قراءة محايدة في حظوظ هلال مريخ للتأهل

بداية كما يعرف الجميع أنني هلالابي منذ الطفولة,,, قد يراها بعضكم واحدة من عيوبي ويراها البعض الاخر نيشانا علي صدري ,, أما أنا فأري أني شخص يشجع فريق لكرة القدم يسمي الهلال وليس سيد البلد أو الملكي ,أو الصفرابي أو الوصيفابي,,,,يمكن أن يكون الموج الأزرق ,,,

لاأدعي بأية حال أني بعيد عن التشجيع المتعصب للهلال أو الجهل فوق جهل الجاهلينا اذا اقتضي الأمر,, ولكن حين أخلو الي نفسي أخجل من جهلي وتعصبي

كمشجع عادي يمكن أن أغيظ أحد أصحابي من الفريق الاخر علي سبيل الدعابة ,,, وقد أنكر حقائق جلية يراها الأعمي ,,,ولكن لهذه مكانها وزمانها كما بين الجاهوري وهيثم ,, كل يداعب الآخر مما يعطي للمنتدي الرياضي حراكا أكثر من بقية المنتديات ,, ويجب الا يستغرب مدثر ان يوما قلت له أن غود ينسون أفضل من كاكا بمراحل أو أن بويان كريكتش يساوي خمسين كريستيانو رونالدو....
ولكن يختلف الأمر كثيرا ان كنت محللا او ناقدا رياضيا او صحفيا منتمي ومعروف بانتمائي لفريق دون الاخر حيث الموقع في هذه الحالة يلزمني أن اتحلي بالامانة ونقل الوقائع كما هي دون تزييف مع حبي وانتمائي لفريقي,,, وللاسف عكس هذا يحدث في ايامنا هذي ,, فالرشيد علي عمر ورمضان ومزمل وابو شيبة وابراهيم عوض وغيرهم مجرد مشجعين من المساطب الشعبية بل أدني يمارسون نسج الاوهام لزيادة التوزيع وعائد صحفهم,,, وللاسف الشديد ايضا انهم اكثر جماهيرية من كتاب اخرين علي قلتهم يمارسون الكتابة باعتدال

اضطررت لهذه المقدمة بعيدا عن الموضوع ليقرأها الناس دون تعصب

حظوظ الهلال والمريخ في التأهل:

رصيد الهلال من 3 مباريات 7 نقاط وفي صدارة المجموعة
ولكن السؤال كم لعب الهلال مباريات بأرضه قياسا بالفرق الاخري وماذا بقي له علي ارضه؟؟؟
الهلال لعب 3 مباريات بارضه,,, مباراة المريخ كانت في السودان وليس في كوكب آخر!!

تبقي للهلال 3 مباريات ,, 2 خارج ارضه وواحدة داخل ارضه ولكنها مع المريخ الذي ايضا السودان أرضه

اكبر المتفائلين يري ان الهلال سياتي بنقطة من خارج أرضه اي سيصبح 8 نقاط,,, مباراة الهلال والمريخ لا يحكمها اي شئ هي قد تكون لصالح الهلال او المريخ وقد تكون تعادليه وهذا هو الغالب
عطفا علي الطريقة التي يلعب بها الهلال ومدربه الجديد الذي انا سعيد به واتمني ان تتاح له فرصة كبيرة,, سنين لتظهر بصماته واضحة.

باختصار يمكن للهلال أن يتوقف عند حاجز ال7 نقاط او قد يزيدها نقطة او نقطتين اي 8 او 9 نقاط
واتمني كهلالابي ان يفوز الهلال في احدي مبارياته الخارجية وهذا تمني.

المريخ:
لعب ثلاث مباريات 2 بارضه والثالثة خارج ارضه
تبقي له مباراة خارج ارضه ومبارارة داخل ارضه ومباراة الهلال التي لايمكن التكهن بنتيجتها بحساب الارض والجمهور كما اسلفنا لا للهلال ولا للمريخ
المريخ يملك نفطة وحيدة ,, وبحساب النقاط المضمونة يمكن حساب نقاط مباراة كانو بيلارزيصبح لديه 4 نقاط ويمكن افتراس نقطة من زيسكو بارضه وبسهولة ليصبح 5 نقاط
اذن فهي مباراة هلال مريخ الغير منطقية النتائج عادة هي من يحسم الامر سواء للهلال او للمريخ مع ترجيح كفة الهلال في حالة التعادل الذي لايخدم المريخ.
واقصي ما يصل اليه المريخ 8 نقاط ومع الامنيات المريخية اذا حقق الفوز في كل مبارياته يصبح رصيده 10 نقاط.
كانو: له اربع نقاط وتبقت له 3 مباريات 2منها علي ارضه وفي الغالب سيخسر لقاءه بالمريخ ويفوز علي ارضه
يعني واقعيا كان يمكنه الحصول علي 10 نقاط واذا تمني 11 بالتعادل مع المريخ و13 اذا فاز عليه

زيسكو:له 4 نقاط من مبارتين خارج ارضه ومباراة واحدة بارضه

تبقت له 3 مباريات 2 منهما علي ارضه
في الواقع سيمتلك 10 نقاط واذا تمني 11 بالتعادل مع كانو او 13 اذا هزمه علي ارضه وهو امل ضعيف.
المحصلة :
وصول الهلال الي 10 نقاط للتساوي مع الفرق الاخري رهين بفوزه علي المريخ ,,, الذي اسلفنا القول انه ليس مضمونا بنسبة كبيرة
وصول المريخ الي 10 نقاط يبدو اصعب من الهلال فهو يحتاج للفوز في جميع مبارياته بما فيها مباراة زيسكو خارج ارضه ومباراة الهلال الغير مضمونة.

عليه: يبدو أمل المريخ أضعف من الهلال في الوصول الي نقاط التأهل
وامل الهلال اضعف من الفرق الاخري "زيسكو وكانو"

احتمال وصول الفريقين لنصف النهائي صعب جدا ,,, ولكن اخفاقهم سوية اقرب الي المنطق خصوصا اذا انتهت مباراة هلال مريخ بالتعادل.
من جانبي اتمني للهلال التاهل واتمني نقطة من كانو او زيسكو.
لكم الود.

ما أظن في منطق أكتر كدة

يبقى السؤال المطلَع روحنا:

(نحن وكت عااااااارفينهم الإتنين سجم في رماد، واجعين قلبنا معاهم ليه؟؟؟)

المرضة يا هيثم ,,, نسوي شنو؟؟؟ وهامش الامل المذكور يقل ويكثر حسب شخصيتك ,,, حتي مع هذه الحسابات هناك من يجزم بالتاهل,,,, لك الود.

من طرف مدثر الجاهوري الأحد أغسطس 23, 2009 10:14 pm

كورة القدم لا تعرف الحسابات انتهى الدور الأول بتصدر الهلال بسبعة نقاط وتبقت له ثلاث مباريات محتاج لثلاث نقاط فقط ليتأهل ... حسب مشاهدتي لدوري المجموعات الهلال هو الفريق الأفضل ويمكنه الصعود للمرحلة التالية ... ونحيا نشوف ......... المريخ لا يمكنه باي حال الوصول للمرحلة التالية من واقع حال الفريق وليس لانني هلالي ... زيسكو وكانوا ليس بأفضل من الهلال ليصعدوا للمرحلة التالية ........ يا دكتور خلينا من التنظير وامنياتنا بتأهل الهلال ....

مدثر الجاهوري كتب:كورة القدم لا تعرف الحسابات

.. حسب مشاهدتي لدوري المجموعات الهلال هو الفريق الأفضل

امنياتنا بتأهل الهلال ....

طيب ياخ وكت هي مابتعرف الحسابات ليه افترضت إنو هلالك حيجيب تلاتة نقاط من تلاتة مباريات؟؟؟؟

قلت لي مشاهدتك؟؟؟؟
الأفضل دفاعاً دي مابغالطك فيها زول بدليل ما دخل مرماه أي هدف.
لكن إنت عارف وأنا عارف وأي زول مابعرف كورة عارف إنو مع المريخ مرقك معز محجوب ومع زيسكو وبشهادة غلاة الهلالاب مالعبت كورة تطلعك متعادل خليهو تغلب !!!يعني حظك المعهود
ومع كانو مرقك الحكم بضربة جزاء مابيحسبها مدرب الهلال.......يكون الأفضل كيف بس؟؟؟؟؟؟؟؟؟؟

عشان كدة خليك في أمنياتك دي ، وبركة القلت تأهل الهلال وما قلت فوزه باللقب

من طرف مدثر الجاهوري الإثنين أغسطس 24, 2009 9:55 pm

يا هيثم ياخي انت زعلان كده مالك من الصوم ولا كتره الغلب ... ياخي ده رؤيتي ومشاهدتي ... أنت أقعد نظر لي في كور الهلال طيب كور المريخ الحاصل فيها شنوا ... غلب وبشتنه وجديع حجار ومعاها مازدا وصلاح مشكلة ربنا يهون عليكم ...

مدثر الجاهوري كتب:
أنت أقعد نظر لي في كور الهلال طيب كور المريخ الحاصل فيها شنو

لو قريت أول مشاركة لي كويس كنت عرفت رأي في حال المريخ شنو...، أما عن الهلال فعنوان البوست ياسعادتك بيتكلم عنهم الإتنين..........

وقع ليك ولا أعيدو ليك؟؟؟

الاخوان / هيثم والجاهوري ,,, قصدت ان اخرج بهذا البوست من المسطبة الشعبية وخرجت به بعيدا ,,, لرؤية واضحة ومتوازنة ولكن يبدو اننا رجعنا للمسطبة الشعبية
لكما الود.

قراءة محايدة في حظوظ هلال مريخ للتأهل

قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل

رد: قراءة محايدة في حظوظ هلال مريخ للتأهل