وين الصفوة --- فى مباراة الموردة

ا
نقل حى للمباراة ا لموردة وفريق الكاراتية
لمريخ جاري شوط كامل بدون اي فعالية والموردة اخر تقفيل وهجمات مرتدة خلت المشجعين الصفوة في الجانبية اخر الفاظ

للاسف لي اكتر من سنتين ما خشيت كورة وهاك يا الفاظ تزكم الانوف

نجي للشوط التاني

الكورة سخنت بعد دخول باولينو وعلاء الزهرة

اها يا ناس فجأة كدا حصل احتكاك ومخاشنة بين علاء الزهرة ولاعب من الموردة

وفجأة كدا علاء بقى يتقلب في الواطة زي الضاربو دبيب ولاعب الموردة المسكين بقى يحلف والله ما هبشتو بالتقطعني ما ضربتو ان شاء الله اموت ما هبشتو

والحكم ما كضب كرت احمر

بعداك علاء الزهرة اكتشفت موهبتو التمثيلية اكبر من موهبة اشواريا راي الممثلة الهندية الاولى في الدراما الهندية

دي اشواريا راي ودا ابشيك راجلا ما علاء الزهرة




[

علاء عبد الزهرة للاسف بدون زهرة

نرجع للموضوع علاء الممثل اقصد علاء الزهرة مثل لمن احتك مع ابوبكر الشريف

وفجأة جا مشجع صفوي ناطي الاسوار ومقتحم الاغوار ومفج الجماعية البوليسية بكلابها وقنابلها المسيلة للدموع في منظر بطولي يحسده عليه رجل المستحيل

وجا ناطي رجل المستحيل عفوا المشجع من خلف ابوبكر الشريف واداهو بونية بتاعت تحنيس كدا في راس ابو بكر

وابو بكر الشريف ما كضب مسكو ليك كربون من ابو لستك خلاهو يشوف ليك الدنيا ستة ستة (في داعي تسمهو ابو ستة)

المهم البوليس جا جاري عايز يلحق المشجع عشان ما يضرب ابو بكر الشريف يمعو ليك يا بوليس الحقني ابو بكر هرسني

المشجع العامل فيها بطل بقى يجعر جعيرة علاء الدين طيارة لمن حصل معاهو فاول في الشوط الاول المشجع بقى يقول عليك الله يا عم البوليس فكني من لعيبة الموردة وروروووووك يا عم البوليس انا ما عارف اللزاني منو السور



اها يا جماعة فجأة كدا كان الاختفاء الغامض وكان العنوان بتاع الصورة (الاختفاء الغامض)

--------------------------------------------------------------------------------------------------------------------

من هنا يا جماعة

وين الصفوة

وين الصفوة

وين الصفوة

ما بلاش نتكلم في الماضي

الماضي دا كان كلو جراح

وما دمت بحبك انا راضي

ليه ندور على شي راح