اختار غرفة نومك

من طرف نور الثلاثاء يناير 27, 2009 8:09 am

مجموعة من غرف النوم اعجبتني في احد المواقع اتمني ان تعجبكم وكل عضو يختار هو وذوقو

اختار غرفة نومك Hfys206-after-bedroom_w609

اختار غرفة نومك Hdivd501-chocolate-bedroom_w609

من طرف عماد الشفيع الثلاثاء يناير 27, 2009 8:26 am

والله كل واحدة اروع من التانية وياحليلنا يالباقر بديناها بعنقريب الحبال فى الاشلاقات وحاليا غربة ونوم فى الواطة ومرات فى الكنبة ساعة يكون معاك ضيوف 000 دى غايتو الآ للأولادنا وبناتنا 00 وكان على الاختيار والله انا داير انوم كل يوم فى واحدة 00 والخرتوم اتنين اهو 00وسلم لى على السودان

من طرف قرفان جدا الثلاثاء يناير 27, 2009 9:31 am

بالله دا شعب يجيبو ليهو حاجات زي دي يانور؟؟؟
قال حبال قال!!

من طرف ام حنين الثلاثاء يناير 27, 2009 8:38 pm

سلمت يداك يانور فخامة وتناسق في الالوان وبساطة مبالغ فيها جزيتي خيرا

بالله دا شعب يجيبو ليهو حاجات زي دي يانور؟؟؟
قال حبال قال!!

شكرا نور ,, ومرمي الله ما بترفع,, غرف نوم جميله جدا وانا اعجبتني كثيرا نمرة4,, اما ناس عماد ديل خليهم ساكت ,, جبتي المكرونة بي البشاميل قالوا عايزين قراصة ,, جبتي غرف نوم ,, قالوا عناقريب حبال ,, استمري ونحن معجبين جدا بالمكرونة وغرف النوم,, وبالله يا قرفان مش كده. لكم الود.

من طرف عماد الشفيع الأربعاء يناير 28, 2009 12:06 pm

مادام الموضوع جاب ليه نبيشة اها انا معاكم والله غرف نوم جميلة بحق وحقيقة لكن الآ توافقونى الراى اى غرفة عايزة ليها مرة ( عروسة ) والكلام ده للقرفانين والعاملين فيها رومانسيين زى ناس فلان وفلان 000

شكرا يانور لكن نمرة 2 دى ما الاولى عديل
وناس عمك عماد ديل شوفى ليهم سراير مخرطة من سنجة الناس دى خلاص زمانهم فات ومصطفى سيدأحمد مات والاشلاقات دى هدموها زمان وعملوا محلها مولات يا عمك

وأمبارح أشلاق وبكرة أحلى مول

من طرف ياسر الأحد فبراير 01, 2009 2:16 pm

العم بكري اول حاجة ياانت عندك عمى الوان يانحن العندنا والله لا بشابهن ولا حتى قريبات من بعض وتاني حاجة اكان الاشلاق هدموه حيبقى ذكرى خالدة في نفوس من عاشوا فيه (اتقول عشت فيه مش كده ؟) لك الود

من طرف وليد ابراهيم الأحد فبراير 01, 2009 10:47 pm

الاخت نور لكي الشكر علي الاختيار الجميل/ لكن عملتي لينا مشغوليا بالفرجة
الابن ياسر لك التحية و حفظ الله مخزونك الفكري وحقيقة انت ابن الاشلاق الشامخ ويارتك جيت قبل 1980 م عشان تشيل عصاتك عديل Mad

بكري نحن بنخليكم علي العوين ديل Mad

دحين ارعوي ولقط قريشات المحامي ...... اسمع عندي اقتراح : ما تجيب لينا توكيل وليك علي ارسل ابراهيم وخلي ياسر للاكبر من دي Mad

ولكم ودى

والله دى ما تكتح عديل اولا انا ما قلت بتشابهن يا ولد أخوى يا ياسر سلامت نظرك وخلى الفردة محمد يقرأ ليك تعليقى( نمرة 2 دى ما الاولى عديل ) يعنى نمرة 2 الاجمل
بعدين أنا ما قلت الاشلاق كعب ولا ناسو كعبين انا قلت الاشلاقات هدمتها حكومة الانقاذ يا ولدنا وباعوها كما السودان أراضى أستثمارية لمنفعتهم الخاصة
ويا أبو لدن بركة الجيت

وبكرة أحلى

من طرف عازة الثلاثاء فبراير 09, 2010 12:31 pm

والله انا التانية عجبتني مش قتي كل واحد و ذوقو انا غايتو وريتكم زوقي ...........

الاخت نور: الغرف الجبتيها دي عينة بالنسبة لي طبعأً " وواصلــــــــي" .
اختار غرفة نومك Hdivd501-chocolate-bedroom_w609

من طرف فاطمة الثلاثاء فبراير 09, 2010 2:44 pm

ذوقك جميل جدا يا نور وسلمت يداك زي ما قالت ام حنين

انا غايتو عجبتني نمرة (5) و نمرة (2) دا ذوقي طبعا

و شــــــــــــــــــــــــــــكـــــــــــرا.

من طرف سلمى الشفيع الأربعاء فبراير 10, 2010 8:55 am

درج الاخ هيثم الشفيع على عاده.. دائما بدعى نفسو يعنى يقول مثلا اشوف العمى انا .امشى مكسر انشاءالله.وانا حا اعمل زيو واقول ننوم السهر نحن .نور العزيزه شكرا على زوقك وانا كلهم عجبونى وكلهم اخترتهم زى ما قال عمده.ويا عماد اعمل خط تحت الاوضه العايزه ليها عروسه دى ..لكم جميعا الود

اختار غرفة نومك

اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك

رد: اختار غرفة نومك