ملتقي الاصحاب

واسترجعت سألت عني ،فقيل لها ما فيهِ من رمق دقت يداً بيدِ

وأمطرت لؤلؤا من نرجسِ وسقت ورداً وعضت على العناب بالبَرَدِ

وأنشدت بلسان الحال قائلةً من غير كُرهٍ ولا مَطلٍ ولا مددِ

والله ما حزنت أٌختٍ لفقد أخٍ حزني عليه ولا أمُّ على ولدِ

إن يحسدوني على موتي فوا أسفي حتى من الموت لا أخلو من الحسدِ


تخيلوا في حسد في الموت !!!
أنا أحسد أمل دنقل على أشياء كثيرة ... ولكن أكثر ما حسدته عليه ...حب كحب عبلة الرويني له ...كنت قد قرأت " عندما كنت أقرأ" كتابها عنه " الجنوبي" .. بالله لو وقع في يدكم أقرأوه.... مساء الخير.

كل عام وانتم بخير وسنة سعيدة عليكم ان شاء الله

كل سنة وأنتم طيبين مع خالص التمنيات بأعمال جهد الفكر لخير البرية وجمع الشمائل

صباح الفرفرشة
بٺ مشت للمتحف .. وهي بتتمشي وقفت عند أحد اللوحات
وسألت الموظف : دي شنو اللوحة الشينة دي اووووووووووع !
ده البتسموهو للفن الحديث؟؟
رد الموظف: يا اختي دي مراية.


صباحكم فل

بنصبح عليكم
واحد شين شايل ليهو شافع صغير والشافع يبكي لاقى ليهو واحد ظريف قام قاليهو ((والله الشافع ده كلما أشيلو يبكي)) الظريف قال ليهو (( والله أكان شلتني أنا ذاتي أبكي))

دمتم طيبين

اغلى انواع القهوة في العالم اسمه كوبي لواك يصدر الى العالم من اندونيسيا هذه القهوة تعد نادرة وباهظة الثمن وذلك بفضل الطعم والرائحة الفريدين المميزين لها.

هذه القهوة لا تقطف من الأشجار ولكن تخرج من معدة حيوان صغير شبيه للقط وأبن عرس هذا الحيوان ثديي ومتسلق للأشجار يعدونه آكل للحوم والنباتات معاً، فهو يتغذى على أنواع من الفاكهة مثل المانجو والحشرات الصغيرة ..

ولكنه يحب ثمار القهوة والتي ينتقيها بعناية بالغة وباهتمام شديد ... وعند تناوله لثمار القهوة الحمراء الشبيهة بالكرز يخرج حبوب القهوة مع فضلاته في أراضي الغابات الاندونيسية بجانب مزارع القهوة ...

فيقوم المزارعون أو العاملون بانتقاء هذه الحبوب وغسلها وتحميصها لصنع أفضل وأثمن قهوة في العالم ...

هذا الحيوان الصغير يساعد على تخمر وتفكيك بروتينات حبوب القهوة عن طريق الأنزيمات والمواد الكيميائية التي تفرزها معدته أثناء مرور هذه الحبوب في جهازه الهضمي.


(سؤال : لو في زول عزمك بتشربها بعد عرفت المصدر؟؟؟؟؟)

والله يا ولّي سؤالك صعب خلاس؟؟؟

لكن أنا بشمّها أول حتي أشربا

خارج النص ...

زكرتني أب غّازي!!!

ومساكم حاجات عجيبة ..

جيناكم وصباح الخير

والله يا وليد مش بالغ !! دا 500 جينيس ما يعملوها ...ناس خالد وعواد مسافة أكبر من دي مرتين إلا يعوج رقبتو ويعضي لسانو .ويطلع راسو بي بره.. وورا ووقدام لحدي ما يوقفها !!!
صباح الخير

حا أرد ليك في تخاريف يا أبو ياسر

باقي السواقة خشم بيوت ...

صباحاتكم رزينة يا أصحاب

نحنُ إن قلنا : حصلْ
يعني حصلْ
زأرَ العصفورُ..
أم غرَّدَ الضبعُ على رأسِ الجبلْ
طارت العنزةُ..
أم صارَ الجَمَلْ
صدفةً خيطَ حريرٍ..
و دخلْ
إبرةً في يدِ خياطٍ عجوزٍ..
و مصابٍ فوق هذا بالحَوَلْ
نحنُ إن قلنا : حصلْ
يعني...حصلْ

من موجز بأه التفاصيل ...لحمزاتوف

مساء الخير.

والله ي مدير الزول ده لغاية حسي محيرني عملها كيف؟؟ بعدين خالد ده خلي ساي(لما اخد اجازته عملنا لينا شومخر هنا) كان ما رخصته طلعتها ليهو (......) وده بعد وساطات مني طبعا

صباحكم ورد وياسمين

تعرف الأمارات دي قالوا الرخصة فيها إلا واحد زيي كده ... خالد سمعنا انه لسه بيركب المواصلات .... مساء الخير.

الزول ده ي مدير معناها سارح بينا ساكت وانا بسوق انا بسوق وهو مقضياها مواصلات
وصباحكم زين

مرق بي سنة ...واحدين يقولوا محظوظ ... واحدين يقولوا منحوس ...وهكذا كل شيئ في الدنيا نختلف عليه... صباح الخير.

بمناسبة الثلاثات بتاعات مازدا ... كاريكتير أعجبني

من عجائب المرأه :

إنها اذا زعلت ..

تتكلم بسرعة الضوء لمدة 6 ساعات متواصلة !!!!

و في أخر كلامها تخت رجل على رجل

وتقول : خليني ساكته احسن.

صباجكم فل

مسطول قال لصحبو :
سلفني عشرة جنيه..
خلي معاك خمسة..
واديني خمسة..
تكون عايز مني خمسة..
واكون عايز منك خمسة
وبكدا نكون حبايب

صباحكم فل

يا أخي والله الكتير مسيخ ... كفاية ...
صباح البرسا.

صباحكم زين

والله حالها كحال المغتربين...ما تغشكم اللمعة .... صباح الخير.

مساء الخير

وين الناس ماااااااااااااااااااااااف اي زول

الله يرجعكم بالسلامة

صباح الخير ... ومبروك التأهل للدور الثاني ...

"القحة" ولا صمة الخشم ....

ليست البطولــــة فــــي هــــذا الزمــــان أن يحمــــل الإنســـان سيفــــاً
ولكـــن البطولــــة الحقيقـة أنـ يحمــــل الإنســــان ضميــــــراً

صباح الخير.

رأيت وأنا أسير في إحدى المقابر ضريحا كتب على خامته:
( هنا يرقد الزعيم السياسي والرجل الصادق .......) فعجبت كيف يدفن الاثنان في قبر واحد .

السياسة فن يمنع الناس عن التدخل بما يعنيهم



ومساء الخير واللا سياسة.

بت مسطوله يوم العرس قالو ليها جبنا ليك خبر كعب (العريس مات)
قالت سجمي كنت قايله العرس إتأجل

نهاركم سعيد

الخطيئة لغة
الى حد ما
تشبه طيات الوردة
في حقب التنديد
الخطيئة طفل يتأمل
وهو يقود قطارات العالم
(في ساعة نحس)
الخطيئة أرجوحة
لامرأة تضع كامل زينتها
وحين تفتح ابواب الاسواق
تنكس اعلام اللذة
اما الخطيئة فرئة
تتنفس...
من رئة أخرى

مساء الخير

يا صغير / إستمع

مساء الخير

ابتسم في وجه من تحب فيشعر ( بحبك ).....

ابتسم أمام عدوك فيشعر ( بضعفه )....

ابتسم أمام من تركك فيشعر ( بغبائه )...

ابتسم للدنيا والدموع في عينيك ( فتقهرها ).....

ابتسم لأنك ستملك الدنيا بإبتسامتك....

جمــــــــــــعـة مبــــــــــــــــــــاركــــــــــــة

صباح الخير.

ســــأبقــــــى أنــــــــا
وسيبقـــــــى رأسي عـــــاليــا في السمـــــاء.....
ليــــــس تكبــــــــرا" ولا أستعــــلاء ......
بل هي ثقة بالنفس وكبريــــــــــاء....
وستبقــــى دمعتـــى غــالية...
... ......لأنني إكتشفت أن لا شيء في الدنيــــــا يستحق البكـــــاء...!!!
فعــــلمتني الـــدنيـــــــــــا
أن لا أطـــــلب مــــن الاشواك أن تــــــفوح بالــــعطـــور...
ولا مــــن الــــصحــراء أن تــــنبت الـــزهــور....
ولا مــــن فـــاقد الاحــــســاس أن يــــهتـــم بالشـــعور

وجمعة مباركة

العسكري بليد للأذى فطن كأن إبليس للطغيان رباه
عن الحقيقة أعمى ليس يبصرها وللنصيحة يبقى فاغراً فاه
تراه يطرب في سماع سيده وينفجر غضبا إن قلت اواه
الرحمة للفقيدة عوضية ولا عزاء للشعب السوداني.

صباح الخير

صبــــــــــــــــاح النشـــــــــــــــــــاط

ما زالوا يشخصون
والناس من صعوبة البكاء يضحكون
ونحن قانعون ..
بالحرب قانعون .. والسلم قانعون
بالحر قانعون .. والبرد قانعون
بالعقم قانعون .. بالنسل قانعون
بكل ما في لوحنا المحفوظ في السماء . قانعون
وكل ما نملك أن نقوله : " إنا إلى الله لراجعون "
… احترق المسرح من أركانه ولم يمت - بعد - الممثلون .

من قصيدة الممثلون لنزار قباني بعد هزيمة 67 التي يدللونها بالنكسة ...
ترى هل تغير الحال في أي مكان .... المهم أننا قانعون .. والقناعة كنز لا يفنى
مساء القناعة..... والمسكنة والجناح الخفيض.

جمعة سعيدة عليكم

It's not true that married men live longer than single men. It only seems longer.

ليس حقيقة ان الرجال المتزوجين يعيشون اكثر من غير المتزوجين ولكن الوقت يبدو

أطول!!!

مرحب خالد وعودا حميدا .... صباح الخير.

ها قد عدنا بعد انقطاع طويييييييييييييل تحية لكل اعضاء المنتدى وبجد اشتقنا ليكم

حريم اخر زمن مقلوب زمن افاتو منتشره ... زمن يوماتي في تطوير ويومي قيمنا ماشي وره
زمن فيهو الحريم فد لون حليل الخدرة والسمره.. كل علي بعض مخلوت ودنيا مقلبات صورة
وعليك بالله ديل حريم ؟؟ زمان اماتي زمنا شين وضع مااظن تطيقو مره
صبرا رغم ضيق الحال وتعبن وضاقن المره وديل اسع زمانن زين وكل حاجاتو في وفره
ورغم عن صفا الايام عايشات عيشه الامراء في البيت في وزي المافي خيط ماتختو في ابره
وكل طلباتا تبقي مجابه قدامه وقصاد نظره تقوم نصت نهار من نومه تلقي فطوره في الصفره
تساهر الليل مع الديجتال وترجاك نايمه لي عشره وعليك بالله ديل حريم ؟؟
ولاده تمسكن خدامه قاعدى شغاله بي شهره تغسل وتطبخ الخدامه ده ان ماجابوه من بره
ودايما مرهقه وتعبانه يوت مشغول دوام فكره بي الموضات واخر صيحه لون منكير صباع ضفره
كليب باسكال مسلسل نور ونانسي الادمنت زكره سهره صاله الضباط تي شيرت المرقه والسهره
اكل الجبنه والرجيم دهان ونعومه البشره قوام هيفاء وعيون نرمين تامر حسني والكاميرا
تهمل زوجها واولاده همها منظره وشعره وعليك بالله ديل حريم؟؟
زمان زمن الحريم بالصح زمن العيشه نار حمره زمانن لا فرن لا غاز كانن يوقدن العشره
يعوسن مره بالكروق ومره سعف جريد تمره عقاب كاويق نكت واشميق يجازفن ويرمن الكسره
تلحقه بي تحت فسراع تفطرو عامل الاجرة قراعين وقفازين تلحق شاية للغفراء
تسوي القهوة في الصبارة للمكنيكى فى المتره تلم المنسي والمجدوع وزوجها ماحصل نهره
لايوم مرة عابت زول ولازول بي كعب زكره بسيطة بشوشه والجيران يدورو كلامة شان درره
تداعب دا وتلاعب داك تضحك وديمه منسره وتزعل يوم يقولو فلان مرتو مقصرة وهجره
وقبل ماتمرق الجيران تقوم تنزل تقص وكره تطلق الفي الحبل ملويى تسقي العجلة والبقره
تكنس وتقطف الازيار تغسل شان ترد بحره تنضف عيشة للطاحونة درسا حافظة من صغره
تشد حلة غداها تقوم وتتوضأ وتصل ضهره يكون الفي المدارس جوها ياداب مارقي لى بره
توصى بطانه احرسو البيت ولاتمرقو النهار حره العبو غادي من القلة لاالقالي زول كسره
توصى توصى لما تفوت وبابه تكشرو بالوشره تمشى تصبح الملدوغ وتسالم الجن من العمره
تراعي الجار وسر الجار وسرها مابيفوت صدره تغيب ساعة زمن فسراع تشيل الفاتحة بالمره
و تقابل اخواته والبكاى وسفار البكي الجو وراء تسابق الليل قفاها اعوج تعود قبال اذان عصره
وراها غداء وصرار وحليب عواس قراصة بي تمره شاي مغرب ..نضاف فانوس ..غسيل العدي والعمره
تسوي شنو وتخلي شنو تلاوي اقدارة بي صبره قبل لون الحمار ينزل تغيب ويطول كمان سهره
تصل كفاي جدادة هناك تخافلو السرقة والصبره تسدو تصد ..حتالت البيت يكون فرحان ومنتظره
غامت السخلة بالبستله جارها من اضانة وره مسافة تنتهي وتحلب يكون فكاها فات وجري
تنادي يفوت تقيف تهرج صغير وشان طفل عازره صغير ماعرف لليلي بكرة بتلقي في كبره
ورغم تعب نهاره الطال ورغم شقاوة وفتره تنوم اخر بشر في البيت تحس قبال اذان فجره
تقوم تدقش تلوت الليل وترجاك حايمة في المطره تغتغت في التمر والعيش باقي خلاص عقاب مسره
تضايرو وتدخل الواقود تخاف يتبلا لابكره تفتش في الضلام فانوس وتوقدو تتور البيقرأ
جوه البيت مراة وراجل غباشة كمان كلامو بره شلوخة مطارقن نازلات جماله يحير الشعراء
تلبس من سويق ابودوم وديل لبسن تياب عفراء قصير مخملي وشفاف مخرم ومن طرف قاصره
تعطن راسه زيت كركار ولو في كريم ولابدره ولابتعرف درب كوفير ولامسحت كريم عمره
ولاودت هدوم غسال غسيلة تتمو بالظهره رفوف ثلاجتا المعلاق وتحت الزير وطين وترى
تعطنو خداره في شوال فريز تلاجة الفقراء تخيش فارغ الجركان مسلتا والحبل حبره
جريد الدوم تبلو سعف صنيع من امهر المهره اصابعه بالشلخ والجر يبردن من كتر ضفره
دا كلو عشان يفرشو بروش سباته ان جاها يوم شكره عندها تلقي كل معدوم ولاما علي طرف صاره
فايضه في السنة المحلاني يمسك حله بي اسره تشر الويكي بالهبود وتملأ غبار وشوك وشره
سعن مزرود غباشة روب وايى لبن تفرزو بره تهزو تخشو خش معلوم وشايل جناها في حكره
ايدا مخدة اللولاي ..تلولي متل حلم سفره حسابه تجردو راسا يشيل حسابه النقدي والجاره
حساب الواطه والبابور تسمعو من ضمن سوره تقييد وتقسم المحصول وتمرق الكلفه والبذره
عقل انضف من التاريخ زكاوتو تحير المدراء عايشي علي فرد موال تعب مكتوب وكان قدره
ابدا ماشكت لي زول ولاحسبت سنين عمره يقينه الدنيا مسرح ليل... نجم وتفرقو القمره
نهاية كل شين وسمح ولمة ناس تحت شجره عايشي زي الارض اسرار غلب دافناهو بين حفره
عارفه الدنيا اخرة كوم نهايتا صادي لي قبره لاغراها طين لابيت لابسي تيابة شان ستره
مانامت وساده حرير ولا عشمت تعيش بكره كفاح انسان نهايتو الموت حياتو يعيش زي الزهره
تعطر ساحة البستان تفرهد وديمه مخضره تموت تيبس زي الاحلام ولافد زول يجيب خبره
وعليك بالله ديل حريم ..وديل حريم.. وأمى مره ؟؟


مرحبا بك يا دكتور ومرحب بكل الناس

وقف اعرابي على قوم فسالهم عن اسمائهم فقال احدهم: اسمي وثيق، وقال الاخر ثابت وقال الاخر شديد،وقال اخر اسمي منيع.
فقال الاعربي : ما اظن الاقفال عملت الا من اسمائكم.
..................................................................................
اوقد اعرابي نارا يتقي بها برد الصحراء في الليالي القارسة ولما جلس ليتدفا ردد مرتاحا اللهم لا تحرمنيها لا في الدنيا ولا في الاخرة

اخباركم يا عالم
...

مساء الخير .

الــحــب : هــو ذلــك الأمــتــحــان الــذي يــتــســارع الـــجــمــيــع لـــخــوضــه دون مـــذاكــرة ، والــنــتــيــجــة غــالــبــا مـــا تـــكـــون لــم يــنــجــح أحـــد، لــصــعــوبــة مــادتــيــن

1- الـــصــدق
2- الــــوفــــاء

ssssssbl ugd;l ;g;l
Hu/l ;glm id hggi
Hulr ;glm id hgkts H',g ;glm id hbf]dm
Hr,n ;glm id hgr
H,su ;glm id hgw]r

السلام عليكم ورحمة الله
- عفوا لم تتضح الرسالة لان كنت أكتب بالعربية وكان الكمبيوتر على الانجليزية فأتت بما لانشتهي لكم العتبى

أعظم كلمة هي الله
- أعمق كلمة هي النفس
- أطول كلمة هي الابدية
- أقوى كلمة هي الق
- أوسع كلمة هي الصدق
- أرق كلمة هي الحب
- أعز كلمة هي الامل
- أسرع كلمة هي الوقت
-أقرب كلمة هي الواقع

انحنا جينا والله يقدرنا وننشط المنتدى ونرجعو لسابق عهده

قال حكيم أعز من الناس من :-
- أخلاقه كريمة - ومجالسته غنيمة - ونيته سليمة - ومفارقته أليمة - كالمسك كلما مر عليه الزمان ازداد قيمة .
خالص التحايا لكل الاصحاب بالمنتدى .

سلامات للناس القاعدين
والناس الغايبين
والناس القنعت من خيرن فينا
والناس الكانت فاتحة خشما راجيانا
والناس المصرّة ترجِّع المنتدى زي زمان
والناس الرمت طوبتو زمااااااااااااااان


كيفنكم؟؟؟ وأنا لي زمن ما شفتكم

سلام .... هيثم أنا من الناس نمرة 3 ... مش الخرطوم 2
اخيرا تذكرتنا !!!!!!!!!!
تحياتي للمثابرين الصابرين ....

اليومين دي الأولاد معانا

خالدعمرحسن كتب:حريم اخر زمن مقلوب زمن افاتو منتشره ... زمن يوماتي في تطوير ويومي قيمنا ماشي وره
زمن فيهو الحريم فد لون حليل الخدرة والسمره.. كل علي بعض مخلوت ودنيا مقلبات صورة
وعليك بالله ديل حريم ؟؟ زمان اماتي زمنا شين وضع مااظن تطيقو مره
صبرا رغم ضيق الحال وتعبن وضاقن المره وديل اسع زمانن زين وكل حاجاتو في وفره
ورغم عن صفا الايام عايشات عيشه الامراء في البيت في وزي المافي خيط ماتختو في ابره
وكل طلباتا تبقي مجابه قدامه وقصاد نظره تقوم نصت نهار من نومه تلقي فطوره في الصفره
تساهر الليل مع الديجتال وترجاك نايمه لي عشره وعليك بالله ديل حريم ؟؟
ولاده تمسكن خدامه قاعدى شغاله بي شهره تغسل وتطبخ الخدامه ده ان ماجابوه من بره
ودايما مرهقه وتعبانه يوت مشغول دوام فكره بي الموضات واخر صيحه لون منكير صباع ضفره
كليب باسكال مسلسل نور ونانسي الادمنت زكره سهره صاله الضباط تي شيرت المرقه والسهره
اكل الجبنه والرجيم دهان ونعومه البشره قوام هيفاء وعيون نرمين تامر حسني والكاميرا
تهمل زوجها واولاده همها منظره وشعره وعليك بالله ديل حريم؟؟
زمان زمن الحريم بالصح زمن العيشه نار حمره زمانن لا فرن لا غاز كانن يوقدن العشره
يعوسن مره بالكروق ومره سعف جريد تمره عقاب كاويق نكت واشميق يجازفن ويرمن الكسره
تلحقه بي تحت فسراع تفطرو عامل الاجرة قراعين وقفازين تلحق شاية للغفراء
تسوي القهوة في الصبارة للمكنيكى فى المتره تلم المنسي والمجدوع وزوجها ماحصل نهره
لايوم مرة عابت زول ولازول بي كعب زكره بسيطة بشوشه والجيران يدورو كلامة شان درره
تداعب دا وتلاعب داك تضحك وديمه منسره وتزعل يوم يقولو فلان مرتو مقصرة وهجره
وقبل ماتمرق الجيران تقوم تنزل تقص وكره تطلق الفي الحبل ملويى تسقي العجلة والبقره
تكنس وتقطف الازيار تغسل شان ترد بحره تنضف عيشة للطاحونة درسا حافظة من صغره
تشد حلة غداها تقوم وتتوضأ وتصل ضهره يكون الفي المدارس جوها ياداب مارقي لى بره
توصى بطانه احرسو البيت ولاتمرقو النهار حره العبو غادي من القلة لاالقالي زول كسره
توصى توصى لما تفوت وبابه تكشرو بالوشره تمشى تصبح الملدوغ وتسالم الجن من العمره
تراعي الجار وسر الجار وسرها مابيفوت صدره تغيب ساعة زمن فسراع تشيل الفاتحة بالمره
و تقابل اخواته والبكاى وسفار البكي الجو وراء تسابق الليل قفاها اعوج تعود قبال اذان عصره
وراها غداء وصرار وحليب عواس قراصة بي تمره شاي مغرب ..نضاف فانوس ..غسيل العدي والعمره
تسوي شنو وتخلي شنو تلاوي اقدارة بي صبره قبل لون الحمار ينزل تغيب ويطول كمان سهره
تصل كفاي جدادة هناك تخافلو السرقة والصبره تسدو تصد ..حتالت البيت يكون فرحان ومنتظره
غامت السخلة بالبستله جارها من اضانة وره مسافة تنتهي وتحلب يكون فكاها فات وجري
تنادي يفوت تقيف تهرج صغير وشان طفل عازره صغير ماعرف لليلي بكرة بتلقي في كبره
ورغم تعب نهاره الطال ورغم شقاوة وفتره تنوم اخر بشر في البيت تحس قبال اذان فجره
تقوم تدقش تلوت الليل وترجاك حايمة في المطره تغتغت في التمر والعيش باقي خلاص عقاب مسره
تضايرو وتدخل الواقود تخاف يتبلا لابكره تفتش في الضلام فانوس وتوقدو تتور البيقرأ
جوه البيت مراة وراجل غباشة كمان كلامو بره شلوخة مطارقن نازلات جماله يحير الشعراء
تلبس من سويق ابودوم وديل لبسن تياب عفراء قصير مخملي وشفاف مخرم ومن طرف قاصره
تعطن راسه زيت كركار ولو في كريم ولابدره ولابتعرف درب كوفير ولامسحت كريم عمره
ولاودت هدوم غسال غسيلة تتمو بالظهره رفوف ثلاجتا المعلاق وتحت الزير وطين وترى
تعطنو خداره في شوال فريز تلاجة الفقراء تخيش فارغ الجركان مسلتا والحبل حبره
جريد الدوم تبلو سعف صنيع من امهر المهره اصابعه بالشلخ والجر يبردن من كتر ضفره
دا كلو عشان يفرشو بروش سباته ان جاها يوم شكره عندها تلقي كل معدوم ولاما علي طرف صاره
فايضه في السنة المحلاني يمسك حله بي اسره تشر الويكي بالهبود وتملأ غبار وشوك وشره
سعن مزرود غباشة روب وايى لبن تفرزو بره تهزو تخشو خش معلوم وشايل جناها في حكره
ايدا مخدة اللولاي ..تلولي متل حلم سفره حسابه تجردو راسا يشيل حسابه النقدي والجاره
حساب الواطه والبابور تسمعو من ضمن سوره تقييد وتقسم المحصول وتمرق الكلفه والبذره
عقل انضف من التاريخ زكاوتو تحير المدراء عايشي علي فرد موال تعب مكتوب وكان قدره
ابدا ماشكت لي زول ولاحسبت سنين عمره يقينه الدنيا مسرح ليل... نجم وتفرقو القمره
نهاية كل شين وسمح ولمة ناس تحت شجره عايشي زي الارض اسرار غلب دافناهو بين حفره
عارفه الدنيا اخرة كوم نهايتا صادي لي قبره لاغراها طين لابيت لابسي تيابة شان ستره
مانامت وساده حرير ولا عشمت تعيش بكره كفاح انسان نهايتو الموت حياتو يعيش زي الزهره
تعطر ساحة البستان تفرهد وديمه مخضره تموت تيبس زي الاحلام ولافد زول يجيب خبره
وعليك بالله ديل حريم ..وديل حريم.. وأمى مره ؟؟


مرحبا بك يا دكتور ومرحب بكل الناس

مرحب مرحب خالد ... وين يا زول ... مشتاقين ... والله.

اليومين دي الاولاد معانا
صيفا تولى وخريف فرحا غشانا
هب دافي دغدق حشانا
فرهد حنانا ظلل ربانا
البهجه طلت اتعانق هنانا
اتعابرت دروب الشوق خطانا
والله ريدا بلسم شفانا
والله ريدا مابلحق كفانا
والله ريدا يوم ماجفانا
راجينو كف الصابر لي وفانا

والله ياد.ميرغني -رتوت فرنتوت مرترت _ يعني نقول شنو ((تعبير صورة صادق )) لك التحايا

أعلن نادي برشلونة الإسباني اليوم أن مهاجمه السابق، الكاميروني صامويل إيتو لاعب أنجي محج قلعة الروسي الحالي، تنازل عن الملايين الثلاثة التي كان يطالب النادي الكتالوني بها، عقب انتقاله إلى إنتر ميلانو الإيطالي في صيف 2009.

وقال برشلونة إنه تلقى مذكرة من المحكمة العليا بكتالونيا تفيد بأن اللاعب تنازل عن دعواه ضد النادي التي كانت تهدف لحصوله على هذا المبلغ، الذي كان يدعي أنه من حقه.

وكان القضاء سبق وأصدر قرارا بعدم أحقية اللاعب في الحصول على هذا المبلغ، إلا أن المهاجم الكاميروني، لجأ بعد ذلك للاستئناف..

-نقلاً عن موقع كووورة نقلاً عن وكالة الأنباء الفرنسية-

أها:

نحن نفهم شنو هسة؟؟؟؟
هو عفى ليهم القروش؟؟ ولاّ إقتنع إنو قضيتو مطرشقة!!؟؟؟

وعليك الله كان ما عدم شغلة مني ، هسة دة خبر أجيبو؟؟؟

خلاص خليناهو الخبر...

إنتو كيفنكم؟؟؟؟

قيل إن متصوفا كان يخلو بنفسه ليلا ولايتحدث مع أحد وفي ذات ليلة من ليالي خلوته أتى أحد العوام وتحايل حتى دخل على ذاك المتصوف في خلوته فأشار اليه الشيخ بسبابته فأشار اليه الرجل بسبابتيه - أشار الشيخ بسبابته الى أعلى فأشار الرجل بسبابته الى أسفل - أخرج الشيخ بيضة من تحت وسادته فأخرج الرجل قطعة جبن من جيبه وتركه وانصرف .
سئل الشيخ ماذا قال لك هذا الرجل فقال :-
- قلت له ان الله واحد فقال لي لا ثاني معه.
- قلت له خلق السماء فقال لي بسط الارض.
- قلت له يخرج الحي من الميت قال لي يخرج الميت من الحي.
سئل الرجل ماذا قال لك الشيخ فقال :-
-قال لي أفقأ عينك فقلت له أفقأ عينيك الاثنين.
-قال لي أقذف بك الى السماء فقلت له أغوص بك الى الارض.
-قال لي أنا آكل بيضا فقلت له أنا آكل جبن.

((مرض ملك وبريء وقال ما عادني في مرضي الا أحد أعواني كان يأتي الى باب حجرتي ويسأل الحرس عن حالي )).
وقيل (( التمس لاخيك عذرا ))

عاطر التحايا

فضيحة سكر النيل الأبيض : تعبئة سكر كنانة في جوالات المصنع الجديد

تأجل إفتتاح مصنع سكر النيل الأبيض من يوم الخميس إلى موعد يحدد لاحقا بعد إفتضاح خديعة إدارة المصنع بتعبئة سكر مصنع كنانة في جوالات عليها علامات المصنع الجديد .
وكان من المقرر ان يفتتح يوم غد المشير عمر البشير ومعه ممثلو (56) دولة اسلامية موجودون حالياً بالسودان في إطار اجتماعات البنك الإسلامي للتنمية الذي ساهم بـ (63) مليون دولار في تكلفة المصنع .
وقبل أشهر من الإفتتاح إكتشفت إدارة المصنع أن الشركة الهندية التي إستجلبت منها برنامج التشغيل وكيلة لشركة امريكية وتلتزم بالتالي بالعقوبات الامريكية المفروضة على حكومة السودان .
وأخفت الإدارة المعلومات عن مجلس إدارة المصنع ومجلس الوزراء وحاولت حل المشكلة عن طريق (الفهلوة ) والاستهبال ، وحينما عجزت وازفت مواعيد مراسيم الإفتتاح قررت إستخدام الخداع ، فاستجلبت سكر من شركة كنانة وعبأته في جوالات عليها علامة مصنع سكر النيل الأبيض لإيهام عمر البشير والضيوف بتشغيل المصنع ، ولكن بعض العاملين بالمصنع سربوا أمر الخديعة مما أدى إلى إلغاء الإفتتاح وإلى إستقالة وزير الصناعة عبد الوهاب عثمان أمس .
ورفض المشير عمر البشير إستقالة الوزير ، ربما في إشارة إلى ان (الخداع) ممارسة معتادة لدى مسؤولي النظام و( شقي الحال يقع في الفضيحة) !
ووجه جهاز الأمن الصحف في الخرطوم مساء أمس بعدم نشر المعلومات عن (الفضيحة) والإكتفاء ببيان وزارة الصناعة والقرار الجمهوري بتشكيل لجنة تحقيق .
جدير بالإشارة ان تغيير برنامج التشغيل يكلف ملايين الدولارات ، وكان متاحاً منذ البداية لإدارة المصنع معرفة ان الشركة الهندية التي تتعامل معها تتبع لشركة امريكية ، ولكن إدارات الإنقاذ تهتم بالعمولات أكثر من إهتمامها بالمعلومات .