6:55 pm عدل 1 مرات
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
الرشيد الريح ,,,بخصوص افغادرو يا باشمهندس ,, معلومات اكيدة عن رقم اوثابت افغادرو تجدها بكتاب الكيمياء الصف الثاني " ثانوي عالي",,زمان ,, معليش ما متذكر الصفحة,,لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
يا سلااااام الوريف هيثم....عوافى
الله كيييييف!! يا سلاااااام طلباتنا وصلت للسنت رغم القراية الاتحسنت...قدينا بالحظ الكعب
ديدمووووووونة....الله..الحقنى يالشيخ ود سحوووووونة....ههههه
بتتزكر مقولة:
لمحتك وكان بينى طوبة
ولمن اتمعنت..اتارى الطوبة وراك!!!!
ياخى حب فى معامل الفيزياء زاتو...العن ابو الكدسة الزرق
بلاقيك بس ادينى فرصة اطبق جلاليب الهوا الجوانى
اللذيذ الرشيد....ياود حاج....انشاءالله مبرور.... والسعى مشكور
انتاجك الروحى ماشاءالله لذيذوووونى ربنا يحفظو....اوفقادرو منو القدرو!!! ده سر عجيب
دار البترو كيييييف؟شل شل كب لى جالون....دقيقة يافردة افتح الصالون واجييييك
الريس قائد الاسطول....سلامات
يا ريس معليش انا بتاخر شوية فى الجية بس عليك الله ما تسقطنى فى (اعمال) السنة واخوك بشرفك فى الورقة الرئيسية واذا احتجت دفرة ما دايرلك وصية....
شبااابس انا مخنوق بيكم شكر وومحكوم على بالاعدام شنقا حتى الموت
موت!!!!!!! انشاءالله لا اموووووت ولا افووووووت
الله كيييييف!! يا سلاااااام طلباتنا وصلت للسنت رغم القراية الاتحسنت...قدينا بالحظ الكعب
ديدمووووووونة....الله..الحقنى يالشيخ ود سحوووووونة....ههههه
بتتزكر مقولة:
لمحتك وكان بينى طوبة
ولمن اتمعنت..اتارى الطوبة وراك!!!!
ياخى حب فى معامل الفيزياء زاتو...العن ابو الكدسة الزرق
بلاقيك بس ادينى فرصة اطبق جلاليب الهوا الجوانى
اللذيذ الرشيد....ياود حاج....انشاءالله مبرور.... والسعى مشكور
انتاجك الروحى ماشاءالله لذيذوووونى ربنا يحفظو....اوفقادرو منو القدرو!!! ده سر عجيب
دار البترو كيييييف؟شل شل كب لى جالون....دقيقة يافردة افتح الصالون واجييييك
الريس قائد الاسطول....سلامات
يا ريس معليش انا بتاخر شوية فى الجية بس عليك الله ما تسقطنى فى (اعمال) السنة واخوك بشرفك فى الورقة الرئيسية واذا احتجت دفرة ما دايرلك وصية....
شبااابس انا مخنوق بيكم شكر وومحكوم على بالاعدام شنقا حتى الموت
موت!!!!!!! انشاءالله لا اموووووت ولا افووووووت
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
شبابسس روعة .
ما شفنا حاجه.من بيت الكلاوي.
ما شفنا حاجه.من بيت الكلاوي.
قرفان جدا- صاحب نشيط
- عدد الرسائل : 93
العمر : 43
الموقع : السعودية
المهنة : علي باب الله
الهواية : كثييييييير
تاريخ التسجيل : 30/10/2008
رد: اسكابشنات
اسكابشن سلامات كتييييييره مرحب بيك والله المنتدى نور نأمل ان تكون اضافه جديده جميله لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
مرغنى سلام الرشيد قال الدكاتره ما بيعرفوا رقم اوفقادرو معليش يكون قايلكم اتخرجتوا من جامعه ود حامد لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
الحاجه/ سلمي مرحبا بعودتك ,,, وراهو وراهو انت,,, نحن حقنا شلناهو بي لساننا ,, وطبعا لو في الرباطابي الكبير الحكاية كانت وسعت ,,, لك وللحاج الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
الاخ قرفان جدا...سلامات
ياخى الصبر البخلى الزول يطقطق اصابعو.....لسه فينى لسه من المجابيد الملحة ومن خرير الامنيات زى ما بقول عثمان ود بشرى....
شكرا ليك طن من المزاج سايطنو فى (قرفة_بكسر القاف)
الاخت سلمى بت الشفيع....سلامات يا بت يا كونتينينتال(الرشيد)
جية الترتر تعنى استمرارية الترتار...دردقيهم لينا جملة حتى اللسه قبل الخلق والتكوين...ههههههههه
سلمى صحى الحجاج بمدحو:
الدينو راسى....كالمراسى
يا احلى زول (شفيع ) الناس؟!!!!!
هههههه... شكرا بقدر ظل تمام زاوية طلتك
الريس ود الزبيدى سلامات
على الطلاق واحد جعلى قال اوفقادرو ده بعرفوه وعندهم جعلى فى حفلة حلف حرام الا يدقوه بالسوط فى حفلة مليانة(رتاين) قدر رقم اوفقادرو....وسالوه طوااالى انت عارفو؟!!!
قال ليهم:حرم افو قادرو......ومن ديييييك وعيييييك دار جعل كلها بتعرف اوفقادرو
شكرا بقدر احساس برودة بلاط الحرم الشريف
جمرة حبيبة فى عدادكم:
يا جماعة معليش لو كاتلنى فى البحر السكات....بلقاكم فى محل يوم داكم
ياخى الصبر البخلى الزول يطقطق اصابعو.....لسه فينى لسه من المجابيد الملحة ومن خرير الامنيات زى ما بقول عثمان ود بشرى....
شكرا ليك طن من المزاج سايطنو فى (قرفة_بكسر القاف)
الاخت سلمى بت الشفيع....سلامات يا بت يا كونتينينتال(الرشيد)
جية الترتر تعنى استمرارية الترتار...دردقيهم لينا جملة حتى اللسه قبل الخلق والتكوين...ههههههههه
سلمى صحى الحجاج بمدحو:
الدينو راسى....كالمراسى
يا احلى زول (شفيع ) الناس؟!!!!!
هههههه... شكرا بقدر ظل تمام زاوية طلتك
الريس ود الزبيدى سلامات
على الطلاق واحد جعلى قال اوفقادرو ده بعرفوه وعندهم جعلى فى حفلة حلف حرام الا يدقوه بالسوط فى حفلة مليانة(رتاين) قدر رقم اوفقادرو....وسالوه طوااالى انت عارفو؟!!!
قال ليهم:حرم افو قادرو......ومن ديييييك وعيييييك دار جعل كلها بتعرف اوفقادرو
شكرا بقدر احساس برودة بلاط الحرم الشريف
جمرة حبيبة فى عدادكم:
يا جماعة معليش لو كاتلنى فى البحر السكات....بلقاكم فى محل يوم داكم
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
الاخ : اسكابشن ياخي اظنك مابتعركل الاعضاء جيدا
بالله عليك كلمة ريس دي خليها لانو في واحد هنا كان دخل المنتدي بفرتقا
والمقصود باين
( انشا الله التلفون مايرجع قريب )
بالله عليك كلمة ريس دي خليها لانو في واحد هنا كان دخل المنتدي بفرتقا
والمقصود باين
( انشا الله التلفون مايرجع قريب )
وليد ابراهيم- صاحب أخو
- عدد الرسائل : 143
العمر : 58
المهنة : معلم
تاريخ التسجيل : 05/11/2007
رد: اسكابشنات
التحية ليك اسكابشن ومعاك لحدى ما الترتار يتحول لتموت تخلى وبعدين رقم أفقادرو دة مالو أخذ حيز كبير قدر ده ونحنا سبناهو للمهندسين أنشاالله يبقى ليكم رقم حساب فى بنك
يا عمنا النيو لوك الاول وقلبتة فيهو الهوبة
بكرة أحلى يا شباب
يا عمنا النيو لوك الاول وقلبتة فيهو الهوبة
بكرة أحلى يا شباب
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
بكري علي عبد الله كتب:التحية ليك اسكابشن ومعاك لحدى ما الترتار يتحول لتموت تخلى وبعدين رقم أفقادرو دة مالو أخذ حيز كبير قدر ده ونحنا سبناهو للمهندسين أنشاالله يبقى ليكم رقم حساب فى بنك
يا عمنا النيو لوك الاول وقلبتة فيهو الهوبة
بكرة أحلى يا شباب
أساهر الليل عشان خاطر عيونك ديل .
تعبانيين يا بكري ولا حد عبرنا يابكري ,,, إنت اللي فيهم ,, مرمي الله ما بترفع,, كلهم ناس ريف !!!!!!!!!!!!
شوفوا اللاذقية بالاضافة للعرس والحرس الوطني بيعمل شنو؟؟ يا إسكابشن( بتاع سوق الوحدة) ؟؟؟
الناس ذوق...ودام الاسكابشن.
لكم الود
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
اسكابشن: عندنا واحد من ما تجيب سيرة رئيس ولا مدير شعر رأسو بيقيف صوفة صوفة ,, اليومين دي ما عندو نت ... وشغال في الطائف وبقول باع ,, زي ما قال ليك وليد لو سمع كلمة ريس دي ممكن يودينا في 60 داهية زي ما قال ليك وليد... المهم انت واصل في موضوع الريس دا وخلي يشرب من البحر,, ويا ريس براك شفت ,, أروع واعظم إستفتاء,
لكم الود.
لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
سلااااام ياسعادتك.. طيب لما خلى يشرب من البحر مالك مجقلب من الستين داهيه؟هوووى يا اولا الزبيدى ارعوا بى قيدكم مالكم ومال البيقول باع؟والله تكترهو يقول ليكم هو والباقى انت ما عاااااارفو..لكم الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
هو منو يا ربي؟؟؟
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
ميرغني ابراهيم عمر كتب:هو منو يا ربي؟؟؟
ياربي مـ مـ مـــــــــــــــــــحمد علي كلاي لآلآلآ عـ عـ عــــــلي عثمان لآلآلآ ااالعجب لآلآلآ ووووليد الزبيدي لآلآلآ يـ يـ ياسر ميرغني
لآلآلآ ة ة ة ( حجر حجرجرحجارة لآ تبيض تفقس جدادة لآ كرعينا اربعة حمارة لآ )
ميرغني الزبيدي حاول مرة اخري
وليد ابراهيم- صاحب أخو
- عدد الرسائل : 143
العمر : 58
المهنة : معلم
تاريخ التسجيل : 05/11/2007
رد: اسكابشنات
والله يا جماعة انا كنت مطشش فى الزول ده منو لكن الاخت سلمى قربت المسافة والله يكضب الشينة ياريس
بعدين يا عمنا لو ما فهمتك انا البفهمك منو حتى فى الكورة
وريس ونص وخمستاشر والما عاجبو يترشح
بكرة أحلى
بعدين يا عمنا لو ما فهمتك انا البفهمك منو حتى فى الكورة
وريس ونص وخمستاشر والما عاجبو يترشح
بكرة أحلى
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
شنوو ياااااااااااا سكابشن؟؟؟
ضربت الإسكابشن ونسيت الإسكابشن ....وخليت لينا الإسكابشن ينظر في الإسكابشن؟؟؟!!!؟؟؟
ضربت الإسكابشن ونسيت الإسكابشن ....وخليت لينا الإسكابشن ينظر في الإسكابشن؟؟؟!!!؟؟؟
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: اسكابشنات
سلام ياجماعه وييييين اسكابشن مالو مختفى انشاءالله خير؟ مفتقدنك والله نأمل ان تعود اقوى.لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
يا أخوانا موضوع الريس ده انا كنت مطشش خالص وبصراحة كنت قايلو واح تانى لكن طلع فردة موية نار وانا بعتزر وبسحب كلامى وطبعا هو من ال بدر ولو عاوز يبقى الريس ممكن نعمل كنفدرالية ونعطيهو أقليم أوولاية صريحة او ممكن يبقى ريس بالتناوب يعنى كل ستة شهور على واحد والله شنو يا عمنا الريس باعتبار أنك الريس بتاع الستة شهور الاولى
وبكرة قالو فى قبض اعملو حسابكم
وبكرة قالو فى قبض اعملو حسابكم
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
بكري الايام دي شايفك مغيرمشيتك
يا اخوي الريس عرفنا وسلفاكير معروف انت منو
يا اخوي الريس عرفنا وسلفاكير معروف انت منو
وليد ابراهيم- صاحب أخو
- عدد الرسائل : 143
العمر : 58
المهنة : معلم
تاريخ التسجيل : 05/11/2007
رد: اسكابشنات
عزيزى وليد لك التحية مضارات المسلم على نفسة صدقة
أنا رقم صفر الذى لا يعرف حقيقة أحد
أتضاير يا خوى الجماعة دى فاكين فينا أوكامبو القبض من طرف
بكرة الهلال غالب
أنا رقم صفر الذى لا يعرف حقيقة أحد
أتضاير يا خوى الجماعة دى فاكين فينا أوكامبو القبض من طرف
بكرة الهلال غالب
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
العزيز بكري علي عبدالله (تختخ ) الشاويش فرقع منو
وليد ابراهيم- صاحب أخو
- عدد الرسائل : 143
العمر : 58
المهنة : معلم
تاريخ التسجيل : 05/11/2007
رد: اسكابشنات
أنا غايتو يا وليد المفتش سامي ,,, بعد كده شوفوا زنجر وعاطف ومحب ونوسة ,,, لوزة معروفة طبعا,,, لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
المفتش سامى منو يا حبة أنت أدهم صبرى عديييل
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
يأخواننا وين الاسكابشنات دي ؟؟
ما شايفين اي سكابشن في الاسكابشن
ما شايفين اي سكابشن في الاسكابشن
قرفان جدا- صاحب نشيط
- عدد الرسائل : 93
العمر : 43
الموقع : السعودية
المهنة : علي باب الله
الهواية : كثييييييير
تاريخ التسجيل : 30/10/2008
رد: اسكابشنات
سامي الحاج : بن لادن منو
وعلي الطلاق لوزة ماعرفتها
وعلي الطلاق لوزة ماعرفتها
وليد ابراهيم- صاحب أخو
- عدد الرسائل : 143
العمر : 58
المهنة : معلم
تاريخ التسجيل : 05/11/2007
رد: اسكابشنات
سلامات ياشباب انتو اسكابشن تنازل عن البوست بتاعو لأخوهو وللا شنو؟مختفى ولا عارفين خبرو شنو وبكرى مجدع فينا طمئنا عليهو يابكرى اول حاجه واحتل مكانو بعد داك.لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
والله سكابشن بقت عليهو(أهل البكا غفروا ....... وناس بكري كفروا)
يا مدير
ما عندك تلفونو تعمل ليو لفت نظر؟؟؟
يا مدير
ما عندك تلفونو تعمل ليو لفت نظر؟؟؟
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: اسكابشنات
سلام يا بشو إنت يا هيثم بقيت ولاع نيران بين الاخوان مره مرغنى والاخوهو ومره إسكابشن واخوهو الدور علينا انا ومعاويه وللا شنو؟لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: اسكابشنات
وييييين اسكابشن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
قوون المغربية.......احلى من 100
بطاقة شحن موبيتيل:
وانتى ساعة المغربية
خايفة من كلمة وداع
(الفنان الشاب خالد الصحافة)
بطاقة شحن زين:
يا احلى صبية بتطلع مغرب
عين فى الارض وايد تتناول
من خالات الضيق رواب
(الشاعر القدال)
بطاقة شحن اريبا:
يا بت انا ود الحلة
عاشق وحياة الله
(الفنان الراحل سيد خليفة)
بطاقة شحن (سودانى):
والمغارب لابسة اقصر
من خيال المفترى
ونحنا مديونين نسيم
(الشاعر الشاب عاطف خيرى)
الموضوع:
عصرية بس....مليانة حس
ياله من (عصرا بدرى) ولمة فتيان الحلة زرافات و(وجدان) ...قصيرهم وطويلهم... ابيضهم واسودهم وحتى من لا لون له.... المتعلم منهم والامى...المستاجرين والملاك... انصاف الحيارى و(السكارى) والعطالة ومروجى البطالة... اولاد (العز) واولاد(القرف...بكسر القاف) ...اوائل المدارس وطيشهم... كل هذه الباكورة الرائعة التى تمثل عصب الحلة وشريان الناس تلتقى تحت سقف دافورى الحلة وياله من دافورى؟!!
كيف استطاع هذا المدعو الدافورى ان يذيب كل الموانع والعوائق تحت مناخ حار جاف صيفا الذى ( يصف) الناس جميعا تحت جلاجل ونغمات من الضحك والصراخ المعافى
الذىيؤكد حضور هذا الجنس البشرى الذى كانما بزرات العرق الذى ينسدل مارا عبر وجوههم ليروى خصوبة الارض تحت اقدامهم يزيد قناعة الكثيرين ان الطاقة التى تفجر الحب بين الناس لا تفنى ولا تستحدث كما يدعى العم نيوتن ورفاقه... هنئيا لنا ولكم هذا المشهد النادر
فى قناعاتى لهذا الدافورى معنى اكبر مما تصورناه جميعا اذانه ملتقى شباب اهل الحى الذى يوثقون علاقاتهم عبره ويزيدون صلابة وعراقة وعتاقة بممارسة الرياضة التى تصح عقول الكثيرين وبالاضافة الى ذلك يؤكد حضور هذا الحى اذ انه (حى) لا يموت... حراك وعراك نقى كماء النيل العذب بين اخوة لم تلدهم ام واحدة ولكن جمعهم (اب) واحد.....
وحول مضمار هذا النسيج المتماسك حياة تستمد قوتها من هذا الحضور.... الاطفال الزغب يدورون حولهم ويتشوقون بردا وسلاما لان يكونوا يوما ما ضمن هذا الحضور
وطعومية (بت) الحلة تتجلى فى حركات وصولات وجولات الى بعضهن البعض ولكنهن ينتهزن فرصة ان يمروا بساحة (فرسان) الحوبة والمستقبل كيف لا؟
ومن بين الفوارس الاخ والحبيب والعريس والصديق وحتى العدو ممن لا يطاقوا....
شمس هذه الحلة تنسحب سرا وتحاول ان تتوارى خجلا نحو مغيبها والكل يسرع فى صولاته وجولاته كيف لا انه قوووون المغربية الاحلى من 100 !!!! كانك بتسجيلك لهذا القون قد فزت بقلب اجمل (عزارى الحى) ويا له من قلب!
الشمس وصلت الى مستقر لها وذاب الفاصل (المدارى ) البشرى الذى يفصل بين رياح قلوب الناس الجافة والقلوب المشبعة بالرطوبة فى منظر بديع لابناء الحلة وهم يسوقون اقدامهم الى (اصيل) بيوتهم
رحم الله شاعرنا اسماعيل حسن حينما ردد:
تصور كيف يكون الحال
لوما كنت سودانى
واهل الحارة ما اهلى!!!!
وللحديث بقية اذا لم تغب شمس دافورى بلادى
وانتى ساعة المغربية
خايفة من كلمة وداع
(الفنان الشاب خالد الصحافة)
بطاقة شحن زين:
يا احلى صبية بتطلع مغرب
عين فى الارض وايد تتناول
من خالات الضيق رواب
(الشاعر القدال)
بطاقة شحن اريبا:
يا بت انا ود الحلة
عاشق وحياة الله
(الفنان الراحل سيد خليفة)
بطاقة شحن (سودانى):
والمغارب لابسة اقصر
من خيال المفترى
ونحنا مديونين نسيم
(الشاعر الشاب عاطف خيرى)
الموضوع:
عصرية بس....مليانة حس
ياله من (عصرا بدرى) ولمة فتيان الحلة زرافات و(وجدان) ...قصيرهم وطويلهم... ابيضهم واسودهم وحتى من لا لون له.... المتعلم منهم والامى...المستاجرين والملاك... انصاف الحيارى و(السكارى) والعطالة ومروجى البطالة... اولاد (العز) واولاد(القرف...بكسر القاف) ...اوائل المدارس وطيشهم... كل هذه الباكورة الرائعة التى تمثل عصب الحلة وشريان الناس تلتقى تحت سقف دافورى الحلة وياله من دافورى؟!!
كيف استطاع هذا المدعو الدافورى ان يذيب كل الموانع والعوائق تحت مناخ حار جاف صيفا الذى ( يصف) الناس جميعا تحت جلاجل ونغمات من الضحك والصراخ المعافى
الذىيؤكد حضور هذا الجنس البشرى الذى كانما بزرات العرق الذى ينسدل مارا عبر وجوههم ليروى خصوبة الارض تحت اقدامهم يزيد قناعة الكثيرين ان الطاقة التى تفجر الحب بين الناس لا تفنى ولا تستحدث كما يدعى العم نيوتن ورفاقه... هنئيا لنا ولكم هذا المشهد النادر
فى قناعاتى لهذا الدافورى معنى اكبر مما تصورناه جميعا اذانه ملتقى شباب اهل الحى الذى يوثقون علاقاتهم عبره ويزيدون صلابة وعراقة وعتاقة بممارسة الرياضة التى تصح عقول الكثيرين وبالاضافة الى ذلك يؤكد حضور هذا الحى اذ انه (حى) لا يموت... حراك وعراك نقى كماء النيل العذب بين اخوة لم تلدهم ام واحدة ولكن جمعهم (اب) واحد.....
وحول مضمار هذا النسيج المتماسك حياة تستمد قوتها من هذا الحضور.... الاطفال الزغب يدورون حولهم ويتشوقون بردا وسلاما لان يكونوا يوما ما ضمن هذا الحضور
وطعومية (بت) الحلة تتجلى فى حركات وصولات وجولات الى بعضهن البعض ولكنهن ينتهزن فرصة ان يمروا بساحة (فرسان) الحوبة والمستقبل كيف لا؟
ومن بين الفوارس الاخ والحبيب والعريس والصديق وحتى العدو ممن لا يطاقوا....
شمس هذه الحلة تنسحب سرا وتحاول ان تتوارى خجلا نحو مغيبها والكل يسرع فى صولاته وجولاته كيف لا انه قوووون المغربية الاحلى من 100 !!!! كانك بتسجيلك لهذا القون قد فزت بقلب اجمل (عزارى الحى) ويا له من قلب!
الشمس وصلت الى مستقر لها وذاب الفاصل (المدارى ) البشرى الذى يفصل بين رياح قلوب الناس الجافة والقلوب المشبعة بالرطوبة فى منظر بديع لابناء الحلة وهم يسوقون اقدامهم الى (اصيل) بيوتهم
رحم الله شاعرنا اسماعيل حسن حينما ردد:
تصور كيف يكون الحال
لوما كنت سودانى
واهل الحارة ما اهلى!!!!
وللحديث بقية اذا لم تغب شمس دافورى بلادى
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
شبابس.........سلامات
لكم ما تقدم من شوقى وما تاخر منه
مشتاقييييييييييييييين لممن ماسكانى قطيعة فى ضهر الشوق!!!
كدى اول حاجة نشكر الدكتور (الريس) على فوتوشوبية البراق الصعيد الهضبة الحلة......ياكلماتنا هو لولب....يالشوق الوقف سدارى هو لولب.....
شكرا قدر قنقليز بلدى لكل الاحبة قطاع الديدمونات والديدمون...المشفرون والآنسون.....ولكل من تكبد مشاق حمل حرفه بيمينه او بيساره.....
ورددوا معاى:
من اجل حلايب وغادى....انشاءالله نموت سعداء
تنسيمة:
الاخوان نظامهم كيييف؟زى درس العصر؟!!!!!
لكم ما تقدم من شوقى وما تاخر منه
مشتاقييييييييييييييين لممن ماسكانى قطيعة فى ضهر الشوق!!!
كدى اول حاجة نشكر الدكتور (الريس) على فوتوشوبية البراق الصعيد الهضبة الحلة......ياكلماتنا هو لولب....يالشوق الوقف سدارى هو لولب.....
شكرا قدر قنقليز بلدى لكل الاحبة قطاع الديدمونات والديدمون...المشفرون والآنسون.....ولكل من تكبد مشاق حمل حرفه بيمينه او بيساره.....
ورددوا معاى:
من اجل حلايب وغادى....انشاءالله نموت سعداء
تنسيمة:
الاخوان نظامهم كيييف؟زى درس العصر؟!!!!!
scaption- صاحب جديد
- عدد الرسائل : 9
تاريخ التسجيل : 26/01/2009
القاطوع ركيزة وكوع.....
القاطوع ما اجمله من اسم يقطع نفس خيل القصائد ويشده اجراس المعابد....
فى زمان ليس ببعيد وربما حتى الان كانت هناك خصوصية لمكان اشبه باستوديوهات هوليوود واشبه بغرفة الاشباح فى منتزهات..... ركن(ركين) ملتصق بظهر(اوضه) كما الطفل المعلق على ظهر امه لا يبرح ظهرها ابدا مهما كانت الظروف له باب صغير يفتح على الاوضة ذاتها وهو فى مساحة اشبه بممر للمشاة فى داخله ظلام دامس لا تستطيع رؤية امتداد ابهامك...به بصيص ضوء ينفذ خلسة من خلال(طاقة) على ارتفاع قصى ...تفوح منه مزيج من الروائح من ريحة العيش الفتريتة الذى يرتكز على شوال عند مدخل بابه الصغير ورائحة عطور محلية من صندل وكركار ومحلبية ورائحة ودق متطايرة جميعها داخل بما يسمى بالسحارة التى ترتكز على احد الجدران فى منتصف المكان كناية عن علو القامة وسيادة الموقف ولهذه السحارة قصص فى هوليوود هذه الامة حيث كانت النساء فى زمان جميل عند قدوم زوجها من تسفار قد طال امده من فرط حيائها وادبها ومن فرط السعادة بعودة البطل الهمام تجرى مسرعة الى هذه السحارة فى هذا القاطوع وتفتح بابها مسرعة(وتضحك) حتى تخنقها العبرة وتحتفل بسعادتها داخل هذا العالم الخفى...لله دركن ياحبوبات الامس ورحمكن الله و انتن قد افرطتن فى تقديم انقى معانى للحياء عرفته البشرية وفى جانب اخر من السحارة تجد السكسك والخرز والهلال يجرتقون بها عرسان المستقبل فى الحياة كما لايخلو هذا القاطوع من مستلزمات الممات من كفن وريحة بت السودان وكل ما يكمل تحنيط موتانا لله دركم امة تحتفظ باكفانها بين ظهرانيها اى ايمان هذا يا بسطاء بلادى.. كما لا يخلو هذا القاطوع من مسامير مثبتة على نعش جدرانه بها من (المعلقات) ما يكفى بتوشيح فارس مغوار.. سوط من العنج الاصيل وبرش ذو لون احمر هادئ ذو نعومة لختان صبى او زفة عريس و(تبروقة) زاهية الالوان لصلاة الحاج القادم من ارض الحرمين ومناجل ومعاول وعصا كما الرئاسية للمناسبات الرسمية وصيجان ومفارك ومصافى كلها على الجدران كالمعرض التشكيلى لفنان مشهور... وعلى ارضية القاطوع عدد لا يستهان به من مستلزمات ضرورية
ومهما استوجب دخولك لهذه الاستوديوهات لابد من ان تسمى بالله العلى وان تصلى على حبيب الله ومتى ما خرجت
انها قداسة ما بعدها قداسة انها معمارية الارث السودانى الاصيل
التحية لكل اهل البادية واهل القرى وجميع اهل بلادى الطيبين
ودمتم بقواطيعكم ..وينابيعكم العذبة
انتهى..
فى زمان ليس ببعيد وربما حتى الان كانت هناك خصوصية لمكان اشبه باستوديوهات هوليوود واشبه بغرفة الاشباح فى منتزهات..... ركن(ركين) ملتصق بظهر(اوضه) كما الطفل المعلق على ظهر امه لا يبرح ظهرها ابدا مهما كانت الظروف له باب صغير يفتح على الاوضة ذاتها وهو فى مساحة اشبه بممر للمشاة فى داخله ظلام دامس لا تستطيع رؤية امتداد ابهامك...به بصيص ضوء ينفذ خلسة من خلال(طاقة) على ارتفاع قصى ...تفوح منه مزيج من الروائح من ريحة العيش الفتريتة الذى يرتكز على شوال عند مدخل بابه الصغير ورائحة عطور محلية من صندل وكركار ومحلبية ورائحة ودق متطايرة جميعها داخل بما يسمى بالسحارة التى ترتكز على احد الجدران فى منتصف المكان كناية عن علو القامة وسيادة الموقف ولهذه السحارة قصص فى هوليوود هذه الامة حيث كانت النساء فى زمان جميل عند قدوم زوجها من تسفار قد طال امده من فرط حيائها وادبها ومن فرط السعادة بعودة البطل الهمام تجرى مسرعة الى هذه السحارة فى هذا القاطوع وتفتح بابها مسرعة(وتضحك) حتى تخنقها العبرة وتحتفل بسعادتها داخل هذا العالم الخفى...لله دركن ياحبوبات الامس ورحمكن الله و انتن قد افرطتن فى تقديم انقى معانى للحياء عرفته البشرية وفى جانب اخر من السحارة تجد السكسك والخرز والهلال يجرتقون بها عرسان المستقبل فى الحياة كما لايخلو هذا القاطوع من مستلزمات الممات من كفن وريحة بت السودان وكل ما يكمل تحنيط موتانا لله دركم امة تحتفظ باكفانها بين ظهرانيها اى ايمان هذا يا بسطاء بلادى.. كما لا يخلو هذا القاطوع من مسامير مثبتة على نعش جدرانه بها من (المعلقات) ما يكفى بتوشيح فارس مغوار.. سوط من العنج الاصيل وبرش ذو لون احمر هادئ ذو نعومة لختان صبى او زفة عريس و(تبروقة) زاهية الالوان لصلاة الحاج القادم من ارض الحرمين ومناجل ومعاول وعصا كما الرئاسية للمناسبات الرسمية وصيجان ومفارك ومصافى كلها على الجدران كالمعرض التشكيلى لفنان مشهور... وعلى ارضية القاطوع عدد لا يستهان به من مستلزمات ضرورية
ومهما استوجب دخولك لهذه الاستوديوهات لابد من ان تسمى بالله العلى وان تصلى على حبيب الله ومتى ما خرجت
انها قداسة ما بعدها قداسة انها معمارية الارث السودانى الاصيل
التحية لكل اهل البادية واهل القرى وجميع اهل بلادى الطيبين
ودمتم بقواطيعكم ..وينابيعكم العذبة
انتهى..
scaption- صاحب جديد
- عدد الرسائل : 9
تاريخ التسجيل : 26/01/2009
رد: اسكابشنات
بالله عليك يا سكابشن الله ما بسألك : كيف تحرمنا من زي دا ونحن اولي به من الآخرين ,,,, غفر الله لك ما تقدم وما تأخر اما نحن فقد غفرنا لك ما تقدم ولن نعفو لك ما تأخر ,,بي الواضح كده ,, ياأخي حرام عليك!!!!!
وبعد دا لك الود.
وبعد دا لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: اسكابشنات
أسكابشن لله درك نسيت التمر المتكول فى الخرطاية وحلاوة ريا بواقي العيد المدخورة لزيارة حبيب أول زولا عززززززززززيز وسورج قبل أن تصنف البقنية من المسكرات والكباير
شكرا وادينا من النوع دا وكتر المحلبية عفوا المجموع يساوى عشرة صفر
وبكرة أكيد الحنة بتشيل
شكرا وادينا من النوع دا وكتر المحلبية عفوا المجموع يساوى عشرة صفر
وبكرة أكيد الحنة بتشيل
بكري علي عبد الله- صاحب أخو
- عدد الرسائل : 158
العمر : 54
الموقع : الهفوف مستشفى الملك عبد العزيز الحرس الوطنى
المهنة : تقنى مختبرات طبية
الهواية : كل شى جميل
تاريخ التسجيل : 27/11/2007
رد: اسكابشنات
سكابشن يافردة
وين سكابشناتك إليا؟؟؟؟؟
بالجد زي الورد
وراجين الباقي
وين سكابشناتك إليا؟؟؟؟؟
بالجد زي الورد
وراجين الباقي
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: اسكابشنات
لك التحية سكابشن واصل فى الزمن الجميل... الدافورى ... الترتر .... وشليل وين راح اكلو (التمساح)
محمد الزبيدي- صاحب أخو
- عدد الرسائل : 240
العمر : 46
الموقع : السودان
المهنة : قانوني
الهواية : متعددة
تاريخ التسجيل : 06/11/2007
رد: اسكابشنات
ياخوانا زول يحرك ليناسكابشن دة ويشوفو زاغ وين؟؟؟
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: اسكابشنات
أنا مندهشششششششششششششششششششششششش ..
بس ؟!
بس ؟!
خالدعمرحسن- مشرف
- عدد الرسائل : 755
العمر : 41
الموقع : الأمارات - العين
المهنة : فني (ميكانيكا)
الهواية : كتااااااااار
تاريخ التسجيل : 15/09/2009
رد: اسكابشنات
خالدعمرحسن كتب:أنا مندهشششششششششششششششششششششششش ..
بس ؟!
ونحن مندهشين زيك ياخالد...........سكابشن مشى وين؟؟؟؟؟؟؟؟؟؟؟؟؟؟؟؟؟؟؟؟
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
أصحاب جد كوم :: خشم الباب :: إسكابشنات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد فبراير 01, 2015 9:13 am من طرف عواد عمر
» الفنان رمضان حسن
الأحد مارس 09, 2014 11:33 am من طرف عواد عمر
» مذكرات بيل كلينتون
الخميس أكتوبر 17, 2013 9:42 pm من طرف الميزر
» صور اعجبتني
السبت يونيو 15, 2013 6:10 am من طرف فاطمة
» نكات اسحابي
الإثنين يونيو 03, 2013 1:34 am من طرف محمد الساهر
» أخطر 3 شهادات عن هروب مرسى من السجن
الخميس مايو 30, 2013 10:42 pm من طرف عازة
» من روائع الشاعر جمال بخيت
الخميس مايو 30, 2013 10:18 pm من طرف عازة
» إطلاق نــار على الفريق "سـامي عنان
الخميس مايو 02, 2013 9:00 am من طرف محمد الساهر
» عاجل..أبو تريكة فى العناية المركزة
الخميس مايو 02, 2013 8:33 am من طرف محمد الساهر
» وقفة مع البافاري : مشروع أفضل فريق يقطع الكرات
الخميس مايو 02, 2013 8:21 am من طرف محمد الساهر
» 10 أطعمة تعرضك للإصابة بمرض السرطان
الخميس مايو 02, 2013 5:18 am من طرف محمد الساهر
» أسهل وأحدث 10 طرق لإنقاص وزنك في أقل من 10 دقائق
الخميس مايو 02, 2013 1:39 am من طرف عازة
» القدرات النفسيه
الخميس مايو 02, 2013 1:11 am من طرف محمد الساهر
» تنمية قدرات العقل
الخميس مايو 02, 2013 1:08 am من طرف محمد الساهر
» مصر: تطبيق الحد الأقصى والأدنى للأجور في مايو
الخميس مايو 02, 2013 12:58 am من طرف محمد الساهر
» السجن مدى الحياة لـ"بن على" و10 لوزير داخليته
الخميس مايو 02, 2013 12:38 am من طرف سيدورف
» فتح النار على باسم يوسف لاستضافته مغنيا شاذا
الخميس مايو 02, 2013 12:32 am من طرف سيدورف
» مورينيو والريال.. قصة موت معلن؟
الخميس مايو 02, 2013 12:16 am من طرف سيدورف
» رئيس برشلونة يعترف بتفوق بايرن.. وفخور بلاعبيه
الخميس مايو 02, 2013 12:12 am من طرف سيدورف
» فساتين الزفاف
الثلاثاء أبريل 30, 2013 3:22 am من طرف عازة