رباطاب/ نكات

رباطابي لابس جزمة قديمة أصابعينو الخمسة مارقات بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

.............................................................




رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد قاعد مبحلِق .. قال ليهو : أها يالصـــــندوق الأســـــود .. الحادث حصل كيف؟؟؟


....................................................


رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

..................................................



الرباطابي عمل ليه محل فول في البلد والشغل مشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل،، جاه صاحبه الرباطابي قال ليه يا دكتور عينت ليك (فحيص) معاك ولا شنو!!
.................................................

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي

.....................................................


شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية نازلة وراها لكن اتأخرت شوية .. الكمساري قال ليها: نازلة يا حاجة؟ قالت ليه : لا.. لا.. بدور اقدمها للباب!!

شكرا للوالد على المساهمات الرائعة .......لك الحب

- رباطابي راكب في البص جنبو واحد بياكل في تسالي قام أدى الرباطابي شوية تسالي الرباطابي قاليهو أنا ما بشتغل بالتلت .

رباطابية بتبيع البيض في محطة القطر واحد من الركاب قال ليها ياحاجة البيض ده ني ولا نجيض قالت ليه كان ني بدور تحضن فيهو .