التيس بقى المدير العام

جابو أبوة لينا في منتصف الثمانينات وشغلوة معانا وهم طبعا" ( من ناس الحلة ذاتها ونحن جينا أشتغلنا معاهم من الحلة التانية مش الحلة التحت لظروفنا نعمل شنو منعول أبو حلتنا ) كان شافع صغير حظي بتعليم أقل من الابتدائي ذكرني بس بي وأحد من أقراني أسمو السخي هسع ساكن في حلة فوق مش شندي فوق المهم صاحبنا درستو وعلمتو والله جبرتو يدخل دراسة مسائية ودخل مسائي في حلتهم وكان كل يوم عامل وجع وش في البيت جايب كتبة عشان أراجع معاهو وطبعا" المعلمين كانو أخوان ذكية وخيلان نبوية نجحوة وطلع سابع البرمبة ... المهم الوليد نجح في الدراسة وجاب الشهادة وناس الشغل رقووة وجابو ليهو طربيزة معانا في المكتب كان بيحترمني جدا" لاني درستو وعلمتو ودخلتو المدرسة حتى أبوة كان لمن يريد يعرف أخبارة بيتصل فيني ... المهم سنة بعد سنة وبطيبة أهل حلتنا كنت بعتبرة أخي الاصغر علمتو كل شي إلا سف السعوط الماقدر علية أخونا دخل جامعة سورية بالمراسلة (مراسلة ) والامتحانات كانت في سوريا وصاحبنا كان لمن يذهب للامتحان في دمشق ماكان بيقدر يشيل كتبة معاهو لانو جميع الشتط كانت ملية بتلفونات للاستاذة والدكاترة وحاجات تانية لاتذكر . نجح في الجامعة وجاب مرتبة الشرف والله المرتبة التحت السرير أحسن من مرتبتة .. بعد جاب أن مرتبتو في حلتهم ناس الحلة بقووة المدير العام لينا إي والله المدير العام لينا نحن فرحت لاني حاكون أبو المدير الشرفي وكلمتي بتسمع للغريب والبعيد وحتى (قمر) الهندي بتاع الشاي بجيب لي شاي غير - شاي بالزعفران - لكن أخونا ركب لي وش كلب . مابلمو بلوم شيخ حلتنا الخلاني طلعت من الحلة

بس الله يحلنا ويرجعنا لي حلتنا ونخلي التيوس يبرطعو في زريبتهم