فضيحة للمريخ بالاردن .7 أهداف

بكري2 كتب:تعرض المريخ لاكبر هزيمة للكرة السودانية بالخارج ومن الوحدات الاردنى بلغت 7 أهداف والوحدات

يلعب بعشرة لاعبين من الدقائق الاولى للمبارة وكان المريخ يدخل المبارة بثلاثة فرص للتأهل لدور

الثمانية لدورى أبطال العرب علما بان الشوط الاول قد أنتهى بالتعادل 2/2 .لينهار المريخ وكعادتنا

فى الشوط الثانى وخلال 15 دقىقة لتنتهى المبارة 7/4 وحتى الجمهور الاردنى غير مصدق لهذه النتيجة

وتاهل فريقة للدور الثانى ولكن طبعا مع الكورة السودانية كل المستحيل ممكن وهذا قدرنا نحن أن نبتلى
ا
بهذا القدر من المصائب والتهانى لجمال الوالى ومزيد من أهدار مال الشعب السودانى فى هذا الكنيف

وأرغو المعزرة

يا أبو بكر ديل إتخيلوا فريقهم عالمي وبدوا يحلموا ويحلموا حتى كسروا الزجاجة وتدفق السمن وهذه نتيجة تدريب مازدا وإبراهومة وتسجيل مشاطيب الهلال .. ليصبح المريخ الهلال الأحمر السوداني ...

لكن نقول شنو بس ..بكرة أحلى برضو

هيثم على الشفيع كتب:ونحن شفع صغار كنا لما الكورة تنتهي زي كورة امس دي بيغني الفريق الفائز:
(سبعة كفاية
القون صفاية
الباك غنماية)
فماذا ترانا سنغني لمريخ السودان؟؟؟

وبرضو لما الكورة تكون أقوانا كتيرة بنقول (بالمسح) ، يعني أي قون قصاد قون يتمسح فلو طبق الإتحاد العربي الموضوع دة على مريخنا ،كنا انسترنا شويييييية و3/صفر معانا زي الورد....

وسامح الله مازدا وأكرم الهادي الحيرجعوا الجاهوري يتفاصح فينا بعدما ما اقتنع بي زمنو الفات وغنايو المات

بالمناسبة هو وين؟؟؟ يكون ما سمع بي الكورة دي؟؟؟

وقال كيف؟؟؟ بكري يقول ليك بكرة أحلى !!!!

ميرغني ابراهيم عمر كتب:الاخ / بكري و هيثم:
بعيدا عن هلال مريخ,,, تري الي اين يقودنا هؤلاء الناس ونحن كالعميان ,نتحدث عن جلابية الوالي الانضف من جلابية صلاح ادريس وبيت صلاح ادريس الافخم من بيت الوالي,,,الله يدينا الصبر ونحن ننهزم علي ارضنا من وفاق سطيف" عارفين سطيف دي قدر شنو؟ شوفوا الخريطه",, والوحدات الاردني بالسبعه"عارفين الاردن كلها قدر شنو؟ ولا نزال نتعالج في الاردن,,وننهزم من وحداتها بال7 ,, والحال في حالو بين شامت وخجل,,,وبرضو وارغو وديمبا وفرانسيس والملك والبرنس,, وصلاح والوالي علي صدر صفحاتنا,,, شخصيا رغم هلاليتي ,, كنت اتوقع هزيمة الهلال او قل عدم تاهله لدور ال8 ولكن ان ينهزم المريخ بالسبعه فهذا ما لم اكن اتوقعه ابدا ولكن ,, ربما للهزيمة عدة فوائد,,:
اولها يمكنني الان التحدث عن اكرم الهادي دون ان اتهم باني غاضب عليه من مباراة الكاس او الدوري الممتاز.
هذاالاكرم ليس في قامة المريخ الذي حرس مرماه حامد بريمة والطيب سند, بل اقصر كثيرا من قامة بهاء الدين ,, وما تزعلوا مني .
ابراهومة ومازدا بعد ان ذهب ابو جريشة,, لا أدعي اني احب المريخ ولكني سوداني ,, ولا شك في ذلك.
ملحوظة:
لم يتسني لي الحديث عن المعز ومرق وافياني وكرنقو,, وعلاء جبريل,,, لان الارباب,, لم يتح لنا الفرصه بالانسحاب ,, والغريبه انو قالها صراحة في مؤتمره الصحفي,, بانه انسحب خوف الهزيمة الثقيلة,, بالله شوف.
وما دام بدينا ما حنقيف.
لكم الود.

مدثر الجاهوري كتب:
نحن عارفين المريخ ده ما بمشي خطوات أكثر من الهلال ...

أنا ما بشمت في فريق اتغلب بي سبعة لانوا الشماتة ذاته كتيرة عليكم ...

هيثم على الشفيع كتب:

مدثر الجاهوري كتب:
نحن عارفين المريخ ده ما بمشي خطوات أكثر من الهلال ...

أنا ما بشمت في فريق اتغلب بي سبعة لانوا الشماتة ذاته كتيرة عليكم ...

نعم!!؟، نعم ؟؟ نعم؟؟؟؟ نعم؟؟؟؟؟؟؟؟؟؟؟؟؟

حطوات أكتر من الهلال؟؟؟؟؟

هي دي ياتو خطوات المشاها الهلال دى؟؟؟؟

الإنسحاب؟؟؟؟؟؟؟؟ ولا شنو .....؟!

عليك الله أشرحا لي دي مافهمتها

بعدين قلت لي ما بتشمت؟؟ لأ عليييييييييييييييييييييييك الله كان ما شمت...{ماقاصد حاجة بس عاوز اعرف الهلالاب بشمتو كيف}