أي زول (بتكسر) حسب فهمو

كسيير معمارى :-


نظره منك حتحتت كم ضلعه فينا
اصلو عشمانين نشوفك يا مرافينا الامينه
نحن كم ساكين عيونك نجرى فى دربك حفينا
وانتى غافله
وديمه جافله
ما بتقيفى تعاينى لينا
يعنى ايه ؟؟
يعنى ايه لو كنتى برلومه ومطيعه
تاخذى نظره على السناير
نظره من عينيك واحده
تطفى نارا" باقه فينا
ونحنا ما شبه (الخرفن)
ونحنا ما شمبانزى شينا
ونحنا ما شيتا بهوهو
ونحنا ما خلقا" مدشدشة
طالعا عيناا
ونحنا ما بنيان ملولو
يلا أرسمي لتقينا
ويلا بالتى والمثلث سطرينا
صبى خرسانه فى خشومنا
وجيبي برجل وشلخينا
دقى ساسك ولمى ناسك
وابنى جوه قلوبنا غرفه
غرفه تأوى العاشقينا
خلى لون جدرانه لونك
والبريق الفى الاضاءه
يبقى من همسات عيونك
وكلو ما بنفع وحاتك
اصلو بى حبك عمينا
واصلو ما بنفوت نسيبك
ما القدر لماك فينا
الفلس حتحت جيوبنا
والفقر كان حالى بينا
ويوم ظهرتى وجيتى لينا
فك ساجورنا المعصلج
والسعاده بدت تجينا
يوم نشوفك نبدأ نرقص
وحتى (دار معمار) تفنجط
شاهده لينا
ويوم تغيبى النحس حل
ناس تكورك وناس تهضرب
وناس تثكلب الله لينا .. الله لينا .. الله لينا

منقوووول مع بعض التعديلات

خالد / كيفك ؟؟
طيب يا اخي ما تشوف لينا كسيرنا كيف ؟؟
فتش حتلقي حاجة ,, بنسلين ولا شاش ,,ولا حقنة تيتانوس ,,, شكرا للنقل المؤسس,,, لك الود.

جميل خالد واصل

جاااااري الطلب يا دكتور ... إتصبر بي دي لمن أجيك

بت هندسة :-

انا راسى جاط ما بين هواك والدبرسه
اللفت عشرين الف بيت سبعين قصيده مؤسسه
شان مره الفت انتباهه ومره اقدر احسسه ,,,
يا حلوه يا بت هندسه ..
يا حلوه يا زينت البنات يا نجمه الليل و المسا
انا رغم اشكال الشتات حاضن عواطفك وحارسه
انا فى هواكى بقيت فتات ودخلت عشرين مدرسه
جنيت مع كلمات هواك بى قلبى قاعد اتنفسه
يا حلوه يا بت هندسه ..
كان شفتى يا بت هندسه........
خطواتى دايما بالغلط وامورى ديما معكسه
يوم داك مساهر فى الهدوم وكويتا جججت شان البسه
لقيتا الصباح حقات اخوى وهدومى قااااااااعده مكرفسه
كان للهدوم ما مشكله بشوف لى مصيبتا البسه
لكن هواك اعملو ايه دش دش عضامى وهرسه
داير لى فرصه اكون قريب طبله قليبيك افلسه
عشان تشوفى هواكى كيف بهدل عواطفى ودعفسه
كلماتى ليك اتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى اتلخم بقى كيف كده مافيهو كلمه مهندسه
انتى السبب فى كل دا يا احلى اسباب الاسي
يا حلوه يا بت هندسه ..
انا ياخ بريدك اعمل ايه ورينى يا بت هندسه
امشى واكورك فى الظلط يا ناس بريد بت هندسه
يا ناس بريد بت هندسة ؟!!
كم مره قلت اقوم براى واقد معاها واحدثه
لكنى ما بقدر عديل مابقدر انضم اونسه
خليك من اشرح ليها حالى وحبى ليك والدبرسه
يا هنايه ,,, داير اقوليك كلام اصلو السكوت فيو وسوسه
انا يا ملاك انا بعشقك وما اظن بلاك ارجا المسا
دايرك تكونى لى حبيبه وابقى ليكى حبيب قسا
اكسيك هواى وتلبسينى نعيم هواك اجمل كسا
ويا ربى كل عاشق نبيل تديهو زى بت هندسه

طيب يا خالد شوف الهندي دا بيتكسر كيف؟

جنجال حب


حبيب مال انا ليش هذا عذاب
حبيب انت في كذاب
انت يقول في حب واجد
انت قول في قلب واحد
بعد هذا انت يسوي غير نمونا
انت كنسل حب مالي
انت خرب كل حبي مالي
خمسة شهر انا يسوي حب هذا
حب هذا راح يكنسل
حب هذا يسوي مشكل
حب مال انت مافي فايدة
حب مال انت مافي سيدة
حبمال اول واجد غرام
انا الهين يسسوي انتقام
قلب مال انا واجد عذاب
قلب مال انا الهين في سكراب
اذا انت يبي يحب زين نفر
لازم كلام تاني خبر
لازم قول انت في غلطان
لازم قول انت فيندمان

دة كلام سيييييييييييييدا والله ..

مشكوووووووور علي المتابعة والاهتمام
كما الشكر موصول ل باقيرا الشهير ب (محمد الذبيدي)

صوتك سوسو سو
زي سويتش الكريسيدا

يا فلانة يا دينمو القلوب
يا هناية كهربتك شديدة

وقليبي زي بستتم
مكنتو اكسندر جديدة

فكيهو كلتش الريد خلاس

فكيو كلتش الريد خلاس
ودوسيهو بنزين حبنا
وأرمي الترس ,,,

ترساً تقييييييييييييييل
تجيبيهو من هنا لي هنا

الكلمات مهداءه (كدة صاح)!! للباش مهندس هيثم وكل الميكانيكية
بما فيهم شخصي الضعيف ...

واحدة (..........) تعبر عن حبها وفقدها لزوجها

الليلة يا عشا البايتات........

بدري علي الشتات .........

انت ليه تتلحس..............يا فردة

في يوم العرس.............

خليتني وراك عزبة......

يا اب سجارتن قصبة.....

يا الشرط ما.. شين.....

يا السغيير.. ما.. جلكين...

يا الخدرتك ...عجور....

حليلك انت يا اب بابور..

يال ما بتعرف الفلس........

واصلك... ما دقس .....

حليلك يا الصنضيد .......

ال من بعدك البيت.......

عدمان الشرتيت. .....

انت يا العنقالي.........

يا الساتر احوالي .......

يا البتريد البوش.........

يا الماك حنكوش....... يا فردة يا منغرضة ....؟!!

واي واي واي واي وآآآآآآآآآآآآآآآآآآآآآآآآآآآآآآآآآآآآآي ..

والله يا دكتور ميرغني شكلو ناسكم ديل بتكسرو تحت تحت وما بمرقوها
ما لقيت ليك غير دي وهي :-

لـــــــــــــــ د. أحمد الأمين محمد - المتجهجه الأممي
أنا العيان
حرارتي الضاربة فوق ميتين
و لا بينفع بخور تيمان
ولا بتنزل بنوفالجين
رقدت سنين
سريري تعب
مركب فوق وريدي درب ,,,
تعب و رعب
جحر عيني يدخل فارة أم سيسي
و أجرجر نفسي بالسيسي
أأ تقول مخنوق
مصنقع فوق
و كل ما يوم يشيلوا الدم
يزيدوا الهم
يقولوا مقاسو طالع كم.. و طالع كم ؟؟؟
و أنا الساكت و غالبني ..
و غالبني
محل ما أشوفها أتكلم
و ما بسلم ...
وا حاكي البلي و الشمبر
و كان قمت
بقع في السلم أتكسر
عشان تظهر
تمر بسراير العنبر
و تاخد نبضي بت سستر

عيونها الزي عيونها براها ..
تطعن بالإبار مرضاها
و إبرة ترك و في منديل
وما بتتعب
تكركب في البلاط كركب
وقلبي يدق يسو رب رب ..
و ناري الليلة تتعلق
دا عنبر كم؟ و شايل كم؟
دكاترتو كم؟
و فد سستر؟؟؟

تجهجه في خلايق الله
و أنا العيان
حرارتي المابية تتدلى
أدوش دوشة
أهضرب هضربة زولا
رقد في برشو خت رويسو فوق بنبر
و لما الناس تقول هستر
وتتغالط.. أظن هستر
أظن دفتر.. أظن بامية.. أظن كستر
أدق الطارة وأتحكر
أدوبي أشكر السستر ,,,
أوصف في بنات آوى
كضب كان قالوا بتداوى
و فاضل في المداواة الكي
و ما أظن زاتو ينفع فيي ...
أدوخ كلما العيون ترمش
و لما السلسلة تكشكش
أزوغ أتضارى في الكورودور
واخدر لابسة بقت نور
و خاتة الكاب على جنبة
و راشة الريحة فايحة زهور
تموت كرعي أقع و أزحف
وراك طرطور
عشان أرتاح
عليك الله و عليك الله
تفجخي راسي بى ساطور

هاك دي يا خالد من زمننا

آه علي قلبي وعلي أملاً حملتو دهور
قطعت بحور
سواد الليل علي ليلين
صبرت كتير و راجي النور
يا قطعة البلور
يا رنة الطنبور
يا سستر بنات الحور
يا صاحبة مسز شنتور
ويا قصبة جروف اهلي
عليك إسم الله يا حاكم علي ما تجور
*****
شفتك يوم عجبتيني
قلت اقول أنا الفي أولي داير اخطب
ده ما معقول
بقيت ساكت و فرحان بيكي
احدث زول و أدس من زول
دا عادا حبا أصيل و عريق
لف و دار عليهو الحول
لكن صحيح الدنيا ما بتصفي و تروق للزول
لو ربطوا المعاك محلول
أتقدم و اتراجع و اتردد
لمن حصل محصول
إتمحن وقف
فكر مشلول قليبي المكيل بالملح مكيول
*****
يا لينة يا شتلة فريع البان
يا املا بنيتو عليك و عشت زمان
أفكر فيهو لمن بان
بقيت للحسرة و الآهات
يا درة دامر المجذوب
يا زينة الطالبات و يا امل السنين الفات
ويا طفلي الرضيع المات
إتحسرت اتبهدلت ما خليت
ودمع العين نزل
وكت قات لي oh too late
ضيعني الدكتور عشا البايتات
وعاد خطبوكي لزولا عريض و كبير
وعلمو كتير و لابس ليهو نظارات
عربيتو تسوي حي وا ليل
وحافظ الكيميا في راسو
و حاكي أشنابو نص رباط
و عاد شغال و حالتو كويسة باني البيت
رضيتو بيهو طوالي
و ما قولتيلو oh too late
*****
بعد الحصل قات لي : يا مولانا ادعو لينا معاك
يجازيك الله يا فلانة
زماني و فات و دايراني اجيب أبريقي و أتوضا
و أفرش الفروة و اتمسكن و أصنقر ليكي للدعوات
زمان ما كنت بدعو ليك و افكر فيك
لكن الليلة بدعو عليك
بركة البغدادي ود جابر و كية فيكي يا فلانة
أبوك لا يرضي لا يخاطر
ومما تجيبي سيرة الخطبة في خشمك
يعاين ليك و يحمر فيك يتكربن
يشيل كرباجو يتكرّب
ويمسكك من طريف التوب
طرفو الطويل نازل حدا العرقوب
و أمك عاد تقول حي ووب
و تتعارض
سجمنا الليلة يا أبو فلانة
يقول ليها يا فلانة
كان عارضتيني طلقانة
تقولو لا لا خليتك براك زعلان
و تقعد تج و يجرك كر علي الديوان
وتصرخي جاااك بلا خجلة التقول شيطان
لامن يسمعوا الجيران ينطوا الحوش يدقوا الباب
ويطانش تقول طرشان
يكسروا الباب يدخلوا عليه
يقول ليهم حلفت يمين البصلني قريب هدي السكين
يزحوا بعيد يختوا الخمسة في الإتنين
وتسمع جيت و تسمع واي و يا با كفاي عليك الله
وتسمع جو و تسمع حي و حي حي حي و حي حي ووب
وتسمع جيت و تسمع واي و يا با كفاي
وتسمع جو و تسمع حي و حي حي ووب
وتسمع جيت و تسمع واي
وتسمع لب وتسمع كو وتسمع واى
وتسمع جيت وتسمع جو ديميعاتك يصبن جو
و أمك برة تنبح هو
وقت ينقطع سوطو و تفتري تب
يملص ليكي مركوبو
يقول فيك كب
يمسكك طب
ويكفتك طاخ
ويكنكش فيك
يخنقك خنقة بت الكلب

رأيك شنو نحول البوست للشعر السوداني كحلمنتيش.؟