نسوان ينشفن الريق

من طرف هالة الزبيدي الأربعاء مايو 27, 2009 10:23 am

معذرة أخواتي لقيت الموضوع ده وعجبني انشا الله منتدانا ما يكون فيهو اي نوع من النسوان ديل
اخوانا الاعضا
ربنا يديكم....مرا هدية ورضية.... السماحة ما ضروري لانو بعد شوية... ما حتكون لك سمحة.... حتكون عادية...... نصيحة لك... النسوان البقولن ليك ... ديل اوعك تعرس واحدة فيهن -نسوان انشفن الريق
'الفنانة....والحنانة....والحردانة,,,,, المدرسة....والمدبرسة.....والمفلسة
النوامة....والحوامة...واللوامة,,,,, البوبارة....والكوُبارة....والخبّارة, الممحوقة.....واللايوقة' ،، طيب....أجي اوريك ليه الكلام ده ؟؟؟

**الفنانة..(( حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين.... ))
**الحنانة..((طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع ما يلمسو الصبغة....

**الحردانة..((...دي حتكرهك حياتك....اقل كلمة...تتقنّع بي توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري))..
**المدرسة..((اول حاجة دي ما بتقدر تفرق بينك وبين الطلبة.. وحتقعد تعيد وتكرر في الكلام مليون مرة..زي برنامج من الأمس في تلفزيون السودان..وممكن جدا تسرح وتقول لك فا هم يا شاطر؟

**المدبرسة...((تلقها طوالي زهجانة.....وشايله اخلاقها في طرف نخرتها...وان كلكلتها ما تضحك.........في النهاية حتوديك التيجاني الماحي...... نزيل اكتئاب ))...

**المفلسة..... (( ما دايرة أي شرح !!!!!! ))

**النوامة.. ((تجي من الشغل نص النهار وزهجان..تلقاها..تانية المخدة وخاته ايدها تحتها..وتشخر.. وريالتها سايله.. وحالتها بالبلا..وتكره اليوم الفكرت انت فيهو في التكاثر..))

**الحوامة.. ((طول اليوم فوق كرعيها...في الحلة من بيت لبيت.....وتدخل البيت قبال ما انت تجي من الشغل بخمسة دقائق بس ....وتجري تولع النار....وتطبخ لك القطر قام....واول ما ينتهي الغدا ..تدخل في سفنجتها...استعداد لرحلة جديدة))

**اللوامة(( دا نوع مزعج جدا..لو جبت سيرة اخوك ساكت..تفتح فيهو. الله بيسألني...سنتنا ديك وقت انت خليتنا بلا قروش وسافرت... يدخل ويمرق علينا مدلدل ايدهو...كويس موز ساكت ما بيجي شايلو...ولو جبت سيرة امك... هي والله امك دي اصلها ما بتريدني....من توشفني تزعل والنيران تطلق فيها...وتمد قدومها....ووليداتي ديل السلام.. يا الله ويا امين تسلم عليهم)).
**البوبارة((دي تحملك فوق طاقتك..تشريك الما بينشري..وجيت ناس في البيت.تجري علي علبة الدهب..وتتعنكش كلها من راسها لكرعيها..وتقعد تنضم..بايديها وكرعيها رقبتها واضنيها.عشان توري الدهب))..
**الكوبارة((دي تكبرأي موضوع..وتسوي ليهوتوم وشمار. وتقول لك ناس القبور دقو الطنبور.. لو شافع من شفعك...عتر ووقع.. تصرخ وتخت ايديها في نص راسها...وبطول حسها...وووب علي ووووب علي ... ماااااات ...مااااات.... يسمعوها في الشارع....والغريبة لو انت كنت نايم وسمعتها... تقوم مخلوع...وتمرق من الاوضة لحدي النص وانته مافاهم حاجه اما لو كان عندك قلب مرضان....اللحظة ديك....من المهد الي اللحد ))
**الخبّارة((دي بتدور الخبار..لو في نضم تلقاها سكتت الشفع..ونهرتهم عشان تسمع.....الجيران مالهم بيهرجو وصوتهم عالي...ولو كانت بتكوي لك في هدوم..قطع شك..قميص ولاّ جلابيه ح يكون في عداد ضحايا الحريق..وممكن الملاح..يحرق وممكن الجردل يكون في الماسورة.. يتملي والبيت يغرق من الفيضان..وحرمكم المصون واقفة فاتحة خشمها وتصنت للجيران))....
**الممحوقة..((دي ان جبت دكان كامل وختيتو لها في البيت تكملو في يومين...تصوطو كلو فوق تحت..لكن ممكن توديها لاصحابك الزعلان منهم لوعندهم مناسبة تطبخ لهم..عشان..لما المناسبة تنتهي يشحدو وانت تتبسط...)).
**اللايوقة ..((..دي حكاية تانية خالص.. تمسك في موضوع يحلك منو الجليل الرحيم.. يا دا.هوي يا دا..... الليله يا يمة.مالك طرشت؟؟؟؟؟.........وقدرما تطنشها هي مصرة.....وممكن تجي جنبك وتخجك.....خجة جامدة عشان تنتبه...... للنقة...))
ويابخت البعرس ليو مرا. هدية ورضية ...نقية وتقية ......

ودمتم
((والله وليٌ التوفيق ))

طيب يا هالة المعرس ليهو مدرسة كوبارة وبوبارة وحوامة ولوامة ونوامة,,,, كيييييييييف؟؟

من طرف هالة الزبيدي الأربعاء مايو 27, 2009 6:21 pm

دي يا مرغني يا اخوي تاخد دقة صباح ومسا
لكن حسب علمي انته ما مرتك ما فيها الصفات دي عارف ليك زول عندو ولاشنو

نسوان ينشفن الريق

نسوان ينشفن الريق

رد: نسوان ينشفن الريق

رد: نسوان ينشفن الريق