رد: إرشيف البنبر

من طرف سلمى الشفيع السبت أبريل 05, 2008 7:45 pm

معتصم ازيك؟سعدنا بالجاهورى فى بنبرو بردوده خفيفه الظل والغريبه قالوا محامى اول مره يلاقينى محامى لطيف.نتمنى انو البنبر يكون بارد عليك كال(نسيم).

من طرف معتصم يوسف الأحد أبريل 06, 2008 5:30 am

الاخ هيثم طبعا" شلتنا كانت غريبة وفريدة كنا بنطبز من أيام زمان لحدي اليوم والبركة في (فول عمك محي الدين)

من طرف معتصم يوسف الأحد أبريل 06, 2008 5:33 am

سلمى أزيك وأنشاء الله كويسة وذي ماقال أخوك نحن بنطبز خلوني انا وشوفو طبزات ود عمكم الكبير عمدة

من طرف معتصم يوسف الأحد أبريل 06, 2008 5:47 am

والله يالجاهوري الاشلاق عشت فية أجمل أيام حياتي والله جد وكانت شلتنا غريبة وفريدة والمودة قائمة بيننا الي الان وياريت يامدثر يعود الاشلاق وتعود أيامة - أركويت بصراحة ماعشت قيها كتييير لانو بداية غربتي كانت من الاشلاق - الحلة الجديدة زمان أيام المدرسة كنت بمشي لاصحابي هناك وزي مابقولو صديق الطفولة أسامة أحمد صالح وأخوة محمد والان الحلة الجديدة ناسبناهم وناسبونا - الكنار الله الله ياخي يوميا" كنا بنمشي نقعد في الكورنيش بتاعو أسف الردمية بتاعتو

من طرف معتصم يوسف الأحد أبريل 06, 2008 5:51 am

والله ياجماعة أنا خايف من بنبر الجاهوري وأظن يالجاهوري الغريق قدام صاح - ياخوي أحسن أتصل الان بكمال حسن الجمل عشان يقيف معاي

الاخوان / معتصم ,, هيثم ,,, الاخ معتصم لقب النسيم دا كان حكرا علي مجموعة من الاصدقاء ولم يشتهر به كثيرا ,, والحادثة علي ما اذكر انه وقتها كان مسلسل اذاعي بنفس الاسم وكان هناك من بين ابطال المسلسل شخصية لعبيط بالمسلسل حاول الاخ معتصم إلصاق اسمه بالاخ جمال السر ,, وكان اسمه النور ,,, وفي هجمة مرتدة من جمال السر علي معتصم قام بالصاق اسم النسيم وهو لبطلة المسلسل وليس كما ذكر اخونا معتصم الذي حاول الالتفاف بعيدا عن الاسم لانه مؤنث ,,, له ولكم الود.

الأخ/معتصم يوسف
انشاء الله بنبر كنار سيدنا ابراهيم.
ياخوى انت من 80 فى الأمارات ح تجى السودان كيف؟
بعدين ياخوى انت شغال شنو؟ ماتكون محامى زى الجاهورى
بعدين زى ماقال هيثم الشفيع الاغنية دى الوسيم ما النسيم واعتقد انك معجب بأحمد المصطفى لانو مصطفى سيدأحمد عندو اغانى اجمل من دى.
لك الود.

من طرف معتصم يوسف الأحد أبريل 06, 2008 6:01 pm

ميرغني انا حاولت أشوف لي زوغة من اللقب لكن شايفك جبتها من الاخر حاولت أزوغ بي المرحوم مصطفى سيد أحمد ومعاهو كمان أحمد المصطفى لكن هيثم مابريح وانت كمان ماقصرت المهم ربنا يديكم العافية ويدوم الود

من طرف معتصم يوسف الأحد أبريل 06, 2008 6:28 pm

أخونا الرشيد الريح والله تصدق من 80 بس ربك يستر وبعدين مامحامي أما بقصة الاعجاب بمصطفى سيد أحمد أول شي يالرشيد أنا درست الثانوي العام بمدرسة الحصاحيصا الشرقية وكانت سابقا" معهد وهي الان بالقرب من الجامع الكبير - جامع السوق ودرسنا الاستاذ المرحوم مصطفى سيد أحمد ووالله كان كمان ابو الفصل وكنا معجبين من أيام زمان وكنا بنسمع الاستاذ من أيام قدار دمواعك - والضواحي - والوسيم - والسمحة قالوا مرحلة- لانو الايام ديك فهمنا في الغناء كان كدى وبس وقدر عقولنا - وأنا عارفة بعد ذلك أبدع في روائع عجيبة وغريبة - لكن ذكراة ليست بالمغنى فقط بل بحاجات كتيييييييييرة

الاخ معتصم / لك التحية وهاك الحبة دي عند اللزوم ,,,
شخصيات في ذاكرة معتصم
1/ حسين مرتزقة
2/اسامة احمد صالح
3/مرتضي ود الممرضين
وشقة كده بي العصر لي شمال الحصاحيصا وجيه قبل التمرين بي شوية

من طرف معتصم يوسف الثلاثاء أبريل 08, 2008 5:20 am

أخونا ميرغني الشخصيات القلتها دي ناس الله يديهم الصحة والعافية كانت لي معاهم زكريات عجيبة مابتتنسى ابدا" ولسع محفورة في الذاكرة - حسين مرتزقة ومرتضى والله ياميرغني من 30 سنة ماشفتهم وأتمنى أن أقابلهم ولو عندك أي طريقة أو أتصال بي بأحد قرايبهم وريني - أما أسامة سمسم كل إجازة معاهو وطبعا" أخونا تزوج من عمارة أبيد - طبعا" كل البلاوي العملناها كانت من مرتضى أول سفة من مرتضى أول سجارة من مرتضى وكل الاوايل منه . نفسي اشوفه - أما بخصوص الشقة للشمال أقول ليك حاجة وأحدة مرة سقنا معانا صلاح شبو (تلب) وعامل لينا فيها عنتر وعند العودة أجرنا (كارو ) عشان نرجع (تلب ) لاهله (كانت أيام بخيرها وشرها)

من طرف عماد الشفيع الثلاثاء أبريل 08, 2008 11:22 am

معتصم يوسف كتب:أخونا ميرغني الشخصيات القلتها دي ناس الله يديهم الصحة والعافية كانت لي معاهم زكريات عجيبة مابتتنسى ابدا" ولسع محفورة في الذاكرة - حسين مرتزقة ومرتضى والله ياميرغني من 30 سنة ماشفتهم وأتمنى أن أقابلهم ولو عندك أي طريقة أو أتصال بي بأحد قرايبهم وريني - أما أسامة سمسم كل إجازة معاهو وطبعا" أخونا تزوج من عمارة أبيد - طبعا" كل البلاوي العملناها كانت من مرتضى أول سفة من مرتضى أول سجارة من مرتضى وكل الاوايل منه . نفسي اشوفه - أما بخصوص الشقة للشمال أقول ليك حاجة وأحدة مرة سقنا معانا صلاح شبو (تلب) وعامل لينا فيها عنتر وعند العودة أجرنا (كارو ) عشان نرجع (تلب ) لاهله (كانت أيام بخيرها وشرها)

معتصم تحياتى ليك وللمعاك قاعدين ده اولا
ثانيا / لسه انا مافضيت ليك لأنى مربوك الايام دى فى الشغل
ثالثا / لاحظت انك بتفط سؤال وبتجاوب سؤال وده مابحلك والشهر لسه طويل
رابعا / بمناسبة الشخصيات التى ذكرها مرغنى والله الشوق ليهم بحر
خامسا / مرتضى ود الممرضين هكذا كنا نسميه عنده قصة مشهورة وهو كان هو طبعا زول شقي وعنده طرائف ونكت كتيرة , كان بيعمل ليه فى حاجة فى الديوان بتاعهم فى بيوت الممرضين بالحصاحيصا وجات امه بالشباك ولمن شاف أمه اتهجم وقال ليها حاجة مشاترة نسيتها القصة,, بالله يا معتصم لو بتذكرها قولها لينا مع خالص تحياتى لأسرتك

من طرف معتصم يوسف الثلاثاء أبريل 08, 2008 5:23 pm

والله ياعمدة الحاجة بتاعت الديوان دي أنا ماعارفها لكن هو أنسان كان شقي ومن صغرة كان مصيبة والله ياعمدة متمنى أقابلة - بقول ليك حاجة عنة ( من زمان أيام الثانوي العام وكانت الاجازة قام عمك محمد صالح أبو أسامة شغلنا أنا وأسامة في كشك التذاكر بتاعت دخول المستشفى وكانت التذكرة ( ريال) كنا قاعديين أنا وأسامة في شباك التذاكر مرتضى كان بيمشي للخفير وبيجلس معاهو في الباب وأتفق معه مايقطع التذاكر ويرجع لينا التذاكر مرة أخرى لشباك البيع وهاك يابيع مرة أخرى يعني كنا بنعمل لينا حق (15) تذكرة 150 قرش وكانو بيقسموا القروش - طبعا" أنا برفض لانك ياعمدة عارفني كويس بس المشكلة كانوا بيصرو علي وبيحلفو بالطلاق لازم أشيل في الحالة دي ياعمدة أعمل شنو بجبر بخاطرهم

من طرف عماد الشفيع الخميس أبريل 10, 2008 9:51 am

معتصم يوسف كتب:والله ياعمدة الحاجة بتاعت الديوان دي أنا ماعارفها لكن هو أنسان كان شقي ومن صغرة كان مصيبة والله ياعمدة متمنى أقابلة - بقول ليك حاجة عنة ( من زمان أيام الثانوي العام وكانت الاجازة قام عمك محمد صالح أبو أسامة شغلنا أنا وأسامة في كشك التذاكر بتاعت دخول المستشفى وكانت التذكرة ( ريال) كنا قاعديين أنا وأسامة في شباك التذاكر مرتضى كان بيمشي للخفير وبيجلس معاهو في الباب وأتفق معه مايقطع التذاكر ويرجع لينا التذاكر مرة أخرى لشباك البيع وهاك يابيع مرة أخرى يعني كنا بنعمل لينا حق (15) تذكرة 150 قرش وكانو بيقسموا القروش - طبعا" أنا برفض لانك ياعمدة عارفني كويس بس المشكلة كانوا بيصرو علي وبيحلفو بالطلاق لازم أشيل في الحالة دي ياعمدة أعمل شنو بجبر بخاطرهم

ما هو باين انا عارفك حنين وأمين وتشبه ود رعية مابتأكل الحرام وانت من صغرك شابى على الحلال 0000 (اسع صلعتك دى صلعت حلال 00 هاك الحلال ده )

الاخ معتصم لك التحية .
ماذا كتبت الغربة علي صفحة حياتك خلال الربع قرن الفائت .
ولسه الغريق لي قدام.

معتصم / مسجل غياب والبنبر دا ما فيهو غياب ,,, يعني شهر كامل تدخل يوميا وتجاوب ولو ما جاوبت بتلقي الهوم ويرك زاد:

اول طفل ازل فرحه كيف تصفها,, وهل الابناء مجبنة ومبخلة ,, ام هم مسئولية مجردة ,, ام ماذا؟

من طرف عماد الشفيع الأحد أبريل 13, 2008 8:41 am

طيب يامعتصم بعد نسيت مرتضى ود الممرضين عمل شنو ؟ كدى قول لى كمان نسيت يوم عرس احلام بت الزينة - عنبر البوليس - جمال السر - عزو - طبعا اليوم كان حافل وتخللته لقطات حافلة وابداعات ومواقف - يآخوى احنا ختيناك فى البنبر عشان تتحفنا بالذكريات الجميلة وعشان الشباب الجديد ده يستفيد من خبراتك و يجابه بها رتم الحياة السريع ده 00يالله يامعتصم قول واسهب وترى اذا ما حكيت انا بحكى ومرغنى شاهد ممكن يصلحك اذا نسيت حاجة الخاين الله يخونه وسجل للتاريخ ( اسماء فى حياتنا ) 00000 والغريق لى قدام 0

من طرف معتصم يوسف الأحد أبريل 13, 2008 9:11 pm

طبعا" ياعمدة يوم عرس أحلام بنت الزينة لولد عمها فتحي الجاي من السعودية والسيرة جاية من كسلا انا ياخوي ماكنت مع جمال ولا عزو (هز ياوز) كان معاهم ميرغني ود الذبيدي وعمة هاشم - وانا بعد ما اتعشوا الضيوف الجاييين من كسلا وخدمتهم مشيت البيت نمت لانو أبوي كان مدخلني كورس تقوية لغة أنجليزية ورياضيات صيفي - صيفي يعني في الاجازة يا (.....) وزي ماعارف أخوك في الاخر بقى شراح رياضيات في أخر عهد له بالتعليم

من طرف معتصم يوسف الأحد أبريل 13, 2008 9:17 pm

ياجماعة انتو الزول القعدني في البنبر ودالجاهوري وين فتح لينا ولا شنو ( ربنا يفتحها ليهو دنيا وأخرة)

من طرف عماد الشفيع الإثنين أبريل 14, 2008 7:47 am

معتصم يوسف كتب:طبعا" ياعمدة يوم عرس أحلام بنت الزينة لولد عمها فتحي الجاي من السعودية والسيرة جاية من كسلا انا ياخوي ماكنت مع جمال ولا عزو (هز ياوز) كان معاهم ميرغني ود الذبيدي وعمة هاشم - وانا بعد ما اتعشوا الضيوف الجاييين من كسلا وخدمتهم مشيت البيت نمت لانو أبوي كان مدخلني كورس تقوية لغة أنجليزية ورياضيات صيفي - صيفي يعني في الاجازة يا (.....) وزي ماعارف أخوك في الاخر بقى شراح رياضيات في أخر عهد له بالتعليم

معتصم قووووووووول ولا اقول انا ؟000000000

من طرف عماد الشفيع الإثنين أبريل 14, 2008 7:51 am

معتصم يوسف كتب:ياجماعة انتو الزول القعدني في البنبر ودالجاهوري وين فتح لينا ولا شنو ( ربنا يفتحها ليهو دنيا وأخرة)

يا اخوى الجاهورى اليومين ديل مابتلاقاه اصلو ما صدق ان المريخ انهزم والبارسا اتعادل وهلال السعودية فاز عشان كده تلقاه يتبختبر فى المسطبة الرياضية الله يديم افراحهم اصلهم زى المعارضة السودانية ينتظروا لمن تقع الاحداث ويقوموا يستلموها ويعملوا اسيادها وبركة يابركة 000

معتصم يوسف كتب:ياجماعة انتو الزول القعدني في البنبر ودالجاهوري وين فتح لينا ولا شنو ( ربنا يفتحها ليهو دنيا وأخرة)

الأخ معتصم .. تتصور الأيام ده متفرغ للمريخاب ووصلتني معلومة أنك مع الخيانة .. هاك بسكويت بركة ده اشرب بيهوا الشاي واستعدل لينا في البنبر

عماد الشفيع كتب:
معتصم يوسف كتب:ياجماعة انتو الزول القعدني في البنبر ودالجاهوري وين فتح لينا ولا شنو ( ربنا يفتحها ليهو دنيا وأخرة)

يا اخوى الجاهورى اليومين ديل مابتلاقاه اصلو ما صدق ان المريخ انهزم والبارسا اتعادل وهلال السعودية فاز عشان كده تلقاه يتبختبر فى المسطبة الرياضية الله يديم افراحهم اصلهم زى المعارضة السودانية ينتظروا لمن تقع الاحداث ويقوموا يستلموها ويعملوا اسيادها وبركة يابركة 000

أخونا عمده وين أنت سألين عنك قالوا الأيام ده حزين ومقاطع النت .. شقت ياسر القحطاني جاب القون كيف طبعاً عايزين الاتحاد يعمله لكن ربك موجود .. ريال والهلال والانتر كلوا تمام

من طرف معتصم يوسف الإثنين أبريل 14, 2008 8:18 pm

عمدة صديقي الوفي أقول شنو أرسل ليك كورلا من هنا السيارات رخيصة وانت تستاهل بس خلي الطبق مستور .........

من طرف معتصم يوسف الإثنين أبريل 14, 2008 8:23 pm

هو بالله الجاهوري من الباشبزق - جاهوري يأخي أنت راجل كويس لية تعمل في نفسك كدا حرام عليك ياراجل هلالابي لالا لالالالا مش معقول يأخي أستغر وتوب وتعال وباب النجمة مفتوح للطيبين مثلك ولو ماشالتك نجمة الحلة التحت بتشيلك نجمة الملاييييييين الطيبيييين

السؤال يا معتصم للمرة الثانية

الاخ معتصم لك التحية .
ماذا كتبت الغربة علي صفحة حياتك خلال الربع قرن الفائت .
ولسه الغريق لي قدام

ودا سؤال ثاني للمرة الثانية برضو

معتصم / مسجل غياب والبنبر دا ما فيهو غياب ,,, يعني شهر كامل تدخل يوميا وتجاوب ولو ما جاوبت بتلقي الهوم ويرك زاد:

اول طفل ازل فرحه كيف تصفها,, وهل الابناء مجبنة ومبخلة ,, ام هم مسئولية مجردة ,, ام ماذا؟

معتصم يوسف كتب:
هو بالله الجاهوري من الباشبزق - جاهوري يأخي أنت راجل كويس لية تعمل في نفسك كدا حرام عليك ياراجل هلالابي لالا لالالالا مش معقول يأخي أستغر وتوب وتعال وباب النجمة مفتوح للطيبين مثلك ولو ماشالتك نجمة الحلة التحت بتشيلك نجمة الملاييييييين الطيبيييين

الأخ معتصم يأخوى أجي لفريق ستة سنة ما شال البطولة وأخر حاجة يتغلب في بورتسودان محل الكدايس .. أستغفر الله العظيم الظاهر البنبر ده سخن بيك نديك سجارة مارلبورو تصلح الدماغ بعدين نشوف لينا سؤال

من طرف معتصم يوسف الثلاثاء أبريل 15, 2008 3:25 pm

أخونا ميرغني من أكتوبر 1980 أنا طلعت من السودان ومن ذلك التاريخ و الى اليوم لم أشعر بطعم الحياة بس الحمد لله الواحد ضحى عشان حاجات وظروف انت تعرفها كويس وقدرت أعمل حاجة فيها . بس لكن 28 سنة عذاب حياة جافة ( الغربة ياميرغني بلدت المشاعر) بس الواحد يقول ياريت وياريت وياريت لو كانت مسيرة حياتي غير كدى

من طرف معتصم يوسف الثلاثاء أبريل 15, 2008 3:30 pm

ياخي الجاهوري المريخ إتغلب في بورسودان تعرف ليه (معليش انا ماعاوز أكتب في السياسة وانت عارف ظروف البلد الايام دي في الشرق والانتخابات على الابواب ..... جاهوري المريخ أتهزم بي فهم مش إي كلام )

من طرف معتصم يوسف الأربعاء أبريل 16, 2008 5:58 pm

الجاهوري شفت كورة المريخ أمس ابو نصف دستة

من طرف سلمى الشفيع الخميس أبريل 17, 2008 12:21 pm

معتصم سلام انت يا اخوى قلت مغترب من سنه80يعنى قصص الاشلاق دى كللللللها قبل سنه80؟طيب انت مواليد سنه كم؟؟؟

من طرف معتصم يوسف الخميس أبريل 17, 2008 4:39 pm

أختنا سلمي كيف حالك يعني خلاص حبكت قصة العمر دي المهم يأختي أنا أصغر من عماد وميرغني وأنا جيت درست الابتدائي هنا لانو أبوي كان شغال عسكري وكان في نقطة بوليس المسلمية ونقلوة الي مركز شرطة دبي وأنتي عارفة ناس البوليس زمان بتنقلو كتيير أنتو نقلوكم سنجة ونحن نقلونا دبي وجينا مع الوالد وسكنا في أشلاق دبي . يعني 80 دي مش شغل كانت دراسة وأسالي الشيوخ العجائز

أخونا معتصم

والله بنبرك ابرد من هلالاب المنتدى

وشايفك تجاوب سطر وتفط سطر والشهر فضل فيو 10 يوم بس

كدي جاوب أسئلة ميرغني الطنشتها ديك وتعال جاوب لي:

ندمان على تجربة الغربة ولا لو الزمن رجع بيك بتكررا؟؟؟؟

من طرف معتصم يوسف الأحد أبريل 20, 2008 9:29 pm

والله ياهيثم لو عاد الزمن لي وراء والله وبعد الشفتو مابطلع من السودان ياخي نحن ماعايشين

معتصم

إنت مادام إسمك مع الناس الخشت المنتدى بين أمس والليلة ما عاوز تجاوب أسئلة ميرغني الفوق دي ليه؟؟؟؟

من طرف معتصم يوسف الأربعاء أبريل 23, 2008 7:40 pm

ميرغني ياهيثم بسأل أسئلة عاوز يوقعني في حاجات وهو عارف وعشان كدى أخير لي أفط سطر عشان خايف من الوقعة

من طرف معتصم يوسف الأربعاء أبريل 23, 2008 7:41 pm

ميرغني ياهيثم بسأل أسئلة عاوز يوقعني في حاجات وهو عارف وعشان كدى أخير لي أفط سطر عشان خايف من الوقعة

من طرف معتصم يوسف الجمعة أبريل 25, 2008 6:33 am

شنو ياجماعة قعتوني في النبر وكبيتو الزوغة وخاصة عمدة الحاصل شنو أنشاء الله المانع خير . لكن مرات بيجي هيثم وبشرب معاي فنجان قهوة وبيجري تاني الحاصل شنو البنبر أتكسر ولا شنو أخير أقوم منو براي

الاخ معتصم / سلام ,,, البنبر بردتو انت براك ,,,, والايام الاخيرة شهدت غياب جماعي لاهل المنتدي ,,, لكن شيل شيلتك:
1/معتصم ونون النسوة ,,, واعني المرأة في حياة معتصم ؟
2/يقال عنك ,,, معتصم مفتري ,,, او بتاع ناسات ؟
3/ مدينة غير الحصاحيصا احببتها ؟
4/ هل تؤمن بالحب من اول نظره ,,,,وهل تؤمن بالحب اصلا؟
5/ الشعر في حياة معتصم؟
وكل يوم في 5 اسئلة شيل شيلتك ,, ولو ما جاوبت او رديت سنقوم بمد البنبر اكثر من شهر ,,, والزوغة ما بتحلك
وهذه دعوة للجميع خصوصا عمده لاسئلة في اللحم الحي,,, لك الود.

من طرف معتصم يوسف السبت أبريل 26, 2008 7:58 pm

دا كلام كتيير بخلي الاجابة ليهو غدا" بس أوعة من عمدة

من طرف معتصم يوسف الأحد أبريل 27, 2008 7:17 pm

1 - المرأة في حياتي هي الكلمة دي قدسية وبدليل أنها بتضم في لواءها الغالية أمي والحبيبة زوجتي والغاليات علي شديد إخواتي وأنوار العيون بناتي .

2 - صدقني المابعرفك بيجهلك بس دا ردي ( إحتمال خجلي الابعد من اللازم هو السبب الخلى الناس تفتكر إني مفتري وبتاع ناسات ) لكن والله أنا غير كدي .

3 - مدينة سنجة وللاسف شفتها في أجازتي الاخيرة في زيارة الي شقيقتي إقبال بس أندهشت من هذة المدينة وسبحان الله حبيتها شديد

4 - لا أومن بالحب من أول نظرة

5 - بحب الشعر الشعبي يعني البسيط لكن المتعمق داك أبعدني منه

معتصم هاك ديل قبل ما يجيك العمده{ طبعا هو ناوي ليك}عايزين نعوض الايام الفاتت
1/ قنب الاسد ولا الدناقلة ولماذا؟
2/هل تتمني ان يمر باي من تجاربك في الحياة ولو نعم او لا لماذا؟
3/ لو قدر لك الرجوع للسودان ,,, هل سيكون بنفس الطعم والنكهة ولماذا؟
لك الود

الاخ معتصم يوسف / تحيه ,,, الرجاء الاجابه علي الاسئله اعلاه وتحديد عضو جديد للجلوس علي البنبر,,, وان شاء الله المانع خير!!!!!!!!
لك الود.

من طرف مدثر الجاهوري الإثنين مايو 05, 2008 7:35 pm

اليوم 5/5/2008م شنوا يأخوانا شهر مايو إجازة مافي بنبر قعدتونا وعملتوا زايغين

معتصم يوسف / يعني عامل فيها ما شايف ,,, يا اخي خلص لينا الاسئله دي ,,, وعين واحد بعدك ,, ونحن عكاليت ما تقول بننسي ,,, والشخص الاخر لازم تعينوا انت.. لك الود.

من طرف عماد الشفيع الأربعاء مايو 14, 2008 7:25 am

يا جماعة انا اقترح ان يكون ضيف البنبر هو جمال حسن الطيب لأنه الزول ده أى وآحد من الشيبان مكتوى بناره فأرجو من الأخ معتصم أن يقوم بترشيحه وجاتك الفرصة يا معتصم لحدى عندك كان تلقى طريقة تتشفى فيه وأكثر المقلين اظنه مرغنى ولا شنو رأيكم هذا مجرد إقتراح ؟

عفيت منك آمعتصم آخوي قعدت في البنبر شهر ونص

ناس الجاهوري والعمدة قبل الشهر يكمل كانو بفرفرو كايسين الزوغة

من طرف معتصم يوسف الخميس مايو 15, 2008 10:05 pm

اولا" حمد لله على السلامة وأنشاء بقيت كويس ربنا يديك الصحة والعافية

من طرف معتصم يوسف الخميس مايو 15, 2008 10:06 pm

معليش هيثم الرد كان ليك وكيف بقيت الان

من طرف معتصم يوسف الخميس مايو 15, 2008 10:07 pm

برشح وبشدة جمال حسن الطيب (جمال نقة) كرهنا الكشتينة زمان

من طرف عماد الشفيع السبت مايو 17, 2008 7:26 am

يالسيد المدير اعتمد الترشيح وخلينا نبدأ 00000000000

من طرف عماد الشفيع السبت مايو 17, 2008 7:32 am

معتصم يوسف كتب:برشح وبشدة جمال حسن الطيب (جمال نقة) كرهنا الكشتينة زمان

معتصم تحياتى وسلامت ابنك ونتمنى ان يكون بلغ الصحة 00000 اتصلت بك تلفونيا اكثر من مرة ولم تتكرم سعادتكم بالرد 000 بخصوص جمال والنقة امس كنا فى زيارة للخفجى لمرغنى ومعى الباقر ودالعباس وأسرته وعماد يوسف واسرته وطبعا جمال واسرته وزولك امس كره مرغنى الكوتشينة وطبعا منذ عشرات السنين هو الذى يرفع ضغط مرغنى وضغطنا كلنا ونحن قدر ما نقول نزوغ منو القدر يرمينا معاه 0000000000

من طرف **المشرف العام** السبت مايو 17, 2008 7:54 am

كتب معتصم يوسف العوض

برشح وبشدة جمال حسن الطيب (جمال نقة) كرهنا الكشتينة زمان
وبتزكيه من عماد الشفيع , سيكون جمال حسن الطبيب علي هذا البنبر حتي نهاية شهر يونيو
وسنبدأ بالاسئلة المعتاده كأفتتاحيه:
1/ الاسم كاملا
2/ العمر
3/ الحالة الاجتماعيه
4/ المراحل الدراسيه

من طرف **ميرغني ابراهيم** السبت مايو 17, 2008 8:29 am

الاخ معتصم / تحية ,,, الان جلس الاخ جمال حسن الطيب علي البنبر ,, ولكن لنا اسئلة لم تجبها حتي الان ووراك,,, لك الود

من طرف معتصم يوسف الأحد مايو 18, 2008 4:07 pm

الاخوان ميرغني وعمدة تحياتي والولد الان بخير . لكن الشئ المحيرني ومطلع عيني صور الراجل ابوعمامة التحت أسم عماد دا منو

من طرف عماد الشفيع الإثنين مايو 19, 2008 7:23 am

معتصم يوسف كتب:الاخوان ميرغني وعمدة تحياتي والولد الان بخير . لكن الشئ المحيرني ومطلع عيني صور الراجل ابوعمامة التحت أسم عماد دا منو

وجـــاهه مش كــــــــــــــــــــــده 0000 لسه فينا عر00000000000000

معتصم يوسف كتب:معليش هيثم الرد كان ليك وكيف بقيت الان

حبابك معتصم آخوي وكيف حالك؟؟؟

وسلامة ولدك وإنشالله سلك تمام (إنتو كمان الناس البرة السودان دي بتمرض؟؟؟)

الحمدلله أنا بلغت الصحة(الجسدية) لكن في صحات تانيات حالتن صعبة خليها ساكت

شكراً ليك والتحايا ليك وللمعاك في الأوضة ساكنين