شلاقة في المطبخ

بسسسسسسسسسسسسسسسسسسي ملاي
والله زي ما قال هيثم : شلاقة مني سااااااي
وأنا حايم في المنتدي ,,, لقيت لي (مطبخ) ما
كنت مكتشفو من قبل ... وقلت كدة خشيت لقيتو فاااااااااااضي
إلا من العدة ,, وحكمة الله مكتمل بس داير الزول الإشتغل فيهو ؟!!

لكن ليكم علي مدام أصلو (حريمكم ضافرنكم) ؟؟
بشتغل ليكم فيهو أنا . . . بس داير موافقتكم حتي أبداء

وإني لمنتظر ...

انا غايتو ماقنعانة من روحى

شوف الباقيين

شلاقه عاوز اعمل ليك

ملاح ورق

ملاح ام شعيفه

ملاح كداد

ملاح سبروق بالقراصه

فرطاقة البصل
تركين
ام بق بق بالكسره وبالقراصه

اختار واحدى من ديل وحا تجيك طوالى

أولا" نشكرك علي دخولك لمطبخنا المتواضع , والذي نود أن نعمره بمساهماتكم فيه ..

تانيا" ودا للجميع .. عايزين وصفات أو طريقة العمل لأي وجبة تدور في محور علمكم بها إذا تكرمتم ..

وأنا عايزك يا محمد لو نجيض بالجد ,,, تدينا الوصفة بتاعت ملاح (المكشم)

أو أي معلومة تعرفا عنو ..

خالدعمرحسن كتب:أولا" نشكرك علي دخولك لمطبخنا المتواضع , والذي نود أن نعمره بمساهماتكم فيه ..

تانيا" ودا للجميع .. عايزين وصفات أو طريقة العمل لأي وجبة تدور في محور علمكم بها إذا تكرمتم ..

وأنا عايزك يا محمد لو نجيض بالجد ,,, تدينا الوصفة بتاعت ملاح (المكشم)

أو أي معلومة تعرفا عنو ..

د

تصحيح ..... المكشم بلا بصل .. هكذا كانت تقول الوالدة متعها الله بالصحة والعافية

عماد الشفيع كتب:

خالدعمرحسن كتب:أولا" نشكرك علي دخولك لمطبخنا المتواضع , والذي نود أن نعمره بمساهماتكم فيه ..

تانيا" ودا للجميع .. عايزين وصفات أو طريقة العمل لأي وجبة تدور في محور علمكم بها إذا تكرمتم ..

وأنا عايزك يا محمد لو نجيض بالجد ,,, تدينا الوصفة بتاعت ملاح (المكشم)

أو أي معلومة تعرفا عنو ..

تصحيح ..... المكشم بلا بصل .. هكذا كانت تقول الوالدة متعها الله بالصحة والعافية

عمدة:باقي ليك في رقبتك ,, في رقبتك
وين حنهرب منو وين.

الصحيح ان تقول اضافة وليس تصحيحا,,, وهي تقال المكشم بلا بصلة.
في انتظارك خالد وواصل.

الأعزاء العمدة وميرغني أشكركم علي المرور والإضافة ,, لكن !!!

(المكشم) هو في الأصل وبإختصار (ملاح بصل) ؟؟؟

أم جملة (المكشم بلا بصل) أو (بصلة) فأظنها كانت تقال للتهديد ..

ونحن في مطبخنا دا قاصدين الطبييييييييييييخ (يعني الملاح) وبس

و(مكشم بلا بصل) زي (ملاح عدس) بدون عدس ؟!!!!

صباح الخير

انا اليوم عاوزة اعمل ليك التحلية

طبق ترايفل مايخلص

رايكم شنو؟؟؟

اها يامرغنى باقى لى انا فى رقبتى اها انت كان راجل اعرف لى المعنى شنو ؟ انا خايف زاتها تكون زى اسبروجيرا بتاعت احمد طيفور..

ما اديتنا الوصفة الكاملة والمقادير وطريقة التحضير لي ملاح المكشم يا خالد
واحنا في انتظار الترايفل يا امنية

بالمناسبة يا هالة نحن العجائز ديل عارفين تحلية الترافيل وهى مكوناتها عبارة عن كيك + جلى + كسترد + فواكه مشكلة + مكسرات + كريمه ( الزى الرغوة دى ) مش كريمة بلدنا فى الشمالية الحاجات تعمل بمواصفات ثم توضع على الثلاجة وهى دسمة ومابتنفع لى ناس السكرى والناس السمان غايتو يا استاذة منية نحن قاعدين نعملها بس بطريقة حلة العزابة القطر قام يعنى بنختصر حاجات مثل الجلى والكيك ونكتفى فقط بالفواكه المشكلة علب وفواكه طازجة ونضيف ليهم الزبيب والتين والقشطة ونديها مكسرات من فوق وكان الله يحب المحسنين عزابة وبس .. طبعا فى ناس الكلام ده ماواقع ليهم .... وكلامى ده صاح يا أمنية ولا تجدينى شطحت ...

صح ياعماد...

وفى كمان ترايفل اخترعتو انا حاجة ماتخلص

كدى اول ضوقوا ده



بعدين نتكلم عن التانى

الأعزاااااء

هالة ,, العمدة ,, منية وافر الشكر لكم علي المرور ..

لكن !!!!!!!

بالغتوا عديييييييل ؟!!

أنا بديت بال (مكشم بلا بصل) ؟؟؟

ومحمد الذبيدي فووووق جايب

سبروق و كداد وأم شعيفة وفرطاقة بصل وأم بق بق ؟؟؟؟؟

عملتوها لي ترايفل وشوية حتقولوا مرتديلا وهوت ضوك ؟!!

أنا شخصيا" عندي الترايفل عبارة عن سلطة فواكه+محسنات بديعية

والمرتديلا ما بحبها ؟؟

والهوت دوك دا طواالي بزكرني (الكلب الحار) عشان كدة ما بستمتع بيهوو ؟؟؟

خلوني في باميتنا وكان إتطوورت تبقي (ويكة) بالقراصة والبصلة ال بتسييل الدمووع وحاجات تانية ...؟!!

انا بسأل عن مقادير المكشم يا عماد كان عارفة قولة لينا عشان نوريهو لي الجماعة اقصد نطبخو

والله يا هالة أشكرك علي مداومة المرور بمطبخنا
الجائط هذا ..

أم بالنسبة للمكشم شايفك وجهتي السؤال لي عماد

خلاص خلي عماد يوريك ليها

ياهالة يا بتى عشان خالد ولدنا مايزعل انا حولت ليه السؤال ....

احنا في انتظار مقادير المكشم يا خالد

خالد كلنا مستنين الوصفه يا ريت لو معاها تفسير المثل المكشم بلا بصل ولا شكلك انت زاتك بتفتش ليها برضو

ملاح المكشم .. (أنا حا أظبطو علي قدر 6 تنفاااار)

المقادير والطريقة:-
5 بصلات متوسطة الحجم
تقشر وتترك سالمة ..
يضاف إلي الحلة نصف (كباية شاي) زيت طبيخ ..
يترك الزيت حتي يسخن ونضيف إليه البصل
يقلب حتي يبدأ البصل في الإصفرار ..
ثم نضيف إليه البهارات
عدد 1 ملعقة كبيرة كسبرا
عدد 1 ملعقة كبيرة شمار
نصف ملعقة كبيرة فلفل
عدد 2 ملعقة كبيرة ثوم مطحون
ملح حسب الحاجة والتقدير
ثم نضيف إليهم عدد 1 جك ونصف ماااء
ونصف ليمونة كبيرة+قرنين شطة خضراء (حسب الطلب)
وتترك الحلة لمدة 20 دقيقة حتي تنضج

وفي هذه الأثناء نقوم بتقطيع عدد 7 قطع من الخبز
ونقوم برشها بالمكشم الذي أصبح جاهزا" ..
ملحوظة :-
تترك البصلات من أعلي ك(زينة)
+ شطة خضراء مطحونة ومضاف إليها
الليمون والفول المسحون(الدكوة)

تقدم علي شكل (فتة)

وبالهناء والشفاء عليكم ..

أم بالنسبة للمثل القائل ...

بوريك المكشم بلا بصل .............؟!!

فهو يعني (التهديد) أي ...........!! بالعربي كدة

يعني لو سحبنا البصل من حلتنا الفووووق دي
حا تنقص العنصر الرئيسي فيها والذي تكمن الفائدة
في وجوده ...؟!!

وكما أسلفت سابقا" بهذا البوست صفحة 1
(مكشم بلا بصل)
زي ............. ملاح عدس ..
(بدون عدس) ...... ببقي داا؟!!!

أها يااااااااا الشابكني الوصفة , الطريقة , المكشم , الوصفة , المكشم !!!
تاني أسوي ليكم شنو ؟؟؟

أطططططلبوا بس .

أنا عيوني ليكم ..

المرة دي حا أسوي ليكم (موليتا) ..

بتعرفوا الموليتا ؟؟؟

ولحدي ما تجاوبوا أكون مشيت (مدني)

(الجزيرة ,,, أأأأأأأه ,, ثم أأه) جبتها وجيت . . .

دا مطبخ يا خالد ولا غلوتيات الجاهوري ,,, الموليتا نبات بيقوم بروس في الخريف ,, او في بعض المزارع المروية ,,, وبيتعمل سلطة ,,, ولي تجربة خاصة معه,,, فيما يخص علاج مرض السكر

اذكر اسم المريض جيدا رحم الله ,,, كا ن يعاني من مرض السكر ,,, ويستعمل الانسولين ,,, تعذر ضبطه حتي 140 وحدة انسولين وهو رقم كبير قياسا بمتوسط الاستعمال الذي يتراوح بين 50 الي 70 وحدة في اليوم ,,, ولكن رغم استعماله لهذه الكمية كان مستوي السكر في الدم دائما اعلي من 350.....
في يوم من الايام وساعات العمل الرسمية قد شارفت الانتهاء او قد انتهت بالفعل ,,,واثناء خروجي من بوابة المستشفي ,,, توقفت بالعربة للسماح بادخال مريض محمول علي عربة كارو ,,, نظرت الي المريض فاذا به مريض السكر المذكور,,,,, استدرت راجعا الي داخل المستشفي فاذا بالرجل هامد كالجثة بارد الاطراف أي في غيبوبة ,,, ولما لم يكن متاحا فحص السكر بالدم ,, واعتمادا علي الصورة الاكلينيكة وتاريخ المرض بالسكر تم تشخيصه كهبوط مستوي السكر بالدم ,,,, تم حقنه بسكر جلكوز عالي التركيز ,, وسرعان ما افاق ( اسرع الامراض استجابة للعلاج هو هبوط السكر ,,, يستجيب المريض خلال دقائق معدودة ويستعيد وعيه),,,, بعد ان استعاد وعيه تماما ,, قمت بسؤاله مستعجبا ,,, كيف حدث ذلك ,,, فروي لي ان احدهم قد وصف له الموليتة ,,, فقام باحضارها بعد الافطار وتناول كمية منها ,, ثم صار بعدها ما صار ,,,,,, ولو بقي في العمر مدد ورجعنا السودان ,,, حاجيب ليك خبر الموليتة مع السكر ,, حتي لو تفرغت لها وحدها,,,

لك الود.

ميرغني ابراهيم عمر كتب:

,,, الموليتا نبات بيقوم بروس في الخريف ,,

هو ياربي خالد ذاااااتو بيعرف ليك "بروس"؟؟؟؟؟؟

إزيكم يافرد؟والله لكن خالد لاقيكم كيش ولاعب بيكم الكوره جايب ليهو وصفات قاطعا من شبطو لكن انا جيت ياخوى وتاني قاااعده في حلقك يعني تاني لما تجي تكتب ليك وصفه الا تضرب لي ليلي في مدني اولا.لك الود

هيثم على الشفيع كتب:

ميرغني ابراهيم عمر كتب:

,,, الموليتا نبات بيقوم بروس في الخريف ,,

هو ياربي خالد ذاااااتو بيعرف ليك "بروس"؟؟؟؟؟؟

والله ما بعرفا ؟؟؟

لكن إتخييل لي معناها في العربي (متطفل)

يعني الحشائش البتقوم سااااااااااي مع باقي المحصول دي ؟!!

سلمى الشفيع كتب:إزيكم يافرد؟والله لكن خالد لاقيكم كيش ولاعب بيكم الكوره جايب ليهو وصفات قاطعا من شبطو لكن انا جيت ياخوى وتاني قاااعده في حلقك يعني تاني لما تجي تكتب ليك وصفه الا تضرب لي ليلي في مدني اولا.لك الود

والله يا سلمي أولا" أسعدني مرورك خااااالص ,, (ما كشكرة) ولا كسب ود ..

فالنفرض قاطعة من (شبطي) ؟؟؟

- طيب ,,, جيبي إنت الوصفة بتاعت المكشم ؟؟؟؟؟؟؟!!!!!!!!!

بس ما تبقي جيتك ونسة ,,, وأهو المطبخ قدامنا (التباخ يملا حلّتوو) ؟؟؟

عديـــــــــــــــــــــــــــــــــــــــــــــــــــــــــــــــــــــــــــــــــــــــــل كدة ..

والله يستر

خالد

كلامك في ال"بروس"

صاح

النبات البيقوم بدونا مايزرعو زول

أها

ما سويت لينا الموليتة!!!

ختيـــــــــــــــــــــــر أنا ياخ ..

- بالنسبة للموليتا ...

غالي والطلب رخيـــــــــــــــــس يا بشوو ..

بس إنمهل لي .. بجيك

الموليـــــــــــــــــــــــــــــــتا

نبات أخضر متطفل بظهر في الخريف (في الجزيرة),,, في الآراضي الخصبة المروية
يشبه الجرجير في شكله ولكن حجمه أكبر قليلا" .. وطعمه مر

أها ..

بعد النظافة والغسيل

تجمع كمية مع بعضها البعض وتقطع (زي الحركة البعملوها للرجلة)

ويضاف إليها ليمون وشطة خضراء وبصل أخضر +دكوة (تعجن) سوا سوا ..

وتقدم نية للأكل

لذيذة والله ...؟!!

وبالهناء والشفاء

الشيف خالد:
دي على وزن الشاب خالد

ممكن تدينا وصفة الملوحة؟؟؟؟؟؟

معليش يا شباب لكن أنا ضد دخول الراجل المطبخ...ما عشان أنا رجعية ولا ما بؤمن بالمساواة والمشاركة في كل الأدوار..لكن دخوله الطبخ يعني عندي تكسير الكبابي والصحون وكل ما هو قابل للكسر...ويعني عندي احتراق الحلة واتساخ البوتجاز..غير الأستعمال غير الاقتصادي لمواد المطبخ...أنا ضد دخولكم يا خالد ومن معه من أبناء جنسه وليس هذا حبا فيكم لكنه والله رأفة ببنات حواء..لذا أقترح أن (تمشوا على خشم الباب )وتدعوا لنا مطبخنا ولاّ رايكن شنو يا نسوة؟؟؟؟

والله يا إنصاف ,,, ما حبا فيكم مخلين ليكم المطبخ ,, ولكن حبا في نفسنا ما بنخش المطبخ
مــــــــــــــــــــــــــــــــا بنخشه
مـــــــــــــــــــــــــــا بنخشه
مــــــــــا بنخشه
بعدين يا إنصاف الرجال ما كلهم خُرق زي حافظ" شوفي الخاء دي مضمومة كيف؟"

لك الود الكثير.

إنصاف كيفك يا فرده؟والله كلامك صاح وهو يا مرغني في راجل ما اخرق؟وهو خالد عمر زاتو وصفاتو قاطعم من شبطو.ويابشو إتخيل لى خالد ما بياكل الملوحه عشان كده ما بيكون بيعرفا ولا بهتو ما عارفه.لكم الود

بالله يا بنات علي الشفيع كلكن وقعتن في رجال خًرق؟,, الشكية لي أب أيدا قوية .

أهااااااااا شفتن شلاقتكن يا بنات عمتي جابت ليكن الكلام ؟؟؟

ووالللللله يا سلمي أنا لا قاطع الوصفات دي شبطي ولامن بنطلوني!

ولا باكل الملوحة زي ما قلتي ..

لكن بشو داغاااالي عليّ ,,, حرّرّرّرّم كان أسويها ليهو

بس النشوف لي شيتا" لي (نخّريّ) ديل وأجي ..

قال الرجال خُخُرق قال ؟!!