مدني حي 114

من طرف **خالدعمرحسن** الجمعة سبتمبر 18, 2009 6:23 pm

أنا من أولاد مدينة ودمدني الخالدة ..
أسكن حي 114 ريفي الدرجة (بيناتنا شارع واااحد)
شارع الادارة المركزية (الكهربا) ,,, وهو ما يفصل بيننا
نحن أولاد العمال ,, وبين أولاد (المصارين البيوض) أي ناس
الدرجة المروقييين ...
درسنا مع بعضنا البعض وكذلك (دفرنا) كرة القدم وعشنا وتعايشنا معا"
رغم الفاااارق المعيشي الا أنه حدث الترابط وكونت الصداقات ..
وصراحة لم اكن أفرق بيننا وبينهم فطول لساني (الله يديهو العافية)
كان يشمل الكل , وكثيرا ما كنت أقول لهم انكم تعيشون تحت حمايتنا
نحنا (الشفاتا)
ولو لا (114) لما عاشت الدرجة في أمان .. لاننا نستمد قوتنا وتدريباتنا
من (الحلة الجديدة) ..
فما كان من أحدهم (وهو صديق عزيز) لا أفضله عليكم ..
الا وأن قال لي : هوووووي انت بتتكلم علي شنو؟!! ناس (114) ديل
زمان لمن يدورو يلعبوا شليل كانو بجوا يفتشو العضم من الدرجة ...؟!!

ذكرتني حاجات كثيرة رغم انو نحن ما كان جنبنا درجة ,,, ناس اشلاق مدني كان جنبهم حي المطار ,,, واسألوا حافظ الشيخ ؟؟
نحن في الحصاحيصا جنب الاشلاق كان في بيتين جنبنا كان بالنسبة لينا درجة ,,, بيت الضابط وبيت مدير المدرسة الثانوية ,,, وطبعا يا خالد ناس معاوية وهيثم ديل كانوا اولاد الدرجة بتاعننا,,,وقس علي ذلك,,, لك الود.

من طرف **خالدعمرحسن** الجمعة سبتمبر 18, 2009 8:16 pm

صديقي مرغني أولا أعزرني وأرجو ان تسمح لي بكتابة (مرغني) بدلا" عن (ميرغني)
الصراحة كدة عندي معاها عقدة عديييييييييييل ..
بس أوعدك بحاول اتخلص منها ..
أها ..
ثانيا" أشكرك علي الاهتمام الذايد بالمرور علي مرضاي ..
وكان درجتكم (هيثم ومعاوية) .. والله أنتو (أيوب عديييييييييل)
ولك التحية ..

خالد

الموضوع دة جميل وبيوثق لي زمان ومكان مهمين

خليتو ليه؟؟؟؟

من طرف **خالدعمرحسن** السبت ديسمبر 19, 2009 4:34 pm

تعرف راااح مني بس ,, ونسيتو
لأنو دي أول مشاركة لي تقريبا" ..

مشكور كتير يا هندسة ..

وبواصل فيه بإذن واحد أحد

- وكمان ما تقول لي العضو الجمييل (وليد)

واحد من أولاد الدرجة ؟!!

مدني حي 114

مدني حي 114

رد: مدني حي 114

رد: مدني حي 114

رد: مدني حي 114

رد: مدني حي 114