بنكي هاوس

بنك هاوس كمان وكمان 30 أكتوبر 2007 - 01.17:25
تطلعت عيناهما لعربة التاكسي{ الكونسول} ذات اللون الاحمر المميز وهي تهدئي من سرعتها لتقف تماما امام اشجار النيم الرابضة امام اسماك التنقور.... ازدادت عينا ادم والكشة تحديقا للباب الخلفي وهو ينفتح لتيدو منه ساق خمرية اللون مستدقة منمقة بنقوش الحناء....{ تريانة} قال ادم محدثا نفسه...
خرجت زكية صاحبة الساقين الممتلئتين اطفالا خلاسيين....تبادلت مع السائق بعض الكلمات لحظتها صمتت هذه الناحية من السوق لهنيهات قبل ان ينتبه كل الي نفسه.....
كان عليها ان تعبر من امامهم في طريقها الي سوق الدجاج.. نظرت الي ناحية صاحبينا وامسكت بانفها مابين الابهام والسبابة تاففا من رائحة المكان. هب ادم مندفعا ناحيتها وسيل من الشتائم يسبقه اليها, قبل ان تمسك به قبضة الكشة :
اقعد يا اخوي ديل ما تضيع وكتك معاهن مابتقدر عليهن في الشتيمة.اكلها في حنانك بس.
هدأ ادم قليلا وجلس علي الكسارة التي كانت يوما ما جذع شجرة خضراء.
:- طيب فك الكماشة بتاعتك دي.
امسك الصمت والخيال بتلابيبهما كل من ناحية.
أخذه الخيال الي تلك الغرف الضغيرة{ اوسمها بيوتا بعد ان تلتصق الراكوبة الصغيرة بخاصرة الغرفة } المتراصه في صفوف منتظمة كطابور عسكري , وما تحمله في داخلها , الذي يصلي , والذي يعب العسلية عبا, والذي لا يصلي ولا يعب , عالم متناقض في ظاهره ولكن في باطنه كادحون جاؤا من شتى الانحاء يطلبون الرزق, ماله ولكل هذه التفاصيل, المهم مقبولة بت مريم الخدرا وعسلية امها التي لا تضاهي.
يعرف جيدا ان مقبولة علي الاقل تستلطفه ان لم تكن تحبه , يحس ذلك وهي تختلس النظرات من وراء ظهر امها الشرسةالتي يخافها السكران والمنعنش والواعي , وسط هؤلاء السكاري والذباب والعسلية والعفشة ورائحة العرق تتوهج مقبولة في خاطره.... لا تشبه كل الضوضاء والضجيج في قلب بنكي هاوس..
{ لكن الفقر دي ما بتديني ليها}
تساءل { هو نحن كعبين , ونسة ونعنشة مع شوية عسلية, ضحكات وكلام من القلب للقلب, لا بنكضب علي زول , لا بنسرق زول, وما بنغلط علي زول الا يغلط معانا, وهو الكعوبية دي كيف.... والله ماكعبين , يعني الا نكون نضاف من بره.}
قطع عليه تسلسل افكاره....
: الكوم بي كم يا معلم؟
: شلن وبنزيدك....
حاول جاهدا طرد ارتال الذباب عن اكوام الكمونيه{ لماذا يحب الذباب الكرشة سبحان الله}
: يا اخونا قلنا ليك بي شلن...... ااي صاح فشفاشها كتير لكن فيها جقاجق وشوية كبدة
.........ااي بزيدك.
.................................................. ...................
: كويس يا عبد دا شلن طلع . جهزت حاجة للعصرية؟ تساءل ادم
: باسم مكرب وكوارع وربع ضان من عمك صباح.
: حلو؟؟؟؟؟ الليلة الظاهر حنفرتق بدري؟
لم يفرغوا تماما من بيع بضاعتهم ولكن خليها علي الله.
كانت السلطة والدكوة وحصيلة ادم من اللحوم ترقد في كيس ورقي اغبر اللون تحت طاولة الكمونيه, قبل ان تتلقفها يد الكشة في الطريق للرحلة المعتادة.
النيل { البحر} بجانب بيت القاضي عين النقطة التي يرتادونها يوميا دون ان يملوها.
ثم سلطان الكيف وكيسان يقتطعان ماياتي به نصف كوم كمونية من مال.
ثم الافران والخبز الساخن.
ثم الي الي واحة بنكي هاوس, مرورا بدكان علي اليماني لشراء نصف علبة الدخان.
: مافي ابو نخلة ولا ابو قندول .... اديكم بنسون؟؟
بعد عملية حسابية بسيطة وجد الكشة ان القرشين ونصف ثمن نصف علبة ابو نخلة وكذلك ثمن نصف كوم كمونية تساوي واحد سيجارة بنسون لا غير.
: مادايرنو يااخوي ما شبهنا نحن زاتو السيجاير لينا شنو ودعماري دا مالو؟
سرح الكشة بخياله , اصبح يسرح كثيرا هذه الايام{ هي الدنيا دي ما كدي . يا بنسون يا ابونخلة..... يا عجلة يا بيجو.....يا جملونات يا بنك هاوس...5 ابونخلة يساوي واحد بنسون...... يعني 5=1 العاجبو عاجبو والما عاجبو يحلق حواجبو}
امتطي كل منهما دراجته وبدات رحلة بنكي هاوس.
.{......... صاح عجلتي رالي لكن ادم عجلتو دبل.... وحنركبها الدبل دي في يوم من الايام
كمان المرايات في الميزان حكاية براها.... } هكذا حدث نفسه الكشة وهم يتجهون شمالا بمحاذاة سورالسلك الشائك , الذي يفصلهم عن جوالات القطن الضخمة التي ترقد في غير ترتيب داخل حوش الفبارك. عليهم ان يسيروا بمحاذاة السور الذي ينثني متجها غربا , ثم قبل ان يلتف شمالا تبدا دنيا مقبولة.............
البيوت التي تتطلع الي بعضها وجها لوجه دون ان تعبس رغم الغبار والدخان ورائحة العرق والبعوض ووجه الفقر الكالح.
هنا ينتهي يوم من الكد والتعب, هنا تبدا الحياة وكل ما قبل هنا هووسيلة لبلوغ هنا.
بعد ان توقفت قدماهما عناالحركة الدائرية علي البدالات, اطل احد الوجوه المأ لوفة { يعرفون وجوه بعضهم فقط .... ما فائدة الاسماء والالقاب؟}, أطل من احد البيوت ويبدو انه بدأ مبكرا تري ذلك جليا في تعثر اللسان والخطوات
... بالله شوف ديل يطردوني انا
انا الشافو خلو
انا كرنق اب دوف
انا نكير قاتل الاحباش
انا.......ثم افرغ مافي الجوف......
جلس متحسرا علي فقده الجلل{ يومية وراحت}
.... اختلطت الاشياء في عقل الكشه حينها وهو ينظر للرجل وهو يتقيأ .... ومنظر القئي... والعسلية ومقبولة .... وبنك هاوس...
تساءل { يفهموها دي كيف ؟؟؟....... في داعي.؟.....}

احس بان اى رد ساسطره الان سيكون متكلفا...يا لعفوية هذا المكتوب وعمقه..كيف اجتمع العمق والعفوية هنا يا ابن الزبيديى؟؟(يكرار الياء هنا مقصود)..ساكتب مرة اخرى عندما تطول قامتى..

من طرف ياسر الأربعاء نوفمبر 07, 2007 9:45 pm

نقلا عن والدي:

ود الشفيع/ لا اظن انه هناك لقامتك من متسع لطول اكثر من هذا فدع التواضع ,,,لبعض المواضع ,,, لك الشكر علي الكلمات الطيبات,, والتي تزيد قامتي طولا.
لك الود الكثير.

معاوية علي الشفيع كتب:احس بان اى رد ساسطره الان سيكون متكلفا...يا لعفوية هذا المكتوب وعمقه..كيف اجتمع العمق والعفوية هنا يا ابن الزبيديى؟؟(يكرار الياء هنا مقصود)..ساكتب مرة اخرى عندما تطول قامتى..

اكرر ما كتبه ياسر علي لساننا ولك الود كثيره

من طرف عمر ابراهيم الجمعة نوفمبر 09, 2007 8:23 pm

لعلها المرة الخامسة ان ابداء التعليق على روعة ما كتب ولم افلح فى ان اجد من الكلمات ما يسطر جمالها ..............سوى ان اقول
ما تهتم يا الكيك بالحاصل واصل سعيك واصل واصل

اخونا/ عمر لك التقدير ,,, شكرا لكلمات التشجيع والثناء ,,, نفس المحاولة كانت في منتدي الحصاحيصا كما تعلم ,, ولكن صار بها ما صار ,,, ووجدتني لا بد ان اتداخل مع كل معلق والرد عليه حتي ,, اصبحت القصة او المحاولة نفسها في طي النسيان ,,, وصار ببنك هاوس ما صار رغم انفي,,,,لك الود.

لك التحية اخي ميرغني قصة جميلة يديك العافيه

وهذه كان آخر تعليق عليها قبل أن أسجل في المنتدى{يعني قبل يلدوني ذاتو}
لا أدري لماذا جال بخاطري عالم يحى فضل الله وتداعياته ..!!
هي نفسها البساطة حد التعقيد التي قلتها عقب قراءتي للقصة الأولى .،، أعرف أن القصة القصيرة فن يصعب وضع إطار له - هذه من عندي- لكن رغماً عن أحد أضلاع هذا الإطار غير الموضوع هو (التكثيف) وكبح الإسترسال لكن هذا العمل يجذبك في دهاليزه بنفس سلاسة التكثيف غير المخل ولا أظنني سأجد تعبيراً أنسب من البساطة حد التعقيد
بانتظار المزيد

من طرف **ميرغني ابراهيم** السبت مارس 22, 2008 1:43 pm

الاخ / هيثم ,, صدقا قد يكون قد جال بخاطري ايضا تداعيات يحي فضل الله عندما كتبت ما كتبت ,, ولكني لم اقصد ذلك ,, فتداعيات يحي فضل الله أكيد قد عملت ما عملبت دون وعي مني ,,,, وهي بالتأكيد مادمت قد قرأتها فهي مكون من مكونات معرفتي الضئيلة قطعا,,,, اشكرك علي التعليق وشد الحيل ,,,, وسنواصل ,,, لك ودي

من طرف عماد الشفيع السبت مارس 22, 2008 2:18 pm

[quote="ميرغني ابراهيم عمر"]بنك هاوس كمان وكمان
30 أكتوبر 2007 - 01.17:25

يافردة جميل جدا ماكتبت والجمال نتج فى بساطة القصة وفى خيال مضمونها ( عايزة وآحد مصقووووووووع ) 000000000 وآآآآآآآآآآآصل ونحن منتظرين

من طرف **ميرغني ابراهيم** السبت مارس 22, 2008 2:30 pm

شكرا يا عمده علي المرور والتعليق الجميل ,,, سنواصل بكم ,,, لك ودي

من طرف مدثر الجاهوري الأحد مارس 23, 2008 9:02 am

الأخ ميرغني لك التحايا
تعرف أمبارح حضرت شعوري عشان أحضر كورة الجماعة قام الفريق البوروندي ولا أقصد الرواندي ما جاء لكن من الصدف أنه الحكام طلعوا بورنديين .. عموماً ما علينا لمن الكورة طرشقت قلت النمشي على البنكي هاوس بتاع ميرغني ده أكان ألقي لي حاجة تنومني ما دام الكورة طرشقت .. وفعلاً أديتها ليك بتاعين وجيت نمت تمام .. رايك شنوا أخوك ما تفتيحة

مدثر الجاهوري كتب:.. عموماً قلت النمشي على البنكي هاوس بتاع ميرغني ده أكان ألقي لي حاجة تنومني

عالم محبط بشكل
ياخي بدل تكتب ليك كلام تشجع بيهو الراجل ، تقول عاوز تنوم بكتابتو؟؟؟؟

من طرف **ميرغني ابراهيم** الأحد مارس 23, 2008 9:16 am

الاخ مدثر / مرحب بيك كتير ,,, وكل ما تكون داير تعال نحن جاهزين ,,, لك الود.

من طرف **ميرغني ابراهيم** الأحد مارس 23, 2008 9:24 am

الاخ هيثم / لرد الذي كتبه قصة وهي كالاتي :
كنت قبل سنتين او اكثر قد نشرت هذه القصة في منتدي الحصاحيصا باسم الكييك واصبح البوست شعبيا بصورة هائلة وحتي الان البوست نشيط ولكن ليس بالنشاط الاول وبلغت الردود فيه 1043 وترك موضوع القصة واصبح بنك هاوس منتيدي لوحده يتردد عليه الاعضاء للهيصه والنوامات زي ما عمل اخونا مدثر ,,واليك صورة لاخر المشاركات:

كييك الكييك متواجد حالياً
حكيم المنتدى
عضو ذهبي

تاريخ التسجيل: Sep 2006
الدولة: السعودية
المشاركات: 2,058

الاخ/ مبارك ,,,, بنتنا اسراء ,,,, شكرا لمروركم وسؤالكم ,,, الرطوبة ووجع العضام ما خلي فينا قدرة لي بنكي هاوس ولا بنك الخرطوم ,,, السؤال والمرور اسعدنا كثيرا ,,,,, دمتم.
__________________
تخيل كيف يكون الحال؟؟؟

قديم 02-29-2008, 10:36 PM
مبارك محمد عثمان مبارك محمد عثمان غير متواجد حالياً
Senior Member
عضو ذهبي

تاريخ التسجيل: Jan 2007
الدولة: الشارقة
المشاركات: 853
مبارك محمد عثمان قام بتعطيل التقييم
افتراضي
الكييك - تحياتى - الرطوبة ووجع العضام - عندنا علاج ليهم هنا فى البنك موش فى العياده - بس انت قرب تعال ماتبتعد

مبارك محمد عثمان مبارك محمد عثمان غير متواجد حالياً
Senior Member
عضو ذهبي

تاريخ التسجيل: Jan 2007
الدولة: الشارقة
المشاركات: 853

اقتراح للحبايب والاصدقاء والمعجبين - رايكم

من طرف مدثر الجاهوري الأحد مارس 23, 2008 9:31 am

هيثم على الشفيع كتب:
مدثر الجاهوري كتب:.. عموماً قلت النمشي على البنكي هاوس بتاع ميرغني ده أكان ألقي لي حاجة تنومني
عالم محبط بشكل
ياخي بدل تكتب ليك كلام تشجع بيهو الراجل ، تقول عاوز تنوم بكتابتو؟؟؟؟

الأخ هيثم صباحك زين وبكرة كيف .. بالله اليوم شجعنا ما تشجع فريق ديسكو الزامبي شفت كيف حافظين الفريق القوية البتلعب ضدنا ... بعدين أنت قايل البنكي ده فيهوا شنوا غير الحاجات البتنوم أنا عازمك يوم الاثنين بعد الكورة ونتناقش هناك إمكن أقتنع هاهاها .. لك ودي واحترامي

من طرف مدثر الجاهوري الأحد مارس 23, 2008 9:35 am

ميرغني ابراهيم عمر كتب:الاخ مدثر / مرحب بيك كتير ,,, وكل ما تكون داير تعال نحن جاهزين ,,, لك الود.

الأخ ميرغني خصص لينا يوم نتلاقي هناك كلم أولاد الشفيع وأولاد الزبيدي ومعتصم نتلاقي هناك ونتونس وخلي اليوم يكون خميس وأنا متكفل بكلوا

من طرف **ميرغني ابراهيم** الأحد مارس 23, 2008 9:41 am

ما عندك مانع ,,, لكن يا اخوي انت قالوا بقيت زول لبينة وصلاة عشاء ونويمة من الساعة 8,,, لك الود.

من طرف مدثر الجاهوري الأحد مارس 23, 2008 9:50 am

ميرغني ابراهيم عمر كتب:ما عندك مانع ,,, لكن يا اخوي انت قالوا بقيت زول لبينة وصلاة عشاء ونويمة من الساعة 8,,, لك الود.

مالو في لبينة وقراصة وفطيرة انت تعال نتونس مع اولاد الشفيع ديل بعدين لو حصل كسر خليك قريب مني لانوا الجماعة ديل كتار والكترة تغلب الشجاعة

الاخ مدثر / شوف العمده ,,, هوكبير القوم ,, وحاول صلح امورك معاهو وبُنية بُنيتين ما بتسوي ليك شي,,, هيثم انا بقدر أمسكوا ليك بموت بيهو ما عندك مشكلة ,,, أما الدبيب فاجارك الله,,, انت اقعد اتكلم لي في المريخ وبرشلونة لمن يلحقوك الرقدو,,, لك الود.

من طرف مدثر الجاهوري الأحد مارس 23, 2008 10:09 am

ميرغني ابراهيم عمر كتب:الاخ مدثر / شوف العمده ,,, هوكبير القوم ,, وحاول صلح امورك معاهو وبُنية بُنيتين ما بتسوي ليك شي,,, هيثم انا بقدر أمسكوا ليك بموت بيهو ما عندك مشكلة ,,, أما الدبيب فاجارك الله,,, انت اقعد اتكلم لي في المريخ وبرشلونة لمن يلحقوك الرقدو,,, لك الود.

يأخوي لو الموضوع جنس ده خلاص ألغيهوا ونتلاقي في ساعة خير ..

خايف من الدبيب ؟؟؟ علي فكرة هو عندو فكرة يمطّك ويسخن البنبر المولع ,, وشايفك صهينت,,,باقي 7 يوم بالله ما تخذلنا

من طرف مدثر الجاهوري الأحد مارس 23, 2008 10:15 am

ميرغني ابراهيم عمر كتب:خايف من الدبيب ؟؟؟ علي فكرة هو عندو فكرة يمطّك ويسخن البنبر المولع ,, وشايفك صهينت,,,باقي 7 يوم بالله ما تخذلنا

لا ما صهينت منوا لكن برتب في الامور عشان الزول اول مرة اسالنا

يلا يا حلو اشوفك في المسطبة عايزين نعمرها

بنكي هاوس

بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس

رد: بنكي هاوس