يوم التيسوعه

هذا اليوم عندو مذاق خاص عندنا .... النظافه ..... الستاير .... الدواليب .... الحلاقه للشفع ... السوق

والغريب فى الامر انو فى ناس فى السوق بى شغله وبدون شغله

وتلاقى ناس فى السوق طولت منهم يوم التيسوعه وانت في السوق بتسال: ناس فلان ما جو ... لا لسه ماوصلوا في السكه
والتيسوعه بتلم كل الاصدقاء الذين افترقوا من زمن في السوق بالليل
فجاءه تلاقي ناس البيت معاهم الجيران في السوق ادوك مشوار الي سوق الخضار والعيش ومرات تتمرد لانوعندك برنامج مع الشله بتاعتك
وناس البيت طبعاً عاملين ليك برامج تانى
تعال بدري عشان تركب الستاير
...ونضافة الشارع ....
وتساعد في الملايات في البيت ...
والمشمع دايرين نفرشو
وعاوزين نزح الدولاب لمكان تاني جيب معاك فلان وفلان ....
و جزمة اخوك ما تنساها لقيناها ضيقه عليو..
وبعد ترجع البيت
نسينا الشرابات للاولاد
وشرائط الشعر والباندات لاخواتك
وتمشي تاني السوق عشان خاطر الحلوين
و عشان تجيب فلان وفلان للدولاب

والناس تنوم الساعه 2 التقول قالو ليهم بكره فى تفتيش
الكلام دا حاصل لى اى زول؟؟؟ مش؟؟
وكل سنه وجميع اعضاء المنتدى بخير وصحه وعافيه

و جزمة اخوك ما تنساها لقيناها ضيقه عليو..

جزمة اخوك منو يا اخوي ؟؟
بكري لي يوم الليلة الجزمة ضيقة عليهو.

وتمشي تاني السوق عشان خاطر الحلوين

الحلوين ديل منو يا باقيرا,, ما تقول لي ناس الملاح الاخدر الاتدفق؟؟
المساهمة جميلة ,, ورائعة خصوصا ونحن لينا سنين من التيسوعة او التاسوعة,,, نحن هنا في بالوعة ,,, لك الود.

أستغفر الله العظيم ...
(التاسوعة ,,, التيسوعة)
والله يا محمد فكرتك ممتازة لكن فتحت علي درب المواجع ,,
وزي ما قال ليك (ميرغني) هو في بالوعة .. فللأسف والحمد لله
أصبحت انا من ضمن هؤلاء ال.......... في بالوعة ..
ومباركة عليكم التيسوعة حقتكم وبالهناء ..
وكل عام والجميع بخيييييييييير

شكراً اخونا ميرغنى والصاحب الجديد خالد عمر حسن

وكل سنه وانتو طيبين

الجزمه بتاعت بكرى طبعاً ( ما لقينا مقاسو لى يوم الليله الا فى جيتو الاخيره من البالوعه بتاعت الاسبوعين يكون جاب مقاسو)

اخ خالد لك التحيه على التعليق الجميل وانت الوداك البالوعه الايام دى شنو ما كنت تحضر التيسوعه وتمشى انشاء الله يوم العيد

الناس أبت تنزل من العربية والمعلم ما داير يخلي السواقة ..
عاد أديني سبب ............ ولا أقول ليك مجبورة خادم الفكي علي الصلاة وما بجبرك علي المر الا الأمر منووو ...

خالدعمرحسن كتب:الناس أبت تنزل من العربية والمعلم ما داير يخلي السواقة ..
عاد أديني سبب ............ ولا أقول ليك مجبورة خادم الفكي علي الصلاة وما بجبرك علي المر الا الأمر منووو ...

اخ خالد والله احسن ليك كده ....... وذى ما قلت وما بجبرك علي المر الا الأمر منو

وادروب ما بنزل ما بنزل ... وطه برضو

على فكره التيسوعه خلاص نحنا فيها ( اليوم )

خالدعمرحسن كتب:الناس أبت تنزل من العربية والمعلم ما داير يخلي السواقة ..
عاد أديني سبب ............ ولا أقول ليك مجبورة خادم الفكي علي الصلاة وما بجبرك علي المر الا الأمر منووو ...

خالد / محمد اظنها الحكاية جاطتت في راسكم ,,, دا يوم التيسوعة يا جماعة ما كلام مجانين ,,,, الجن بتداوي!!

ولا جاطت ولا حاجة

هو يبقى جن كيف؟؟؟ ما كتر خيرن الما كتبوها في المسطبة الشعبية؟؟!!؟؟

وكل تيسوعة والناس بخير