رد: ملتقي الاصحاب

تبسمك في وجه أخيك صدقة ..

تهي تهي!

حضرت ولم أجد أحد نهائي
تمام الإتناشر وخمسة دقيقة فليل بتوقيت أبوظبي!!

Don't let the past hold you back,you are going to miss good stuff.

لا تدع الماضي يجرك إليه لأنها حينها ستضيع أشياء جميلة كثيرة.

يا ريت؟؟؟

نهاركم سعيد وبعيد عن الماضي.

ألقت السلطات أمس، القبض على طالب دراسات عليا تونسي الجنسية بتهمة تحريض طلاب جامعة النيلين على التظاهر.
وعلمت «الصحافة» من مصادر مطلعة ان الموقوف تونسي الجنسية قدم إلى السودان لتحضير الماجستير،وجمع أمس،مجموعة من الطلاب داخل حرم جامعة النيلين وأخذ يخطب فيهم ويحرضهم على الخروج إلى الشارع مثلما فعل الشعب التونسي ، وألقى القبض عليه بواسطة أحد أفراد الأمن واقتيد إلى قسم شرطة الخرطوم شمال للتحقيق معه.

- الصحافة -عدد اليوم 19/1/2011م-

--------------------------------------------------------------------------

لا تعليــــــــــــــــــــــــــــــــــــــق

نهاركم سعيد

هيثم على الشفيع كتب:ألقت السلطات أمس، القبض على طالب دراسات عليا تونسي الجنسية بتهمة تحريض طلاب جامعة النيلين على التظاهر.
وعلمت «الصحافة» من مصادر مطلعة ان الموقوف تونسي الجنسية قدم إلى السودان لتحضير الماجستير،وجمع أمس،مجموعة من الطلاب داخل حرم جامعة النيلين وأخذ يخطب فيهم ويحرضهم على الخروج إلى الشارع مثلما فعل الشعب التونسي ، وألقى القبض عليه بواسطة أحد أفراد الأمن واقتيد إلى قسم شرطة الخرطوم شمال للتحقيق معه.

- الصحافة -عدد اليوم 19/1/2011م-

--------------------------------------------------------------------------

لا تعليــــــــــــــــــــــــــــــــــــــق

والله ما أخليها تمشي من غير تعليق!!

تذكرت مسرحية المهرج ... مشهد لفيصل أحمد سعد عندما يحدثه أحد الأجانب فيقول له:هي يــــــــــــــــــا هه
...تونسي يحرش في السودانيين عشان يتظاهروا !! والله حالتنا بقت تحنن جدا!
نقول لي التونسي : كتر خيرك وبارك الله فيك وإن شاء الله نجيك في المتل دا .... لكن المحرش ما بيكاتل...نهاركم زي ما عايزين.

من طرف مازن عدوي الأربعاء يناير 26, 2011 1:06 pm

السلام عليكم في انتظارالترحيب

أهلا مازن... ومرحبا بك بيننا....

ملتقي الاصحاب - صفحة 19 3508

سنظل منتظرين ... متى سينتهي !!
خليكم معاي منتظرين!!

نهاركم سعيد.

من طرف **خالدعمرحسن** الخميس يناير 27, 2011 8:42 pm

أنا والأشواق في بعدك بقينا أكتر من قرايب

مساء الشوق للناس الذوق

من طرف **خالدعمرحسن** الجمعة يناير 28, 2011 9:35 pm

هيااااااااا
الناس الذوق ,, وينكُم؟!!

أهلا" خالد مساء النور شكلنا قاعدين برانا؟؟؟

من طرف **خالدعمرحسن** السبت يناير 29, 2011 9:40 pm

كّــــــــــــــــــــدي يايمة!!

نكورك ليكُم ما تجونا نجيكُم تكوركوا

أبو الخُلد يــــــا صنديد ..

السلااااااام عليكم جميع

الأجواء العربية والسودانية والنفسية هذه الأيام غير محفزة بالمرة على التجاوب ودخول المنتديات

الله يصبرنا ويصبركم

خالص المودة

من طرف **خالدعمرحسن** الإثنين يناير 31, 2011 5:49 pm

بششششششششششششششششتنة ورقاد واطة

جنس شي

جشششششششششششششششششششب!!

ومعاها لوية خشم كمان ؟؟؟

من طرف **وليد معلا** الثلاثاء فبراير 08, 2011 8:45 am

صباحكم خير

أعلن الرئيس السوداني عمر حسن البشير الاثنين أن حكومته أقرَّت بالإجماع وقبلت "بصدر رحب" النتائج النهائية للاستفتاء على تقرير مصير جنوب السودان، والتي أظهرت أن 98.83 في المائة من المقترعين قد صوتوا لصالح انفصال الجنوب عن الشمال.

نتيجة في امتحانات الاساس ما بتجي لكن الله غالب وبرضو لعله خير

من طرف **خالدعمرحسن** الجمعة فبراير 11, 2011 7:42 pm

أنا عندي مشكلة كبيييييييييرة في تصفح المنتدي

وبجد معناة شديدة حتي في الدخول ؟!!

عايزين إنتفاضة ضد المعارضة السودانية

الشعب يريد إسقاط " الإتحادي والأمة والجبهة الديمقراطية"

مساء الخير بعد غيبة.

شكرا" للمتابعة والإفادة يا مدير

من طرف fton الخميس فبراير 17, 2011 10:24 pm

مساءء الخير عليكم

فيس بوك سوداني.... مساء الخير.

من طرف **خالدعمرحسن** الجمعة فبراير 18, 2011 8:04 pm

للمرة التلاتين بخش بعد .................. متعسرة

شوفوا لي حل يا أهل الخير

المدير مشخت لي عديل

ربما يخيل إليّ لكني أجزم بأني كنت أدري بأنه سيرحل باكرا ... رحم الله الصديق الأخ / محمد عمر عبد الرحيم .... هكذا الدنيا تأخذ أخيارنا ... إنا لله وإنا إليه راجعون .

ك ك ك كنت ...ع ع ع ع عاوز أقققول

أنا جيت راجع

عاوز ترحيب عشان أرجع أشارك في المنتدى
(عالم مسبب بشكل)

ياخ والله مشتاقين

ترحب إدارة المنتدى بنفسها .... وتتمنى لنفسها مقاما طيبا بينكم .

واحد رباطابى لقى المصلين طالعين من الجامع سألهم
صليتو .........؟
رد عليهو رباطابى اخر :
لا قالولنا امشو جيبو السبح

مساء الخير.

ميرغني ابراهيم كتب:ترحب إدارة المنتدى بنفسها .... وتتمنى لنفسها مقاما طيبا بينكم .

يعني أنا ك....مشرف وكدة

أعتبر دة ترحيب بي؟؟؟؟؟

أعجبني مقطع من قصيدة لمشارك عراقي في برنامج أمير الشعراء إسمه "نجاح العرسان"(هو عليك الله في عرسان بينجحوا في الدنيا دي؟؟؟)
بيقول:

النهد طعم غزالةٍ
ويداي أنسجة الذئاب

ختري ................صاح؟؟؟؟

صباحكم ورد

النهد طعم غزالةٍ
ويداي أنسجة الذئاب

ياهو نجاح العرسان .....!!

تاني بعدها ما بيشوفوا نجاح .....

عفوا إذا فكيت اللعب .... لكن حرقني وما قدرت أحبسه.... صباح الخير.

من طرف محمد الساهر الجمعة فبراير 25, 2011 10:26 pm

كيف يا جماعة وكيف المنتدى معاكم طولنا والله

تراجع ريال مدريد بفارق سبع نقاط وراء برشلونة المتصدر عندما اكتفى بالتعادل بدون أهداف مع مضيفه ديبورتيفو كورونا في دوري الدرجة الأولى الاسباني لكرة القدم اليوم السبت.

وأصبح رصيد ريال مدريد 61 نقطة من 25 مباراة فيما يملك برشلونة 68 نقطة بعدما سجل ليونيل ميسي هدفا ليقود الفريق القطالوني حامل اللقب للفوز 3-صفر خارج ملعبه على ريال مايوركا في مباراة جرت في وقت سابق اليوم.

وواجه خط هجوم ريال مدريد القوي في وجود كريستيانو رونالدو وكريم بنزيمة صعوبات في اختراق الدفاع العنيد للفريق صاحب الأرض باستاد ريازور.

وفرض ريال مدريد حصارا على مرمى ديبورتيفو في المراحل الأخيرة المثيرة من اللقاء وسدد رونالدو والبديل ايمانويل اديبايور في القائم.

وأهدر بنزيمة أخطر فرصة لاحت لريال مدريد عندما أخفق في مقابلة تمريرة رونالدو وهو على مسافة أمتار قليلة من المرمى.

ولعب برشلونة بتشكيلة ينقصها العديد من اللاعبين الأساسيين لكن هدف رائع أحرزه ميسي بالرأس قاده لانتصار كبير في مايوركا.

ونجح برشلونة في تعويض غياب صانع اللعب تشابي والمدافع كارليس بويول والحارس فيكتور فالديس ليضيف المهاجمان ديفيد بيا وبيدرو هدفين اخرين ويعزز الفريق القطالوني صدارته للمسابقة.

ولعب الدنمركي مايكل لاودروب مدرب مايوركا في صفوف برشلونة في تسعينات القرن الماضي إلى جوار بيب جوارديولا مدرب برشلونة الحالي. ولم يسبق لبرشلونة الفوز على أي فريق دربه لاودروب الذي قاد خيتافي من قبل.

وتعادل الفريقان 1-1 في برشلونة في أكتوبر تشرين الأول الماضي وهي واحدة من ثلاث مباريات فقط فشل برشلونة في الفوز بها هذا الموسم.

وادى لاعبو مايوركا عملا جيدا في إيقاف خطورة لاعبي برشلونة قبل أن ينجح الارجنتيني ميسي أفضل لاعب في العالم في افتتاح التسجيل في الدقيقة 38.

ومرر سيدو كيتا الكرة إلى ميسي من فوق الدفاع وسيطر عليها اللاعب بمهارة عالية برأسه ليبعدها عن مدافع ثم وضعها في الشباك ببراعة قبل أن تسقط على الأرض.

وهذا الهدف 26 لميسي هذا الموسم ليتصدر قائمة هدافي المسابقة.

وشق لاعب الوسط سيرجيو بوسكيتس طريقه وسط الدفاع ليمرر الكرة إلى بيا زميله في منتخب اسبانيا ليراوغ الاسرائيلي دودو اواتي حارس مايوركا ويودعها الشباك في الدقيقة 57 ثم جاء الدور على بيدرو ليضيف الهدف الثالث في الدقيقة 66.

ولم يهزم برشلونة في اخر 19 مباراة خارج أرضه ليعادل الرقم القياسي الذي حققه ريال سوسيداد في موسم 1979-1980.

يعني ناس الريال بقت عليهم(اليلمها "خيخون" يطاها ديبورتيفو)

صباحكم زين

هيثم/طبعا العاجبك في الموضوع وسبب النقل عدم ذكر داني ألفبش ضمن الغيابات ....

صباحتو بيض ....

ميرغني ابراهيم كتب:هيثم/طبعا العاجبك في الموضوع وسبب النقل عدم ذكر داني ألفبش ضمن الغيابات ....

يشهد الله

ما لاحظت الكلام دة إلا بعد مداخلتك

دحين آخوي

أنا داني الفيش ما بدورو ، لكن بخاف الله فيهو

حالياً : وبيييييييي سجمو ورمادو دة ، مافي بديل احسن منو

ناس المنتدى

كيفنكم؟؟؟؟

قفي ساعةً يفديكِ قَوْلي وقائِلُهْ*** ولا تَخْذِلي مَنْ باتَ والدهرُ خاذِلُهْ
أَنَا عَالِمٌ بالحُزْنِ مُنْذُ طُفُولَتي*** رفيقي فما أُخْطِيهِ حينَ أُقَابِلُهْ
وإنَّ لَهُ كَفَّاً إذا ما أَرَاحَها***عَلَى جَبَلٍ ما قَامَ بالكَفِّ كَاهِلُهْ
يُقَلِّبُني رأساً على عَقِبٍ بها ***كما أَمْسَكَتْ سَاقَ الوَلِيدِ قَوَابِلُهْ
وَيَحْمِلُني كالصَّقْرِ يَحْمِلُ صَيْدَهُ *** وَيَعْلُو به فَوْقَ السَّحابِ يُطَاوِلُهْ
فإنْ فَرَّ مِنْ مِخْلابِهِ طاحَ هَالِكا*** وإن ظَلَّ في مِخْلابِهِ فَهْوَ آكِلُهْ

-تصدقوا دة تميم البرغوثي؟؟؟ وما شاعر جاهلي ولا عباسي؟؟؟-

صباح الشعر الجميل

السلااااااااام عليكم

لكن ياااا إدارة المنتدى

الإستايل الجديد مااااا شديد شدة الحرامي

(أبلكاش) زي ال(أبلكاش)

التحية للإدارة وهي تجتهد في تقديم الكثير المثير الخطر

مودتي للجميع

يدخل لص مسلح أحد البنوك و يقوم بالسطو و سلب الفلوس

و فبل مغادرته يلتفت إلى إحد الزبائن و يسأله: هل رأيتني أسرق البنك؟؟

فيجيبه الرجل: نعم يا سيدي لقد رأيتك

فيطلق اللص النار عليه و يرديه قتيلاً

ثم يلتفت إلى رجل و زوجته و يسأل الزوج : هل رأيتماني أسرق هذا البنك ؟؟

فيجيبه الزوج: لا يا سيدي أنا لم أراك و لكن زوجتي رأتك ..!

مساء الخير... شكرا هيثم.

من طرف **خالدعمرحسن** الخميس مارس 10, 2011 6:12 pm

هـات يا زمـن
جيــب كـل أحــزانك
تـعـال جيـب المحــن
طــول يا أسى وكتر ينابيع الشــجن
جـرعني كأس من لوعة من الامي
ما المحبوب خـلاص خلاني ليك الليلة راح
خلف لقلبي الحسرة والشـوق والجــراح
خلي النواح
فــاض قــلبـي شـمعة
وحيـدة في هـوج الريــاح
خـلاني ليـك أنا يا زمــن
وخلص شجن
الليـل يهـــود بي
ويبــقى تـلـت الأخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر العواطف غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق من عمري هواه زي أجمل صباح
وكساني بالآمال وشاح
قلبي المتيم بيه بي احلامه باح
تاه في رياضو الرايعة في جنة استراح
لكنه وين الليلة راح واصبحت يا أيام حزين
باكي العيون محتار أقول ماليه حنين
إيه غيرو بدل عواطفو صبح ضنين
إمكن ظنون إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر يالأمل ومهما حصل
أملي الوحيد لحبو مكتوب في الأزل
لايمكن أبداً مستحيل في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي أنا برضي صابر يا زمن
بكل أجزانك تعال
جيب المحن ...
الجابري والطاهر الياس ...

سلامات وشوق يمّحن ..

هوج الرياح ... مرحلة متقدمة جدا ... الله يصبرك .... مرحب بعودتك ... لك صادق الود

صباح الخير....

ميرغني ابراهيم كتب:هوج الرياح ... مرحلة متقدمة جدا .......

وضِّــــــــــــــــــــح............أبــــــــــــــــــــــــــــــِنْ..........أفصـــــــــــــــــــِح

متقدمة في شنو؟؟؟
الشعر؟؟؟
التلحين؟؟؟؟
الأداء؟؟؟؟؟؟؟؟؟؟
ولاّ..............................جرسة خالد؟؟؟؟؟؟؟؟؟؟؟؟؟؟

خالد عمر:

بركة الشفناك طيب

الباقين:

صباحكم منقة

هيثم على الشفيع كتب:
ميرغني ابراهيم كتب:هوج الرياح ... مرحلة متقدمة جدا .......

وضِّــــــــــــــــــــح............أبــــــــــــــــــــــــــــــِنْ..........أفصـــــــــــــــــــِح

متقدمة في شنو؟؟؟
الشعر؟؟؟
التلحين؟؟؟؟
الأداء؟؟؟؟؟؟؟؟؟؟
ولاّ..............................جرسة خالد؟؟؟؟؟؟؟؟؟؟؟؟؟؟

خالد عمر:

بركة الشفناك طيب

الباقين:

صباحكم منقة

... ماتتم النقط بعدها شنو؟؟ الله يصبرك !! يا ترى على اللحن ولا على الشعر ولا الأداء ... الكيزان ديل خربوكم عديـــــــــــــــــــــــــــــــــــــــــــــــل !!

مساء الخير.

من طرف **خالدعمرحسن** الجمعة مارس 11, 2011 8:18 pm

مساءكم زين

من طرف **ميرغني ابراهيم** الأحد مارس 13, 2011 3:29 am

ملتقي الاصحاب - صفحة 19 Gallery_34_19_14578

رداء بسيط لرجل يشعر بالوحدة!!!

صباح الخير.

من طرف **خالدعمرحسن** الأحد مارس 13, 2011 7:05 pm

ستـــــــار يا ليل ..
مساء الخيرات

هيثم وميرغني!!

إنتو كُلُ ما تشوفو ولد المرحوم حا تشيلو معاهُ الفاتحة ؟!!

خالدعمرحسن كتب:هيثم وميرغني!!

إنتو كُلُ ما تشوفو ولد المرحوم حا تشيلو معاهُ الفاتحة ؟!!

غلطانين والله نحن العاملين ليك شنّة ورنّة

السلاااااااااااااااااااااااااااام عليكم

من طرف **خالدعمرحسن** الإثنين مارس 14, 2011 5:56 pm

هيثم آخوي ما لقيت ليك حتي تشنشني وترنرني فيها غير في الجرسة ,, القال ليك متجرس منو؟؟؟

أخوك صنديد والّرك راجع لي تربيتك ..

الزول كمان ما يسمع الأغاني السمحة ,, ولا ما يجيبا ليكم هنا ...!!

الباقين!!!

الباقين شنو ؟ ميرغني مساء الخير ..

قصيرة جدا جدا

قبل أن يخرج للإنضمام لمظاهرة اليوم .. نظر في وجهها الذي إمتلأ بالتجاعيد والبؤس ويديها المعروقتين المرتجفتين وهي تناوله كوب الشاي .. إرتجفت أفكاره بحيث قرر البقاء معها...

مساء الخير.

الخبرة هي المشط الذي تعطيك إياه الحياة .. عندما تكون قد فقدتَ شعرك

مساء الخير.

ملطوش ... مساء الخير.

من طرف **خالدعمرحسن** الأربعاء مارس 23, 2011 9:02 pm

سلامش دانانش ..

وأسعد الله الأمسيات

لاتأسفن على

غدر الزمان لــــــطالما

رقصت عـلى جثث الاسـود كـــــلاب

لاتحسبن برقصها تعلو على اسيادها

تبقى الاسود اسود والكلاب كـــــلاب

مساء الخير...

من طرف **خالدعمرحسن** الإثنين مارس 28, 2011 7:36 pm

بعد أن شرّفنا ,, إختتم سمّو الشيخ هيثم الشفيع آل خليفة زيارته إلي العين
عائدا" إلي دبي ثم أبوظبي بعد أن تفقد حال السودانين بهذه المناطق ..
نتمني له عودا" حميدا" إلي أرض الوطن لعكس إجابيات الزيارة ...

مساء الخيرات والزيارات

من طرف عازة الإثنين مارس 28, 2011 7:48 pm

اهلاً بيكم :
ملتقي الاصحاب - صفحة 19 Welcome2

هيثم والباقين.....

لا شوفة تبل الشوق ولا ردا يطمّن
أريتك تبقى طيب إنت أنا ألبي كلو هين

قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن

بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن

ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن

بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن

قو ليلو السحب في روضو ما عادن يكبّن
وأضحى محل خراب ما فيهو غير زهرا مضبلن

قولن ليهو ليلو طويل .. طويل.. طولا يجنّن
لا قمرا ظهر في سماهو لا نجمات يضوّن

وكل ما ليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

مساء الخير.

من طرف **وليد معلا** الثلاثاء مارس 29, 2011 3:10 pm

من اقوال القذافي
(ياجرذان..اخوانكم السوادنة..يأكلون البوش،ويدفعون جمارك وضرائب وقيمة مضافة ودمغة للجريح ودمغة للشهيد، وبعد ذلك يرقصون مع رئيسهم..هذا هو الشعب وهذا هو الولاء)

ومساكم ورد

من طرف **خالدعمرحسن** الثلاثاء مارس 29, 2011 8:03 pm

يا تُري متي سيثور شعبنا .......؟!!

مســــــــــاء الأنوار والإنتظار

مالو السلام بقى رفعة إيد؟
وانحنا في الزمن العجيب
زمن الجفاف غمر الخصيب
زمناً بضيق فيهو الرحيب
زمن السفر بقى بالبيوت
زمن الكلام من غير خيوت
زمن البشر سادا البيوت
زمن المعايش اخطبوط
زمن الدشوش
زمن الكريمات والرتوش
الحلوة بيها اتمكيجت
إذ بدّلت لون الرموش
اتعددت فينا الوشوش
واشتقنا للوش البشوش
زمن الفقر مفروض فرض
زمن الخلوق دار تنقرض
زمن البيوت عدمانه حتى من القرض
زمن الغرض أصبح مرض
كل البشر مرقت تفتش لي الرزق
كان تلقى سترة وتلقى قوت
يسند رويحه قبل تموت
وجواها كم خاطر بجوط
ماهو الزمن
زمن الفقُر
زمن الجميع صار منبهر
بالعولمة
مسكول .. مسج
إيميل ..وشات
وكل الخلق عملت شتات
وفي السكة ساد الإنفلات
زمن المحنة
بقت محن
زمن الركام
زاد الإحن
زمن العلاقات بالرتب
زمن الضرائب والعتب
زمن العجايب والعجب
زمن الفرح غاب واحتجب
الإلفه بينات الخلق
حّرم بشوفها كضب كضب
والبسمه مابتمرق نقيه
من القلب
كان شفتها .. تحلف يمين
مرقت غصب
وانحنا يا خلّي العزيز
لامن لقينا الحال صِعِب
فزينا من بؤس البيوت
وسكنا في بيت القصيد
ولساكا دار تسأل تقول:-
مالو السلام بقى رفعة إيد ؟
وبعيدو ليك قول ود سعيد :-
( مش تحمد الله في رفعة إيد )

مهداة الي كل الذين يدخلون المنتدى كزوار .. دون رفع الإيد حتى!!

مساء الخير.

ميرغني ابراهيم كتب:
مهداة الي كل الذين يدخلون المنتدى كزوار .. دون رفع الإيد حتى!!

حنّنتني والله

وآآآآآآآآدي رفعة إيد بالتحية

للعلم..................
...........أنا جيت

مرحبتين حبابك ... واليوم السعيد أول أمبارح جابك ... عودا حميدا .. وما تقول لي ما عندي مزاج ومش عارف ايه .. إنت شايف ما حدث حين إنقاطعك .. لك التحية .. ومساء الخير.

أكضب عليك؟؟؟

هو من ناحية المزاج وسدة النفس ديل حاصلاااااااات لكن ليك علي ما أخليك تكاتل براك(شايف ناس أحمد عبد الهادي وقتون ذاااتم زاغوا اليومين ديل)

وخسوساً بعد خالد عمر طفش أهلو

السلااااااااااام عليكم

من طرف **خالدعمرحسن** الأحد أبريل 10, 2011 11:49 am

ونحن من موقعنا في هذه الطفشة الجميلة نحييكم من ودمدني الخالدة

وإنشاالله الإمارات تتحرق وما يفضّل فيها نفاخ النار ...

ملتقي الاصحاب - صفحة 19 11-04-11-556019548

خسرت أرمينيا بكاملها إمكانية الدخول إلى الانترنت بعد أن قامت امرأة بالغة من العمر 75 عاما بقطع كابل أثناء سعيها وراء النحاس.

ووفقا لما ذكرت صحيفة "الغارديان" أن المرأة الجورجية كانت تبحث عن النحاس بغية بيعه، وبعد أن قامت بقطع كابل تحت الأرض رغبة ببيعه مع الخردوات تسببت دون أن تعلم بانفصال خدمات الانترنت في الدولة المجاورة أرمينيا.

وفي حين أن جورجيا توفر 90% من خدمة الإنترنت في أرمينيا تسببت أعمال المرأة السبعينية التخريبية بعواقب وخيمة أدت إلى انقطاع الانترنت لنحو 3.2 ملايين شخص، علما بأن مناطق واسعة في جورجيا وبعض المناطق في اذربيجان قد تأثرت.

يشار إلى أن المرأة الساعية وراء النحاس لبيعه مع الخردوات تواجه عقوبة تبلغ 3 سنوات في السجن إن أثبتت تهمتها وتمت إدانتها، وقال متحدث باسم وزارة الداخلية الجورجية انه تم إطلاق سراح المرأة مؤقتا بسبب كبر سنها ولكنها تواجه المساءلة علما أنها لم تشترك في ذلك مع احد.

ومن المعروف أن شبكة السكة الحديدية الجورجية تملك هذا الكابل المحمي بشكل كبير إلا أن انزلاق التربة أو المطر الهائل قد جعل الكابل عرضة إلى المفتشين في القمامة نظرا لأن بيع نحاس الكابل يدر الأموال في معظم دول الاتحاد السوفييتي.

مساء الخير.

رباطابي مشى يطلع شهادة الوفاة بتاعت أبوهو
وطبعاً الموظفة كالعادة سارحة ومشغولة بأي حاجة غير شغلها..فسألتو : عاوز بيها شنو؟؟
قال ليها: قبلوهو في الجامعة بندور نقدملو بيها!!

صباحكم مبتسم وجمعة كريمة ومباركة

من طرف عماد الشفيع الجمعة أبريل 15, 2011 5:15 pm

السلام عليكم ورحمة الله وبركاته

عماد الشفيع كتب:

السلام عليكم ورحمة الله وبركاته

هسة ياعمدة الله بيسألك غايب زمنك دة كوووووولللللللللللللللللو ، ودة القدرت عليهو؟؟؟؟؟

وعليكم السلام ورحمة الله تعالى وبركاته