نداء

نداء
الاخوات بأ سرة الزبيدي والشفيع
لقد تلقيت تحزير من الادارة بحذف منبر نون النسوة لذلك الرجاءالاسراع بالتسجيل والمشاركة
لكم التحية و دمتم

يا اخونا كلمو بنات الزبيدي الباقيات وبنات الشفيع امال عباس قنعت منها مع المدرسة

استجابتا لندائك قد سجلت اليوم فى المنتدى وفى انتظار تكرم السيد المدير بالقبول.
لكى كل الود والتحايا (سلمى الشفيع)
ملحوظة: الان انا اكتب عن طريق بريد زوجى

من طرف **المشرف العام** السبت يناير 05, 2008 9:05 am

مرحب بي الرشيد الريح نور الدين وزوجته المصون,,, سيتم تفعيل عضوية حرم الرشيد الريح نور الدين فورا.

مرحب بي اختنا سلمي رغم دخولك بي حساب زوجك,,,, وطبعا في حاجات كتير علي حسابو { أعانه الله}
ومرحب بي أخونا الرشيد الريح نور الدين,, وإن لم نلتقي فهو قطع شك فارس مغوار,,, وفدائي لا يشق له غبار,,, لها وله ولكم جميعا الود.

من طرف سلمى الشفيع الأربعاء يناير 09, 2008 9:25 am

السلام عليكم يا اهل المنتدى.تلقت الاخت هاله الزبيدى تحزير من الاداره بحزف منبر نون النسوه.بغض النظر عن الاسباب التى دعت الاداره لتحزير الاخت هاله الا اننا ندين اسلوب التهديد هذا ويااااا السيد المدير(ارعى بى قيدك)وللا نكلم ليك معاويه وانت ما عاااااااااااااارف

لماذا غض النظر عن الاسباب ,, ما تسألي عن الاسباب,, لكن انتو قولوا لي بتكلم في منو{ يغلطو ويهاجموك,, زي ناس الجبهة,,, طبعا في موضوع مقارنة بين الجبهة والنسوان وتم حذفه لكن كان كدي الكلام ننزلوا} بعدين معاوية منو البتشتكي ليهو,,,؟ انتي قايلاهو معاوية زمان,,, لحق الرقدو.بعدين تكترو تقللوهو اقفل المنتدي وانتهي الموضوع كما كان يفعل قدورة ,, كان يشتري الكفر ويعمل القسمة ويحكم الكورة وكان في اي زول قال بغم بيشيل كفرو,,, وطبعا الناس ما بغلطوهو ,, بغلطو القال بغم دا.
وهو انا زاتو ما بتفاهم معاك ,, سأتناقش مع الرشيد,, ونشوف ليك حل, أدونا موية,,ما هرشتها ليكم بالله!!!!

اولا اهلا بيك وحبابك عشرة والمنتدي نور
بالنسبة لي موضوع الادارة انا طبعا ما بقدر اقول حاجة بس بحكي ليك قصة مرة حامد الزبيدي قال لي فاطمة بتي اي زول يسألك كلميني اشاكلو ليك بعدين ياستي بعد فترة جاتو شكت خاله مرغني قام قال ليها والله يافطومة معليش لكن رايك شنو اشاكل ليك محمد ولا عمر
اسي انتي رايك شنو نتشاكل مع واحد من المشرفين
لك التتحية وما تنقطعي

من طرف سلمى الشفيع الأربعاء يناير 09, 2008 12:33 pm

تكلم لى الرشيد ليه ؟انا قلت آمال عباس؟انا قلت الاداره خلى روحك رياضيه يا( موهبه) وما تفقد المنطق.بعدين معاويه مااااالو؟ اى نعم بقى فلبينى لكن مازال بهرش وبيدق.شكرا ياهاله على ترحيبك...

وقالوا ليك ادارتي منو؟؟ ما امال عباس,,,

من طرف امال عباس الجمعة يناير 11, 2008 3:13 pm

الاخت هالة الزبيدي حقو ما تقنعي مني لان دا ما في صالحك ولا في صالح نون النسوة انت نسيتي اني زوجة المدير العام وبكون لي تاثير فيما يختص بالتهديدات دي او ما شابه
واتمنى لنون النسوة الاستمرار والمداومة لانها اضافة لطيفة وخفيفة للمنتدى

من طرف عماد الشفيع السبت يناير 12, 2008 2:05 pm

ياحريم الزبيدى ازيكم جاكم السم القدر00000000 نحن واثقين من حرمتنا التى سوف تمثلنا خير تمثيل وانتم يا حرم الزبيدى اتحدوا وما تقولوا المدير معاكم والله ده مابيحلكم كدى دخلوا معاكم حامد وممكن تستعينوا بالمدير ومن زمان نحن عايزين لينا سبب فى المدير ده يلا ياسلمى نحن معاك يامهيرة

يا عماد انت الحشّرك وسط النسوان وشكلهن شنو,,, حتقول لي انت برضو ما دخلت ,, انا دخلت بالتعليق حين ورد اسمي ولحدي الوكت داك ما كان في مشاكل.

من طرف عماد الشفيع السبت يناير 19, 2008 2:16 pm

السيد / المدير والله معاك حق نحن واكرر نحن مالنا ومال الحريم لكن يظهر ياسعادتك ماعندك شغل ولا مشغلة واقصد نحن الأثنين وللجميع نكرر 00000000

نداء

نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء

رد: نداء