ابراهيم ابن عوف

لابتالف ولا بتوالفى لاقادر منك اقنع
غرينى مصاقر غرينك شقى الحال مابى يقنع
ليه ما اعظم جمالك انتى عظمك الليك ابدع
لويشوفك عاقل زمنا تخلى اصغر من الشفع
عشان يوم خلقوك انتى ما اتخلق القباح لسع
ودارا طلاها وجهك من باب احزان تنجع
اريدك يانور عيونى اريد فيك أى واريد فيك لع
قالولى بترجى شافعه قلتليهم لوبترضع
قالولى صباك ضايع قلتليهم بيها برجع
وصو ساكت توصو وصيتكم مابتنفع
شوف العين شن يسوى لى جايعا قصدويشبع
أل..................

نتمها ليك يا معتصم/أل..... وجع أل... لك التقدير.

الزول نسانى وفات صد وجع تانى
تاه منى والاقدار ماذنبى يا اخوانى
انا شلتو فى الاعماق فرشلو وجدانى
واسميتو فوق الكل بى شعرى واوزانى
عاملتو بى اخلاص ورقة قليب حانى
كان فى النهاية جزاى سوانى انا الجانى
ناجيت بعدو الليل ما نجمو خلانى
راقد رقاد الميل شماتى فرحانى
اتبكى للايام والعبره خانقانى
الا الدمع مافاد نارا موالانى
من قدرى اهوى انسان ماقدر انسانى
عشان خاطرو ذقت المر اسعدتو واشقانى
اوصيه بالاخلاص ينساه وينسانى
فقدنى للتميز بين فرحى واحزانى
يالله يا اشواق لى وين مودانى
ماالسكه طالت بى وانا فيها وحدانى
مالى غيرو ملاز فى دنيتى الفانى
ان قلت منو اتوب يحمينى شيطانى
ياربى زى عينى عينيه سهرانى
ام حالو نعم نايم غرير هانى
انا عارفو قلبو بعيد لى قليبى ما دانى
لكن عشان سامرين شان زهرتى التانى
يادارى بالاحوال ادراه وادرانى
انا ليك شكيت الحال الفيه مايانى
طولت اصيح فى الويل خلق الله طرشانى
ياربى كون فى عون روحى الشقيانى

ياعالم البدسو الزول على اهلوو وقرايبو
القلب العليل يا حليلو انطبقت مصايبوو
فرج لى همومو الزادو والحقو بى حبايبو
لحظات الزمان الصافى ولت وجات عجايبو
والدهر اليواسيك مره يوم يوريك غرايبو
ماهبت نسايم الريد على من تانى لاعادت سحايبو
لاروت الجريف الظامئ لا اخضرت وضايبو
يصبح وادى جائع نمرو والاحزان نوايبو
يضيع فى جبالو لما ضاعو نجماتو ونجايبو
ياظالم البحبك يوت انت لى مين فت سايبو
اعزرو لوالسبب تعبيرو واقبلو بى شوايبو
سمح الاعترف باخطاه قدرو رضابو صايبو
مش من حوه وادم جينا من صلبو وترايبو
.........

الاخ/ معتصم,,,,,,,,,زولك ممكون مكنة شينة,,, لكن مشقيها علي رقبتو براهو,,,, لك الود.

الاخ / معتصم,,, قطع شك ادم جينا من صلبو وترايبو,,,, مو كدي,,,, لك الود.

أهواك والهوى والهوى يستحيل لى زول من الامال يئس
كان الله فيك قسم النصيب ماكان شقى الحال تعس
أهواك قصبا واحتمل ويلات هواك جنس جنس
طوعا كونو انو هواك لى نبضا وحس
موهدب بين صراع اللقيا والخوف والوجس
واضيعتى وضيعة فؤاد الفيه حبك متغرس
ضيعة رسايلك واحرفه المن دمعى ما خطت الطمس
همسات غنيواتنا الزمان الكنا نسمعه بى همس
تحت الشتيله محل نناجى الريده نحلم بالعرس
واحسرتى وحسرة عيون زرفت دموعه على امس
على صفاك وروعتك وحديثك العذب السلس
من بعدك الايام خلن والعيشه فيها بلا نفس
كيفن يذوق طعمه ويروق زول فصل الاحزان لبس
ذرت امانينا الرياح خلت عقاب حظ النحس
فى دنيا ما تفرحنى يوم فى التانى ترجع وتنعكس
ارجاه بالحلم الضحوك تظهر لى بالوجه العبس
سدس السعاده تقسمو وتحسدنى فى باقى السدس
فىنيتى اصبر والصبر للمثلى فوق طاقت النفس
الا الصبر جواى مات يوم مابديت بهواك احس
شايل عذابات السنين والجوه فى الجوف متحبس
واقف اناشد فى الديار يا دار انطقى بعد خرص
قالت لى مانست العهود ما حق تبيع الريد بخص
الا الله يفعل مايريد وانت ابقى للتانيين درس
...................

كيف اوصلك وكيف اقدر انساك وهواك مابينت
احترته فيك واحترته فى القلب اليفكو وينشبك
يابت من الماضى ومعاى كذا زكريات تعجن تلك
من حترب البال المودر من جدار عقلا مقرب ينسهك
مالك على رامانى بين اطأ واصيب امن واشك
انا لا كفر يوم بى هواك لا دخل قلبى الشرك
وين انتى من طول الرجاء وحبل الهوى الما بيتمسك
وصبرا التقو بالصبر من تانى يرهف ويينهتـــــك
دلينى غاب محراك علىوابت المسالك تنسلك
وين فى محطات الزمان المابى عارض الشوم يفك
بسال عليك رجع الغنا المنضوم على حن السلك
والشوق يسرسب فوق نسيمة راحلى جوف ليلا حلك
كان تلقى عندك صيبقه لى زول يدارى دموعو بى ثوب الضحك
مرات يفتش للبكا ما يلقى دمعه عشان يبك
لا تتكلينى على الحظوظ ما ليا حظا يندرك
الناس حظوظه تغيب تجيب وانا حظى فى اللاشئ يسك
احلامى مابين الغيوم فرت طيوفه وابت ترك
واحزانى تتعاقب فصول حابكاهن الاقدار حبك
اديتك البقدر عليه الطالبه الغير مطلبك
والقلب ما ملكت يداى طوعتو ليك واصبح ملك
ماباقى شرطا فى العقاب يرضيك ويرضى تصورك
غير روح خجوله من المروق منضارى فى جسدات هلك
................

الاخ العزيز/ ,,,, عذرا في محاولة تنظيمية,,, فقد قمنا بجمع جميع اشتراكاتك عن الشاعرابراهيم ابن عوف في موضوع واحد ,,, نتمني ان تجد منك الاستحسان والقبول وحقك عاينا ان لم تجده ,,, لك الود.