نصيحة ام سودانية

وجدت هذه النصيحة في احد المواقع وبينى وبينكم هي خراب بيت ما نصيحة ما تقومي يا امال عباس تقولي نجرب بتضيعي في زمن زواج المسيار ده
يا بت هوي فتحي عينك و ابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا.... الراجل ما تضحكيلو كتير..... يسعالني الله، يحقر بك....الراجل اديهوالعين الحمرا. وان قدرك الله ايدك تلحقيها ليهو لحقيها...ابقي نجيضة.....آآية..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف ال...... بيخربن الرجال... و وقت المسلسل داك يبدأ شفتي جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي.... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني ليه الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم ختي ايدك فوق راسك وقولي لو ووب علي ووب علي ووووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وابزقي وقوليلو دا شنو يا عبدالله؟......الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو... ااااااى... اسمعى كلام امك يا بت حشاى .. امك دايرة مصلحتك .. ااااى !!!

كلامك صاح دا ماظنيتو كلام ام دايره مصلحة بتها !!!!!!!!!

هالة والجعلي

ماااااااااالا عليك الله نصيحة المرة دي؟؟؟

أهم حاجة الراجل يكون مضفور ومرتو توريهو العين الحمرا{آآآآآآآآآآآآآآآآآآي أنا مضفور وموريني العين الحمرا ...عندكم تعليق غير دة؟؟}

ولا مش كدة ياميرغني؟؟؟؟؟؟؟

الريحه ذاتا بنلقى البتقول سمحه يادكتور!!!!!!

هيثم/يا اخوي ,,, أوريك جزء من الضفر,,, وبعد داك قول لينا انت مضفور

هي .................لكن ما قدر دة!!!!