المواضيع الأخيرة
لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
5 مشترك
أصحاب جد كوم :: اشكال والوان :: استراحة :: ونسه
صفحة 1 من اصل 1
لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
السلام عليكم
الايام دى عندى نوستالجيا ماضويه
طاقينى حنين للذكريات
لذلك استعدوا لتقليب صفحات منسيه
نبدا بالسلع القديمه
لبان سندباد ومتذكر انو كان مع اللبانه بتلقى ورقه فيها علم دولة معينه وعدد سكانها وعاصمتها
وتانى لبان كرونا دا كان معاهو الورقه الفيها الرسمه المخفيه ديك كنا بندعك الورقه فى شعرنا عشان تظهر الرسمه المخفيه وفى ناس كان بشخبتوها بقلم الرصاص وبتظهر
تانى برضو بتذكر حلاوة حربه وكانت بنكهتين ولونين ببسى وميرندا يعنى بنيه وصفرا وكانت بتكون مقسطره فى شكل سلسله طوووووويله لمن تجى تشترى بقطعوليك منها
تانى برضو فى حلاوة دربس وحلاوه كرمله
ولبن بطانه وزبادى ريره ملون وابيض وزبادى ديرى لاند
وعصير تروبى حتى كان دعايتو بتقول عصير تروبى عصير فنان فواكهو طازجه من السودان
تانى كان فى بسكويت كرم وبسكويت كمبال ودا كان دعايتو بتقول بسكويت كمبال بسكويت كمبال طعموا لذيذ ماليهو مثال
وتانى كان فى مربة روزا ودعايتها المشهورة بتاعة روزا حاديكى حته
وتانى زيت عافيه ودعايتو كان فيها احمد ادم قون الهلال وبجيبوهو يصد ليهو ضربة جزاء ويقولوا عافيه بالصحة والعافيه
تانى برضو زيت ابوسمكه للتقليه وللتحمير يدى الاكل طعام كتير
-------
ويتواصل التداعي
الايام دى عندى نوستالجيا ماضويه
طاقينى حنين للذكريات
لذلك استعدوا لتقليب صفحات منسيه
نبدا بالسلع القديمه
لبان سندباد ومتذكر انو كان مع اللبانه بتلقى ورقه فيها علم دولة معينه وعدد سكانها وعاصمتها
وتانى لبان كرونا دا كان معاهو الورقه الفيها الرسمه المخفيه ديك كنا بندعك الورقه فى شعرنا عشان تظهر الرسمه المخفيه وفى ناس كان بشخبتوها بقلم الرصاص وبتظهر
تانى برضو بتذكر حلاوة حربه وكانت بنكهتين ولونين ببسى وميرندا يعنى بنيه وصفرا وكانت بتكون مقسطره فى شكل سلسله طوووووويله لمن تجى تشترى بقطعوليك منها
تانى برضو فى حلاوة دربس وحلاوه كرمله
ولبن بطانه وزبادى ريره ملون وابيض وزبادى ديرى لاند
وعصير تروبى حتى كان دعايتو بتقول عصير تروبى عصير فنان فواكهو طازجه من السودان
تانى كان فى بسكويت كرم وبسكويت كمبال ودا كان دعايتو بتقول بسكويت كمبال بسكويت كمبال طعموا لذيذ ماليهو مثال
وتانى كان فى مربة روزا ودعايتها المشهورة بتاعة روزا حاديكى حته
وتانى زيت عافيه ودعايتو كان فيها احمد ادم قون الهلال وبجيبوهو يصد ليهو ضربة جزاء ويقولوا عافيه بالصحة والعافيه
تانى برضو زيت ابوسمكه للتقليه وللتحمير يدى الاكل طعام كتير
-------
ويتواصل التداعي
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
برضو كان في حلاوة كسلا (المربعه السغيييره الورقتها بنيه فيها مثلثات دهبيه )
تاني برضو اتذكرت
لبن كاني - طبعا كان شعار المريخ والفورموست شعار الهلال - ,والفورموست موجود الى الان اما الكاني فاختفى ليهو زمن طويل
تانى برضو السيريلاك بتاع الشفع داك الفيهو صورة الولد الرابط المريله وامو بتاكلو ما متذكر اسمو والله .
تانى من الملبوسات شورتات (طبعا شورتات دى اسم الدلع لكن معروف اسمها البلدى شنو) - كنا بنسميها شورتات العزابه- وكانت بالوان خضراء وحمراء وصفراء وفيها بالجنبات على طول الشورت 3 خطوط وكنا رضو بنسميها الرقيب اول
متذكرينها؟؟؟
برضو كان فى جزم باتا وساتا
واهم حذاء فى تاريخ السودان والذى كان شعارا للمهمشين ودليلا على ابداع العقل السودانى
انه التموت تخلى
وللاجيال الجديدة وناس الشهادة العربيه نعرف ليكم التموت تخلى
هو عباره عن شبط (مربوط) ومرات شبشب فاتح ( والفاتح دا بكون النوع ابو اصبع داك) اما الماده المصنوع منها هذا التموت تخلى فهى لساتك العربات حيث كانت الارضيه من اللستك البرانى والوش من الانبوبه او اللستك الجوانى
وكان بعيش كتيييييير لذلك سمى بالتموت تخلى
وكانو بروجوليهو بالنداء الدعائى
تموت تخلى تحيا تلاقى
تاني برضو اتذكرت
لبن كاني - طبعا كان شعار المريخ والفورموست شعار الهلال - ,والفورموست موجود الى الان اما الكاني فاختفى ليهو زمن طويل
تانى برضو السيريلاك بتاع الشفع داك الفيهو صورة الولد الرابط المريله وامو بتاكلو ما متذكر اسمو والله .
تانى من الملبوسات شورتات (طبعا شورتات دى اسم الدلع لكن معروف اسمها البلدى شنو) - كنا بنسميها شورتات العزابه- وكانت بالوان خضراء وحمراء وصفراء وفيها بالجنبات على طول الشورت 3 خطوط وكنا رضو بنسميها الرقيب اول
متذكرينها؟؟؟
برضو كان فى جزم باتا وساتا
واهم حذاء فى تاريخ السودان والذى كان شعارا للمهمشين ودليلا على ابداع العقل السودانى
انه التموت تخلى
وللاجيال الجديدة وناس الشهادة العربيه نعرف ليكم التموت تخلى
هو عباره عن شبط (مربوط) ومرات شبشب فاتح ( والفاتح دا بكون النوع ابو اصبع داك) اما الماده المصنوع منها هذا التموت تخلى فهى لساتك العربات حيث كانت الارضيه من اللستك البرانى والوش من الانبوبه او اللستك الجوانى
وكان بعيش كتيييييير لذلك سمى بالتموت تخلى
وكانو بروجوليهو بالنداء الدعائى
تموت تخلى تحيا تلاقى
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
وعمك بتاع الحمار البكوريك يقول المعا قزاااااااااااااااااااااااااااااااااااااااااز شوالات صفاااااايح يا
هاهاهاهاهاهاهاهاها ............كلين
هاهاهاهاهاهاهاهاها ............كلين
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
الكلاكلة ياأخي إنت حلاوة كسلا بس !!!
وين إنت من زمان ,,, نحن كايسين لي نوعك دا من زمن !!!
سعيد سعيد بك ,,, واصل إمتاعنا .
سعيد بالصاحب الجديد ,,, ونقطة تميز أولى مننا لك.
لك الود.
وين إنت من زمان ,,, نحن كايسين لي نوعك دا من زمن !!!
سعيد سعيد بك ,,, واصل إمتاعنا .
سعيد بالصاحب الجديد ,,, ونقطة تميز أولى مننا لك.
لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
ميرغني ابراهيم كتب:الكلاكلة ياأخي إنت حلاوة كسلا بس !!!
وين إنت من زمان ,,, نحن كايسين لي نوعك دا من زمن !!!
سعيد سعيد بك ,,, واصل إمتاعنا .
سعيد بالصاحب الجديد ,,, ونقطة تميز أولى مننا لك.
لك الود.
والله انا الاسعد يا دكتور وباذن الله تستمتع وتضحك من جوه قلبك مع احلى ذكريات .سبحان الله الحاجات دي كانت روتين عادي في الحياة لكن شوف الليله لمن تتذكرها بتضحك كيف.....غايتو تابع ولسه في كتير وكتير .....وانا ذاتي من زمان كايس لي لمكان زي مكانكم دا واظني لقيتو تب.
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
استراحه مع فاصل اعلانى من الزمن الجميل
اولا دعاية عصير تروبى
عصير تروبى عصير فنان
فواكهه طازجة من السودان
معبأ ليك اشكال والوان
عشان تشيلو لكل مكان
كمان للعايلة فى الجركان
موز وجوافة
ومنقة لذيذة
حاجة جديدة وحاجة فريدة
----------
ثانيا زبادى ريرة
ريرة ....ريرة
ريرة ....جديد
ريرة ....مفيد
اشكال والوان
كل يوم بتزيد
ريرة ...ريرة
ريرة ياراقى
الذ زبادى....الذ زبادى
منو الابيض دا الما عادى...دا الماعادى
ريرة
كل ما ينافس يفوز بالجولة
نكهة جديدة وطعم فراولة
---------------
ثالثا باسطة سلا
سلا يا سلا
حلاوة حلا
اول انتاج كان فى السودان
للحلويات اشكال والوان
سلا يا سلا
حلاوة حلا
لذيذة وطاعمة فى ام درمان
وصناعتها ناعمة مدنى كمان
فى كوستى وبحرى
وبورسودان
جوة الخرطوم
برة السودان
حلاوة حلا
------------
رابعا حلويات مامون البرير
حلاوة جديدة من نوعها فريدة
لا شرقية ولا غربية صناعة
بلدى مية المية
لف العالم كلو وطوف
وزيها ابدا مش ح تشوف
جرب وشوف جربى وشوفى
حلاوة مشكل حلاوة طوفى
طوفى ...طوفى ...طوفى
كمان حلاوة مرات بفستق
مرة سادة ومرة ببندق
سوبر لبان حاجة تمام
لبان بازوكا كمان فنان
انتاج مامون اكيد مضمون
لاشرقية ولاغربية صناعة
بلدى مية المية
-----------
خامسا مربة روزا
روزا ..روزا ....روزا
دى مربة حلوة جديدة
وكمان مفيدة
روزا للصغار
روزا للكبار
انتاج مصانع
مصانع صبار
فيها الفواكه الطبعيبة
مية المية
مصانع صبار
مصانع صبار
روزا....ح اديكى حتة
-----------
سادسا : مناديل كارولين
وطبعا هى باللهجة المصرية
واحد اتنين تلاته
كارولين كاروليتا
سافولى سأفة وانا (صفقوا لى صفقه)
انط نطه
هيه هيه هيه
كارولين شيك عشان العربية
ادى كده هو عائلية
كارولين شيك للجيب
احمر واخضر واصفر وازرق
هيه هيه هيه
******
سابعا :فيمتو
اشرب اشرب ....فيممممممممممتو
اشرب اشرب ......فيمممممممممتو
اشرب فيمتو ...تعرف قيمتو
يعدل كيفك وينعش ضيفك لو قدمتو
وكانوا بختموها ب انتاج مامون اكيد مضمون S & M
ثمامنا: فوفو
كريمة فوفو يافول سودانى
يابت المطبخ والحلوانى
فوفو....... فوفو
تاكل بشهية .......فوفو
كل اكلة هنية ......فوفو
لذيذة وطاعمة .....من فوفو هدية
تاسعا : حلويات سيما
سيما سيما سيما
المزاق الطيب ديمة
بسكويت مغذى مفيد
بيتى بير ....لوكس ......جلكوز ...ويفر
والحلويات ...الحلويات
كوجاك ...طوفى ...فورست ...بنبون
لذيذة لذيذة
وكلها ميزة
من مصانع سيما
المذاق الطيب ديمة
برضو من الدعايات الكانت سائده فى ذلك الزمن دعاية مصنع المسرة لمنتجات
الاسمنت بلاط مزايكو....... بلاط ساده
واظن برضو كان فى المسرة للاقمشة ودى لغاية هسى فى عمارة الشيخ مصطفى الامين موجوده
تانى اتذكرت برضو كوفير ميرى شارع الجمهوريه زيارة وحده وتكون زبونه ميه الميه طبعا كانت الدعايه باللغه المصريه الجيم "ق" بنطقوها
برضو دعاية صابون البدره بتاع كلين المشهورة بتاعة الضحكة هاهاهاهاهاهاهاه كلين
وصابون فونا ولونا (فونا فونا فونا 14 قمر 14)
وكريم نيفيا يحمى ويعتنى
وكريم توسكا (توسكا لمسة حنان)..ولو متذكرين في دعاية توسكا دي كان بجي راجل يمسح على يد البت برقه وحنان ولشفافية الناس الكبار الزمن داك كان بقولوا للشفع الدعاية دي فيها قلة ادب....ولمن تجي الدعايه دي تلقاهم يتنحنحوا ويتململوا....زمن والله شوف كنا وين وهسي نحنا وين كليبات عاريه والاب يحضر في نص بناتو واولادو.
للامانة الاغاني بتاعة الدعايات دي من ذاكرة اخ فاضل اسمو مصطفى (اداني ليها لمن نزلت الموضوع دا في احد المنتديات السودانية فهو سبحان الله ذاكرتو فولاذيه ربنا يحفظها ليهو)
اولا دعاية عصير تروبى
عصير تروبى عصير فنان
فواكهه طازجة من السودان
معبأ ليك اشكال والوان
عشان تشيلو لكل مكان
كمان للعايلة فى الجركان
موز وجوافة
ومنقة لذيذة
حاجة جديدة وحاجة فريدة
----------
ثانيا زبادى ريرة
ريرة ....ريرة
ريرة ....جديد
ريرة ....مفيد
اشكال والوان
كل يوم بتزيد
ريرة ...ريرة
ريرة ياراقى
الذ زبادى....الذ زبادى
منو الابيض دا الما عادى...دا الماعادى
ريرة
كل ما ينافس يفوز بالجولة
نكهة جديدة وطعم فراولة
---------------
ثالثا باسطة سلا
سلا يا سلا
حلاوة حلا
اول انتاج كان فى السودان
للحلويات اشكال والوان
سلا يا سلا
حلاوة حلا
لذيذة وطاعمة فى ام درمان
وصناعتها ناعمة مدنى كمان
فى كوستى وبحرى
وبورسودان
جوة الخرطوم
برة السودان
حلاوة حلا
------------
رابعا حلويات مامون البرير
حلاوة جديدة من نوعها فريدة
لا شرقية ولا غربية صناعة
بلدى مية المية
لف العالم كلو وطوف
وزيها ابدا مش ح تشوف
جرب وشوف جربى وشوفى
حلاوة مشكل حلاوة طوفى
طوفى ...طوفى ...طوفى
كمان حلاوة مرات بفستق
مرة سادة ومرة ببندق
سوبر لبان حاجة تمام
لبان بازوكا كمان فنان
انتاج مامون اكيد مضمون
لاشرقية ولاغربية صناعة
بلدى مية المية
-----------
خامسا مربة روزا
روزا ..روزا ....روزا
دى مربة حلوة جديدة
وكمان مفيدة
روزا للصغار
روزا للكبار
انتاج مصانع
مصانع صبار
فيها الفواكه الطبعيبة
مية المية
مصانع صبار
مصانع صبار
روزا....ح اديكى حتة
-----------
سادسا : مناديل كارولين
وطبعا هى باللهجة المصرية
واحد اتنين تلاته
كارولين كاروليتا
سافولى سأفة وانا (صفقوا لى صفقه)
انط نطه
هيه هيه هيه
كارولين شيك عشان العربية
ادى كده هو عائلية
كارولين شيك للجيب
احمر واخضر واصفر وازرق
هيه هيه هيه
******
سابعا :فيمتو
اشرب اشرب ....فيممممممممممتو
اشرب اشرب ......فيمممممممممتو
اشرب فيمتو ...تعرف قيمتو
يعدل كيفك وينعش ضيفك لو قدمتو
وكانوا بختموها ب انتاج مامون اكيد مضمون S & M
ثمامنا: فوفو
كريمة فوفو يافول سودانى
يابت المطبخ والحلوانى
فوفو....... فوفو
تاكل بشهية .......فوفو
كل اكلة هنية ......فوفو
لذيذة وطاعمة .....من فوفو هدية
تاسعا : حلويات سيما
سيما سيما سيما
المزاق الطيب ديمة
بسكويت مغذى مفيد
بيتى بير ....لوكس ......جلكوز ...ويفر
والحلويات ...الحلويات
كوجاك ...طوفى ...فورست ...بنبون
لذيذة لذيذة
وكلها ميزة
من مصانع سيما
المذاق الطيب ديمة
برضو من الدعايات الكانت سائده فى ذلك الزمن دعاية مصنع المسرة لمنتجات
الاسمنت بلاط مزايكو....... بلاط ساده
واظن برضو كان فى المسرة للاقمشة ودى لغاية هسى فى عمارة الشيخ مصطفى الامين موجوده
تانى اتذكرت برضو كوفير ميرى شارع الجمهوريه زيارة وحده وتكون زبونه ميه الميه طبعا كانت الدعايه باللغه المصريه الجيم "ق" بنطقوها
برضو دعاية صابون البدره بتاع كلين المشهورة بتاعة الضحكة هاهاهاهاهاهاهاه كلين
وصابون فونا ولونا (فونا فونا فونا 14 قمر 14)
وكريم نيفيا يحمى ويعتنى
وكريم توسكا (توسكا لمسة حنان)..ولو متذكرين في دعاية توسكا دي كان بجي راجل يمسح على يد البت برقه وحنان ولشفافية الناس الكبار الزمن داك كان بقولوا للشفع الدعاية دي فيها قلة ادب....ولمن تجي الدعايه دي تلقاهم يتنحنحوا ويتململوا....زمن والله شوف كنا وين وهسي نحنا وين كليبات عاريه والاب يحضر في نص بناتو واولادو.
للامانة الاغاني بتاعة الدعايات دي من ذاكرة اخ فاضل اسمو مصطفى (اداني ليها لمن نزلت الموضوع دا في احد المنتديات السودانية فهو سبحان الله ذاكرتو فولاذيه ربنا يحفظها ليهو)
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
كلاكلة ,,, امتعتنا كثيرا ,,,
رأيك شنو أديك إعلان أقدم من الكسرة وتقول لي بتاع شنو,, الاعلان بيقول:
آلام ظهر تضايقني !!!
يقولها الرجل بألم حقيقي ,,, أرشح عمده للاجابة.
رأيك شنو أديك إعلان أقدم من الكسرة وتقول لي بتاع شنو,, الاعلان بيقول:
آلام ظهر تضايقني !!!
يقولها الرجل بألم حقيقي ,,, أرشح عمده للاجابة.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
وسالي سالي صابونتي الساحرة
احتكاك على الركب ..كريم نيفيا يحمي ويعتني(بجيبوا فيها شافع بيحبي )
ليست واحدة ولا اثنتان بل ثلاثة رشات قاتلة(سوبر ريد)
وطق طق طق ....سندبااااد سندبااااد(لبان سندباد،،كانت الورقة بتاعتو بتجي فيها رسومات ممكن تطبع على اليد او القميص)
في دعاية كده انا ناسيها والله،،دعاية لبان برضو على ما اعتقد،،بجيبوا فيها مرة كبيرة كده بتنفخ اللبان ومشخلة كمان
واللول لوول العروس..حلاتو صابون فونا
دي جدعة سريعة كده من غير تفكير كتير،،والذاكرة لو اسعفتنا ح نوافيكم مرة تانية بالقديم مش الجديد
احتكاك على الركب ..كريم نيفيا يحمي ويعتني(بجيبوا فيها شافع بيحبي )
ليست واحدة ولا اثنتان بل ثلاثة رشات قاتلة(سوبر ريد)
وطق طق طق ....سندبااااد سندبااااد(لبان سندباد،،كانت الورقة بتاعتو بتجي فيها رسومات ممكن تطبع على اليد او القميص)
في دعاية كده انا ناسيها والله،،دعاية لبان برضو على ما اعتقد،،بجيبوا فيها مرة كبيرة كده بتنفخ اللبان ومشخلة كمان
واللول لوول العروس..حلاتو صابون فونا
دي جدعة سريعة كده من غير تفكير كتير،،والذاكرة لو اسعفتنا ح نوافيكم مرة تانية بالقديم مش الجديد
قديس- صاحب جديد
- عدد الرسائل : 25
تاريخ التسجيل : 17/09/2009
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
ميرغني ابراهيم كتب:كلاكلة ,,, امتعتنا كثيرا ,,,
رأيك شنو أديك إعلان أقدم من الكسرة وتقول لي بتاع شنو,, الاعلان بيقول:
آلام ظهر تضايقني !!!
يقولها الرجل بألم حقيقي ,,, أرشح عمده للاجابة.
الدكتور الكريم.....والله انا بتذكر من 1983 ولقدام اقل من كدا ما متذكر اي شي....واعلان وجع الضهر دا ما اتذكرتو والله الا نرجى ديناصور قديم يورينا ليهو
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
قديس كتب:وسالي سالي صابونتي الساحرة
احتكاك على الركب ..كريم نيفيا يحمي ويعتني(بجيبوا فيها شافع بيحبي )
ليست واحدة ولا اثنتان بل ثلاثة رشات قاتلة(سوبر ريد)
وطق طق طق ....سندبااااد سندبااااد(لبان سندباد،،كانت الورقة بتاعتو بتجي فيها رسومات ممكن تطبع على اليد او القميص)
في دعاية كده انا ناسيها والله،،دعاية لبان برضو على ما اعتقد،،بجيبوا فيها مرة كبيرة كده بتنفخ اللبان ومشخلة كمان
واللول لوول العروس..حلاتو صابون فونا
دي جدعة سريعة كده من غير تفكير كتير،،والذاكرة لو اسعفتنا ح نوافيكم مرة تانية بالقديم مش الجديد
ههههههههههههه يا قديس والله طلعت قديييييييييييم
لكن بمناسبة سوبر رييد شوف الصورة دي
وانا عملتليها كابشر من فديو اليوتيوب التحت دا وفيهو الدعاية كاملة كدي اعرف الزول الشعروا ابيض دا بتعرفوا؟
https://www.youtube.com/watch?v=xiW4WalfQZE
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
السلام عليكم ياناس المعاشات
متذكرين الحاجه دى؟
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
[quote=alklaklah;471557]
والحاجه دى كان عندها صوت مميز متذكرنو كان كيف؟
[/quote]
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
برضو كان في دعاية:
أندروس أندروس منعش فوّار
يريح المعدة ليل ونهار
يخلي المعدة مافي حموضة
دايماً منعش
منعش فوّاااااااار
أنـــــــدروس
أندروس أندروس منعش فوّار
يريح المعدة ليل ونهار
يخلي المعدة مافي حموضة
دايماً منعش
منعش فوّاااااااار
أنـــــــدروس
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
alklaklah كتب:ميرغني ابراهيم كتب:كلاكلة ,,, امتعتنا كثيرا ,,,
رأيك شنو أديك إعلان أقدم من الكسرة وتقول لي بتاع شنو,, الاعلان بيقول:
آلام ظهر تضايقني !!!
يقولها الرجل بألم حقيقي ,,, أرشح عمده للاجابة.
الدكتور الكريم.....والله انا بتذكر من 1983 ولقدام اقل من كدا ما متذكر اي شي....واعلان وجع الضهر دا ما اتذكرتو والله الا نرجى ديناصور قديم يورينا ليهو
كلاكلة القال ليك ديناصور منو؟ الله يقلع العمده؟
الدعاية دي كانت بتاعة اسبرو وكانت في الرادي زي بتاعة الاندروس.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
كان في حلاوة إسمها اصبع ضوه
وكان في بسكويت اسمو ماجد ,,, وجكسا .
وكنا نردد لحن أغنية مشهور للفنان مسكين " من ارض المحنة ومن قلب الجزيرة ,, برسل لي المسافر , أشواقي الكتيرة" :
تريا ري لا الا ,, حلاوة جكسا.
وحلاوة مطي
وحلاوة حلي
وحلاوة لكوم " دي طبعا كانت للناس المقرشين أصحاب المزاج لأنها صغيرة الحجم وغالية " بي قرش كامل يعني تجيب ليك عشرة حلاوة دربس ووقيتين طحنية " في ناس طبعا حكاية الطحنية دي بي الوقية ما بتكون واقعه ليهم لكن أسألوا عمدة وكجنكي.
وجعل الله ايامكم كلها حلاوة ,,
ختام : حلاوة يا كلاكلة.
وكان في بسكويت اسمو ماجد ,,, وجكسا .
وكنا نردد لحن أغنية مشهور للفنان مسكين " من ارض المحنة ومن قلب الجزيرة ,, برسل لي المسافر , أشواقي الكتيرة" :
تريا ري لا الا ,, حلاوة جكسا.
وحلاوة مطي
وحلاوة حلي
وحلاوة لكوم " دي طبعا كانت للناس المقرشين أصحاب المزاج لأنها صغيرة الحجم وغالية " بي قرش كامل يعني تجيب ليك عشرة حلاوة دربس ووقيتين طحنية " في ناس طبعا حكاية الطحنية دي بي الوقية ما بتكون واقعه ليهم لكن أسألوا عمدة وكجنكي.
وجعل الله ايامكم كلها حلاوة ,,
ختام : حلاوة يا كلاكلة.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
زووووووووووول جاب سيرة لبان 104 مافي ...!!!
مالكم ما بتعرفوا ولا ما حاضرنوا ؟؟؟
وبسكويت بركة دا لي هسي شغااااال .. مـــــــــــــــــــدني ياخ مارنجان السودان
رائع يا كلاكلة صحيت شي في الديناصورات .
واصل وأكمل متعتنا متعك الله بالصحة والعافية ..
مالكم ما بتعرفوا ولا ما حاضرنوا ؟؟؟
وبسكويت بركة دا لي هسي شغااااال .. مـــــــــــــــــــدني ياخ مارنجان السودان
رائع يا كلاكلة صحيت شي في الديناصورات .
واصل وأكمل متعتنا متعك الله بالصحة والعافية ..
خالدعمرحسن- مشرف
- عدد الرسائل : 755
العمر : 41
الموقع : الأمارات - العين
المهنة : فني (ميكانيكا)
الهواية : كتااااااااار
تاريخ التسجيل : 15/09/2009
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
سلالالالالالالالام
بجييييييكم
بس
القى فرقه
بجييييييكم
بس
القى فرقه
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
يا ميرغني
في دعاية حقت أسبرو بتاعة :
هذا مراقب الورشة
يعمل طول النهار
لكنه يشعر أحياناً بالصداع
...........
ماعارف كدة انتهت ولا في حاجة حتى يقولو : أسبرو
في دعاية حقت أسبرو بتاعة :
هذا مراقب الورشة
يعمل طول النهار
لكنه يشعر أحياناً بالصداع
...........
ماعارف كدة انتهت ولا في حاجة حتى يقولو : أسبرو
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه
والله ما متذكرها تخيل ,,, بتذكر الام ظهر تضايقني بس .دي تكون في الفترة اللي كنا فيها في جوبا ,, فاتنا الكثير.. لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
أصحاب جد كوم :: اشكال والوان :: استراحة :: ونسه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد فبراير 01, 2015 9:13 am من طرف عواد عمر
» الفنان رمضان حسن
الأحد مارس 09, 2014 11:33 am من طرف عواد عمر
» مذكرات بيل كلينتون
الخميس أكتوبر 17, 2013 9:42 pm من طرف الميزر
» صور اعجبتني
السبت يونيو 15, 2013 6:10 am من طرف فاطمة
» نكات اسحابي
الإثنين يونيو 03, 2013 1:34 am من طرف محمد الساهر
» أخطر 3 شهادات عن هروب مرسى من السجن
الخميس مايو 30, 2013 10:42 pm من طرف عازة
» من روائع الشاعر جمال بخيت
الخميس مايو 30, 2013 10:18 pm من طرف عازة
» إطلاق نــار على الفريق "سـامي عنان
الخميس مايو 02, 2013 9:00 am من طرف محمد الساهر
» عاجل..أبو تريكة فى العناية المركزة
الخميس مايو 02, 2013 8:33 am من طرف محمد الساهر
» وقفة مع البافاري : مشروع أفضل فريق يقطع الكرات
الخميس مايو 02, 2013 8:21 am من طرف محمد الساهر
» 10 أطعمة تعرضك للإصابة بمرض السرطان
الخميس مايو 02, 2013 5:18 am من طرف محمد الساهر
» أسهل وأحدث 10 طرق لإنقاص وزنك في أقل من 10 دقائق
الخميس مايو 02, 2013 1:39 am من طرف عازة
» القدرات النفسيه
الخميس مايو 02, 2013 1:11 am من طرف محمد الساهر
» تنمية قدرات العقل
الخميس مايو 02, 2013 1:08 am من طرف محمد الساهر
» مصر: تطبيق الحد الأقصى والأدنى للأجور في مايو
الخميس مايو 02, 2013 12:58 am من طرف محمد الساهر
» السجن مدى الحياة لـ"بن على" و10 لوزير داخليته
الخميس مايو 02, 2013 12:38 am من طرف سيدورف
» فتح النار على باسم يوسف لاستضافته مغنيا شاذا
الخميس مايو 02, 2013 12:32 am من طرف سيدورف
» مورينيو والريال.. قصة موت معلن؟
الخميس مايو 02, 2013 12:16 am من طرف سيدورف
» رئيس برشلونة يعترف بتفوق بايرن.. وفخور بلاعبيه
الخميس مايو 02, 2013 12:12 am من طرف سيدورف
» فساتين الزفاف
الثلاثاء أبريل 30, 2013 3:22 am من طرف عازة