رد: ملتقي الاصحاب

من طرف fton الإثنين يوليو 05, 2010 12:05 pm

تحية صباح عطرة انفضت من بين جوانحي فلتهمها الاعجاب وزخرفها باسمي معاني الشكر والتقدير
سلمت يمناك على ما ابدعت
تحياتي دكتور

__________________

البلد الأصيــــــــــــــــــلة الحاملة كــــل صفاتنا
أهــــــل الفـــــــــــــن والجمال النورو ساحاتنا
نرفع قبعاتنا إحتراما ليك ونخلع كمان نعلاتنا
إنت كتــــــــــاب الأدب منـــــــو بيدرسو بناتنا.

صباح الورد.

من طرف سلمى الشفيع الثلاثاء يوليو 06, 2010 7:38 am

جاييك من آخر الريد مشيا علي الاشواق
عزالليالي الزيف آنست نورك باق
خبيت مشاعري شديد الدوخا الساساق
كل مالك انت بعيد ارميني بالاطواق
صباحكم خير ولكم الود

بوريك طبّك .. أحسن في من عاداك أو يحبّك.
بل أنسى إحسانك في من يحبك.
وتناسى يوت لإساءة من يسبك.
في ما يهمك...
أجعل جميع فكرك شغلك وهمك.
ثم أحترم شيخك والدك و أمك.
والحاكم العادل خالك وعمك.

ثم في موضع آخر:

قبل قدم أمك وبه تبرك.
بر والديك كي إبنك يبرك.
أحلبلو درك ...
والدك...
وهب للأم دهبك ودرك.
خالف هوى نفسك حسدك وضرك.
وأحذر عقوق والديك في الحال يضرك.

إن في بعض المديح لحكمة ...
صباح الخير.

من طرف سلمى الشفيع الأربعاء يوليو 07, 2010 7:43 am

صباح الخير علي الجميع حضورا وغياب.لكم الود

مساء الخير للجميع , الاخ ميرغني عايز اقول ليك يوجد عدد كبير من خريجي جامعة جوبا معنا هنا في الدوحة - علي سبيل المثال دكتورة اسماء ميرغني - دكتور عبداللة عابدين - سلوي بورتسودان - الفاتح الابوابي ----الخ - لو ماعندك مانع ساتصل بيهم واخبرهم بموقع اصحاب جد حتي يتم التواصل بننا جميعا

صلاح ميرغني / يا أخي نحن لاقيين ...من الآن أنت مندوبنا في الدوحة لإعمار المنتدى ... ونرحب بأي إقتراحات من طرفكم .. بالنسبة لناس الدوحة تمكنت من الإتصال بزاهر والأبوابي ووجدت منهم ترحيبا وحماسا منقطع النظير ولكن أكتفوا بالتسجيل دون نشاط ...نشكرهم على التسجيل .. ولهم العذر حتى يظهروا في أي وقت ,وكما تعرف تشعبت سبل الحياة والإهتمامات وضغوط العمل خصوصا بالخليج .. لذلك تصعب أدوات التواصل رغم مافي القلوب من رغبة أكيدة ... أنت عليك تحركهم شوية .... ودعوة الأخوة الآخرين وأخونا عبد الله عابدين سيكون إضافة حقيقية للمنتدى ... لهم جميعا تحياتي ... وودي لك.

من طرف سلمى الشفيع السبت يوليو 10, 2010 10:28 am

السلام عليكم يا شباب..لكم الود

السلااااااااااااااااااااااام عليكم

لكن ما لقيت ليك روحي شهر ستة كووووووووووووووولو مافيش!!!!!!

إعتذاري لكل أعضاء المنتدى عن الغياب ال(قصتو طويلة ومشربكة ، وما تشتغلوا بيها كتير)

المهم:

أنا جيت..........وأدوني حبة كدة أفهم حاجة وأحاول أرجع ليكم هيثم بتاع قبل شهر ستة

كل الود
كل الحب

من طرف عماد الشفيع الأحد يوليو 11, 2010 7:52 am

وأنا كمان ياهيثم صباحكم زين ياناس ياحلويين

هيثم على الشفيع كتب:السلااااااااااااااااااااااام عليكم

لكن ما لقيت ليك روحي شهر ستة كووووووووووووووولو مافيش!!!!!!

إعتذاري لكل أعضاء المنتدى عن الغياب ال(قصتو طويلة ومشربكة ، وما تشتغلوا بيها كتير)

المهم:

أنا جيت..........وأدوني حبة كدة أفهم حاجة وأحاول أرجع ليكم هيثم بتاع قبل شهر ستة

كل الود
كل الحب

فردتي .. كيفك ..ما محتاج اقول ليك أكثر زول فاقدك .. المهم عودتك بي الدنيا ... صوت زغرودة في الخلفية ثم صباح الخير.

لايحملنكم إستبطاء الرزق على ان تأخذوه بغير طاعه

تحية خاصة زيادة اليوم لعماد, الرشيد وفتون وهم على الخط الآن.. صباح الورد.

حبابكم تاني

وحباب العمدة والدكتور وأبو النسب وفتون الما لاقيتا لي هسة

صباحات خريفية بالجبلين تجعلك تتحسر على شبابك الضايع في خرطوم السجم والرماد

وتااااااااني حبابكم

من طرف fton الأحد يوليو 11, 2010 10:49 pm

احلى مساء على لك المتواجدين فىالمنتدى والاخص اخوى هيثم

سماع أهلاً من الأحباب شروق آمال
ووصف البهجة بالكلمات محال يتقال
حلاوة العودة غينيناها في موال
يحكي عن الولف وأصلو الولف كتـــال

وجينــــــــــــــــــــــاكم يا حبايبنا(خذلتك ياعمدة ...صاح؟؟؟)

حبابك أختي فتون وحباب ناس المنتدى الفي والمافي

ملتقي الاصحاب - صفحة 13 Article-1293271-0A611438000005DC-799_634x427

مساء الخير ...

من طرف سلمى الشفيع الإثنين يوليو 12, 2010 8:45 pm

مساء الخير علي الجميع ومساء الخير شدييييييد علي العمده وهيثم.سعدت بعودتكما.للجميع كل الود

يا صباح الورد والياسمين
والناس الرايحين

خالد عمر وأبوبكر الزبيدي وعماد الشفيع ومدثر الجاهوري والكلاكلة و........و......و....

هو في منو غير ميرغني والرشيدومتشائل وسلمى وفتون؟؟؟؟

عموماً

سلام للقاعدين والمافيشين

من طرف عماد الشفيع الثلاثاء يوليو 13, 2010 8:39 am

ياناس الحلة .. العمدة جاء راجع وغلبوا الشغل وقال الروووب عليكم الله يعمل شنو ؟ .... اوع تقولوا ليه ارجع لأنه مافى طريقة والزومة ضايقة .....

من طرف عماد الشفيع الثلاثاء يوليو 13, 2010 10:41 am

لا تنسخ إذا لم تستطع اللصق

Don’t copy if you can’t paste

شيخ حاول الترفيه عن الذين يحضرون درسه في المسجد فقال: إن أفضل سنوات حياتي كانت في حضن

امرأة لم تكن زوجتي!
انصدم الحضور ودهشوا من كلامه!
فأكمل بعدها قائلاً: نعم! لقد تربيتُ في حضن أمي!

فكبَّر الجميع وبعضهم دمعت عيناه!

فذهب أحد الحاضرين إلى البيت، وأراد أن ينسخ ويلصق فقال لزوجته وهي تحضِّر له العشاء: إن أفضل سنوات حياتي كانت في حضن امرأة لم تكن زوجتي!
فقالت الزوجة: ماذا تقول يا ابن الـ...؟!

لكنه لم يستطع إكمال النسخ واللصق فقد غاب عن الوعي!
وما عاد له الوعي إلا وهو على سرير المستشفى من حروق الماء المغلي على وجهه!

النسخ واللصق ليس آمناً دوماً

أعملوا حسابكم يا الملغوفين وبطلوا خفة الدم ...

وإحتجت ان القاك حين تربع الشوق المسافر واستراح ...
وطفقت ابحث عنك فى مدن المنافى السافرات بلا جناح ...
كان احتياجى ان تضمخ حولى الارجاء يا عطرا يزاور فى الصباح ...
كان احتياجى ان تجئ الى مسبحة تخفف وطأة الترحال ان جاء الرواح ...
واحتجت صوتك كالنشيد يهز اشجانى ويمنحنى جواز الارتياح ...

الرشيد الريح نورالدين كتب:وإحتجت ان القاك حين تربع الشوق المسافر واستراح ...
وطفقت ابحث عنك فى مدن المنافى السافرات بلا جناح ...
كان احتياجى ان تضمخ حولى الارجاء يا عطرا يزاور فى الصباح ...
كان احتياجى ان تجئ الى مسبحة تخفف وطأة الترحال ان جاء الرواح ...
واحتجت صوتك كالنشيد يهز اشجانى ويمنحنى جواز الارتياح ...

جميل مافي شك ... وطفقنا نبحث عن .. لم نجدها ولم نجد إرتياح..
مساء الخير...

من طرف سلمى الشفيع الأربعاء يوليو 14, 2010 7:40 am

الجعلي ومرغنى بتبحثوا عن منو انتوا؟؟افصحوا
صباحكم سكر.ثم لكم الود

من طرف عماد الشفيع الأربعاء يوليو 14, 2010 8:30 am

ما أجمل الإنسان الذي يتألم و لا يتكلم.. يحب و لا يخون.. يبكي و لا يصرخ..

فليس كل إنسان مبتسم سعيد, فوراء كل ابتسامة ألم شديد...

صباح الخير للجميع

ودعتك بالامس وعدت وحدى مفكرا ببوحك الاخير...
كتبت عن عينيك الف شئ كتبت بالضوء وبالعبير ...
كتبت اشياء بدون معنى جميعها مكتوبة بنور ...
وكان قلبى قبل ان تلوحى مقبرة ميتة الزهور ...
مشكلتى...انى لست ادرى حدا لافكارى ولاشعورى ...
اضعت تاريخى وانت مثلى بغير تاريخ ولامصير ...
صباحكم زين

صباح الشعر السمح

كيف الناس ؟؟؟

لعل الجميع كما نتمناه لهم؟؟!!

حبابكم ألف

سلمى الشفيع كتب:الجعلي ومرغنى بتبحثوا عن منو انتوا؟؟افصحوا
صباحكم سكر.ثم لكم الود

أنا غايتو قاصد البحث عن القروش .... شوفي زولك دا كايس لي شنو؟؟ له ولك الود.

من طرف سلمى الشفيع الخميس يوليو 15, 2010 7:20 am

سجمي يا ميرغني الراجل ده بقي يقرض الشعر من متين؟الظاهر الحكايه وراها حكايه غايتو اذا غاب عن المنتدي الايام الجايه ما تتخلعوا.يا صباح الأجواء الجميله.
.لكم الود

سلمى / يغيب من المنتدى بس ؟؟ خذلتيني والله !! أُمال الأكياس البقطعوا ويوزعوا عليها دي قاعدة تعمل في شنو؟
الرشيد / نوم وخوستك في ضراعك !! لكم الود
صباح الخيرات.

ياسيدتى ...
كنت أهم إمرأة فى تاريخى قبل رحيل العام ...
أنت الان .. أهم إمرأة بعد ولادة هذا العام ...
أنت إمرأة لا أحسبها بالساعات وبالايام ...
أنت إمرأة .. صنعت من فاكهة الشعر ومن ذهب الاحلام ...
أنت إمرأة .. كانت تسكن جسدى قبل ملايين الاعوام ...

رزاز ومطر فى الخرتوم انتو كيييييف؟؟؟؟؟؟؟

من طرف عماد الشفيع الخميس يوليو 15, 2010 8:47 am

سخانة شديدة ورطوبة عالية فى الدمام - صباح الخير ياناس

قبلكم وقبالكم ياعمدة

هي الخرطوم العفينة دي فيها مطر وغمام يعني الجبلين تكون كيف؟؟؟؟

عليك أمان الله لينا يومين بتكون أطول شمش طلعت علينا تلت ساعة

صباح الأجواء السمحة

يا صباح الجمعة المافيها زول في المنتدى شغال غيري أنا
(هو قولوا لي كان شغال بتجي المنتدى؟؟؟)

صباح الخير على كل المارين

من طرف fton الجمعة يوليو 16, 2010 11:44 am

جمعة مباركة لكل اعضاء المنتدى

صباح الخير .. فتون وهيثم والمجمعين

من طرف عماد الشفيع السبت يوليو 17, 2010 8:35 am

السلام عليكم ورحمة الله وبركاته

استشر زوجتك دائما ثم نفذ ماتراة انت!!

صباح الخير .. وعمده والتانيين.

أنا قايل روحي سلمت عليكم لما دخلت قبيل

ما بيناتنا

كيف قيلتو؟؟؟

صبــــــــاح الخير عليك يازهور

عندنا أجواء رهيييبة ، غمام ورذاذ

جو......فول رسميييييي

عقبال عندكم

قال صلى الله عليه وسلم:
(لو انكم تتوكلون على الله حق توكله لرزقكم كما يرزق الطير تغدو خماصا وتروح بطانا)

حق توكله: الاستسلام الكامل بأن الرزق من الله.
تغدو: من الغداة اى عند البكور.
خماصا: جائعه.
تروح: تعود مساءا.
بطانا: ممتلئة البطون.

صباح التوكل !!!!!!!!

من طرف عماد الشفيع الأحد يوليو 18, 2010 8:43 am

ياناس سلام وكيف اصبحتو..

صباح الخير والإجازة القرّبت تبدأ ..
سلام سليم وشوق عظيم
سلام إذا مر بالجبال هداها
وإذا مر.... بالبحار مداها
سلام مثل الريحة في المنديل
ومثل... الوردة في المنديل
ومثل.... العجوة في النخيل
سلام أبيض....... من اللبن
وأشهى......... من العسل
جواب للبلد
نهاركم سعيد.

من طرف سلمى الشفيع الأحد يوليو 18, 2010 4:17 pm

سعيدين نحن يا سعادتك بالاجازه القربت تبدأ دي..في انتظار طلتك علينا..تجينا بالسلامه.
اها يا جماعه امسيتوا كييييف؟لكم الود

نحن إن أشرق صبح
نترك النوم ونصحو

ونمشي الشغل ونقعد فيهو لحد المغرب ونجي نتعشى وننوم عشان ننتظر يشرق صبح تاني

ياربي لمتين؟؟؟؟

والحمدلله من قبل ومن بعد

سلمى الشفيع وهيثم الشفيع كتب:سعيدين نحن يا سعادتك بالاجازه القربت تبدأ دي..في انتظار طلتك علينا..تجينا بالسلامه.
اها يا جماعه امسيتوا كييييف؟لكم الود

ونمشي الشغل ونقعد فيهو لحد المغرب ونجي نتعشى وننوم عشان ننتظر يشرق صبح تاني

ياربي لمتين؟؟؟؟

والحمدلله من قبل ومن بعد

شكرا سلمى ... مساء الخير.

ونحن برضو يا هيثم ... مساء الخير.

السلاااااااااااااام عليكم

والله المنتدى بقى زي الأرسنال الإنجليزي(طوالي تشكيلتو ناقصة)

وين الناس؟؟؟؟؟؟

صباح الغيابات غير المبررة

لبيع ضمير جديد غير مستعمل ابدا يغني صاحبه عن التفكير في قضايا الامة ومشاكلها ويجعله يعيش في راحة من كل التزام اخلاقي ووطني, فعلى الراغبين مراجعة اي مسؤول حكومي عربي.

صباح الجية ليهو ,,
وسماع أهلا من الأحباب شروق آمال
ووصفة البهجة بالكلمات محال يتقال

من طرف سلمى الشفيع الأربعاء يوليو 21, 2010 6:29 am

صباح السعاده علي الفي والمافى..لكم الود

متلفٌ عشق الحياة
آسرٌ عشق الحياة
إن غدا العشق جلوساً وقيام
وكلاماً والسلام
وحكى بعض الرواة
حدّثوا أن زماناً كان في هذا البلد
-قل هو الله أحد-
غارقٌ في السعد حتى منتهاه
ثم لما
جفّ جوف الكأس وانفضّ السقاة
قيل صبراً وطني
رحم الله زمان اللبن
أيها الحاكي....اتئد
لا..... لا تزد
ليس في هذا البلد
من تداعت عينه فوق قفاه
نحن نظّرنا كثيراً وانتظرنا
ثم قلنا ما علينا
إنما الدهر رواه
مدهشٌ أن شجرٌ يمشي
ولكني أراه
قادماً من كل بيت
فاذا ما أطبق الليل سيأتي
إنه الوعدُ الذي ينتظر الأرضَ ولا شيئ سواه
إنه الوعدَ الذي تنتظر الأرضُ ولا شيئ سواه
إنه الوعدولا شيئ سواه

-من "عودة الشيخ" لمحي الدين الفاتح-

صباح الشعر السمح

من طرف عماد الشفيع الأربعاء يوليو 21, 2010 9:33 am

ها ناس صباحكم زين - المدير تحرك الآن فى طريقه الى البلد - والوصية بالمهلة اعملوا حسابكم من الكلس .....

السلااااااام عليكم

وجمعة مباركة على كل الناس

هي الناس بلا جمعة بقت مافيشة ، والبركة في فتون المجاملاني شوية اليومين ديل

من طرف سلمى الشفيع الجمعة يوليو 23, 2010 8:54 pm

وعليكم السلام..امسيتوا كيف يا ناس..لكم الود

وبقيت أغني عليك غناوي الحسرة والأسف الطويل
وعشان أجيب ليك الفرح رضيان مشيت للمستحيل

دة ما مصطفى سيدأحمد

دة أنا بغني على حال المنتدى

أصبحتوا طيبين إن شالله؟؟؟

من طرف عماد الشفيع السبت يوليو 24, 2010 9:03 am

يظل الرجل طفلاً , حتى تموت أمه , فإذا ماتت ، شاخ فجأة
** ** ** **
صباح الخير للمتواجدين

من طرف fton السبت يوليو 24, 2010 12:50 pm

احلى صباح للمتواجدين فى المنتدى

من طرف abood الأحد يوليو 25, 2010 1:34 am

ألسنا أهلَ الكهـْف !!؟؟
ومدى الفضاء تـئـز أطيارٌ عِـظأمٌ من حديدْ،
فكأنها سهمٌ يجلجلُ كالبــريقْ
والكل يـنـْظـُر نحونا شَـزْرا ، كما لو أننا كـُنـَّا ضِـباعْ
كل حاكم يبيعنا ويقبض الثمن
والناسُ . . . لا ناسُ المدينةِ . . . ربما ضِعنا بأطرافِ البقاعْ
أو أنــها أضغــاثُ أحــلام ، فقد كنـَّا وما زلنا نيامْ
صحنا بأعلى صوتـِنا : " إنــَّـا جياعْ "
فتجمع الناسُ الذين تهافتوا من كل صوب
هددوا وتوعدوا . . . قالوا بأنـــّـا مجرمون . . مخربون من الرُعاعْ.
ليـتـنا كلاب
ما أرفعَ الإنسانَ في أرض التمدُن والرفاهْ
يـثور من ألم البهائم والزواحف والكلابْ
ويُـقيم للقـِطـَطِ المآتمَ والقبورْ
اوينفق الأموالَ من أجل الحياةِ
بلا حسابْ

علاء الأعرجي

السلام والتحيات من هنا لا اااااعندكم كوووولكم

والتحيات أكوام للصاحب الجد عبود والذي يستحق وسلم الصمود

مزيد من التواصل ومزيد من المشاركات