تخاريف - خالدعمر

الاخوة الاصحاب هذا البوست بمثابة (تخاريف)
وهو خاص بما أكتب من خستكات ونجر و........
تخاريف .. اذا سمحتم لي ,,,
كما أرجو من الاصحاب المشاركة والنقد والتقييم
فهو مفتوح للمشاركة ..

ولكم الود

حباب ودخالي

ونحن راجين تخاريفك وتخاريف بقية الأعضاء

كان ماتطلع زي تخاريف أخونا بتاع قصة ال(جواز)..دة لايمكن يتم

اخيرا ظهرت ثانية ما تنقطع عليك الله.
مرحب بتخاريفك ,,, وستجد من تخاريف خريف العمر ان شاء الله.
لك الود.

وافر الشكر لكم (هيثم ,, ميرغني)
علي المرور والتحفيز ...

اما بخصوص انها تطلع (فبركة وكدة .. لا )
الزول داك بالغ عديييييييييييييييل في قصة (الجواز) دة لا يمكن يتم
خصوصا" الحتة بتاعت (................. الله يهون) دي ,,, ممتازة خاااااااااااالص ومحبوكة .. والله دايرة مخرج بس تبقي فلم عديييييل

ولكم التحية والاحترام

نبدا نخرف
ياجماعه ما هو اصل التخريف ؟

التخريف لغة : هو الخرفنة وهو(أن يحاكي الانسان الخروف في طبعه وصفاته) والدليل ارجاع الكلمة لاصلها
(خرف ,, يخرف ,, خرفنتا")

وما داير زول يتفاصح ويغالطني ساي كان ما عندو دليل مقنع

ورد في كتاب العالم العلاّمة والحبر الفهّامة أبودريد بن القعقاع بن خريفان ، في كتابه (بيان الحريف لأصل التخريف){الباب الأول- الفصل الأول- صفحة 23}
أن التخريف مأخوذ من إسم جده "خريفان بن المشرئب" وقد روى أن جده هذا عاش حتى بلغ مائتي عام صار فيها لا يفرق بين الأرنب وكلب الصيد ، فأصبح مضرباً للمثل في ال(خرمجة)....وتحور اللفظ حتى صارت منه الكثير من تصريفات اللغة...

في إقناع أكتر من كدة؟؟؟؟

أغنية غريبة في تركيبتا وكلماتا ,,, ولحنها والهجيج الفيهو ..

(شغالة في الدكان)

ورا ورا ورا ورا وراااا ..............

منو الما سمع الأغنية ال ........... دي ؟؟؟ في حفلة ؟

(والجماعة ديل دووروا...)
............ صحي والله (ورا) شنو البخلينا قدام ؟
كان أييييييييي شي تهبشو تلقانا فيهو ورا ..
وأمسك من طرف التعليم .. والحمد لله بقينا بفضل المقررات الجديدة دي ورا خاالص
كان زول في الثانوي وممتحن شهادة سودانية بتلقي عندو في المقرر (مطالعة) أي والله
المطالعة زاااااااااااتا بتاعت زمااااااان البدرسوها لي شفع الابتدائي ,,, ناس (مريم الشجاعة وسهام والهام) ..
وكمان في نص الكتاب خاتين ليهم قطعة اسمها (بين خروفين) عليك النبي شفتو جنس دة ؟؟ والخروفين بتونسو لي ناس خاشين الجامعة ,,, حليل البلد والجامعة المتكلة علي ناس بدرسوا في ونسة بين خروف الريف وخروف المدينة ؟!!
.. تعرفوا يا جماعة أنا قريتا لقيت بتاع الريف بشرح لي بتاع المدينة حكاية (الذبيح) ههههههههي هاا هاااااااي دحين دة ما ياهو الضبح ؟
بالحيل . . .
وكيف الناس بتستفيد من لحمن وانو ربنا سبحانه وتعالي خلقن للمهمة النبيلة دي , شفتوا الكلام داا كيف؟ ,, وعيد الضحية وكدة ,, لأنو ود المداين دة يعني الخروف ما بيعرفن ؟؟؟؟؟؟؟؟؟
عليكم الله ما ورا بالجد؟
...... لا هم بالجد يييييييييعني نجحوا نجاح ما عاااااادي في تجهيل وتضليل العقول ال في سن دي , لأنها بتكون بدت تجهز لي استقبال العلم والمسؤلية فلما يفتح علي (بين خروفين ,,, وأمثالها) عليهو العوض ومنو العوض و ليو حق يبقي ورا ومافي زول بلومو !!!!!!
.. زمان الواحد من سنة خامسة بعرف الوطن العربي شارع شارع وأهم المدن والصناعة وال..............
لكن ديل في وحدين علي الطلاق جوة جزيرتنا دي ما بفرزووا بين (القلقالة والضقالة)
هأهأهأ هااااااااااااااااااااي
.. أها شوفوا الكوورة كمان حدث ولااااااا حرج ومافي داعي لأنو ماذدا بطردوهوو الليلة يمش وبعد شهرين بجيبوهوو تاني يجي راجع ,,, ورتشرر بعد العمر دة كلو في الهلال ,,, بمشي يلعب في المريخ ؟؟؟
(زي قسمة الدافوري لمن المغرب يقررب)
دة غير الأجانب لعيبة ومدربين و....... و....... والاتحاد والارباب و..... عووووووووووووووع .. بطني طممت يا اخوانا هو الورا دة كيفنووو ؟؟
.. أها أسمعوا حديثي دة أنحنا طالما اتغززيينا بالدجتلات في البيوت وطششوا مخ وليداتنا في المدارس الشغلة دي ماااااا مقصوودة عديييييييل ياا............ أسكت يا زول !!! مالك علينا ؟
أنحنا في الشارع ,,, يعني هي ناقصة كمان متل كلامك دة عشان يغتتسوا حجرنا ؟؟
هو أنحنا قاعدين مع وليداتنا ما قادرين نخليهم اطلعوا ناسا" فيهم فايدة وعليهم التكل كان ينفعوا بلدم ولا ينفعوا رقبتم أسكت سكت حسك ؟!!
هيييي !!! عاين دة ؟ قال ينفعوا بلدم ينفعوها كيف كان البفلت منهم ويطلع فيهو فايدة (كان ما جهجهتو الخدمة الالزامية)
الختوها ليهم دي بتلقي خلي البلد ومشي برااا عشان يططوور قال وينفع نفسو هو البلد عملت ليو شنو عشان ينفعا ؟؟
.. والله الا يبقي جزار عشان ينفعا بيي بين خروفين القروها ليو دي ؟؟!
هههههههه هااااااااااااي ههه ,,, استغفر الله العظيم الله يجازيك آآآآآل مخروب
.. وكمان قالوليك ........
ولا اقوليكم الحكاية دي طويلة يا آخوانا وانا داير أحصل صلاة العشاا في الجامع لامن نتلاقي تاني
بقولقكم حديسي ..
و.....................................

ورا ورا ورا ورا وراااا ..............

حبيبي العسل ... قعدتا معاا .......
تحت الشجراا .....
حكيت لي الحصل ..
الحصل الحصل ......؟؟؟؟؟؟

إنت ما تكون صريح وتقول الأغنية عجبتك لمن حفظتها

بعدين

ما وريتني رايك في أصل التخريف؟!!!!!

عجبتنييي ؟!!!
بعدين قدر الحفظتو دا بعد سمعتها
مستهلكة في كم حفلة وما حفظتو
إلا لأني مندهش ومستغرب من طلب
الناس ليها في الحفلة كمم مرة .......!!

ام بخصوص أصل الخرخفنة الاتحفتنا به مشكورا" خاتيك القول ..

لكن (ابودريد) الحريف دا أنا ما عرفتو؟ بلعب وين؟! بي حرفنتو دي!! زكرتني (كابوندي) الخلا ريحتنا تووم تووم !!!!!!!!
الغريبة ما لقيت اسمو لا في (مانشيستر) ولا (نيل الحصاحيصا) ؟؟
أوعي يكون من تسجيلات الوالي المفاجئة ؟ لأنو سمعت امبارح إنو والي الجزيرة عامل إجتماعات شديدة وقال عايز إضيف إصلاحات لي مدينة (ودمدني) الجميلة والغنااا ليها (المعزمحجوب) خمسة سنييييييييين بريدك كل يوم أكتر ,,, أجي وألقاك ديمة معاي وألقي هوااااك ملااا مرمااايي وفي إستاادي إتحكككككر ..

هو الوراا دة كيفنوووو ؟؟

وكمان بنستعد للتصفيات المؤهلة لجنوب افريقيا قاااااااادر الله !!!
ديل معتمدين علي نظرية العالم الجليل (كمال شداد) بعد أن برم سجارتو الخدراا ودخل المعمل معاهو ضبانة والمعررفة علميا" بإسم (الذبابة) وأجري عليها الإختبار التالي :-
1- تركها علي سطح ظهرة القياس وقال لها : طيري فطارت !!
2- قبضة تاني
3- قطع منها جناح واحد
4- قال ليها طيري ,,, فماااااااااااااااااااااااااا طارت ؟!!
5- إبتسم مندهشا" وكتب النظرية العلمية الاتية ؟؟
اثبتت التجربة العملية الخماسية [ إنه إذا فقدت الذبابة إحدي جناحيها لا تسمع ]

وسنة ياااااااااااااااااااااااا ولد البنريدو غرب الظلط ويييييييييييين !!!

الاخ / خالد ,,, عجبتني عدييييييييييييييييييل ,,, واصل في الخرف والتخريف الحريف ,,,, و ,,, ورا ,, ورا ,, ورا,,لك الود.

ها ياخالد مبروك

شايفك بقيت صاحب نشيط (واصل وما تفتر)

بعدين

إنت ناس الطيور على أشكالها تقع ديك
كانوا قاصدينك إنت وزولك بتاع كلام المجانين داك ولا شنو؟؟
{شايفو قال الشغلانة عجبتو بالحيل}

ولا يكون عجبتو عشان عنوان بوستك بيذكرو بال"جواز" ال"لايمكن يتم"؟؟؟؟؟

إمكن القلوب عند بعضيها زي ما بقولوا النوير ,,, لكن إنت عارف؟ البوست داا أنا عملتو خصيصا" عشان نشوف ناس طه ديل كان ما نزلوا من البوكسي نكون فشينا غبينتنا ساااااااااااي كان تـنـفشاا .....؟!!
ام ما يخص الدكتور هناي .....!! (ود ناس البشير)
بعد ما دببل في مرتو و (تزوج وتزوج حتي كتب عند الله مزواجا) ... المفروض تنشرا خلاص لأنو أنا شكلي سربتا منها جزء كبير ... هو بحب (الجواز) علي قول المصريين
وأنحنا لا لمينا في لالوب الابيض ولا دوم دنقلا ؟؟ ,, وكل الطلعنا بيهو قصة عنوانها (الجواز داا لا يمكن يتم) ...؟!! بس عنوان ,, زي شعار (أمريكيا روسيا قد دنا عذابها)
و (داوون داوون يو إس أأ) بتاعت الجماعة ..
وإنت يا ود عمتي حا تجيب لينا الهواا بعد دا وانا شكلي فلتا كتيييييير بالرغم من إني بحاول أحافظ علي سرية الموضوووووووووع
لكن الذارعنا غير الله ال يجي يقلعنا .
(وأنحنا الموووت داا حا نمشي ليهو حا نمشي ليهو محل ما يعز البلد)
وقاااااااااااااااام مشي !!!
ومااااااااااااااااات
لكن ما عزا البلد ؟؟؟؟؟؟؟؟؟!!!!!!!!!!!!!

المعنى إنت بقيت صغير وخليت الخرف والخرفنة؟؟؟؟

لا والله يا هندسة بس الجري حاصل والله
والخرف زااتو كتر لامن بقي ما بتلم ..

- حنواصل بإذن المولي

وتشكر علي المرور والإهتمام ..