ملتقي الاصحاب

انا لنفرح بالايام نقطعها ..... وكل يوم مضى يدنى من الأجل

الإسبوع متين يتم علشان عطلة الجمعة
الشهر متين يتم عشان الراتب
السنة متين تتم عشان الاجازة
والناس سارحة وصفق الشجر يتساقط وسيك سيك ارجى الراجيك

ازيكم ياناس وصباحكم ابيض

عمدة كيف حالك وبركة الرجعت تشارك

لكن دة شنو كلام الناس القنعانين دة؟؟؟؟!!!

بعدين لا حظتو معاي امبارح خالد عمر 0على غير العادة- مسجل غياب


كيف أصبحتو ياالزينين؟؟؟؟

أنا-ولا أعوذ بالله من كلمة أنا-جيت
يومكم معطر

تعلموا أن الإنسان الأغنى ليس من يملك الأكثر، بل هو من يحتاج الأقل.

مساء الخير ياأمير يا الحبك سكن الضمير. أو كما قال أبو داؤود.

سئل المتنبئ:
أنت تقول: بليت بلى الأطلال إن لم أقف بها وقوف شحيحٍ ضاع في الترب خاتمه

فكم يقف الشحيح على خاتمه؟؟؟
قال : أربعين ليلة
قيل : وما أدراك؟؟؟؟
قال : لما ضاع خاتم سليمان وقف عليه أربعين ليلة
قيل : ومن قال إن سليمان كان شحيحاً
قال : لو لم يكن شحيحاً لما قال (اللهم آتني ملكاً لا تؤته أحداً من بعدي)



ياصباح الكرم

السلاااااااااااام عليكم...مساء السعاده با سعادات..لكم الود

يا قوم لا تتكلموا
إن الكلام محرم

ناموا ولا تستيقظوا
ما فاز إلا النوّم

وتأخروا عن كل ما
يقضي بأن تتقدموا

ودعوا التفهم جانبا
فالخير ألا تفهموا

وتثبتوا في جهلكم
فالشر أن تتعلموا

أما السياسة فاتركوا
أبدا وإلا تندموا

إن السياسة سرها
لو تعلمون مطلسم

من شاء منكم أن يعيش
اليوم وهو مكرّم

فليمسِ لا سمع ولا
بصر لديه ولا فم

لا يستحق كرامة
إلا الأصم الأبكم

ودعوا السعادة إنما
هي في الحياة توهم

فالعيش وهو منعم
كالعيش وهو مذمم

إن قيل هذا شهدكم
مر فقولوا: علقم

أو قيل إن نهاركم
ليل فقولوا : مظلم

أو قيل إن ثمادكم
سيل فقولوا : مفعم

أو قيل إن بلادكم
يا قوم سوف تقسم

فتحمدوا وتشكروا
وترنحوا وترنموا


معروف الرصافي.

مساء الخير.

أنا المدّيت شراع أفكاري في بحر الزمان تهت
مليت الدنيا بالأفكار محل ما تميل أكون ملت
من الغالي وعظيم القول كتير مدّيت ايدي شلت
وعشان الكلمة شرف الرب..وعشان الناس تحس تطرب
وقفت أنادي في الأزمان..طهارة الكلمة في الفنان وصدق الحرف في صدقو
وحصاد أجيالنا في شتلو
ولو داس الشرف خانو قلوب الناس تسد الباب ...تعاند طبلو وألحانو
وعشان الكلمة شرف الرب وصدق الرب وتاج الرب
ولو غشت قلوب الناس محال الناس تحس..تطرب
مساكم طرب

اهلا.لكم الود

{ خاتم الزواج أغلى خواتم الدنيـا }

لأنـه يكلف صاحبـه أقساطاً شهريـة مدىَ الحيـاة


مساء الخير.

نرمى حجرا تلقي ثمرا
حجرا ثمرا...حجرا ثمرا..مقدار قساوتنا معطاء
من ذاك الحين وانا مفتون بالنخله
والحب لها وليوم الدين
يبقي فى النفس الطفله..
صباحكم ورد.لكم الود

السلام عليكم وصبحكم الله بالخير

ميرغني ابراهيم كتب:{ خاتم الزواج أغلى خواتم الدنيـا }

لأنـه يكلف صاحبـه أقساطاً شهريـة مدىَ الحيـاة


مساء الخير.

أقســـــــــــــــــــــــــــــــــــــــــــــــــاط يومــــــــــــــــــــــــــــــــــــــــــــــــــــــــــــية

لو سمحت


السلااااااااااااااااااااااااااااااااااااااااااام عليكم

( الفاتح جبرا ) جريدة الرأى العام اليوم
رسوم انتاج

بينما كنت أهم بالخروج صباحا من المنزل سمعت طرقات على الباب عندما فتحته وجدت أمامى جارى (مصطفى) وقد تفاجأت به بعد أن ألقى علي التحية يخاطبنى قائلاً:
- معاك بطاقة يا أستاذ؟
- أيوه فى شنو إن شاء الله خير..
- لا بس أخونا (ادريس) ده عندو مشكلة بسيطة وماسكنو وأنا بطاقتى منتهية..
- ماسكنو فى شنو؟ آآى إدريس ده زول متين وجسمو (مكرب) لكنو زول هادئ ومحترم وما بتاع مشاكل..
- دى قصة طويلة يا أستاذ ح أحكيها ليك فى السكة كدى هسه جيب بطاقتك ويلاكا معايا..
ادريس ومصطفى صديقان ويسكنان فى ذات الحى ويشتركان فى صفات كثيرة فهما فى بداية الخمسينات من العمر كما أنهما متزوجان ولكل منهما عدد من الأبناء فى مختلف المراحل الدراسية والأهم من ذلك كله أنهما (عاطلان) بدون عمل بعد أن تمت إحالتهما للصالح العام قبل أعوام طويلة وأصبح الرزق فى (تلتلة)..
- والله الليلة يا مصطفى مشيت أودع ليا واحد قريبنا لى موقف البصات السفرية الصباح لقيت ليكا (الجماعة) ديل خاتين ليك (اللقيمات) والشاى (باللبن) والناس ديل حواليهن زى الجراد!
- طبعن يا ادريس أصلو الزمن ده الزول يا يعمل ليهو حاجه بتاعت (أكل) وإلا يعمل ليهو حاجه بتاعت (مواصلات)..
- والله القصة دى أنا كانت فايته عليا من زمااان والله فيها قروش زى التراب..
- تقصد شنو؟
- أقصد إنو نعمل لينا (حلة) بتاعت شاى بى لبن كبيرة ومعاها جردل جردلين لقيمات ونمشى نبيعه فى الموقف والله فى اليوم نطلع بالشئ الفلانى بدل الحالة الصعبة دى!
بصعوبة شديدة قام إدريس بإقناع مصطفى بالفكرة فالأخير بحكم أنه كان موظفاً كبيراً بالخدمة المدنية كان يرى أن (المسألة) لا تليق بمكانته (الوظيفية سابقاً)..
- أها طيب وافقتا .. حق الشاى والزيت والدقيق نجيبو من وين مع الفلس الإنتا شايفو ده!
- بسيطة القصة كووولها ما ح تفوت ليها (خمسين سبعين ألف).. إنتا أمشى لى محمد بتاع البقالة شيل منو الزيت والدقيق تحت الحساب وأنا بمشى لى آدم سيد الدكان بشيل منو الشاى واللبن والفحم والسكر (بالدين) ولمن نبيع نرجع ليهم القروش!
بعد يومين ومع (الدغش) وفى ذات الوقت الذى كانت فيه (نعيمة زوجة مصطفى) تقوم بإعداد اللقيمات ووضعه داخل (حلة كبيرة) كانت (خديجة زوجة إدريس) قد قامت بغلى (اللبن) وتجهيز عدد من ترامس (الشاى) إضافة لعدد إتنين (بنابر) و(منقد) وكيس يحتوى على (الفحم) وكرتونة (كبابى)!
قبل أن يؤذن الفجر كان (إدريس ومصطفى) يضعان العدة على ظهر عربة الكارو التى يمتلكها جارهم (عنتر العربجى) متوجهان صوب السوق حيث موقف البصات السفرية و(فجأتن):
- الشايلينو ده شنو؟
- وإنتو مالكم؟
- (فى تهكم): مالنا؟ والله إنتا زول غريب؟ فى زول بيقول للحكومة إنتى مالك؟
- وأعرفكم حكومة كيف؟ الأيام دى اى زول شايل ليهو بطاقه مزورة وعامل فيها حكومة وقاعد يبتز فى المواطنين..
- يا حاج بطل الغلبه ما تخلينا نتخذ معاك أجراءات..
- (وهو يفتح الحلة): ده شنو الشايلينو ده؟
- يعنى ح يكون شنو؟ إنتا شايف شنو؟ ما عينك ليهو لقيمات!
- (يقوم بفتح الحلة التانية): والحلة التانية دى فيها شنو؟
- لبن!
- والترامس دى مليانه شنو؟
- شاى!
- (يخرج من جيبه دفتر): طيب قول عشرين رطل لبن فى (إتنين).. نطلع بالواحد.. أربعين زائد تلاتين لتر شاى فى تلاته على عشرة فى المية زائدا قول خمسميت حبه لفيمات فى خمسة ومعاك الاتنين.. يبقى المجموع خمسة واحد خمسة صفر.. واحد وخمسين ألف وخمسمية ياحاج!
- واحد وكم؟
- (يتدخل عنتر العربجى): يا جماعة الناس ديل ماشين يشوفو رزقم!
- إنت يا زول تسكت سااااكت .. الكارو بتاعك ده مرخص؟
- (عنتر يجر واطى): خلا س يا جماعة شيلو ليكم كم ( لقيماتايه) وكبو ليكم كبايتين حليب!
- أيوااا .. نظام رشوة وكده يعنى..
- لا لا ما رشوة .. يعنى بس عشان يسندوكم فى الصباح ده!
- يسندونا ولإ ما يسندونا دى ما شغلتك يا زول.. (يلتفت لإدريس) يلا يا حاج ما تأخرونا الإيصال إتقطع ... يلا أدفع وخارج نفسك..
- (مندهشاً): ودى رسوم شنو هسه؟
- عامل ما عارف يا حاج ؟ دى رسوم إنتاج..
- وأنحنا أنتجنا شنو؟
- اللقيمات والشاى ده ما إنتاج!
أصيب إدريس بحالة هياج مفاجئة.. أمسك بجرادل اللقيمات وقام بقذفها على الأرض وهو يصيح (مش الإنتاج ده؟ ما عاوزنو).. ثم أمسك بثرامس الشاى وقام بقذفها وهو يصيح فى عصبية (مش الإنتاج ده؟ ما عاوزنو).. حلل اللبن (مش الإنتاج ده؟ ما عاوزنو).. المنقد والفحم (مش الإنتاج ده؟ ما عاوزنو) دفتر الإيصالات (مش الإنتاج ده؟ ما عاوزنو).. الماسك الدفتر (مش الإنتاج ده؟ ما عاوزنو).. الزول المعاهو (مش الإنتاج ده؟ ما عاوزنو)..

ومساءكم خير ياحلوين ,,،،،،،

كيف يا اصحاب رجعنالك


غياب شديد بس ما ترفدونى

مساء الورد ي شباب والله ليكم وحشه
دخولنا بقي متقطع معليش بس اعزروني درش الشغل وضغطه الشديد

مسّاكم الله بالخير.

أجيكم والحنين كاسح بي سيلو
ألاقيكم قليبي يبل غليلو
يزيل حزن السنين الهدّّ حيلو
سنين معدودة من غيركم خساير
مساء الأنوار

السلام عليكم بعد غيبة.

السلام عليكم بعد غيبة ايضا.

مساء الخير
شكل الناس دي بتحضر في الكورة قلنا نمر ونسلم

*****
بخافلك من حقيق مظلوم
بخافلك ياعقوق الحِنْ
أخافلك من حساب اليوم
وَكِتْ كل النفوس يصْفِنْ
سؤال منو القيامة تقوم
بقيت ناكر جميل كيفن؟؟؟؟

ياسر علي بشير


صباحاتكم مزينة بالسمح والزين

لا يستطيع أحد ركوب ظهرك ، إلا إذا كنت منحنياً .

مساء الخير.

سلامات وإعتزارات ..

مشاكل الدنيا تجبرني اخالف وعدي وأتلووم

مساكم زين

ومشتاقين يــــــــــــــــــــــــــــــــــــــا فرد ...!

كلما وضعتُ النساءَ في كيسِ أحلامي
وسحبتُ ورقةً
طلعتِ أنتِ

-عدنان الصايغ-


صباحكم ورد

مهداة لهيثم الشفيع,, تكفيرا عن حكاية الاقساط الشهرية,, وأوعه تقول لي من أول كلمة,, او سطر خليها علي كده الله يرضى علينا وعليك..


هناك رواية بوليسية مسلسلة يقبض فيها على " الجاني " من أول فصل ....إنني أعني رواية الزواج .

صباح الخير.

سلامات يا ناس,ومساء النور عليكم...نأسف للدخول على فترات متباعدة فالصغار في اجازة...دمتم

سلام مطبوق للجميع وصباح الخير عليكم.لكم الود

عاد الى الخرطوم مساء أمس والي الخرطوم الدكتور عبد الرحمن الخضر بعد زيارة الى الهند والإمارات ابرم خلالها اتفاقيات لتوريد بصات للنقل العام، وتحديث اسطول النفايات، وتمويل مشروعات البنيات الاساسية.
وقال الوالي، ان الفنيين الذين رافقوه اجروا معاينات لعدة ماركات للبصات ،ووقع الاختيار على شركة تاتا الهندية ، بعد أن ادخلت عليها تحسينات كبيرة ومتطورة.
واعلن ان الدفعة الاولى المقدرة بـ«300» بص ستصل منتصف مارس القادم ، وفق برنامج متكامل يساهم في حل أزمة المواصلات، والضائقة المرورية بالولاية.
وقال ، ان الاتفاقيات مع الجانب الهندى شملت تحديث الاسطول العامل في نقل ومعالجة النفايات بالولاية وذلك بتوريد مائة آلية مختلفة .
وكشف والي الخرطوم عن اتفاق مع مؤسسة الصناعات الصغيرة في الهند علي توريد عدد من الصناعات الصغيرة والحرفية لتشغيل الشباب والخريجين والاسر الفقيرة ،بجانب الاتفاق مع بنك التمويل الهندي لتمويل مشروعات الانفاق والكباري الطائرة والكباري على النيل.

-جريدة الصحافة عدد السبت 30/1/2010م-

عليك أمان الله شوارع الخرطوم الشايفنها دي 30 أتوس تاني بتقفلا خليهو 300 بص ......بس الله يهون

أصبحتوا طيبين؟؟؟؟

وزي ما النيل بضيع في الدلتا يتلاشى ويموت مشلول
نحن كمان تفيض آمالنا تنشرّ وتضيع في ساحل المجهول
أمسيتوا؟

قال المعري:

الرجال أربعة:
1/ رجل يدري ويدري أنه يدري فذلك عالم فاتبعوه
2/ ورجل يدري ولا يدري أنه يدري فذلك ناسٍ فذكّروه
3/ ورجل لا يدري ويدري أنه لا يدري فذلك جاهل فعلّموه
4/ ورجل لا يدري ولا يدري أنه لا يدري فذلك أحمق فاحذروه


أنظر حولك ......لماذا أصبح الرجل الرابع هو المسيطر على حيواتنا....


تطير عيشتنا نحن ياالمعري نحذر منو ولا منو؟؟؟؟

صباحكم عسل

وآ أسفا عليّ,, اصبحت الرياضــة عندي: أن تقوم من مكاتك .. لتغير قناة التلفزيون .

صباح الخير.

هذه الأغنية تقض مضجعي حكايتها

الأغنية " كلام للحلوة" أجمل ما كتب هاشم صديق
الغناء لمحمد الأمين.
إشتجر محمد الأمين وهاشم صديق ,,وطلب هاشم صديق الا يغنيها محمد الأمين ,, ما ذنبنا ؟
لي رأي قد ترونه غريبا جدا ,, ولكن هذه الأغنية عاشت لفترة سمعها الناس وتشكلت في وجدانهم ,, أصبحت ملكا لنا نحن ,, لذلك أرى ليس من حق ود الامين او هاشم صديق حجب الاغنية عنا ولو كنت في السودان كنتم ستمعون عن أغرب قضية أرفعها ضد الاثنين,, المهم إنها موجودة على النت لحسن الحظ ,,, وقد يكون بعضكم لم يسمع عنها ,,, عليكم الله أسمعوها كويس :

لما شفتك ليلي ضوّى وبق نور
ونرجس الجنه المفرهد هفًا بي جنحات عطور
.................................
وغنى فارسك خت صورتك في الاطار
في الليالي نجم بيلالي ونسمة في وهج النهار
وقال في وصفك لما بنتي أحلي منك برضو إنتي
ومافي غيرك زول معانا حتى كان يا السمحة غبتي
.................................
ومرة جالن ألف خاطر بي عيون عقلي المساهر
فجأة عينيك الحبيبة قالوا سارح وين مسافر
................................
عشت قولن شيل وصفقة
وقلت بس ياريتني أبقى
همسة في حلم الأميرة
أو سبايب في الضفيرة
أو عقيد في تبر جيدها
أو قليب في راحة أيدها
يا زمان أسمعني و أكتب
البريدها وريدها سيدي
وريدي سيدها
الزمان لو حتى بالغ
ما أظن في زول يعيدها
...............................
يا يا حلاتك
مره همسة
مرة نسمة
ومرة هلت نجمت غابت
ومرة صحوة غمزة نامت
مرة كلمة ترضي شوقنا
ومرة ضحكة تضوي فوقنا
ولما نسرح فيكي قادلة
زي ملايكة علينا نازلة
وبس نغني
نغني يا يــــــــــــــــــا حلاتكم
ياأهلنا
يا مصابيحنا ونجومنا
الضاوية في واحات زمننا

...............................
وإستمتعوا بالأغنية بصوت أبو الامين بالضغط أسفل





كلام للحلوة

اضوق طعم الحياه الطولت فاقدو
واحس فرح الصغير الضما والدو
صغيرنا علي كبيرنا الاقي اقالدو
واجي البيت زي عريس زافنو ساير
يسوقني الشوق واجيكم ماني زاير
اريت رزقا يغرب سيدو طاير
صباحكم زين ولكم الود

خذوا الحكمة من القطط





صباح الخير والصحه.

جريدة الخليج الاماراتية أوردت خبرا اليوم مفاده أن موظف سوداني الجنسية أراد أخذ راتبه الذي يبلغ 5200درهم ففوجئ بأن رصيده 5200000فما كان منه الا أن أبلغ مدير البنك وقد اتضح أن الخمسة ملايين حولت لحسابه عن طريق الخطأ...مدير البنك شكر الموظف على أمانته.
مساكم فل

سلمي شكيتك ... والله جاي أكتب الكلام دا كنت ... حردتو!

بعدين إنت مالك علي الغربة ؟؟؟

تعرف يا إنصاف ناس العمل والعمال مطلعيين قرار
بتحويل كل المرتبات للبنوك ,, والناس تمشي تصرف من هناك
إنشاالله كدي بس يغلطوا ويحولوا لي زي زولك دا ...

قال شكر أمانتو قال؟!!

هاك الأمانة دي ..

الباقين كجنتكم !!!

Good friends are like STARS You don't always see them, but you know they are ALWAYS
THERE
الأصدقاء الحقيقيون كالنجوم ، لا تراها دوما ؛ لكنك تعلم أنها موجودة في السماء.

مساء الخير.

في يوم الجمعه وفي احد المساجد بمصر
اعتلى امام وخطيب المسجد منبر المسجد لخطبة الجمعه
واستهل الخطبه بالصلاه والسلام على رسول الله صلى الله عليه وسلم
ومن ثم قال يامعاشر المسلمين
ايش رايكم نتعاهد بانه كل واحد بعد ما يرجع بيتهم يبوس يد زوجته
فقال احد المصلين للامام
والي ما متزوج؟؟؟؟؟؟؟؟؟؟؟؟؟؟؟؟؟؟؟؟؟



ايش رد عليه الامام


(((( الي ما متزوج يبوس يده وش وضهر ))))))))))


صباح الخير.

السلام عليكم ورحمة الله وبركاته

أآآآي عديــــــــــــــــــــــــــــــــــــــــــــــــــــــــــــــــــــــــــــــــــــل كدة ...!

بعدين أنا مـــــــــــــــــــــــــا حردان النت ولا عامل فهيا مهم

كل القصة مضغوط شوية وحاجات تانية حامياني ..


داير آقول شنو تاني ؟؟؟

مساء الخير

ياخوي أنا قصة حردان النت وعامل فيها مهم دي قلتها في بوست تاني

فما تلخبط لينا الكيمان



ولكل الأحباب

صباح الخيرات

أهلأ.

لا موعود بالنيل فى بيتنا ولا طاريك الضل فى الشارع
بس يا ريتك أستنيتنا بين الغيم القمر الطالع
كنا ملينا دروبك ألفة وكنا مسحنا هموم ومواجع
شلنا جراحك فى أعماقنا أديناك من ريدنا منابع
غط يناك الشوق وهوانا عشان لا تقاسى الخوف لا تصارع


مساءكم حاجة باردة

متعكم الله بالصحة والعافية ...........صباحكم زين

الليلة ماعندي ليكم أي حاجة غير:


صباح الخير

سلامات كتييييـــــــــــــره وصباح الحير عليكم.لكم الود

قول صباح الخير
قول مساء الخير
وأبدأ يومك بالتحية
وأنهي يومك بالتحية
يا ما بالكلمةالحنينة ينفتح ليك ألف باب
باب محنّة وباب سعادة
باب أحبّة وباب صحاب
أملأ يومك كلو فرحة..لا ملامة لااكتئاب
مرحب يالصحاب

(أمشي السودان ؟

أقعد هنا؟
أمشي , أقعد ؟
أقعد ,أمشي؟
يا أخي سيبك ,, خليها على الظروف .)
محمد ميرغني : ياربي عمي عماد دا عندو صداع ولا شنو,, طوالي كده ماسك رأسو,, طيب ما يأخد بنادول


مساء الخير

هــــــــواك لاقى الوطن جوّاي
رجع صوت الحواري يحوم
بقى الزمن الجديد أجمل
ورنّت ضحكة الخرطوم
نعس جرحي القديم ارتاح
عرف رمش الليالي النوم
غسل نبعك ملح دمعي
وانزاح الضلام مهزوم




أريــــــــــــــــــــــــــــــتو


صباح الخير

انتى مامشتاقة ليّ
ولا ماعارفة العليّ
لو خلاص خليتى ريدى
يكفينى خاتمك فى ايدىّ

مازمان قبال اسيبك
قلتى لى اوعك تطول
قلبى دايما فى رجاك
المحال غيرك يبدل
عشت بعدك كلي ذكرى
امسى بى طيفك واقيل
الليله قلبك لونسانى
غير عيونك وين اقبل

ما زمان قبال اسافر
كان فراقى كان صعب عليكي
شلت جرحى وفت منك
همى بس كان كيف اجيكي
جيت بى شوق الدنيا كلو
داير احس بى شوقى فيكي
بس لقيت اللهفة راحت
حتى عينيك ما عينيكي

شلت جرحى وفت منك
داير احس بى شوقى فيكي
شلت فرحى وجيت اسالمك
قايلك انتى تحسى بى
وانتى ما انتى الزمان
اصلى مامصدق عينى
انتى ما انتى الزمان لامن
قليبك بالفرح يحضن ايدىّ
داير افوت ياغاليه منك
ابكى واحضن فى الاسيه

هاشم ميرغني

صباح الغنا السمح.

لييييييه الناس بقت ما ملتزمة بي موضوع المشاركة الإجبارية في ملتقى الأصحاب؟؟؟؟؟؟؟؟


صباحكم ورد

السلام ليكم وللمعاكم قاعدين