سياحة في العامية السودانية

هنالك الكثير من المفردات التى تملاء ساحات الحديث السودانى اليومى وهى فى الغالب الاعم واردة الى الدارجة السودانية من دول اخرى بعامل الاستعمار او التفاعل الاجتماعى مع شعب او امة اخرى ونجد فى حديثن اليومى الاثر القوى للتركية كما تفضل الاخ مرغنى بالذكر لاستعمال الاحقة (خانة ) بغرض تسمية او ذكر موضع او مكان وهنالك ايضا اللاحقة (جى ) نحو ما يرد من مسميات اجزجى وهو فى اللغة المسؤل من بيع الادوية او الصيدلانى ومفردة سرمطجى والتى تعنى الشخص الذى يرم اويصنع الاحذية وبسطجى وهذه معروفة وهنالك الكثير من العبارات التى تحمل هذه اللاحقة وتستعمل فى حياتنا اليومية ...................... الغريب فى الامر ان كلمة كمشة ايضا تركية ........والله يستر المفراكة ......... وللحديث بقية

نشكر الاخ ميرغني والي الامام

عدنا اليوم لنواصل ما انقطع ونوعدكم بالمواصلة يوميا :

من بيت الكلاوي .... والمعني واضح{ اطيب اللحم}.
مشتق من لغة الجزارين.
في كلمات ما قادر القي ليها مصدر وواحدة من هذه الكلمات : لنج
يقول ليك جديد لنج ... ابحثوا معنا.
ملحوظة : يمكنك المشاركة بالسؤال ايضا عن مصدر او اصل كلمة.. واخوانا ما بقصروا

أول مرة ألاحظ البوست دة وفكرتو جميلة وأوعدك حاأجتهد معاك
تكملة الجن الكلكي.........اللابس ملكي ...وأظن أن هنك منطقة إسمها الكلكة فهو منسوب إليها

وللعلم كلامي دة(Green Cut)

يا حبيبي

في فرق كبيييييييييييير بين العامية وال(راندوك)

"كرونة الكلب" دي كلام راندوك زيها زيها "فردة وشتات

معليش يا هيثم ..شكلو مرغنى قرش بِّلى..وللا كهربتو قدَّمت..أو ربما فى اللحظات ديك مواسيرو جرَّت هوا

ميرغني ابراهيم عمر كتب:احبائي : كلمة اليوم :
موتر
: وتستعمل للاشارة الي صغير ذكر الماعز { العتود} .. واظنها لجامع السرعه مع صغر الحجم في كل .............

حذر فذر الإسمه ( عنبلوق ) شنو ؟ واختصاره عنبق بكسر العين 000000

يا أخوانا أكتبو بألوان واضحة لو سمحتو{دة لون شنو هسة ياميرغني؟؟؟}

ووكت العامية والراندوك طلعو قرايب أشرح قول الكمساري للسواق:

(يا "معلم" ....بالله "طرشق" "الدينارية" دي.....في "بشرية" هنا ..عندها"روايش")

المساعد عايز فكة(الدينارية ما عارف ورقة أم كم)..فى ناس عندهم باقى..

سلااام يافرد...جميله فكره العاميه السودانيه دى لكنها صعبه.مرغنى والعمده من زمن العنبلوق يعنى عاميه عون الشريف الله يرحمو والدبيب من زمن قرش بلى وسلك ضارب وشو اكثركم حداثه بيعرف لغه الراندوك.والKIDSبتاع الايام دى عندو لغه جديده كرت كرتونه يعنى فى تباعد فى الازمان.لكن عموما بالاجتهاد بنعمل قدر كويس..بالمناسبه يعنى هو مدثر الجاهورى عين جيم؟؟لكم الود

كشلاقة مني حأشرح ليك معنى مختصر ( ع.ج)

وتعني ياعزيزي (عرب جزيرة)

وبيني وبينك أنا عاوز أضمن إنو المعني وصل للجاهوري لو كان ماعارفو

يعنى يابشو لقيتك ولاع نيران.السألك منو من ال(عين.جيم)؟خلى الجماعه فى عنبلوقهم ده ومدثر زاتو حايكون من جيلهم.
اها يا مرغنى بتعرف الحسس؟؟لو بتعرفو سجم امال عباس....لكما الود

سلمى الشفيع كتب:يعنى يابشو لقيتك ولاع نيران.السألك منو من ال(عين.جيم)؟خلى الجماعه فى عنبلوقهم ده ومدثر زاتو حايكون من جيلهم.
اها يا مرغنى بتعرف الحسس؟؟لو بتعرفو سجم امال عباس....لكما الود

والله انا وناس دفعتى زى الطرش فى الزفة ده كلام شنو البتقولوا فيه ده ؟؟

شباب يديكم العافية ،،،، ويسكنكم الصافية

اريد التعليق على اللاحقة ( جي ) التي ذكرها الاخ عمر في صدر هذا البوست الجميل ،،، في اللغة الهندية تستعمل اللاحقة ( جي ) للتبجيل والاحترام ،، وربما ادخلت على العامية السودانية خلال فترة الحكم الانجليزي للسودان ،،، وحسب علمي كانت هنالك تنقلات كثيرة للموظفين بين السودان والهند ( درة التاج البريطاني ) ،، واريد ان اسال عن كلمة قوندران جات من وين ( الخليجيين بسموها قاطرة ومقطورة ) ،،، واعتقد كلمة (كلكي) التي تطرق اليها ميرغني الزبيدي تعني ( الصعب معالجته ) ،، فاختاروا كلمة تدل على الصعوبة حتى في نطقها،،، يعني قريبة لكلمة ( لكلكه ) المجهولة المعني ايضا 0

بمناسبة الرندوك ولغة اصحاب الحرف والفئات الاجتماعية ،، يوم كنت راكب في عربية ( برينسة - عربية عزالدين قرشي على ما اعتقد ) مع قدورة ومجموعة من الشباب ذاهبين الى مناسبة زواج عماد يوسف في الدناقة ،، ركب معانا واحد ميكانيكي ،، المهم الونسة جرت فبدا الرجل يرندك وقلت اشاغلوا شوية بكلام ما بعرفوا قلت ليهوبتعرف انا منو ،، قال لي منو ،، قلت ليهو انا حامد عوج الطندب اوليدات ،،، حامد نار القصب الهبلت ما بتعدلو ،،حامد راضع مخ الترك البذبذ من ضرب اهلو نهار اتقبلوا تمام واتعدلوا،، فقام قالي بلاهي خلينا من كلام الرواعية ده 0