ماذا تفعل لو اصبحت رئيساً للسودان

من طرف محمد الزبيدي الإثنين أغسطس 31, 2009 12:59 am

الفكره جميله موش
المهم انا لو اصبحت رئيس او شى انتخابات مافى ... دستور مافى( اعراف بس )...
العلاج فى البيوت ( كل طبيب لى اسره ) .. المدرسه فاتحه ( فى الشارع ) والشارع فاتح فى قلبى
الرغيف يلفو بيهو ناس العربات ذى اللبن يجيك فى البيت معاهو كيس سلطه
كدى انتهينا من الصحه والتعليم والاكل

يا جماعه بصوره جاده

1-حاشيه مافى ...
2-رفع مستوى التعليم بان يصبح اعلى راتب فى الدوله ( مدارس خاصه مافى ) وبالضروره كراسات وكتب مجاناً
3-( الاحزاب توحد برامجها ومش كل واحد يقول ديمقراطيه .... حا اكلم معمر القزافى فى موضوع دولة افريقيا )
4- محليات مافى ( نرجع للضابط التنفيذى )
5- كل زول عندو قطعتين يشيلو منو قطعه للصالح العام
6- اى زول خارج السودان يجى راجع بنفس الامتيازات
7- يرجع النظام القضائى القديم ( ناس الصالح العام عموماً فى الخدمه المدنيه )
8- شريعه اسلاميه فى الحدود بس ( وفى الحدود مافى)
9- قوات نظاميه ( جيش فى الحدود بس )
10- نرجع الجنيه الزمان بتاع نميرى

عيييك كتير يا محمد لكن حاحاول اقول ليك البتذكره بس:

أول حاجة : رجوع كل المغتربين الي السودان ,,, والما برجع يشيلو جوازه ,, وان كان هناك استثناء يجب ان يكون بسقف زمني ,,, يعني تغترب 3 او 5 سنة وبعدها كان ما جيت راجع يشيلو جوازك ومافي تمديد خالص عشان ما نفتح باب للاسترزاق منه لمسئولي الاغتراب.
:- تأهيل المدارس بتأهيل الاساتذة الموجودين او احالتهم لوظائف اخري ان كان يصعب تأهيلهم
ونقطة هامة جدا تقليص عدد المدرسات في مدارس البنين ما أمكن ذلك بدأ من الاساس
تاهيل المدارس من حيث الاساس والمعدات ,, ومجانية التعليم المطلقة بما فيها الترحيل ,,, والغاء اي رسوم ايا كان شكلها ,, حتي درس العصر والتبرعات.
يتبع

من طرف محمد الزبيدي الإثنين أغسطس 31, 2009 6:28 pm

انا حا ارجع الصنيين الصين ويشيلو معاهم الموبايلات الصنيه وبشيل كل صنيه ( بعمل انفاق) دى كلو عشان العماله تكون سودانيه .....

حا اصلح المجارى واعمل المنتزهات ويبقو الناس كلهم اولاد راحات
اهدم البيوت الجالوص ومافى اى زول بليل يلوص ( ما حظر تجوال )

من طرف اياس الثلاثاء سبتمبر 01, 2009 10:21 am

اول حاجة حبدل الشعب السودانى عند بتاع العدة ...
اصلو كلوا ذي الهدوم القديمة
وعلي الاقل العدة بتكون قاعدة صامةخشمها بتقعد في المحل البختوها في
ملحوظة..... كل احجام وانواع العدة ماعدا....الكيزان

ماذا تفعل لو اصبحت رئيساً للسودان

ماذا تفعل لو اصبحت رئيساً للسودان

رد: ماذا تفعل لو اصبحت رئيساً للسودان

رد: ماذا تفعل لو اصبحت رئيساً للسودان

رد: ماذا تفعل لو اصبحت رئيساً للسودان