نوادر اولاد المغتربين

استوحيت الفكرة من قصة قريتها في احد المواقع
والقصة كالتالي ......
واحدة زارتها احدي صديقتها وسألته؟ ايش مسوين اليوم بالغداء ..
ردت عليها ماما مسويه أم رقيقه فردت بدهشه اييش يعني ام رقيقه ..وصفت ليها حاجه كده تتمطي معاااااك ولونها اصفر ( الله المستعان ) .
والقصه الثانيه بنفس الغرابة : جات الحبوبه لبنتها زياره من السودان وقالت لبنت بنتها جيبي لي دلقان من هناك وصارت تبحث وقلبت البيت راسا على عقب بحثا عن شي اسمهه دلقان
انا طبعا بتي نوعا ما تسميتة لي ام رقيقة سمحة لانها مسميها ملاح موية
يلا العندو حاجة يحكي لينا

ظريفة نوادر اولاد المغتربين خاصة( ابو الدنان ) وياربي الما بعرفو بعمل ليهو شنو

العمة هالة: والله اولاد المغتربين ديل _الشكر لله_ الله حمانا من من فتنة اولاد المغتربين لكن هاك النكتة دي

قالو ليكم مغترب مشى خطب ليهو وحدة وبعد ما وافقو اهل العروس , طلب العريس انو يطلع مع خطيبتو ووافق ابو العروس بس بشرط انو يطلع معاهم اخوها الصغير ولما رجعو سالتا امها رايك شنو في العريس قالت ليها واللهي كويس بس بلوك لبان كتير امها قالت ليها سجمي لبان شنو كمان البلوكو ده يايما عريس التابا واليابا ده، كده طيب نخلي ابوكي يشوف الموضوع ده قام أبوها سأل العريس شنو موضوع اللبان الكتير ده قام قال ليهو ده لمن اكون شارب سجارة قال ليهو انت بدخن اي بس لمن اكون شارب عرقي وبتشرب عرقي كمان اي لمن اكون قاعد مع الشباب العرفتهم في السجن وكمان كنت في السجن ليه عملت شنو قال ليهو ما سويت شي بس كتلتا لي واحد قال ليهو وكاتلو مالك قال ليهو عشان كنت خاطب بتو ورفضني لمن لقاني بلوك لبان كتير. لمن رجع البيت بتو سالته قالت ليهو اها يابا قال ليك شنو ؟، قام الابو والرجفه ماسكاهو قال ليها يابتي ده مجرد لوك لبان ما اكتر من كده لكن العريس ده زول كويس

عاينوا لي بت المغتربين دي