ملتقي الاصحاب

ها يا ناس الحلة كيف حالكم؟؟؟

كان الصاح أجيكم بي جاي أولاً لكن مشيت شفت الزبير محمد صالح شهيد أكتوبر دة قبلكم


نعلّكم طيبين؟؟؟؟؟

صباح الخير.... هيثم كيف حالك ... ما قالوا جيت بي جاي؟
ماشايفين حاجةّ!!!!

ميرغني ابراهيم كتب:... ما قالوا جيت بي جاي؟
ماشايفين حاجةّ!!!!

مرحب والله

ياخوي هنا وهناك بقى وااااااااحد

أصبت بتصلب في شرايين مشاركاتي في المنتديات

قدمت إستقالة من منتدى سنار وتم رفضها ، فاحترمت نفسي وما قدمت ليكم واحدة

وللأسف الشديد تم نقلي للخرطوم اعتباراً من 1/6 يعني الوضع سيزداد سوءاً

الله يصبر بس

وبعد الرغي دا:

مســــــــــــــــــــــــــــــــــــــــــــــــــــــــــــــــاكم قشــــــــــــــــــــــــــــــــطة

تعودانا أن التغيير في بلدنا الطيب دائما للأسوأ حتى هيثم الشفيع ال... مستكترنو علينا ؟؟؟
ناقلنوا الخرطوم ملو سوى شنو؟؟
ياأخي والله خبر ما كويس معانا لكننا دائما في انتظارك.. لك الود

كيف أصبحتوا....؟؟؟

مســـــــــــــــــــــــــــــــــــــــــــاء الخير

بس!!

ليه وبس دي يا خالد.....؟

مساء الخير وما بس .

والله يا دكتور
زهجااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان
وقرفـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــان

إنتو لسة خالد وميرغني لاعبنكم ون - تو؟؟؟

هي أنا كلمتكم؟؟؟؟ كمبيوتري ماااا باظ(شغال بي حق الشركة ، الله يغفر لي)

وبكرة كان الله هون راجع الخرتوم ، يعني دعواتكم ألحق اصلحو سريع عشان ما انقطع (هي الخرطوم بلا كمبيوتر بايظ الله يسترنا منها)

ميرغني : ياخ قول لي ناس جوبا ديل في إمضاء حضور بي جاي
خالد : (شقيش تقبل هم....زمن الشقا انشرّ).....أركز ساي آخوي

الباقين: كيــــــــــــــــــــــــــــــــــــــــــــــــــــــــــــــــــــــفنكم؟؟؟؟؟

زعلان منك اي لانك
ما هببت قوافل شوقي
ولا رديت لى رسايلي الجنك
لا عوافى ولا كيفنك...
عوافي وكيفنكم يا ناس المنتدي
لكم الود

سلمى الشفيع كتب:زعلان منك اي لانك
ما هببت قوافل شوقي
ولا رديت لى رسايلي الجنك
لا عوافى ولا كيفنك...
عوافي وكيفنكم يا ناس المنتدي
لكم الود

قرأت الرد أعلاه... ووديتو جاي وجاي ما ركب لي أصلو .. أعاين لي أسم صاحب المشاركة ألقاهو سلمي .. أعاين لي الرد ألقاهو زعلان .. أتاوق تاني لصاحب المشاركة برضو ألقاهو سلمي ... بعد ما إتأكدت إنها سلمى .. قلت إمكن دا الرشيد لقى الكومببيوتر فاتح وسلمى داخله المنتدى راح عامل الرسالة دي... طيب الكلام دا مابيشبه الرشيد ... تكون دي سلمى جد جد... طيب سلمى العوج لسانها شنو؟" زعلان ".. لو راجلها من أهلنا الرطانة كنا قلنا عاداها!! تكون دي مشية موسكو... ياربي!!
طيب مشية موسكو دي ممكن تقلبك شيوعي لكن ما ممكن تخليك تذكر المؤنث في اللغة الروسية.... ياربي جنت!!
إحتمال كبير ..إذا أضفنا حكاية زعلان دي .. للسياق نفسه " فتشت لي زول كاتب عوافي ما لقيت...لكن آخر حاجة بعد تعب شديد قلت إمكن دا يكون هيثم.
يا هيثم زول تزعله قدر دا وتخليهو ما يعرف رقبتو مره ولا راجل !!
ماليك حق أبدا .. ويا سلمى يا ولدي أمسحها لينا في وشنا .. وحقك علينا..
صباح الخير والجن والجنبو...

يامرغني دي ابيات شعر وما كاتباها انا كاتبها راجل وانا نقلتها ليكم ليس الا لا رطانه لا موسكو ولا الحصا حيصا ولا شنينه ام قرينات اصلو ما لاقتك مره بتقول شعر نقلا عن راجل؟؟صباح الورد والياسمين.لك الود

والله ما سمعت بيهن .... عشان كده شطحت ... ما صدقنا لقينا فرصة .ما في موضوع... قلنا نعملك موضوع..لكن راحت علينا دي....طيب أمسحيه لينا في وشينا يا سلمى يا بتي .... صباح الورد .... لك كل الود.

سلامه وشكم ياخي.الظاهر في تقل اضان ده من القرايه الكتيره ولا عامل السن؟؟صباحك سكر.لك الود

عامل السن طبعا .... دي عايزه ليها كلام ؟؟
صباحاتكم ... بيض... لكم الود.

صباح الورد ......
صامدوووووووووووووووووون

صامدون شديد والله يا مرغنى الله يعينك...سلام جاااااااااكم.كلم الود

العجب أنا ..................!!

لآمن زهجت من الصمود

مساكم الله بالخير

يا أهلنا وين:
هيثم
الرشيد
معاوية
هالة
ابو بكر الزبيدي
وليدين ... معلا والزبيدي
قرفان
نور
العمده نتمنى لابنه الشفاء العاجل

كفاية كسل ودخول باسم زائر ...
صباح الخير.

والله قاعدين يا مدير ومقصرييييييييين.
سلام ياشباب

مساكم الله بالخير
يــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا

فِرّد ..

شباب نهاركم ورد

مرحب الرشيد بعد غيبة ... وسلام خالد الصامد 1/2 كلتش .... وللغايبين بدون كلتشات .... صباح الخير.

صباح الخيرات ايها المدير الصامد ولكل الحبايب اهل المنتدى.لكم الود

أسعد الله ظهيرتكم يا أيها السادة الأماجد ..

وكدة

مساء الخير الصامدون في الارض..وفي الجو... لكم الود كله.

انحن خشينا

مساء الخيرات عليكم.وبالاخص علي المدير الصامد البقى ما صامد.لكم الود

صباح الخير.يا ناس عووووووووووك وينكم؟؟لكم الود

مساء الخير .... للصامدين والصامدات ..ويا سلمى صمود أكثر من كده كيف؟؟




جلس يحدث جاره عن ابنه الفاشل الذي درس 20 سنة كي يصبح طبيبا ومازال يركب سيارة قديمة بينما ابن اخيه سقط في الابتدائية بسبب لعبه كرة القدم وهو اليوم لاعب محترف ويركب سيارة يفوق ثمنها راتب ابنه لعشرين سنة .

لكم الود.

صباح الورد والياسمين والاجواء الخرطوميه الحاااااره(برضو احسن من الاغتراب).لكم الود

نهاركم سعيد ...أي حاجة أحسن من الإغتراب !!!

والله حتي (المَلوحة) العفّنة دي ..

أحسن من الإغتراب

مسااااااااااااااء الصّبر يا حلوين

شفقتوني والله!!

الحاصل شنو؟؟؟؟

24 ساعة مافِ زولا" خشي؟!!

مسا الخير يا ايها الاخوة الاعضاء

مساء الخير.

وكل ما... تجي الأقدار تمد إيدها
وبرضو....
نهاركم سعيد

كل ما نزرع الفراح يا مرغنى..صباح الخير ونأسف للانقطاع.المدارس فتحت وعملت لينا لخمه...لكم الود

حضرنا ولم نجد احد ولااااااحتي المدير الصامد.صباحكم سكر.لكم الود

مساء الخير
طولنا عدييل كده بس ما مننا عندي مشكلة كل ما اخش الموقع يلق معاي وما اقدر اكتب كلمة ما فهمت الحاصل شنو ؟؟؟ حسي برضو في نفس المشكلة في تقل في الموقع .

الامر مرفوع ليك ي سيادة المدير

ومساكم ورد

سلمى كيف حالك .. البيسمع المدارس دي يقول عندك دستة؟؟؟
زرعنا التفاؤل والصمود .. ولم ندع زراعة الأفراح!! صعبة جدا زراعة الأفراح.. المهم الله يقدرنا .... سعيد بعودتك

الأخ / وليد سعيدين جدا بعودتك ...قد يكون هناك شئ متعلق بالسيرفر أو الجهة المستضيفة المنتديات لا علم لي بها ... عموما دخلت الموقع في أكثر من جهاز ولا توجد بالنسبة لي مشكلة ....لكم الود الكثير.

يا أيّهَا الرّجُلُ المُرْخي عِمامَتَهُ! ،،،،،،،، هذا زمانكَ إني قدْ مضى زمني
أبلغْ خليفتنا إنْ كنتَ لاقيهِ أنيَّ ،،،،،،،،،،،لدى البابِ كالمصفودِ في قرنِ
لا تَنسَ حاجَتَنَا، لاقَيتَ مَغفِرَةً ،،،،، قَد طالَ مُكثيَ عن أهلي وَعن وَطني

مساء الخير..

جمعتُ باقاتِ الزهورِ هُنا ولكم بأزهارِ تزينتِ
ألقيتها بجوارَ مقعدنا الخالي حزيناً.. إذ تخلفتِ
ولممتُ أشواقي وعدت بها متلفعاً بالليل والصمتِ

صباح الخير.

عاد سعادتو متألقا كعادته نتمني عوده الجميع.مساء سعيد للجميع.لكم الود

مساء الورد
أوجه هذا الموضوع للمغتربينولى فى الاول ومن ثم للشباب اللذين يفكرون بالهجرة والإغتراب.
منذ القديم أجبروا أجدادنا للسفر والهجرة لدول أخرى طلباً لعمل أفضل لتحسين أحوالهم المادية فقد كانت
حياة المعيشة الداخلية هنا سيئة ولا تلبي متطلبات وحاجات الفرد ... ولكن والحمد لله أخذت الأوضاع
تتحسن تدريجياً وقد وصلت إلى درجة مقبولة جداً تكفي لأن يعيش الفرد بكرامته ولا يحتاج لأحد.
لهذا أنا رافض في أيامنا هذه فكرة الإغتراب وإبتعاد الفرد عن أهله وأصحابه وجيرانه ومحبيه وأدعو
كل مغترب أن يعود إلى حضن وطنه الذي يدفيه ويحميه ويأويه إذا لم يكن مجبر على الإغتراب,فنحن
يا أصدقائي لن نعيش أكثر من حياة وكما يقال فالجنة بلا ناس لا تنداس فمهما كانت تلاك البلاد التي
ذهبتَ إليها جميلة وحضارية فأنت ستبقى بين ناس غير ناسك وطباعهم غير طباعك وعاداتهم وتقاليدهم
غريبة عنك ولن تستطيع أن تندمج وتتأقلم معهم مهما حاولت
بين أهلك وناسك وأصدقائك وشربالشاى لا يحلو إلا وأنت في سهرة مع أصدقائك وتستمع إلى
أغانينا الشعبية) .
وقد تناقشت في موضوع الإغتراب مع كثيرين ولم أقتنع من أحد بضرورته , لذلك أتمنى أن تعطوني
سبب وجيه ليغترب الإنسان ويترك وطنه مسقط رأسه ويذهب لبلاد لا يعرف بها أحد ولن يستطيع أن
يندمج مع أحد.
وإذا قلتم لي لنحسن من أوضاعنا المادية فأنا أقول لكم ارجعوإلىبلدكموأعملوا بجدية ولمدة 16 ساعة
في اليوم كما تعملون هناك وسوف تصيرون من الأغنياء فالجدية في العمل هي أساس النجاح والدليل
على ذلك فعندنا هنا الكثير من الأغنياء اللذين كونوا نفسهم بدون الذهاب والسفر والإغتراب عن بلدهم .
على كل حال لكل واحد منا رأي خاص به وعقل يرى من خلاله.

السلام عليكم ايها الناس وصباحكم سكر.لكم الود

سلام ياشباب
عساكم طيبين ومساكم زين

مساء الخير عليكم ... فتون الموضوع كبير ويحتاج لمناقشة ... يمكن فتح الموضوع في منتدى الحوار .. شكرا على المساهمة والتحية على النشاط... لكم الود.

لو اعيش زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للاطفال حكاية حلوة من ضمن الاحاجي
بيها يتهنو وينومو واحرسهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة أو مع الايام سحابه
اهطل اهدي الدنيا بسمة اوري وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها ورافة تحتي نايمين ناس تعابة

صباح الخير

تحية صباح عطرة انفضت من بين جوانحي فلتهمها الاعجاب وزخرفها باسمي معاني الشكر والتقدير
سلمت يمناك على ما ابدعت
تحياتي دكتور

__________________

البلد الأصيــــــــــــــــــلة الحاملة كــــل صفاتنا
أهــــــل الفـــــــــــــن والجمال النورو ساحاتنا
نرفع قبعاتنا إحتراما ليك ونخلع كمان نعلاتنا
إنت كتــــــــــاب الأدب منـــــــو بيدرسو بناتنا.

صباح الورد.

جاييك من آخر الريد مشيا علي الاشواق
عزالليالي الزيف آنست نورك باق
خبيت مشاعري شديد الدوخا الساساق
كل مالك انت بعيد ارميني بالاطواق
صباحكم خير ولكم الود

بوريك طبّك .. أحسن في من عاداك أو يحبّك.
بل أنسى إحسانك في من يحبك.
وتناسى يوت لإساءة من يسبك.
في ما يهمك...
أجعل جميع فكرك شغلك وهمك.
ثم أحترم شيخك والدك و أمك.
والحاكم العادل خالك وعمك.

ثم في موضع آخر:

قبل قدم أمك وبه تبرك.
بر والديك كي إبنك يبرك.
أحلبلو درك ...
والدك...
وهب للأم دهبك ودرك.
خالف هوى نفسك حسدك وضرك.
وأحذر عقوق والديك في الحال يضرك.

إن في بعض المديح لحكمة ...
صباح الخير.

صباح الخير علي الجميع حضورا وغياب.لكم الود

مساء الخير للجميع , الاخ ميرغني عايز اقول ليك يوجد عدد كبير من خريجي جامعة جوبا معنا هنا في الدوحة - علي سبيل المثال دكتورة اسماء ميرغني - دكتور عبداللة عابدين - سلوي بورتسودان - الفاتح الابوابي ----الخ - لو ماعندك مانع ساتصل بيهم واخبرهم بموقع اصحاب جد حتي يتم التواصل بننا جميعا

صلاح ميرغني / يا أخي نحن لاقيين ...من الآن أنت مندوبنا في الدوحة لإعمار المنتدى ... ونرحب بأي إقتراحات من طرفكم .. بالنسبة لناس الدوحة تمكنت من الإتصال بزاهر والأبوابي ووجدت منهم ترحيبا وحماسا منقطع النظير ولكن أكتفوا بالتسجيل دون نشاط ...نشكرهم على التسجيل .. ولهم العذر حتى يظهروا في أي وقت ,وكما تعرف تشعبت سبل الحياة والإهتمامات وضغوط العمل خصوصا بالخليج .. لذلك تصعب أدوات التواصل رغم مافي القلوب من رغبة أكيدة ... أنت عليك تحركهم شوية .... ودعوة الأخوة الآخرين وأخونا عبد الله عابدين سيكون إضافة حقيقية للمنتدى ... لهم جميعا تحياتي ... وودي لك.

السلام عليكم يا شباب..لكم الود