مسطبة شعبية

أهاااااااااااا

وكمان الليلة كان اليوفي لحق لينا الإنتر أمات طه

الجاهوري دة تلاقوه في كاس العالم -كان حيينا-

مبروك لجماهير المريخ ,,, وهاردلك للهلالاب ,,, الجاهوري غتست حجرنا,,, شكيتك علي الله ,, والقادم أحلي قلت لي؟
لكم الود.

هيثم على الشفيع كتب:

وكمان الليلة كان اليوفي لحق لينا الإنتر أمات طه

الجاهوري دة تلاقوه في كاس العالم -كان حيينا-

وشيلسي إتغلب
الإنتر إتغلب
هلال الملايين إتغلب
والبركة في الميريا الخلي للجاهوري فريق ما اتغلب في اليومين الفاتو

نقول ليك فرق وهم .............تقول لأ

هو إنتو أنا بتكلم مع منو؟؟؟؟؟
وحاتكم الزول دة تاني ما يظهر إلا في حالة واحدة....................الهلال يغلب ليهو المريخ في كاس السودان

ياخي والله حمدلله على السلامة

وبركة الظهرتك هلال/مريخ (كان ما هلالك يتغلب وتغتس تاني ما تظهر)

لكن اشمعني بتتكلم عن الإنتر في الدوري الإيطالي والريال في الأبطال؟؟؟ما توحد لينا البطولات

قلت لي الدافي في قبضة الهلال؟؟؟ ودة فاوضتوه قبل هلال/مريخ ولا بعدها؟؟؟
{السؤال : البيخلي الدافي إضافة حقيقية للهلال وكلتشي "الفاوضو المريخ قبل هلال/مريخ إياها" مرتشي شنووووووو؟؟؟؟؟؟}

كان ما يطلع زي إيداهور "ولدنا" الجبتو ليهو صور بفانلة الهلال

مدثر الجاهوري كتب:
ومعقول المريخ يغلبنا خلال أسبوعين مرتين

لو حصلت ده كان خلينا الكورة مش المنتدى ..

التهنئة الخالصة للأخ الجاهوري وكل هلالاب المنتدى بمناسبة فوز الهلال بالثنائية ، وعقبال الثلاثية
(ماتسالوني من الكاس التالت دة لأنو أكيييييييييييييييييييييييييد ما أبطال أفريقيا)

لكن ياالجاهوري
إنت قايلنا زي ناس الجرايد الرياضية ذاكرتنا تعبانة؟؟؟؟
زمااااااااااااااااااااااااااااااااان المريخ دة ما غلب الهلال مرتين في اسبوع واحد ولا اسبوعين ..........خليتو؟؟؟؟؟

التهنئة لي ولجميع الهلالاب ,,,وهاردلك لمشجعي المريخ ,,والجايات أكثر من الرايحات.

حضرتها والله يالجاهوري باستثناء ربع الساعة الأولى

أقوان سادومبا واحد 90% منو أكرم والتاني 90% منو هيثم مصطفى ، وكان بتسمع كلامي -وعارفك ما بتسمعو- الزول دة غير جرّاي تاني ما عندو أي ميزة تفرزو عن أي مهاجم روابط...

وارغو : أي نعم ما موفق مع المريخ ، لكن شئت أم أبيت ألعب من 11 سادومبا

[أقوان سادومبا واحد 90% منو أكرم والتاني 90% منو هيثم مصطفى ، وكان بتسمع كلامي -وعارفك ما بتسمعو- الزول دة غير جرّاي تاني ما عندو أي ميزة تفرزو عن أي مهاجم روابط...

وارغو : أي نعم ما موفق مع المريخ ، لكن شئت أم أبيت ألعب من 11 سادومبا

يا هيثم يكفي أن سادومبا أحرز أخر هدفين في نهائي الموسم الكروي السوداني ... ووارغوا مش ما موفق بل لم يجد الفريق الذى يوظفه بالطريقة الصحيحة .... وسا سا سا سادومبا

سيد البلد دا ما بتقدروا عليهو يا المريخاب المريخ خاب حتى اسمكم بنبذكم لكم الود

اهنئ جميع الاعضاء بالفوز الساحق

محمد ميرغني كتب:اهنئ جميع الاعضاء بالفوز الساحق

متين -يا اخوانا - ال2/1 بقت فوز ساحق؟؟؟؟؟؟؟؟؟؟؟؟؟

طيب


5/2 فوز شنو؟؟؟

انت قاعد تتكلم عن زمان نحنا ما غلبناكم 3 ـ0 وغلبناكم مرات ومرات سادومبا سادومبا

محمد يا إبني

سؤالي دة واااااااااااااضح
وأنا ما جبت اي سيرة -لامن قريب ولا من بعيد- لنتائج سابقة للهلال والمريخ.

أعيد ليك السؤال تاني ، ولو عندك إجابة جاوب ، ولو ماعندك ما تحكي لي أمجاد الهلال (الأصلاً ما عندو أمجاد عشان يحكوها):

إذا كانت 2/1 فوز ساحق

5/2 فوز شنو؟؟؟؟؟؟؟؟؟؟؟؟؟؟؟؟؟؟؟؟؟؟؟

نحن 5ـ2 لاكن انتو 7ـ0 في الوقت دا الهلال كنوا قايلين روحهم فايزين خلاص ما استعدوا الاستعداد اللازم

هدية للعم هيثم ...................

منقول عن منتديات كورة سودانية

سادومبا

آآآآآآآآآآآه يا سادومبا

عامل لي راسك الزي البيضة ده

يا الله بي التفقشو ليكا

بالله ده راس وللا قرعة جرتق؟

عامل لي فيها حريف تتجارى يمين وشمال

وكمان تجيب لي قونين بالصدفة

وقون تحت الاباط كمان؟

في قون بجيبوهو تحت الاباط؟

ده طوالي مفروض الحكم ينقضو

لأنو فيهو خطر على حياة اللاعب البلعبوا ليهو الكورة تحت أباطو!!!

سادومبا يا الله يسد نيتك زي ما سديت نفسنا من العشا وشاي الصباح والفطور

والسماية والعرس والطهور

والجرتق والحنة والبخور

سااااااااااادومبا آآآآآآآآآآآآآآآآآآآه يا سادومبا

هو ده فريق شنو ذاتو ده؟

شي سادمبا

وشي دمبا

وشي كادمبا

وشي كاريكمبا

الحاصل شنو؟

***

كابوندي آآآآآآآآه يا كابوندي

هسي دي رقصة ترقصا دي

داير تحاكي مواطنك كتيابا

الرقصة حق محفوظ للمازيمباب

سواء الكنغولاب أو المريخاب

في داعي هسي ترقص رقصة زي دي؟

ورقصتك ذاااتا ولا سمحة ولا أصلية

زي ركصة كتيابا وكرمابا

الركصة دي رجينا كرمابا يرقصا ليه ما رقصا؟

رجيناهو يضيع الزمن ليه ما ضيعو؟

كرمابا دي الليلة ما براهو!!!

****

الحكم آآآآآآآآآآه يا الحكم

تنقض هدف واحد بس للهلال؟

صحيح تحكيم فاشل

كان مفروض تنقض التلاتة أهداف

وتدخل هدف بي يدك رجالة كده بس؟

مش انت حكم وقرار الحكم نهائي؟

طيب كان تلز الكورة بي يدك وتقول ضربت في الحكم

والحكم جزء من الميدان!!!

وكان مفروض تطرد معز محجوب عشان أنقذ ليهو كم هدف

تطرد معاهو سادومبا أب دومة وكابوندي الرقاص

وهيثم مصطفى الباصاي

وديمبا السد العالي

ومنير ابمبدة

وتخلي ايداهور والدافي يخشوا بدون ما يمرق أي لاعب من المريخ

مش انت حكم وقرار الحكم نهائي

وبالله دي ضربة جزاء تحسبها دي يا حكم؟

إنت مفروض لمن حصلت ضربة الجزاء تحسب هدفين للمريخ وضربة جزاء

وتطرد لاعبين من الهلال وتنذر خمسة

مش انت حكم وقرار الحكم نهائي؟؟؟

***

الليزر والليزراب

والساليب الشريفة والعفيفة والحرب خدعة

يعني في داعي تستعملوا ليزر أخضر؟

ما كان تستعملوا ليزر شفاف ما ينشاف يعمل لمعز رجاف وإرجاف

في داعي تعملوها ظاهرة كده لمن راعي الضان في الخلا يشوفا

وست الشاي تشوفا وميدان جاكسون كلو يعاين فيها

آآآآآآآآآ يا ليزراب آآآآآآآه يا كاربوني وكربونات

آآآآآه سادومبا

آآآآآآآه ديمبا

آآآآآآآه كابومدا

آآآآآآآآه

آآآآآآآآآخ الحيرقان آآآآآآخ الغازات

آآآآآآآآح القولون العصبي

آآآآآآه

آآآآآآآآخ

[[[ أذان الفجر ]]]]

كوكوكوكوووووووووووووو [[[[ صوت الديك ]]]]

خخخخخخخخخخخخ

شخييييييييييير

والمشهد الأخيرررررررر

محمد مشكور على الهدية ، وصلت / واستلمناها

لكن لسة ما استلمت الرد على سؤالي:
والمرة دي حاأساعدك وأديك خيارات (بس ما تمشي تجيب لي خيار رابع من عندك)

* إذا كان 2/1 فوز ساحق

فالفوز 5/2 هو :

أ- فوز ساحق برضو
ب-فوز ساحق خالس(بالسين)
ج- فوز ساحق خالس خالس

فوز ساحق خالس بالسين و7ـ 0 دا فوز بالخرخرة صاح ولا شنو

مدثر الجاهوري كتب:
وللمعلومية الهلال احكم قبضته على محترف المريخ عبد الكريم الدافي وسوف يقوم بتسجيله بعد الغد في أول يوم للتسجيلات

(المصدر شخصية هلالية رفيعة المستوى)

الجاهوري آخوي كيف حالك؟؟

باقي أنا ما متابع أخبار شديد.....

أها:

كلام شخصيتك رفيعة المستوى دي طلع صاح ولا غلط؟؟؟؟؟؟؟؟؟

يا أخوي الجماعة بقوا ليهو في رقبتو ,, المعز بقي في خبر كان.

ميرغني ابراهيم عمر كتب:يا أخوي الجماعة بقوا ليهو في رقبتو ,.

رقبة منو؟؟؟؟

الجاهوري ؟؟؟
ولا الدافي؟؟؟؟
ولا الشخصية الرفيعة المستوى؟؟؟؟؟؟

بالله يامرغنى البحصل ده مابيصيب الزول بالغثيان مبالغ كان قالو لينا بتساوى كم مابنعرفها ( مليارات ) وبينى وبينكم بتساوى كم جنيه كان بالجديد ولا بالقديم باقى انا مابعرف احسب وبمعنى اصح كدى حولوها لينا لريالات ممكن المبلغ يبقى شوية .....وبعدين المعز ده شنو ؟ و يامرغنى امانة عليك بدل الجهجهة الانت فيها دى مرة دوام ليل ومرة دوام صباح وعيد شغال وعيد ما شغال كانت بطلت القراية ومسكت فى الكورة الكنت فيها حريف وانا احلف صادق انت كنت احسن من الموجودين ديل كلهم كان فى المريخ ولا الهلال ما كان احسن ليك .

هيثم على الشفيع كتب:

ميرغني ابراهيم عمر كتب:يا أخوي الجماعة بقوا ليهو في رقبتو ,.

رقبة منو؟؟؟؟

الجاهوري ؟؟؟
ولا الدافي؟؟؟؟
ولا الشخصية الرفيعة المستوى؟؟؟؟؟؟

الجاهوري طبعا ,,, مش يكابس في الدافي ,, كابسوهو في المعز.

عماد الشفيع كتب:بالله يامرغنى البحصل ده مابيصيب الزول بالغثيان مبالغ كان قالو لينا بتساوى كم مابنعرفها ( مليارات ) وبينى وبينكم بتساوى كم جنيه كان بالجديد ولا بالقديم باقى انا مابعرف احسب وبمعنى اصح كدى حولوها لينا لريالات ممكن المبلغ يبقى شوية .....وبعدين المعز ده شنو ؟ و يامرغنى امانة عليك بدل الجهجهة الانت فيها دى مرة دوام ليل ومرة دوام صباح وعيد شغال وعيد ما شغال كانت بطلت القراية ومسكت فى الكورة الكنت فيها حريف وانا احلف صادق انت كنت احسن من الموجودين ديل كلهم كان فى المريخ ولا الهلال ما كان احسن ليك .

عليك الله يا عمده ,, الوكت دا كلو كنت عارفني حريف ما تقول لي الا بعد الخمسين ,, خليتك علي الله ,, كان قلت زمان ما كنت هسه كل يوم اهبك في التلفزيون شي تحليل وشي تدريب ,,, لك الود.

إنتو أنا كلمتكم إني بحلول 2010 خليت الكورة السودانية؟؟؟

بلا معز بلا نفطي بلا كلام فاضي

أرسنال/برشلونة وبس

يا أخي ما تخليها ,,,خليك مريخابي لكن ما مع الشئي الحاصل اليومين دي ,, تفرح لفوز المريخ وتحزن لهزيمته ,,,مافي القلب يظل مافي القلب ,, لكم الود.

يا جماعة مسعولين من الخير : ويــــــــــــــــــــــــــــــن الجاهوري وين ويـــــــن
وين الجماهير وين ويـــــــــــــــــــــــــــــــــــــــــن
النفطي ما جاب فيهو شيئ الدافي ما جاب فيهو شنو ,,, يكون تاب برضو؟

تعرف لي زمن عاوز أجيك لكن الجري ما مريحني

ياخوي مسألة التخلص من العقدة الاسمها الكورة السودانية دي حاجة صعبة باللحيل
لكن أوريك خطتي شنو:
بطلت نهههههائي قراية أي جرايد رياضية(كنت بقراها من النت)ودي نفذتها بنسبة 100%
نويت نية كاربة بعدم مشاهدة أي كورة طرفها فريق سوداني اعتبارا من هذا الشهر....ودي الخايف أفشل فيها لكن باذن الله أعملا
حأفضل أتمنى للمريخ كل خير وللهلال-داخلياً-كل شر

نسيت أقول ليكم المرة الفاتت حأشجع أرسنال وبرشلونة وأي فريق يلعب ضد الريالة والهلال السعودي والإنتر وشيلسي ومنتخب مصر ومنتخب السعودية

الفوق من دي أنا عكسك لكن بدل شر أقلبها رش أما الباقي معاك:
نسيت أقول ليكم المرة الفاتت حأشجع أرسنال وبرشلونة وأي فريق يلعب ضد الريالة والهلال السعودي والإنتر وشيلسي ومنتخب مصر ومنتخب السعودية

عرفتني كيف يالعريريف في المنتخبين الاخيرات!!!
لك الود.

نسيت أقول ليكم المرة الفاتت حأشجع أرسنال وبرشلونة وأي فريق يلعب ضد الريالة والهلال السعودي والإنتر وشيلسي ومنتخب مصر ومنتخب السعودية
معاك يا فردة بس بنشجع إيتو فى الانتر
وكورتنا دى كلام فارغ وفارات بترزقوا من وهم وشداد كلامو صاح ناس زعيط ومعيط والفاقد التربوى ومستودع الامراض والجهل النشط

يا عمك جازفنا لينا كى بورت

ولييييييه
المسطبة ما شغالة بي أمم أفريقيا الحتشيلا مصر للمرة السابعة وترفع لي الضغط لمن أقرب من الجلطة؟؟؟!!!!؟؟؟

أمم أفريقيا السنة دى مامقنعة..المستويات تعبانة..مافى مواهب واعدة...فى كمية من(الهكرات):احمد حسن..سونغ...جريمى..كانو...وهام هكرة..

أنا والجاهوري بنشجع مصر يا اخت بلادي يا شقيقة ,, والكأس كأسنا ونحن أسيادو.

ميرغني ابراهيم كتب:أنا والجاهوري بنشجع مصر يا اخت بلادي يا شقيقة ,, والكأس كأسنا ونحن أسيادو.

الحبايب والأهل والأصحاب سلام بعد غياب .... الجاهوري امبارح مبسوط جنس انبساطة مساهر لحدى الساعة الثالثة والثلث صباحاً للاتي :
1ـ الهلال السعودي بطل للدوري قبل ثلاث أسابيع
2ـ الانتر فاز على ميلان ديربي ايطاليا بالرغم النقص العددي
3ـ الحبيب تكعيب ريال مدريد فاز على ملقا بعد خراج روح بعد هزيمة وتعادل
4ـ الجزائر فازت على ساحل العاج وفي حال فوز مصر اليوم سوف تلتقي الجزائر مع مصر .
ـــ دكتور ميرغني مصر شنوا البشجعه نحن جزائر وبس ـ (ون تو ثري الجزائر ما عارف شنو) ... ويا ميرغني بل راسك اليوم لو طلعتوا من الكميرون الجزائر ضرب في الركب وبندبل ليكم الحنة ...
مع اشتياقي للجميع
خرج النص ... يا هيثم ولدنا الدافي ابقوا عشرة عليهوا بنسجلوا بنسجلوا رجالة حسنة .. وما باركت لينا يوسف محمد اللاعب المحترف الوحيد بالسودان المشارك بأمم أفريقيا وسوف يلعب كأس العالم مش زي ماس النفطي

السلام عليكم يا رياضيين.انا طبعا لا افقه في الكوره حاجه لكن اذكر في شبابي كنت بشجع الهلال واسه طار لي زيو زي كتيييييير من الحاجات الطارت لي لكن لقيت اسم الجاهوري منور شاشه كومبيوترى قلت ندخل و(نحمدل) ليو السلامه هو اصلا ما بيتلقي الا هنا صاح يا هيثم؟؟عموما حمدا لله علي سلامتك وبركه بالجيه.لكم الود

سلمى الشفيع كتب:السلام عليكم يا رياضيين.انا طبعا لا افقه في الكوره حاجه لكن اذكر في شبابي كنت بشجع الهلال واسه طار لي زيو زي كتيييييير من الحاجات الطارت لي لكن لقيت اسم الجاهوري منور شاشه كومبيوترى قلت ندخل و(نحمدل) ليو السلامه هو اصلا ما بيتلقي الا هنا صاح يا هيثم؟؟عموما حمدا لله علي سلامتك وبركه بالجيه.لكم الود

( فى شبابى ) دى حلوة ياسلمى طيب انت هسع شنو ؟ وناس ميرغنى خليتى ليهم شنو ؟؟

عماد الشفيع كتب:

سلمى الشفيع كتب:السلام عليكم يا رياضيين.انا طبعا لا افقه في الكوره حاجه لكن اذكر في شبابي كنت بشجع الهلال واسه طار لي زيو زي كتيييييير من الحاجات الطارت لي لكن لقيت اسم الجاهوري منور شاشه كومبيوترى قلت ندخل و(نحمدل) ليو السلامه هو اصلا ما بيتلقي الا هنا صاح يا هيثم؟؟عموما حمدا لله علي سلامتك وبركه بالجيه.لكم الود

( فى شبابى ) دى حلوة ياسلمى طيب انت هسع شنو ؟ وناس ميرغنى خليتى ليهم شنو ؟؟

عمده إنت ميرغني الدخّلو شنو ,, زول حجّ قبل سنتين وقال أيام الشباب براهو,, وزول قاعد في حالو وما حجّ ,,مالك عليهو .

بالمناسبة أهنئ المنتخب المصري بالفوز المستحق,, ومصر يا أم الدنيا

مبــــــــــــــــــــــــــــــــروك ,, يا مصر
عمــــــــــــــــــــــــــــــــــــار ,, يا مصر

نحن مع منتخب الفراعنة والما عاجبو يشرب من البحر

لكم الود.

سلمى الشفيع كتب:السلام عليكم يا رياضيين.انا طبعا لا افقه في الكوره حاجه لكن اذكر في شبابي كنت بشجع الهلال واسه طار لي زيو زي كتيييييير من الحاجات الطارت لي لكن لقيت اسم الجاهوري منور شاشه كومبيوترى قلت ندخل و(نحمدل) ليو السلامه هو اصلا ما بيتلقي الا هنا صاح يا هيثم؟؟عموما حمدا لله علي سلامتك وبركه بالجيه.لكم الود

الاخت سلمى الشفيع سلام ومشكورة على المرور والتحيات .. أما بالنسبة لتواجدى بالمنتدى الرياضي أنا زول كورة تانى ما بعرف حاجة ... وحكومتنا الرشيدة حفظها الله ورعاها (المدام) دائماً اسمعه تطنطن وتقول الله انعل أبو الهلال وريال والانتر (تقصد هلال السودان وريال مدريد الاسباني وانتر ميلان الايطالي) وطبعاً بتكوني عرفتى الاسباب .... وتتصورى يا سلمى ايام الشباب طالما رجعتينا لايام الشباب قبل كده واحده ادتنى شاكوش واحد من اصحابي مشى للبت قال ليها مدثر ده زول كويس شوكشتيهوا ليه قالت ليهوا ياخي ده جنوا كورة ونستوا معاي كلها كورة وانا بكره الكورة وما بعرف عنها شئ ... صاحبي جاني قال لي ياخي الجكس ما بتونسوا معاهوا في الكورة عموماً انا اتوسطت واتونس مع البت في الحاجات التانية ... لاقيت البت وصاحبي كان قاعد على جنبه واسمع في كلامنا ... اتونست شوية معاها بعد شوية قلت ليها انا ماشي امريكا البت فرحت واتبسطتت قالت الزول بقى يفكر في المستقبل ... سالتني ماشي امريكا ليه ... رديت عليها قلت ليها ماشي احضر كأس العالم .... البت زعلت وقالت لي برضوا كورة ومن اليوم داك اتفارقنا وما اتلاقينا وصاحبي يضحك قال لي انت زول مرض خليك مع الكورة التنفعك... يا سلمى انا لوحة عربيتي هيئة رياضية على وزن هيئة دبلوماسية .... مع تحياتي

ميرغني نحن بنشجع الجزائر وبس ... وقالوا الطيارات بدت تشيل في المشجعين الجزائرين عشان يحضروا المباراة وبعد شوية حا نسمع العياط والعويل ... ويا رب تدينا الفي مرادنا بكرة يوم الخميس الجزائر بتفوز ويا ميرغني بكره الهدف بي هدفين زي ما قال متي ...

أووووول مرة نتلاقى في تشجيع فريق يالجاهوري


اللللللله يستر

هيثم على الشفيع كتب:أووووول مرة نتلاقى في تشجيع فريق يالجاهوري


اللللللله يستر

يا الجاهوري:
إنت بتشجع الهلال السوداني وهو 90% حظ و10% لعب
والهلال السعودي 85% حظ و15% لعب
وإنتر ميلان 80% حظ و20% لعب
وريال مدريد 80% حظ و20% لعب
وشيلسي 80% حظ و20% لعب
الما بخليك تشجع المصريين ال99% حظ و1% لعب
شنوووووووووووووووووووو؟؟؟؟؟؟؟

ماااااااااااااااااااااااااالك على الجزائر ملحقا أمات طه؟؟؟؟؟؟؟؟؟؟؟؟

دا لحقها طه زاتو ,,,

والمصريين أهم ,,, مبروك لينا مشجعي الفريق المصري ,, وهاردلك لمشجعي الجزائر .
ويا الجاهوري قلنا ليك ما بتعرف تتفرج كورة ,, بطل الشغلانة دي.
والكأس كأسنا.

ميرغني ابراهيم كتب:دا لحقها طه زاتو ,,,

والمصريين أهم ,,, مبروك لينا مشجعي الفريق المصري ,, وهاردلك لمشجعي الجزائر .
ويا الجاهوري قلنا ليك ما بتعرف تتفرج كورة ,, بطل الشغلانة دي.
والكأس كأسنا.

يا ميرغني اعلم تمام العلم بانك لن ولم ولا تستطيع تشجيع مصر لكن خالف تذكر ونحن من عرفناك ما بتشجع لا مصر لا فريق تاني مافي داعى نذكروا والغريبة عثمان متي عامل فيها مصراوي على الأخر دنيا والله حيرتونا يا أولاد ودراوة الحصاحاص حلاوة ... نحن بكره بنشجع غانا الفنانة وربنا ينصرنا على الفراعنة ... رايك شنوا ازيدك ولا كفاك ...

ماااااااااااااااااااااااااالك على الجزائر ملحقا أمات طه؟؟؟؟؟؟؟؟؟؟؟؟

يا هيثم الجزائر شجعناها لكن نعمل شنوا فريقهم تعبان وغلب في السودان لكن أول أمبارح غلبهم اللعب عديل كده الظاهر المصريين كربوها ... عموماً خلينا نشجع غانا وربك كريم ... وتتصور اي فريق شجعتوا في امم افريقيا لحق امات طه لكن غانا حا تكون مفاجأة صدقني

ماااااااااااااااااااااااااالك على الجزائر ملحقا أمات طه؟؟؟؟؟؟؟؟؟؟؟؟

يا هيثم الجزائر شجعناها لكن كانوا مرض عموماً هاردلك وبكرة غانا بتغلب وعلى مسئوليتي بس واصل تشجيع ضد المصريين

الجاهوري والله غلبك التشجيع عديل كده!!
زول يقول ليكم انا بشجع الفريق الفلاني من قولة تيت ,, يقوم الفريق يغلب فريقكم ,, تقولوا ليهو انت ما بتشجع الفريق دا؟؟
افتراء منكم والله 4 زي السم مع الرأفة تعال تاني قول 123 بتاعتكم دي.

ويا الجاهوري لكن ما بالغت عديل !! محمد يوسف غطست حجرو ولحقته أمات طه برضو " قطع عديل في وتر أخيل" يعني سنة كده لو رجع .....عليك الله شجع المريخ سنه بس.

ميرغني ابراهيم كتب:الجاهوري والله غلبك التشجيع عديل كده!!
زول يقول ليكم انا بشجع الفريق الفلاني من قولة تيت ,, يقوم الفريق يغلب فريقكم ,, تقولوا ليهو انت ما بتشجع الفريق دا؟؟
افتراء منكم والله 4 زي السم مع الرأفة تعال تاني قول 123 بتاعتكم دي.

ويا الجاهوري لكن ما بالغت عديل !! محمد يوسف غطست حجرو ولحقته أمات طه برضو " قطع عديل في وتر أخيل" يعني سنة كده لو رجع .....عليك الله شجع المريخ سنه بس.

الله كريم علينا خايفين نقوم نشجع المريخ يشيل كأس الممتاز وكأس السودان وكأس أفريقيا للأندية الأبطال نقوم نلحق طه الدلاهه ... تتصور يا ميرغني في المصارعة الحرة (المصارع) البشجعوا بتغلب قصة عجيبة ده مرض اسموا التشجيع الاشتر ما عندك ليهوا حبوب ولا حقن

مدثر الجاهوري كتب:

ميرغني ابراهيم كتب:الجاهوري والله غلبك التشجيع عديل كده!!
زول يقول ليكم انا بشجع الفريق الفلاني من قولة تيت ,, يقوم الفريق يغلب فريقكم ,, تقولوا ليهو انت ما بتشجع الفريق دا؟؟
افتراء منكم والله 4 زي السم مع الرأفة تعال تاني قول 123 بتاعتكم دي.

ويا الجاهوري لكن ما بالغت عديل !! محمد يوسف غطست حجرو ولحقته أمات طه برضو " قطع عديل في وتر أخيل" يعني سنة كده لو رجع .....عليك الله شجع المريخ سنه بس.

الله كريم علينا خايفين نقوم نشجع المريخ يشيل كأس الممتاز وكأس السودان وكأس أفريقيا للأندية الأبطال نقوم نلحق طه الدلاه ... تتصور يا ميرغني في المصارعة الحرة (المصارع) البشجعوا بتغلب قصة عجيبة ده مرض اسموا التشجيع الاشتر ما عندك ليهوا حبوب ولا حقن

يا الجاهوري .. سلام ، طيب ما تشجع المصريين وتريحني من طولة لسنانهم !!
تعرف بالرغم من الفريق المصري مستواه جيد ، الا اني لم اشجعه ل ( شيءٍ في نفس
يعقوب) !!

الجاهوري ,,, حلها ساهل جدا تشجع برشلونة ومان يونايتد واى سي ميلان والمريخ وتريح رقبتك عشان الريال وتشلسي والانتر والهلال الانت بتشجعهم يفوزوا باي حاجة ,,, وزي ما قال ليك عاطف شجع معاي المصريين,,, عليك الله شجعهم!!
انت ما لاحظت انوانا من الاول قلت انا والجاهوري بنشجع المصريين أبيت تسمع كلامي ومشيت غطست حجر الجزائريين,,,قلنا ليك تعال غطس معانا ابيت,,,, لك الود.

مبروك لمصر ,, ولا عزاء للجاهوري والبقية ,,, وابشركم بأنو كأس 2012 برضو لمصر,,, الفراعنة عملوها وسيعملونها المرة الجاية برضو ,,, تحياتي لمعاوية عماد هيثم ووليد الزبيدي وخسوسا ابو بكر الزبيدي.

أول أمس برشلونة غلب والريال غلب : هيثم يومو صفر ويومي صفر
أمس مصر غلبت غانا ومانشستر يوناتيد غلب الارسنال : هيثم يومو _2 ويومي +2 أحمدك يارب

دي عايزه ليها سجدة زي بتاعة جدو يا معاوية .

ميرغني ابراهيم كتب:أول أمس برشلونة غلب والريال غلب : هيثم يومو صفر ويومي صفر
أمس مصر غلبت غانا ومانشستر يوناتيد غلب الارسنال : هيثم يومو _2 ويومي +2 أحمدك يارب
.

والله يا ميرغني أمس كان الأحد الأسود عديييييييييييييل كدة

لكن الجايات أحسن من الرايحات إن شالله

بعدين آخوي 2012 دي - كان حيينا- ورغم إنو نسبة الحظ عند المصريين في تزايد مضطرد لكن تشكيلة شحاتة دي ما بفضل فيها غير جدو (كلهم دفعتي)...