طلاق بي رسالة

محكمة سعودية تقر طلاق زوجة برسالة موبايل



أقرت محكمة شرعية سعودية طلاق شابة سعودية في العشرينيات من عمرها بناءً على رسالة نصية أرسلها زوجها من هاتفه الجوال قال فيها إنه "يطلقها."


كذلك اتصل الزوج الذي يوجد في العراق للمشاركة فيما وصف بـ"الجهاد" باثنين من أصدقائه كانا قد شهدا على زواجه من السيدة السعودية وأبلغهما بأنه طلق زوجته.
وتوجهت السيدة إلى المحكمة الشرعية للحصول على الوثائق اللازمة التي تثبت صحة طلاقها . واستدعت المحكمة الشاهدين اللذين أكدا اتصال صديقهما بهما من العراق وتأكيد تطليق زوجته , كذلك أكد واقعة الطلاق اثنان من أقارب الزوج وأوضحا أنه أبلغهما هاتفياً قيامه بتطليق زوجته , وأنه يشهدهما على ذلك.
وصادق قاضي المحكمة الشرعية على الطلاق, مشيراً على الزوجة بأنها ليست مضطرة للدخول في فترة العدة التي يمنحها الشرع للزوجة قبل سريان مفعول الطلاق.

.................................................. .................................................. ....................................

أمل في بيت أهلها منشغلة بالتجهيز لعيد ميلاد أختها الصغري هالة ,,, التلفون يرسل رنات متقطعة ,, معلنا وصول رسالة ,,, أمل تنظر الي التلفون شذرا ثم تواصل تزيين التورتة ,,
: يابت ياأمل ماتشوفي تلفونك دا!!!
: دي رسالة يا امي.
: طيب ما تشوفيها.
: بعدين..... ثم لنفسها قال بعدين قال !!! شوفوا البفتح ليهو رسالة تاني ,,,
أمل منذ أن قرأت خبر المحكمة والرسالة ,, لم تفتح أي رسالة
خصوصا بعد قامت نوكيا باضافة رسالة جاهزة ,, يمكن اختيارها وارسالها في التو واللحظة.
سمعت من أحد جاراتها ان زوجها لا يملك موديل جديد به الخيار السابق ,,, عمل رسالة طلاق شرعية وتم حفظها في المسودات ,,,, جاااااااااااااااااااااااااهزة
امسكت بالموبايلبعد ان غسلت يديها
الضغط علي خيارات الرسائل _ صندوق الوارد_ خيارات_ مسح كل الرسائل _ نعم _المسح جاري.
.................................................. .................................................. ..................................
في بيت عرس سلوي تحدث صديقتها إيمان
: ما سمعتي ياأيمان بي سامية
: ما سمعت يطرشني.
: ما رسلوا ليها رسالتها { علثي وزن رسلوا ليها ورقتها}
: رسالة واحدة.
: واحدة وبائنة.
: طرينا الشر لي بعدو,,, برضو أحسن من جارتنا!!!! دي رسلوا ليها 3 رسائل مرة واحدة.
وبت خالتي باقي ليها رسالة واحدة ,, رسلوا ليها رسالتين قبل كده ,,, خلت الموبايل كلو كلو.....
أغنية الفنان أحمد الجابري,, الراجل بقي خاتيها في العربية ,, ما بشغلها الا لما تركب معاهو المرأة: يصدح أحمد الجابري
مافي حتي رسالة واحدة ,, بيها اتصبر شوية .
حينها تعبس هي بوجهها وتشيح به الي نافذة العربة ,,, بينما يبتسم هو متلذذا .
.................................................. .................................................. ...............................
مني بالمكتب ... لاحظت زميلاتها في الايام الاخيرة بعد طلاقها ,, أنها تضع الموبايل علي المكتب أمامها ,, طوال اليوم ,, لا ترد علي المكالمات ,,, ولكن في انتظار الرسائل .
كل ما رنت نغمة الرسائل ,, سارعت لفتح الموبايل بوجه متهلل ولهفة عارمة .
قالت كلتوم ست الشاي للزميلاتها : متوقعة رسالة الرجوع,,, بري منكن يا بنات اليومين ديل ,,, يعرسوكن بالموبايل ,, ويطلقوكن بالموبايل ,,,يرجعوكن بالموبايل كمان ,,, لا توب لادهب ,,, عشنا وشفنا .
آخر موضة هذه الايام طلاق بالاي ميل ,, ننصح بنات حواء بعدم فتح هذه الرسائل,و,, عشان ما يضربها الفايرس وتحويلها الي الجنك ميل...
شرح المفردات :
ضاربها فايرس: مطلقة
مهنق: حارن وناوي علي الطلاق
يوسر نيم: زوج
كلمة السر: طلقانة
وكل رسالة وانتو بألف خير.

مافي عرس بي رسالة؟؟؟؟؟

وهونحن يا هيثم كل النقة دي عشان شنو,,, ما تعملوها ظاهرة يا برلوم ,,, أسأل العمدة تقريبا 24 سنة عرس { ربع قرن} ,, بالله يا هيثم لو في خبر ادينا لكزة,,, لك الود,

ها يا عمدااااااااااااااااااااه

زولك دة يرمي في الكلام جاي وجاي ولمن يبقى جد!!!!

نبقى في ما كنت قاصد كدة.....

زولك يا هيثم هواب ساى وما تشوف الحركات دى هو عارف جماعتو قاعدين يدخلوا النت عشان كده عامل فيها بيتعامل بالرموز سيبك منو نحن ناس الربع قرن ديل قطعنا شوط فى زواج المسيار وقريبا سوف تباركو لينا والعايز نحن جاهزين ... وكله عمل خير وبثوابه

هييييييييييع ود عمي الكلس



{الله يستر ما يطلع كلامك زي تسجيلات الهلال والمريخ}

والله يا هيثم / شفت جية قودوين؟؟؟؟ قريبة ,,, وكان لي المسيار دا كلنا مسيار ,,, وهو المسيار دا عرس؟؟؟

عرس عديل ومرة تانية بي بيتها وعيالها ويومها ,, يا عمدة

نحن غايتو ما قلنا العايز يقول يرفع يده بس.