بنطلون لبنى

عاوزين رايكم بصراحه فى الحصل والحا يحصل فى السودان .....

تناولت الصحف .. والراى العام السودانى قبل فتره موضوع الصحفيه لبنى ( انا فى راى دى قلة ادب ) والعادات حقتنا وبعيد من الدين ما بترضى الكلام دا

على كل حا قبل كده نقلت حيثيات المحاكمه هنا ... لكن المره دى فى كلام تانى غريب شويه القضيه بتاعتا لقت من وراها 2 مليار ( يعنى المحامين حقنها ما شالو قروش قدور دى) تعالو نشوف جابت ال2 مليار من وين

منقول

حصدت الصحافية لبنى احمد حسين مبلغا يزيد عن اثنين مليار جنيه سودانى فى اعقاب تحقيق كتابها الذى اختارت له عنوان ( اربعون جلدة لارتداء بنطال ) مبيعات ضخمة. وبحسب معلومات مؤكدة تحصلت عليها (الاحداث) ان الكتاب الذي سيدشن رسمياً في الثالث والعشرين من الشهر الجاري بالعاصمة الفرنسية وصلت مبيعات عبر الانترنت الي نصف مليون نسخه بسعر 18 يورو للنسخة للواحدة 6% منها تذهب لصالح لبني.
من ناحيتها ابلغت لبني (الاحداث) ان دار النشر بصدد اتفاق مع دار اخري بكينيا واخري بجنوب افريقيا لنشرها بالسواحيلية والافريقية، وابانت ان الكتاب سيترجم الي عشر لغات هي الي جانب الفرنسية، العربية، الاسبانية، الايطالية، الالمانية، الهولندية، الصينية، الهندية، البرتغالية، والسويدية. ويضم الكتاب 212 صفحة مقسمة الي عشرة فصول تحتوي علي : مقدمة 1 / ليلة القبض . 2 / طفولتي الباكرة . 3 / الجفاف والتصحر والشريعية . 4/ الجامعة وحكومة البشير 5 / عالم الصحافة 6 / عبدالرحمن مختار 7/ النساء ومحاكم النظام العام 8 / لبني امام القاضي 9/ الي السجن 10 / خاتمه


رايكم شنو
.........................................................................................................................................................................................................................
محكمة جنايات الخرطوم شمال

محاكمة المتهمة لبني أحمد حسين

نصّ القرار

بعد أن سمعت المحكمة قضية الاتهام واستجوبت المتهمة تقدم محامي الدفاع بطلب التمس فيه شطب الاتهام بدعوى أن البينات التي وردت في الدعوى هى بينات مختلقة من الشرطة، واعترض ممثل الاتهام على هذا الطلب موضحاً أن البينات المقدمة كافية للإدانة لأن رجال الشرطة قد أدلوا بأقوالهم على اليمين وهم ليس لهم أي عداوة أو مصلحة ضد المتهمة والتمس رفض الطلب.

وتتحصل الوقائع الثابتة بأن الشرطة تحركت إلى مقهى (كوكب الشرق) بناء على شكوى وردت لهم من أحد المواطنين بالحي الذي يوجد فيه المقهى الليلي وعند دخولهم المقهى وجدوا خليطاً من الرجال والنساء يرقصون على أغاني فنان مصري وأن حوالي اثنتا عشر فتاة ترتدي ملابس فاضحة ومن ضمنهن المتهمة حيث تم اقتيادهن إلى قسم الشرطة وفتحت في مواجهتهن بلاغات تحت المادة 152 من القانون الجنائي وبذلك كانت المتهمة لبني أحمد حسين تواجه الاتهام تحت المادة 152 من القانون الجنائى لسنة 1991م والتى تنص على أنه :ــ

(1) " من يأتي في مكان عام فعلاً أو سلوكاً فاضحاً أو مخلاً بالآداب العامة أو يتزيَّا بزي فاضح أو مخل بالآداب العامة يسبب مضايقة للشعور العام يعاقب بالجلد بما لا يجاوز أربعين جلدة أو بالغرامة أو العقوبتين معاً".

(2) "يعدُّ الفعل مخلاً بالآداب العامة إذا كان كذلك في معيار الدين الذي يعتنقه الفاعل أو عرف البلد الذي يقع فيه الفعل ".


وبما أن المادة 152 من القانون الجنائي لسنة 1991م لم تكن مستحدثة حيث كان ما يقابلها من مواد في القوانين الجنائية السودانية منذ صدور أول قانون في عام 1899م وما أعقبه من قوانين مستمدة من القانون الهندي والإنجليزي ونستدل على ذلك بما جاء في مؤلف الدكتور/ محمد محي الدين عوض ( التعليق على قانون العقوبات السوداني لسنة 1974م) حيث ذكر بصفحة (454) أن المادة 234 من قانون العقوبات لسنة 1974م تنص على أنه:-

" من أتى في مكان عام فعلاً فاضحاً أو منافياً للآداب مما يسبب مضايقة للغير يعاقب بالسجن مدة لا تجاوز سنة واحدة أو بالغرامة أو بالعقوبتين معاً".

وأن هذه المادة تقابل المادة 218 من القانون السابق القديم كما تقابل المادة 234 من قانون العقوبات لسنة 1925م والتي تقرأ كالآتي:-

(Whoever to the annoyance of others does any obscene or indecent act in a public place, Shall be punished with imprisonment for a term which may extend to one year or with fine or with both)

كما تقابل المادة 294 من قانون العقوبات الهندي والتي تقرأ :-

Who to the annoyance of others: (a) does any obscene act in any public .Or:

(b) Shall be punished with imprisonment of either description for a term which may extend to three months or with fine, or with both).

كما أنها تقابل أيضاً المادة 200 من قانون عقوبات شمال نيجيريا و401 من قانون العقوبات العراقي لسنة 1969م والمادة 350 عقوبات البحرين و 321(1) عقوبات نيجيريا الإتحادية وليجوس و 204 عقوبات صومالي و317 عقوبات قطر.

وعلى ضوء الوقائع والبينات المطروحة نناقش عناصر هذه المادة بطرح السؤال التالي :ـــ

هل كانت المتهمة ترتدي زيَّاً فاضحاً ومخلاً بالآداب العامة في مكان عام ؟

والإجابة على هذا السؤال تقتضي الوقوف على ماهية كلمة (فاضح) ومعيار الزي الفاضح ومدى إخلاله بالآداب العامة فقد جاء في لسان العرب لأبي الفضل جمال الدين الجزء (2) صفحة (545) بأن معنى كلمة فاضح لغة من فضح والاسم الفضيحة. وفضحة الصبح وهى بياضه وقيل فضحه كشفه وبيَّنه للأعين بضوئه.

وفي الاصطلاح أن الفاضح فعل مادي مخل بالحياء كما ورد بالمعجم الوسيط الجزء(2) صفحة (692).

ومعنى كلمة فاضح بالإنجليزي (Obscene) وهي تعني أن الفعل يكون فاضحاً إذا كان منفِّر أو مثيراً للاشمئزاز (Disgusting) أو غير مهذب أو بغيضاً (Repugnant) ... وذلك وفقاً للمقاييس الأخلاقية للمجتمع والآداب العامة.

وقد استندت المحاكم الإنجليزية إلى معيار اللورد كوكبيرن (Lord *****purn ) في حيثياته في قضية (Regina .V. Hidin ) والتى ذكر فيها : ــ (الفعل يكون متسماً بمنافاة الآداب إذا كان من شأنه أن يؤدى إلى الانحطاط والإفساد ويكون له أثر على العقول ويسرى هذا التأثير اللا أخلاقي بصفة خاصة على الفتيات المراهقات).

" راجع مؤلف جرائم النشر الصحفي للدكتور / أحمد عبد المجيد".

وفي هذه الحالة الماثلة فإن المعيار الذي نأخذ به هو معيار الإسلام الذي تعتنقه المتهمة وأكثرية المجتمع السوداني وهو أن الزي الذي يظهر مفاتن المرأة في جسدها ماعدا الوجه والكفين يعدُّ زياً فاضحاً في معنى المادة 152 من القانون الجنائي لسنة 1991م لقوله عز وجل في سورة النور الآية (31) (( وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ...)).

كما أن جميع الأديان السماوية وقد دعت المرأة إلى العفة والحشمة ونهتها عن التبرج وإظهار المفاتن .

وعلى هذي هذه المبادئ فإن البينات الثابتة قد أوضحت بجلاء أن المتهمة كانت ترتدي زياً فاضحاً ومخلاً بالآداب العامة فقد ذكر الشاكي في أقواله بصفحة (2) من المحضر .

" المتهمة كانت ترتدي بنطلون ضيق وبلوزة ضيقة وأكمامها قصيرة وشفافة وبها فتحتين من الجنبات مع كمر البنطلون وكان رأسها كاشف لأنها ما كانت لابسة طرحة ".

كما جاءت بينة شاهد الاتهام الأول بصفحة (6) من المحضر تقول :ــ

" المتهمة كانت ترتدي بنطلون وبلوزة وأن البنطلون مُخزَّق وضيق وهو يظهر من تحته الفخذين وهيكل شكل الملابس الداخلية فلون النكس رؤيته واضحة وهو لون بيجي وان البلوزة أكمامها قصيرة تصل حتى الكوع وأنها شفافة وخفيفة تعكس كل شئ داخلها كسيور وشكل الستيانة وأن بداية الصدر ظاهرة لأن البلوزة فاتحة كما لها فتحتين من الأطراف بالطول من فوق إلى أسفل ، كما يوجد فارق بين التقاء البلوزة بحيث تظهر فتحة تمكن الرؤية للسُّرَّة والنكس الداخلى للمتهمة "


وذات التفاصيل حكاها شاهد الاتهام الثاني في أقواله بصفحة (12) من المحضر:-

" المتهمة كانت لابسة بلوزة لونها أخضر وكانت قصيرة وشفافة تظهر سُرَّتها كما تظهر الستيانة وأن كُم البلوزة قصير يصل لغاية ما قبل الكوع ببسيط وكان بنطلونها ضيق والنكس الداخلي ظاهر وكانت كاشفة شعرها".

وبناء علي هذه البينات نقرر أن المتهمة كانت تتزيَّا بزي فاضح يظهر من خلاله كل أجزاء الجسم من مفاتن المرأة كما يظهر الملابس الداخلية وكاشفة شعر رأسها وهي تجلس داخل ملهى ليلي يعج بالرقص والغناء المختلط بين النساء والرجال وأن هذا المقهي يعتبر مكانا عاماً حسبما جاء تعريفه في تعليق الدكتور/ محمد محي الدين عوض علي هذه المادة بأن المكان العام هو الذي يغشاه الناس دون تمييز ومن هذا القبيل الطرق العامة والميادين العامة والمحال العامة ومحال الملاهي.

كما أوضحت السابقة القضائية حكومة السودان /ضد/ عبد الرحمن احمد وآخر مجلة 1981م صفحة(142) أن مضايقة الغير يقصد بها المضايقة الفعلية.

لذلك كان فعل المتهمة الفاضح في مكان عام قد شكل في حقيقته مضايقة فعلية للمواطن الذي لجأ بالشكوى للشرطة.

هذا وقد سبق وأن دفعت المتهمة بأنها موظفة لدي الإمم المتحدة وأنها بذلك تتمتع بحصانة دبلوماسية تمنع محاكمتها في هذه الإجراءات.وقد جاءت إفادة وزارة الخارجية السودانية في خطاب السيد/ وكيل وزارة الخارجية بالرقم:و خ/م/13/13/14 (UNMIS ) المؤرخ في 9/8/2009م بأن المتهمة لا تتمتع بالحصانة الدبلوماسية. وعليه فقد استمرت المحكمة في محاكمة المتهمة علي هدي المبدأ الذي أرسته سابقة (أماديلا الجيلاني ضد مصطفي حلمي) مجلة الأحكام القضائية 1983م صفحة (159) بأن الشهادة الصادرة من وزارة الخارجية السودانية بعدم تمتع الشخص بالحصانة الدبلوماسية تعتبر دليلاً قاطعاً على ما ورد فيها ولايطعن في صحتها لأن وزارة الخارجية هي الجهة الرسمية الوحيدة التى تقرر ذلك .

وبما أن الطلب المقدم من محامى الدفاع لا سند له قانوناً حيث أن هذه محاكمة إيجازية وأن ما ورد في الطلب من أسباب واهية ولا يسندها دليل... وعليه نقرر وباطمئنان تام أن المتهمة كانت داخل مقهى ليلي فيه غناء ورقص بين الرجال والنساء وكانت كاشفة لرأسها من دون غطاء وترتدي فستاناً يسمى بلوزة قصيرة الأكمام وتظهر صدرها ومن تحتها يظهر الجسم بمفاتنه كما أن البنطلون الذي ترتديه يظهر من ضيقه لون وشكل الملابس الداخلية ولذلك نقرر إدانة المتهمة لبنى أحمد حسين تحت المادة 152 من القانون الجنائي لسنة 1991م .

صدر تحت توقيعي وختم المحكمة في اليوم السابع من سبتمبر 2009م .

مدثر الرشيد سيدأحمد

قاضي المحكمة العامة

الخرطوم شمال

بسم الله الرحمن الرحيم

محمكة جنايات الخرطوم شمال

المدانة / لبنى أحمد حسين

الحكم أو أي أمر نهائي آخر.

(1) الغرامة خمسمائة جنيه وبالعدم السجن لمدة شهر واحد من اليوم 7/9/2009م لمخالفة المادة 152 من القانون الجنائي لسنة 1991م.

تاريخ انتهاء الإجراءات 7/9/2009م



مدثر الرشيد سيدأحمد

قاضي المحكمة العامة

الخرطوم شمال

المصدر : موقع جريدة الرائد على الأنترنيت.



وموقع قوانين السودان على الانترنيت

تسلم يا محمد الزبيدي بس ما وريتنا رايك انت شنو

البت فاضية ما عندها شغلة ,,, وعملت ليها رأس وقعر من مافي ,,, جعلت من لبس البنطلون نضال ( طيب عماد بنطلونو الشاكيهو ليهو مليون سنة دا راح شمار في مرقة؟)
ودولتنا فاضية وما عندها شغلة ,,, يوم بنطلون لبني ,, ويوم طهور البنات ,, ويوم زواج المسيار ,,, بالله دي شغلة دولة ورجال مسئولين؟
اهه البت مرقت بي قريشات تمام ,,, ولبس البنطلون بقي نضال ضد الدكتاتورية ,,,زمن؟؟؟؟

هالة الزبيدي كتب:تسلم يا محمد الزبيدي بس ما وريتنا رايك انت شنو

هاله شكرا على المرور

ميرغني ابراهيم عمر كتب:البت فاضية ما عندها شغلة ,,, وعملت ليها رأس وقعر من مافي ,,, جعلت من لبس البنطلون نضال ( طيب عماد بنطلونو الشاكيهو ليهو مليون سنة دا راح شمار في مرقة؟)
ودولتنا فاضية وما عندها شغلة ,,, يوم بنطلون لبني ,, ويوم طهور البنات ,, ويوم زواج المسيار ,,, بالله دي شغلة دولة ورجال مسئولين؟
اهه البت مرقت بي قريشات تمام ,,, ولبس البنطلون بقي نضال ضد الدكتاتورية ,,,زمن؟؟؟؟

الغريبه انو القانون الجنائى السودانى بعاقب على جنس الكلام دا ...

انت عارف لو خلوها على العادات والمورثات بس .. بعيد من الدين

وفكوها فى الشارع قالو الناس تعاقب براها اكان كتلوها عديل .. ما كان غرموها

.....................................عشان كدا بقولو القوانين عاوزه تعديل

موش التعديل يكون للقوانين السياسيه والاقتصاديه بس

رغم راي المتواضع أن هاشم صديق شخص نرجسي ، إلا أن مقال له في ذات الموضوع أعجبتني طرافته وخفة دمه -رغم ورود الكثير من الجمل النرجسية بداخله-
المهم
قررت أن أشارك به في هذا البوست ، وهو منقول عن صحيفة الأحداث والتي نشرته على حلقات كانت هذه الحلقة الأولى منه:

كوابيس ورؤى

بنطلون (لبنى) .. و .. قرنتية (هاشم)

(1ــ4)

قطرة ... قطرة ينزف الحزن من عيون المجرة
ويستريح الهوان في بياض ملاءات الأسرة
هذه المدينة تكره الفعل وتستجير بالتماهي والنواهي
يشقشق فيها بالنميمة، وتبخيس النصال، جرذان النضال
من يتامى اليمين وأهل الوصاية من (تفل) اليسار،
على أركان المجالس والنواصي.
طوبى لمن غافل خوفه وأصبح (مثيراً للجدل)
وأناخ بعير عذابه على مرايا الأهل
وعض البنان على الجروح، وأرخى الجسارة ، على دموع المقل

ياسادتي كانت الظهيرة والمساء اللذان سبقا ذلك الصباح المجنون آيتين من آيات جدل الظاهر والباطن مما يدخل في هتك عرض ( الخطوط الظاهرية) و (الولوج) الى جوهر الأشيا.
تحت سقف الظهيرة وانا أقف في وسط (سوق بانت) العتيق أمام بقالة (مدني) أبتاع بعض الأشياء ، لسع طبلة أذني ضجيج يعلو من مشاجرة عنيفة بين شخصين متشنجين وصلا ذروة انفعالهما وهما يوشكان أن يمسكا بتلابيب بعضهما البعض ، و( الحجازون ) يحاولون فض الاشتباك باستماتة ، والغبار والشتائم يعلوان الى عنان السماء.
قلت لنفسي وأنا أتبين ملامح قطبي الصراع الدرامي في تلك الموقعة
- الجماعة ديل مالهم كل يوم متشاكلين ... وكل يوم متصالحين زي الشفع؟
وابتسمت لنفسي ، وانا اتذكر حلقات (ركن الأطفال) السياسي ، مشاكسات وخلافات وصدامات (الشريكين) ، الخلاف ، الصلح ، ثم الخلاف من جديد .. وهلمجرا .
حين استدرت من أمام البقالة كان (الحجازون) قد أفلحوا في فض الاشتباك بين المتعاركين بالقوة ،وكان أحدهما يحاول جاهداً أن يفلت من قبضة الممسكين به وهو (يرفس) بقوة بقدميه ، ثم رفع عقيرته بصوت غاضب ومتحشرج مخاطباً خصمه وكأنه يفحمه بواحدة من دٌرر الأقوال المأثورة لأحد المشاهير من الفلاسفة .
- شوف ... والله انا زي ما قال كمال ترباس ... زي البيبسي ... تشربني أهضم ليك ... تخُجنِّي أطلع بي نخريك .
عندها انفجرت ضاحكاً بصورة جعلت (سباليق) دكان (صالح اليماني) (سابقاً) تترنح هي الأخرى بالقهقهة، حتى أوشكت أن تسقط من أعلى سقف الدكان المتهالك الذي (أكل الدهر عليه وشرب )
تذكرت وانا أرنو بذاكرتي الى (نهايات) ستينات القرن الماضي و (بدايات) سبعيناته، وأمام (دكان صالح اليماني) نفسه ، أو تحت عمود الكهرباء القريب ، كنا وبعض الاصدقاء من أبناء الحي منهم عثمان حامد سليمان ، وبعد أن
نقرأ الكتب الجديدة والقديمة
نأتي لنجادل ونسامر
ونسة في ركن اليماني
ندوة في النادي الفلاني
مافي زولاً كان (مِدبرس)
أو مشتت أو يعاني .
نكته ... والضحك انفجار
كنا بنعرف الهظار ...
تذكرت كيف كنا نحفظ الأقوال المأثورة (لكافكا) و(بودلير) و( توفيق الحكيم ) ، و(نجيب محفوظ ) ، وبعض مقاطع الصور الروائية من ( موسم الهجرة إلى الشمال)، ومن مسرحيات وأشعار وأقوال ( سارتر ، وجومو ، ونزار ، وبعض أبطال اليسار) !!!.
عندما اوشكت أن الج من بوابة منزلي ، ولا زال غبار المشاجرة، والضجيج من خلفي، ولم ينجلِ، كان هناك من أقصى الشارع الجانبي، شمال باب منزلي، (رجل يسعى). كان أحد ظرفاء الحي ، جهور الصوت ، مثقف ، و(متابع) ، مملوء البدن ، تسبقه دائما قبل الكلمات، ضحكة مجلجلة شهيرة.
ابتدرني، وكعادته، من أقصى الشارع، فهو لا يبدأ ضحكة أو حديث أو شغب بعد أن يصل إليك ، وإنما يبدأ الضجيج من حيث رآك
- أنت أقعد حوم لي كده ... لابس سفنجتك وطاقيتك ... وشابكنا قصايد صالح عام ... وقرنتية ... وما عارف شنو... وأقعد مفلس ... شفت البت التفتيحة دي عملت قروش قدر شنو ؟!
صحت بدوري اسأله وهو يتقدم نحوي، ويعاود القهقهة .
- منو دي ؟!
- صاح باسم، وكأني سمعته، وضجيج ما تبقى من مشاجرة (السوق) يطارد طبلة أذني
- غُرزة
ضحكت وأنا أقول
- أي عارف.... والله انا قايل نفسي مثقف ومتابع ... لغاية ماقريت تحقيق صحفي عملوهو مع البت دي ... أول مره اسمع بيها ... قالت عندها عربيتين ... وعربية للعازف بتاعها ... و ...
كان عند الكلمات الأخيرة ، قد وصلني الى أمام منزلي تماما ، ثم سألني باستغراب .
- عندها عازف ؟!!
- طبعاً ... يعني بتغني بالرق
ثم استدعيت تهكمية تهبط على لساني دائما عندما يصبح (شر البلية ما يضحك)
- تخيل وانا حالتي عامل نفسي مثقف ومتابع .. طلعت لا مثقف ... لا متابع ... لأنو في تاني فنانه ظهرت وانا ماعارفها ... لأنو غرزة لما سألوها في التحقيق الصحفي عن أقرب صديقاتها في الوسط الفني ... قالت (عوضية عذاب)
- إنت بتتكلم عن منو ؟
- ياها ( غرزة ) ... نجاة غرزة ... عندها ياسيدي ما شاء الله عربيتين ... وانا عندي سفنجة ... وجزمة ... ومركوبين ...
ثم ضحكت وانا أقول له
- كمان قالت عندها أغنية اسمها (ورا ... ورا) شوهوها ليها لأنو النص الأصلي ما هابط .
عندها انفجر ضاحكاً بإفراط ، وجسده الضخم يهتز يمنة ويسرة وللأمام والخلف، وهو يمارس صخبه الضحوك حتى ارتجت أركان السوق وانتبه بعض المارة.
- ياخي نجاة غرزة شنو . انت بقيت ما بتسمع كويس ياهاشم ؟...
معقول ( لبنى ) ... تكون سمعتها ( غرزة )
ثم عاد يرفع عقيرة ضحكه المجنون الى عنان الفضاء
سألته وكل مسام وعيي تسعى (للتجميع) والانتباه
- لبنى ؟!
- أيوه
- لبنى منو ؟!
- لبنى أحمد حسين ... الصحفية
- مالها ؟
- بنطلونها جاب مليارين يورو
- باعو بنطلونها .. جاب مليارين يورو ؟
- ياخي باعوهو شنو ؟!
ثم أسرف في سرد التفاصيل بأريحية يحسد عليها ، ولفت نظري الى صحيفة (الأحداث) عدد السبت الاسبوعي يوم 14/11/2009م ، وكان هو نفس اليوم ، وكنت حينها ، وبعد قليل سأذهب الى مباني صحيفة الأحداث لتصحيح ، ومراجعة ، نص قصيدتي الجديدة ( حكاية الوردة ... والشارع ) ومتابعة إخراجها الفني .
لا ادري لماذا طارت نبرتي التهكمية ، وهبطت على غصن حزن ( الذاتي ) و(الموضوعي ) بلبلة أصابتني، لأن ظريف الحي كان تعليقه في نهاية سرده للقصة ، لا يشبه (عنصر المناقشة ) لحدث إعلامي أو اجتماعي أو سياسي ، بعد نهاية الأحداث ، لا كما يجب أن يكون عليه (عنصر المناقشة ) في مسرحية للكاتب النرويجي الواقعي (هنريك إبسن ) الذي استمات في الدفاع عن ذاتية المرأة وكينونتها ( وللبنى أحمد حسين ) قدر من شرف الدفاع عن ذاتيتها ، وكينونتها ، كامرأة (جمع ) ، وليس (كذات) ، مهما تباينت الرؤى ، وزوايا النظر ، وذلك ( عنصر للمناقشة ) أتناوله بالمفهوم (الإبسني) في هذه المقالات ، والحقه بمواقف أخرى حقيقية وواقعية ، تتعلق وتتصل بهذه (المرأة الإنسانة ) في شأن الحق ، والخير والجمال.
الذي يهم الآن ، أنه وفي حديث (ظريف الحي) كان التعليق في النهاية لا يخرج من عنصر (الختام) في مسرحية كلاسيكية يونانية (لأسخليوس) أو (سوفوكليس) . هي فقط (قفلة) درامية مأساوية لا ترى أبعد من الخطوط الظاهرية ، وتلج الى جوهر الأشياء . وهي مستمدة من ( شمار) العامة، وإن كان ( شمار العامة ) اشبه بشمار المثقفين . والمثقفون ( خشم بيوت ) لو تعلمون .
عاد(ظريف الحي ) يطلق قصف ضحكته المجلجلة وهو يحدق في ملامح وجهي الذي هربت من قسماته، السلاطة التهكمية، ثم حاصرني بأسئلة متوالية وسريعة وكأنه محقق في غرفة التوقيف .
- عليك الله ياهاشم ... انت هاشم ده ... كتبت كم مسرحية؟!!
- أربعة - تلاتة عرضوهم ... وواحدة لسه في الدُرج ... كلما يشيلها مخرج يرجعها لي ... وهو عرقان ... ونفسو قايم ، تقول المسرحية انا كتبتها في ورق كانت ملفوفة فيهو شطة... ويقول لي ، خليها معاك .. رجعها الدرج ياخوي ... خليها الى زمن تاني ... زمن أفضل
ثم ارتفع صوتي بغبن وصحت وكأني أخاطب جمهوراً في ندوة عامة.
- هو الزمن دا بيجي متين ؟!... عليك الله حسه الجماعة ديل لو فازوا في الانتخابات الجاية دي ... أها ... تاني في طريقة لانتفاضة محمية أو انتفاضة سلمية ؟!
كادت أن تقتله ضحكته ... اهتز كجبل وشخر خلال ضحكه، وكأنه حوت ( يشفط ) هواء فضاء البحر وهو يطفو بحجمه الاسطوري ... وتجاهل سؤالي وعاد يطلق زخات الأسئلة من جديد .
- وكتبت كم مسلسل إذاعي ؟
- ستة ... واحد الله يفتح عليهم سمعوني ليها في السجن ... وواحد وقفوه وسنسروهو (وفرحت أمو ) .... والباقيات خلوهم .
- وكم ديوان شعري ؟
- عييييك ... اتناشر ... فيهم أربعة طبعة ثانية وتالتة ... وبرضو كمان في المجموعة الشعرية الكاملة الأولى ... و... وفي دواوين جديدة تحت الطبع ... و...
- أها وكم برنامج إذاعي وتلفزيوني ... وصفحات في الجرايد ...و ...
- ياخي الحاجات دي كتيرة ... انت عايز تذكرني التاريخ ؟... عاوز تقول شنو في النهاية ؟!
تجاهل سؤالي وعاد يواصل مطر الأسئلة.
- عليك الله ياهاشم ... انت هاشم ده ... وقبل ما نمشي للحاجات التانية ، حسه العملتو ده كلو ... كسبت منو شنو ؟!... وكم مليون ؟
- كم مليون ؟ ياخي ملايين شنو ؟ ... والله غير معاشي ، البنزل في حسابي بعد يوم عشرين في الشهر، ما عندي والله شئ مضمون .
- ومعاشك كم ؟!
- ميه وستين جنيه بالقديم
شهق كوحيد القرن اصابه سهم مسوم
- ياراااااجل ؟
- والله
- وبتأكل من وين ؟!
- باكل في خاطري (ضحكت في مرارة ) مرات بتجي القروش من المكتبات ... دواوين الشعر و...
- تعويض التلفزيون ... أكلتو ؟!
- قاعد زي ما هو وديعة في البنك ... ما صرفت منه جنيه واحد .
- ليه ؟
- مشروع ... قلت أبيع نصيبي في بيت الورثة ... ومع قروش تعويض التلفزيون ... أقوم أعمل أكاديمية أمدرمان لفن الممثل .
قلتها متقعراً وكأنني أدلي بتصريح لقناة الجزيرة ... ولكن فلتت منه جملة جرحتني.
- هاشم انت عوير.
- ليه يأخي.
- هو الناس ديل خلوك تعمل برنامج في التفزيون لامن يخلوك تعمل أكاديمية ؟
- حسن أخوي برضو قال لي كدا... بس ماقال لي انت عوير زيك ... لكن كلامكم صاح ... بعدما أعمل أكاديمية ... يقوموا الحاسدين يقولوا للحكومة ... دي ما أكاديمية ... ده وكر للشيوعيين .
- طبعاً
- ويقومو يصادروها
- مؤكد
- ويدوها لعلي مهدي
- انت قايل بعيد
- وعلي مهدي يقوم يعمل مؤتمر صحفي ... يهدي ألأكاديمية لـ I.T.I أو لـ Y.W.Z
- والـ W.Y.Z دي شنو كمان ؟!
- انا عارف ؟ ... مؤكد علي مهدي يكون عندو W.Y. Z
وعاد ( ظريف الحي ) يضحك وهو يدور حول نفسه مثل درويش تلبسته (نوبه) حلبة الذكر ... ولا ادري لماذا خرجت بعدها عن بنطلون (لبنى) الى (جبة) علي مهدي و (طاقيته) الخضراء .
- حسه عليك الله علي مهدي دا ... لا بس الجبة بتاعته والطاقية الخضراء دي ... حسه لو قاسو المسافة القطعتها الطيارات البركبها كل يوم ... مش كانت وصلت القمر.
- قمر شنو ؟ ... كان وصل المريخ.
- كل يوم مسافر ... مرة لندن ... مرة باريس ، مرة امستردام ... مرة فرانكفورت ... مرة تركيا ... لف أوروبا وآسيا وأمريكا كلها ... دا غير البلدان العربية ... البلدان العربية يقزقز بيها ساكت ... وأنا آخر سفرة لي كانت بالبص للقضارف .
- ما انت مضيقها على روحك براك ... شابكنا النضال ، وشرف الكلام ... وماعارف شنو ... حسه عليك الله لقيت شنو ؟!
رددت عليه وكأنني خطيب أمام حشد كبير.
- كيف ياخي ... احترام الشارع والشعب ( ثم تذكرت موقفاً) والله انا مشيت يوم اشتري حاجات من شارع الأربعين ... صاحب البقالة قال لي انت نبضنا وحبنا ... ومعاني صمودنا ... كلام جميل كتير لما قربت أبكي .
- وحلف طبعاً ما يشيل منك القروش ... مش ؟
- لا
- عمل ليك خصم ؟
- لا شال مني حتى بي ثمن أكتر ... قال الأسعار زادت ... قال لي عليك الله أكتب قصيدة ضد الحكومة ... عشان زادوا الأسعار .
- وكتبتها ؟
- لسه ... الأيام دي شغال في قصيدة ... طلبوها ناس ... عن تغيير موقف المواصلات من السوق العربي للأستاد ... ثم السكة حديد
- كدي نرجع لي موضوعنا ... عليك الله ياهاشم ... انت هاشم دا ... غير الحاجات الكتبتها وانتجتها ... ومالقيت منها حاجة ... انت حسه قبضوك كم مرة ؟
جرحتني كلمة قبضوك وانفجرت غاضباً
- شنو كمان حكاية قبضوك دي ... أنا ببيع بنقو .. ولا ست عرقي ؟!
ولكنه انفجر ضاحكاً ضحكة مدوية بصوته الجهور ... وتأرجح حتى كاد أن يسقط مثل جبل في قبضة الزلزال
- طيب معليش ... اعتقلوك كم مرة ؟!
- زمان ولا حسه ؟
- زمان وحسه
تلفت يمينا ويسارا وكأني أكتشف الشارع
- أيام نميري تلاتة مرات ... وتحقيق في مكتب وزير و...
- أها.. وحسه ؟
لا أدري لماذا عدت أتلفت متوجساً أكثر من المرة السابقة .
- هي الحقيقة ... استدعاءات ... أربعة مرات لأربعة قصائد ... تخيل ؟! ... واحدة منهمن ودونا انا وأخوي (شجرابي) نيابة الجرائم الموجهة ضد الدولة .
- ليه ... دي ... قصيدة ... ولا محاولة انقلاب ؟!
- لا قصيدة اسمها صالح عام ... نشرناها في جريدة المشاهد
ضحك وكأنه لا يعترض على مكان الاستدعاء بعد سماعه لاسم القصيدة
- عارفا ... كان أخير بدل (صالح عام) تعملوا محاولة انقلاب .
- والله ... والله العظيم ... الزرزرة الزرزروني ليها في قصيدة (قرنتية ) ... خلتني كلما أشوف لي قرنتية في التفزيون ... أو أشوف صورتها في مجلة أو جريدة ... اتحسبن ... وأقرأ آية الكرسي عشرين مرة .
صاح (ظريف الحي ) منتفضا وهو يضرب بظاهر كفه اليمنى ، باطن كفه اليسرى .
- وطيب
- طيب شنو ؟!
- خليك تفتيحه ياهااااشم ... يعني مافااااهم ؟
- لا تقصد شنو ؟!
ومال بوجهه نحو وجهي ... وخرج صوته وكأنه يخرج من أغوار سحيقة بخاطرة مدهشة وذكية .
- حسه عليك الله ياهاشم ... بنطلون (لبنى ) ولا قرنتية هااااشم؟

الموضوع طويل ياهيثم لكن رغما عن ذلك قريناهو .....
المشكله هاشم صديق ماعندو طريقه يعمل ليهو بنطلووووووووون !!!!!!!!

مشكلتنا بين خيارين للاسف
ناس الحكومة واتباعهم من جهة ,,, وناس لبني وياسر عرام وهاشم صديق
وكلهم سجم في رماد .
لكم الود.

رداً على مزحته بأنه يخاف من عواقب تقبيلها. الصحفية لبنى لوزير الخارجية الفرنسى: قبلتك عقوبتها 100 جلدة

تعليق:والدنيا قايمة وقاعدة بنطلون وما بنطلون ,, جاكم كلامي الموضوع ما بنطلون ولا حاجة!!

طيب رايكم شنو فى (عراقى)أسود؟؟ تلبسو يقولوا شيعى وتتحاكم وتقوم الدنيا وتعمل كتاب وتاخد قروش..وفى النهاية تكون لابس ليك(بسدّيق).....
ماهو (البسدّيق)؟؟؟؟؟؟

الاخ معاوية ,, شوف الصفحة دي إضغط هنا