مواضيع مماثلة
المواضيع الأخيرة
الجمعيات الادبيه-درس العصر-رديف الارديه ....وحاجات كتيره خش شوف كدى
+3
هيثم على الشفيع
معاوية علي الشفيع
alklaklah
7 مشترك
أصحاب جد كوم :: اشكال والوان :: استراحة :: ونسه
صفحة 1 من اصل 1
الجمعيات الادبيه-درس العصر-رديف الارديه ....وحاجات كتيره خش شوف كدى
السلام عليكم
تتذكروا الحاجات دى
الجمعية الادبية
درس العصر وجلد الماجاب قروش الدرس
الحصة الصباحية
التسميع
المدافره فى شباك البوفيه
طابور الصباح
نشيد العلم وكلمة الصباح
تلحين الاناشيد
تفتيش الملابس والاضافرين والشعر
تفتيش الكراسات ورعب الما مصححين اخر درس
تجليد الكراسات بالجرايد
تجليد الكراسات بالجلاد الاصفر مع تغليفه بكيس شوالات السكر
البشاوره بتاعة السبورة
الالفه ولستة المهرجلين
نظافة المدرسة لمن ننزل اول يوم من الاجازه الكبيره
النبطشيه بتاعة نظافة الفصل
الوسائل الكانت بتتعلق فى الحيط بتاعة الفصول
مازلت اذكر رسمة العين وتفاصلها القرنيه الشبكية العصب البصرى .......الخ . وكذلك خريطة السودان وعليها مجرى النيل
الحكم الكانت مكتوبه فى حيط مكاتب الاساتذة وفى الفصول من الخارج
زى من كد وجد ..... من طلب العلا سهر الليالي ....... العلم نور
الجرايد الحائطيه البعملوها ناس كل فصل
ستات الفطور والاسكريم - الداردومه - الكانو بيبعوا قدام باب المدرسه
اللهفه لوصول سنه رابعه عشان نكتب بقلم الحبر السايل
صيحات الطلبة حبر حبر حبر.......المليه كانت بكم؟؟
وبرضو صيحات دبس دبس دبس..... تلقى الواحد شايل دباستو والدبيسه بكم كانت يارب؟
قلم ابو سهم - كان عند اولاد المغتربين فقط -
قلم البرميل ذو الالوان المميزة - احمر,اخضر,ظهري - اما قلم البرميل دا فكان حق الغلابه -
ترديف الارديه وخاصه بتاعة الجنز تحت الردا الاصلى بتاع المدرسة خوفا من الجلد
الردا الكحلى والقميص اللبنى - دا فى الابتدائى طبعا -
الردا البيجى والقميص الابيض - فى المتوسطة دا كان -
الخرطوش الاسود - الضقل -
توزيع الكتب اول يوم النزول من الاجازة واشتراك اولاد الجيران فى الكتب
كراس الحساب وكراريس الدبل ابو 64 ورقه وكراسات الانجليزى فى المتوسط
جداول الضرب الكانت مطبوعه فى الغلاف الخلفى للكراسات دى
النايل كورس بوك ون وبوك تو وبوك ثرى والبطاقه ( الويرك بوك)
دكتور تروته dr trotter
فريده وامين
الاسبلنغ
عبارة see me للقادى فى الاسبلينغ
صيحات بيوووووووووووت بعد الحصة الاخيره
لمن كراعك تكون مجروحه - تجى لابس فردة جزمة فى الكراع السليمه وفردة سفنجة فى المجروحه
دفتر العيادة ولمن الدكتور يكتبليك متصنع
دفتر الغياب
الشف من بعض خاصه فى حل تمارين الرياضيات
جمع الكراسات عشان الاستاذ يصحح التمارين حقة الرياضيات
توزيع النتايج
السيرة البعملوها لطيش الفصل
-تتذكروا الحاجات دى
الجمعية الادبية
درس العصر وجلد الماجاب قروش الدرس
الحصة الصباحية
التسميع
المدافره فى شباك البوفيه
طابور الصباح
نشيد العلم وكلمة الصباح
تلحين الاناشيد
تفتيش الملابس والاضافرين والشعر
تفتيش الكراسات ورعب الما مصححين اخر درس
تجليد الكراسات بالجرايد
تجليد الكراسات بالجلاد الاصفر مع تغليفه بكيس شوالات السكر
البشاوره بتاعة السبورة
الالفه ولستة المهرجلين
نظافة المدرسة لمن ننزل اول يوم من الاجازه الكبيره
النبطشيه بتاعة نظافة الفصل
الوسائل الكانت بتتعلق فى الحيط بتاعة الفصول
مازلت اذكر رسمة العين وتفاصلها القرنيه الشبكية العصب البصرى .......الخ . وكذلك خريطة السودان وعليها مجرى النيل
الحكم الكانت مكتوبه فى حيط مكاتب الاساتذة وفى الفصول من الخارج
زى من كد وجد ..... من طلب العلا سهر الليالي ....... العلم نور
الجرايد الحائطيه البعملوها ناس كل فصل
ستات الفطور والاسكريم - الداردومه - الكانو بيبعوا قدام باب المدرسه
اللهفه لوصول سنه رابعه عشان نكتب بقلم الحبر السايل
صيحات الطلبة حبر حبر حبر.......المليه كانت بكم؟؟
وبرضو صيحات دبس دبس دبس..... تلقى الواحد شايل دباستو والدبيسه بكم كانت يارب؟
قلم ابو سهم - كان عند اولاد المغتربين فقط -
قلم البرميل ذو الالوان المميزة - احمر,اخضر,ظهري - اما قلم البرميل دا فكان حق الغلابه -
ترديف الارديه وخاصه بتاعة الجنز تحت الردا الاصلى بتاع المدرسة خوفا من الجلد
الردا الكحلى والقميص اللبنى - دا فى الابتدائى طبعا -
الردا البيجى والقميص الابيض - فى المتوسطة دا كان -
الخرطوش الاسود - الضقل -
توزيع الكتب اول يوم النزول من الاجازة واشتراك اولاد الجيران فى الكتب
كراس الحساب وكراريس الدبل ابو 64 ورقه وكراسات الانجليزى فى المتوسط
جداول الضرب الكانت مطبوعه فى الغلاف الخلفى للكراسات دى
النايل كورس بوك ون وبوك تو وبوك ثرى والبطاقه ( الويرك بوك)
دكتور تروته dr trotter
فريده وامين
الاسبلنغ
عبارة see me للقادى فى الاسبلينغ
صيحات بيوووووووووووت بعد الحصة الاخيره
لمن كراعك تكون مجروحه - تجى لابس فردة جزمة فى الكراع السليمه وفردة سفنجة فى المجروحه
دفتر العيادة ولمن الدكتور يكتبليك متصنع
دفتر الغياب
الشف من بعض خاصه فى حل تمارين الرياضيات
جمع الكراسات عشان الاستاذ يصحح التمارين حقة الرياضيات
توزيع النتايج
السيرة البعملوها لطيش الفصل
-
-
-
-
-
-
كنا فى تلك الايام نتمنى ان تنقضى السنوات سريعا لنتخلص من عذابات الجلد وهموم التسميع والحفظ ونستعجل الدخول للثانوي العالي لانو الجلد هناك نادر جدا
هسى الواحد لو خيرهو انو يدفع كل ما عندو مقابل لحظة واحده من تلك الايام لما تردد
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
اهم شى نسيتو ياخ
الحاوى والاركوز وبلع الامواس والتنويم المغناطيسى واسترح ومعرفة اسماء الطلاب وما يحملون من مساطر وغيرو ومعرفة اسماء اباءهم وامهاتهم وتحويل الورق لقروش ( والله كنا مساكين وسذج هو الحرامى دا لو اصلو بحول الورق لقروش جاى يلقط مننا نحنا المساكين ديل ) طبعا كان مرات كتيره دخول عرض الحاوى دا بقروش يدفعها الطلاب من حر مالهم ........... وكان مرات بجيبوا خميس ابو مريوما بتاع الدبايب داك او شمسون الجبار
ايام والله
الحاوى والاركوز وبلع الامواس والتنويم المغناطيسى واسترح ومعرفة اسماء الطلاب وما يحملون من مساطر وغيرو ومعرفة اسماء اباءهم وامهاتهم وتحويل الورق لقروش ( والله كنا مساكين وسذج هو الحرامى دا لو اصلو بحول الورق لقروش جاى يلقط مننا نحنا المساكين ديل ) طبعا كان مرات كتيره دخول عرض الحاوى دا بقروش يدفعها الطلاب من حر مالهم ........... وكان مرات بجيبوا خميس ابو مريوما بتاع الدبايب داك او شمسون الجبار
ايام والله
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
تفتيش الشعر كان عشان شنو؟؟؟ أعتقد القمل
اختفى القمل واختفى معه الخير.......
اختفى القمل واختفى معه الخير.......
معاوية علي الشفيع- صاحب تختو في الجرح
- عدد الرسائل : 345
العمر : 43
المهنة : لاعب كرةقدم متقاعد
الهواية : ممارسة الطب
تاريخ التسجيل : 06/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
المذاكرة بالليل لناس سنة خامسة وسادسة عدا يوم الخميس(الجمعة كان في؟؟ ولا مافي؟؟)
الإختبارات المشتركة مع المدارس القريبة(وأحياناً أولاد وبنات)[b]
الإختبارات المشتركة مع المدارس القريبة(وأحياناً أولاد وبنات)[b]
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
المدونة الطبيعية -- التمباك --- تخميس السيجارة والمظاهرات ---
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
يا معاويه ههههههههههه والله صحي القمل اختفى اختفا عجيب ومعاهو الصياب برضو.....زمان تلقى الواحد راسو زي لمبة النايلون بالصياب.....وبعد ثورة الانقاذ كنا بنسميهو الدفاع الشعبي ومرات الركاب.....يظهر لي كان الحكايه جهل وفقر وهسي الحمد لله اختفت الظواهر السالبة دي.......متذكر برضو كان من المالوف في ذاك الزمان العذب انتشار مرض انتفاخ الجضوم داك-غايتو كنا بنسميهو"ابووف"ما عارف انتو كنتو بتسمو شنو....وكان علاجو يلتخوليك جضوك بالعجين المر.
برضو كان البرجم منتشر جدا الزمن داك
برضو كان البرجم منتشر جدا الزمن داك
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
هيثم نحنا غايتو المذاكرة بتاعة بليل دي ما كانت عندنا.....درس عصر بس حدنا وانا الظاهر لي كان بتكون اكتر في المدارس الفيها داخليات وبمناسبة مذاكرة بليل والداخليات دي اسمع النحكي ليك دي....عمي في الشماليه زمان في الستينات كانو في الداخليه وهو بذاكر زميلو قاليهو لمن تجي تنوم صحيني اقرا حبه...عمي قاليهو كويس...ووقت عمي انتهى من قرايتو وصحى الزول عشان يقوم يقرا قام زولنا داك مرق فانوسو من تحت السرير وجا يولعو ما لقى فيهو جاز قام قال الحمد لله....ورقد تم نومتو.
لكن صحي الاختبارات المشتركة خاصة مع مدرسة البنات اللصقنا دي كانت في
لكن صحي الاختبارات المشتركة خاصة مع مدرسة البنات اللصقنا دي كانت في
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
انت يا عماد المدونة الطبيعية دي بتاعة ناس في القولد التقيت بالصديق والزيارات ديك ولا كانت شنو انا ما متذكره كويس
وياخ الزمن داك الناس كانو سغار على التمباك والسجاير الا كان في المتوسطه معليش لكن في الابتدائي الناس كانو سغار
والمظاهرات صح كان بجو المدارس التانيه يفلقولينا الفصول لمن نطلع معاهم
وياخ الزمن داك الناس كانو سغار على التمباك والسجاير الا كان في المتوسطه معليش لكن في الابتدائي الناس كانو سغار
والمظاهرات صح كان بجو المدارس التانيه يفلقولينا الفصول لمن نطلع معاهم
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
يا جماعة نحنا في التمنينات كنا في الابتدائي لكن اخوانا الكبار واخواتنا كانو في العالي وكان في التلفزيون بجيبوا مسابقات المدارس....منافسات اكاديميه في كل المواد حيث يتم اختيار مجموعه من طلاب كل مدرسه للتنافس مع المدارس الاخرى...والاسئلة ابتداءا من العربي وانتهاءا باللانجليزي....وكل ماده كان بمسكها استاذ قدير ومتمكن...وكان يدير هذه المسابقات استاذ مشهور اسمو عوض ......منو كدا ما متذكرو اها انا لي سنة بفتش في اسم الاستاذ دا كامل...كان عندو صلعه وبلبس نضارات
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
الكلاكلة يا مبدع ,,,المدونة دي كانت كراسة مجهزة بشكل خاص غير الكراسات الاخرى بهاعمود لحالة الطقس ,, وحركة الرياح ومعلومات أخري في الملحوظات مثل انواع الخضار المتوفرة في السوق .
أما ناس القولد ,,, وود سلفاب فهذه قصة أخرى ,,الاستاذ يخيل إلي أسمه عوض أحمد.
أحييك أخونا كلاكلة أيقظت أشياء كثيرة فينا ,, دائما في انتظار جديدك.
أما ناس القولد ,,, وود سلفاب فهذه قصة أخرى ,,الاستاذ يخيل إلي أسمه عوض أحمد.
أحييك أخونا كلاكلة أيقظت أشياء كثيرة فينا ,, دائما في انتظار جديدك.
رد: الجمعيات الادبيه-درس العصر-رديف الارديه ....وحاجات كتيره خش شوف كدى
السلام عليكم يا مشرفنا وشكرا كتير على تعريف المدونه الطبيعية وحقيقه دي نحنا غايتو ما لحقناها لكن ناس في القولد وود سلفاب ديل لحقناهم تب....واسم الاستاذ دا لسه ناقص حاجه غايتو يا مشرفنا.
وانا البحييكم وبحيي منتداكم الرايع وان شاء الله نفيد ونستفيد
وانا البحييكم وبحيي منتداكم الرايع وان شاء الله نفيد ونستفيد
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
الكنز والخريطة ...والجائزة دائما تكون حلاوة دربس --- صاح يا كلاكلة نحن ناس فى القولد ومنقو وصديقنا احمد ودسلفاب وبعدين ناس وليم تيل الوضع التفاحة فى رأس ابنه وبالسهم شطر التفاحة الى قسمين ولا ما اسمه كده يامرغنى
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
الكلاكله يا لذيذ والله ماشاء الله عليك بالجد بترجعنا للزمن الجميل.بالمناسبه شوفو الصدفه الغريبه دي الاستاذ الكان بيقدم مسابقات المدارس الاسمو عوض احمد واحده من بناتو(شرط)جارتي والمسافه بين بيوتنا نص متر وانا لاقيتو عندها شخصيا في عيد الاضحي الفات..شفتو العالم ده ضيق كيف؟؟لكم الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: الجمعيات الادبيه-درس العصر-رديف الارديه ....وحاجات كتيره خش شوف كدى
سلام يا عمدة وصح والله الكنز كان حلاوة دربس ......هو غيرها كان في شنو الزمن داك؟
كنا تعبانين لكن في نفس الوقت قنوعين جدا وبعد الاكل المتواضع ما كان في سوء تغذية وامراض معقده زي حقة الزمن دا
وانا ذاتي من جيل في القولد اتلقيت بالصديق دا لكن وليم تيل دا ما متذكر قصتو دي والله
كنا تعبانين لكن في نفس الوقت قنوعين جدا وبعد الاكل المتواضع ما كان في سوء تغذية وامراض معقده زي حقة الزمن دا
وانا ذاتي من جيل في القولد اتلقيت بالصديق دا لكن وليم تيل دا ما متذكر قصتو دي والله
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
يا سلالالالالالالالالام يا سلمي بالله الاستاذ دا لو لقيتيهو سلمي عليهو شديييييييييييييد وقولي ليهو في واحد من زمن مسابقات المدارس بسلم عليك وبس لو سمحتي عايز اسمو ثلاثي من بتو لو ممكن عوض احمد منو.....؟
ولو ما كانت متزوجه الشرط دي كنت قلتليك احجزيها لي ههههههه
لكن خسارة
ولو ما كانت متزوجه الشرط دي كنت قلتليك احجزيها لي ههههههه
لكن خسارة
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
رد: الجمعيات الادبيه-درس العصر-رديف الارديه ....وحاجات كتيره خش شوف كدى
الكلاكله إزيك؟شرط النا قاصداها ما معناها وجيه معناها من غير لفه او بمعنى تانى( شيله ودقه) كدى اسأل مرغني من معنى الكلام البين الاقواس لو ما عرفت معناهو واسمو عوض احمدمصطفي فضل وسلامك وصل إنشاء الله.بعدين يا اخوي عماد شنو المن زمن في القولد إلتقيت بالصديق دي بيكون قراها لي اخوانو الصغار(هو ومرغنى طبعا).لكم جميعا الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: الجمعيات الادبيه-درس العصر-رديف الارديه ....وحاجات كتيره خش شوف كدى
كلالكلة ,, كيف حالك ,, مستمتعين بسردك وذكرياتك,, واصل
عمده ,, ياهو وليم تيل ,, زمان لما الزول يكون نياش في البلي او بي النبلة يقول ليك الزول دا وليم تيل
عمدة بتذكر جورج اسيفن صن؟؟
سلمى ما تقعد ترمي في الكلام وتقول ميرغني يشرح ما بين القوسين !
تسووا الاقواس وترموها فينا؟
ملحوظة: أنا سعيد بكم ,,واصل يا كلاكلة.
عمده ,, ياهو وليم تيل ,, زمان لما الزول يكون نياش في البلي او بي النبلة يقول ليك الزول دا وليم تيل
عمدة بتذكر جورج اسيفن صن؟؟
سلمى ما تقعد ترمي في الكلام وتقول ميرغني يشرح ما بين القوسين !
تسووا الاقواس وترموها فينا؟
ملحوظة: أنا سعيد بكم ,,واصل يا كلاكلة.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
سلام يا سعادتك.نحن بنقول ليك اشرح ما بين الاقواس لانك اكبر الاعضاء سنا اقصد مقاما.لك الود
سلمى الشفيع- صاحب أخو
- عدد الرسائل : 227
تاريخ التسجيل : 05/01/2008
رد: الجمعيات الادبيه-درس العصر-رديف الارديه ....وحاجات كتيره خش شوف كدى
اى والله يامرغنى متذكر جورج استيفن صن وكمان متذكر X17-30A تعرف ده شنو يامرغنى ؟ ولا اقوليك ده نوع من الأقطان اظنه لفئة قصير التيلة ..
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: الجمعيات الادبيه-درس العصر-رديف الارديه ....وحاجات كتيره خش شوف كدى
الاخت سلمى كيف الصحة والاخبار.....ايواااا كدا يدوب فهمت شرط انا كنت فاهم غلط سوري جدا
وعماد لو اولادو قروا في القولد اتلتقيت-يكون عجز شديد-لانو القروها هسي كركبوا خليك من ابهاتهم
ويادكتور كيف الحال ونحاول نواصل لو في نلقى حاجه ما ذكرناها
عمدة كيف الاخبار
وعماد لو اولادو قروا في القولد اتلتقيت-يكون عجز شديد-لانو القروها هسي كركبوا خليك من ابهاتهم
ويادكتور كيف الحال ونحاول نواصل لو في نلقى حاجه ما ذكرناها
عمدة كيف الاخبار
alklaklah- العضو المميز هذا الشهر
- عدد الرسائل : 190
تاريخ التسجيل : 18/01/2010
أصحاب جد كوم :: اشكال والوان :: استراحة :: ونسه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد فبراير 01, 2015 9:13 am من طرف عواد عمر
» الفنان رمضان حسن
الأحد مارس 09, 2014 11:33 am من طرف عواد عمر
» مذكرات بيل كلينتون
الخميس أكتوبر 17, 2013 9:42 pm من طرف الميزر
» صور اعجبتني
السبت يونيو 15, 2013 6:10 am من طرف فاطمة
» نكات اسحابي
الإثنين يونيو 03, 2013 1:34 am من طرف محمد الساهر
» أخطر 3 شهادات عن هروب مرسى من السجن
الخميس مايو 30, 2013 10:42 pm من طرف عازة
» من روائع الشاعر جمال بخيت
الخميس مايو 30, 2013 10:18 pm من طرف عازة
» إطلاق نــار على الفريق "سـامي عنان
الخميس مايو 02, 2013 9:00 am من طرف محمد الساهر
» عاجل..أبو تريكة فى العناية المركزة
الخميس مايو 02, 2013 8:33 am من طرف محمد الساهر
» وقفة مع البافاري : مشروع أفضل فريق يقطع الكرات
الخميس مايو 02, 2013 8:21 am من طرف محمد الساهر
» 10 أطعمة تعرضك للإصابة بمرض السرطان
الخميس مايو 02, 2013 5:18 am من طرف محمد الساهر
» أسهل وأحدث 10 طرق لإنقاص وزنك في أقل من 10 دقائق
الخميس مايو 02, 2013 1:39 am من طرف عازة
» القدرات النفسيه
الخميس مايو 02, 2013 1:11 am من طرف محمد الساهر
» تنمية قدرات العقل
الخميس مايو 02, 2013 1:08 am من طرف محمد الساهر
» مصر: تطبيق الحد الأقصى والأدنى للأجور في مايو
الخميس مايو 02, 2013 12:58 am من طرف محمد الساهر
» السجن مدى الحياة لـ"بن على" و10 لوزير داخليته
الخميس مايو 02, 2013 12:38 am من طرف سيدورف
» فتح النار على باسم يوسف لاستضافته مغنيا شاذا
الخميس مايو 02, 2013 12:32 am من طرف سيدورف
» مورينيو والريال.. قصة موت معلن؟
الخميس مايو 02, 2013 12:16 am من طرف سيدورف
» رئيس برشلونة يعترف بتفوق بايرن.. وفخور بلاعبيه
الخميس مايو 02, 2013 12:12 am من طرف سيدورف
» فساتين الزفاف
الثلاثاء أبريل 30, 2013 3:22 am من طرف عازة