طريقه عمل البطاطس بجميع انواعها

بسم الله الرحمن الرحيم
*******************
السلام عليكم ورحمة الله وبركاته
********************



البطاطس المهروسة


المقادير:


4 بطاطس متوسطة الحجم مسلوقة..
حزمة بقدونس مغسولة ومقطعة قطع صغيرة
2 فص توم مهروس مع (ملح - فلفل اسود - شطة - نص قرن فلفل أخضر)
ربع كوب زيت نباتي


الطريقة:


بعد سلق البطاطس نتركها حتى تبرد ثم نقوم بتقشيرها ونهرسها جيدا بالشوكة
نضع عليها البقدونس والتوم والزيت
نقوم بالتقليب جيدا
ثم نزين الطبق بالشطة الحمرا والكمون


وبالهنا والشفا




طريقتين للبطاطس المهروسة


الطريقة الاولي /



يقلي البيض بالطريقة العادية وعندما يتماسك نضيف البطاطس المهروسة و يقلبا معا لمدة دقيقتين علي النار ثم تقدم



الطريقة الثانية /



بعد ان نهرس البطاطس جيدا نضيف لها 2 ملعقة كبيرة مايونيز, ملعقة خل ,ملعقة زيت, جزر مبشور, فلفل اخضر مقطع قطع صغيرة, خص, بقدونس, ملح, فلفل و ممكن جرجير او اي خضار تاني عندك




البطاطس البوريه


المقادير:


1,5كيلو بطاطس
3ملعق سمن كبيره
نصف كيلو لحمه مفرومه {عصاج}
كوب حليب


الطريقة:


تسلق البطاطس وتوضع عليها السمن وكوب حليب و ملح وفلفل أسود وتهرس جيدا
تدهن الصينيه سمن ونرش قليلا من البقسماط حتى لا تلتصق وترص طبقه من البطاطس
ثم نضع اللحمه المعصجه بالبصل
ثم نضع طبقة البطاطس الأخرى
تترك بالثلاجه لتبرد
ثم يدهن سطحها بصفار البيض مع قليل من الفلفل الأسود
توضع بالفرن حتى إحمرار وجهها





البطاطس البانيه

المقادير:


10 بطاطس حجم وسط
2 بيضة
بقسماط
كوب زيت
(بهارات - ملح فلفل اسود)


الطريقة:
تسلق البطاطس وتقشر وتهرس
نقوم بتصبيعها مثل الكفتة ولكن بحجم كبيرونضع عليها الملح والفلفل الاسود.. ثم تغمس في البيضة ثم البقسماط وتوضع في الزيت بعد القدح


وتقدم ساخنة مع البقدونس الناعم.



البطاطس البانية باللحمة المفرومة



المقادير:


10 بطاطس حجم صغير مدورة
2 بيضة
بقسماط
كوب زيت
(بهارات - ملح فلفل اسود- بهارات لحم)
كوب صلصة طماطم
بصلة مبشورة
نص كيلو لحمة مفرومة


الطريقة:
تعصج اللحمة .. . يوضع الزيت في الوعاء حتى يقدح ثم نضع البصل حتى يصفر ثم اللحم ونضع معه التوابل بدون الملح.. بعد التعصيج نضع الصلصة وبعد التسبيك نضع الملح


تسلق البطاطس وتقشر وتهرس
نقوم بتصبيعها مثل الكفتة ولكن بحجم كبيرونضع بداخلها اللحم المفروم وتقفل.. (ولتكن طبقة البطاطس غليظة واللحم بكميات قليلة حتى لا يُفتح عند وضعه بالزيت)
ثم تغمس في البيضة ثم البقسماط وتوضع في الزيت بعد القدح


وتقدم ساخنة مع البقدونس




طريقة أخرى للبطاطس البانيه (كفتة البطاطس)



المقادير
نص كيلو بطاطس مسلوقه ومهروسه
عصاج للحشو يعنى لحمه مفرومه متعصجه مستويه وعليها البهارات والملح
2 م بقدونس 2 بيضه ملح فلفل
عصير بصله صغيره بقسماط مطحون


الطريقه


تعجن البطاطس المهروسه ببيضه واحده وعصير البصل والبقدونس وتعجن جيدا
تاخذ قطعه على هيئه بيضه وتجوف وتحشو باللحمه المفرومه العصاج وتقفل وتغمس فى البيض
والبقسماط وتترك لمده نص ساعه فى الثلاجه وتحمر فى الزيت او السمن





البطاطس المحشية



المقادير:
10 بطاطس حجم صغير مدورة
(بهارات - ملح فلفل اسود- بهارات لحم)
لحم مفروم معصج ببصلتين وملح وفلفل أسود وبهارات وشطة
كوب زيت
كوب عصير طماطم
3 ملاعق من السمن


الطريقة:
أأور البطاطس بالمؤوار (فتحة صغيرة)
تُحمر في الزيت بعد قدحه حتى يُصبح لونها ذهبي
ترفع البطاطس من الزيت وتصفى
أحشيها باللحم المفروم وأدهن الصينية سمن ثم أضع ما تم إزالته من البطاطس سابقا في قعر الصينية بعد رش القليل من البقسماط أرص البطاطس بها
أضع عصيرا لطماطم وعليها الملح والفلفل الأسود على سطح الصينية مع ملعقتين سمن وأدخلها الفرن
بعد 5 دقائق شيكي عليها
وتقريبا تأخذ 10 دقائق لتنضج



صوانى البطاطس المختلفة


1/ صينية بطاطس بالفراخ (ممكن من غير فراخ)






"الطريقة"



طبعا بتبل الفرخة كويس بالملح و الفلفل

(في العظم)

و البصل





و اقطع البطاطس حلقات و احطها في الصينية

(علي حسب العدد)





و بعدين احط الفرخة في النصف

(علي البطاطس)





و بعدين اضرب الطماطم و البصل في الخلاط مع بعض و معاهم الملح و الفلفل

و اصبهم علي الفراخ و البطاطس

(انا بضرب البصل علشان مش بحب شكله و هو حلقات كده)

يعني تخيلوا شكل الصورة من غير حلقات البصل ديه

أو ممكن تقطعوه حلقات ولا تزعلوا ^ _ *





و احطهم علي النار و اول ما تبدأ تغلي اغطي بورق فويل كويس اوي

و احط الصينية في الفرن

(يكون سخن)



و اسيب الصينية ساعة الا ربع تقريبا

و لما الاقيها استوت

(الفرخة و البطاطس)



اشيل الفويل وافتح الشوًاية علشان تاخد لون حلو كده





انا بحط كل حاجة ناية مع بعض و ماتخافوش كل حاجة بتستوي



و مش بحط سمن ولا زيت خالص



الفرخة بتنزل الدهون بتاعتها و بتعمل مرقة مع الطماطم اللي موجوده ريحتها و طعمها حلو



صينية البطاطس باللحم المفروم




المقادير:


بطاطس بيوريه
ربع كيلو لحم مفروم و2 بصلة مفرومة توضع على النار وتقلب جيداً مع وضع الملح والفلفل الاسود والبهار


وتقلب حتى تنشف ماءها ثم يضاف لها قليل من الشبت


نفرد نص كمية البطاطس في صينية مع تبليل اليدين حتى تتماسك ثم يوضع خلطي اللحم المفروم ويفرد


القسم الباقي من البطاطس ( يفضل تبليل ملعقة وفرده بها افضل من اليد ) ثم يرش الوجة بالجبنة


وتوضع في الفرن لمدة 1/3 ساعة




صينية البطاطس بالسبانخ



المقادير والطريقة :


بطاطس بيوريه تفرد بالصينية


ثم نحمر بصلة مفرومة ويضاف لها 1 فص ثوم مبشور ويقلب حتى يصفر ثم يضاف له مكعب ماجي وكوب


سبانخ مفروم ويقلب جيدا ثم يضاف له فلفل اسود وعلبة قشطة ويخلط جيداً لمدة دقيقة ثم يصب الخليط

على البطاطس ويرش الوجة بالجبنة المبشورة وتوضع في الفرن لمدة 1/3 ساعة وتقدم مع سلطة حيث
تعتبر وجبة متكاملة

صينية البطاطس بالسبانخ





المقادير والطريقة :


بطاطس بيوريه تفرد بالصينية


ثم نحمر بصلة مفرومة ويضاف لها 1 فص ثوم مبشور ويقلب حتى يصفر ثم يضاف له مكعب ماجي وكوب


سبانخ مفروم ويقلب جيدا ثم يضاف له فلفل اسود وعلبة قشطة ويخلط جيداً لمدة دقيقة ثم يصب الخليط

على البطاطس ويرش الوجة بالجبنة المبشورة وتوضع في الفرن لمدة 1/3 ساعة وتقدم مع سلطة حيث
تعتبر وجبة متكاملة




صنية بطاطس بالفراخ البانيه

المقادير
1-نصف كيلو فراخ بانيه
2-كيلو بطاطس
3-كوب من اللبن
4- كوب جبنه رومي مبشوره
5 - بيضه
6 - بقدونس
7 - بصله
8 -توابل(ملح فلفل أسود)


الطريقه
أولا -أسلقي الفراخ البانيه في شويه ميه وحطي عليها البصل والبقدونس والتوابل
ثانيا-أسلقي البطاطس وأهريسيها و بعدين هاتي ملعقة زبده في الحله و حطي عليها كوب اللبن
و بعدين حطي البطاطس المهروسه وقلبي كويس وسيبيها
ثالثا-هاتي صينيه و رصصي فيها الفراخ و حطي عليها شوية شوربه وبعدين حطي البطاطس
و بعدين أخفقي البيضه وحطيها علي الوش والجبنه الرومي وسيبيها في الفرن لغاية ما يحمر الوش




صينية بطاطس بالشاميل روعة



بطاطس مهروسة تفرد فى صينية وتوضع على وجهها البشاميل وتوضع فى الفرن

لعمل البشاميل نحتاج الى:
كوب طحين تقريبا 7 ملاعق كبيرة..ليتر من الحليب اي تقريبا اربع اكواب..مكعبين ماجي و زبدة..ملح و فلفل اسود

نضيف الطحين مع الحليب عالبارد
يوضع على النار و نحركهم بالمضرب السلك الى ان يذوب الطحين تماما و يختفي

بعد ان يسخن بقليل نضيف الماجي و الملح و الفلفل الاسود و طبعا ما بنتركها ابدا نستمر بالتحريك حتى ما تتكتل

نضيف الزبدة

و نستمر بالتحريك الى ان يثخن قوام البشاميل هكذا

ترفع من على النار

متابعون بسعادة لنشاطك الزائد .... لك كل الود.