رد: إرشيف البنبر

من طرف مدثر الجاهوري الأحد مارس 16, 2008 10:36 am

عماد الشفيع كتب:الاخ الجاهورى هؤلاء فى كلمات :
01/ النويرى
02/ على ود كدودة
03/ بله ودعويضة
04/عباس ود الهِدى
05/ ود شايقى
06/ ود عابدول
والجاى احلى 000000000000000

الأخ عماد من وين المعلومات ده :
1ـ عمنا النويري عليه رحمة الله يعتبر راجل مرح جداً ومشهور بأنوا صاحب مركب أسمه مركب النويري وهذه المركب تعتبر منتدي بحالوا إن صادفت عالم النت فيها يجتمع الأهل صباحاً قاطعين البحر من الغرب للجزيرة نسري وفي المساء يعودون من الجزيرة لسكنهم بالغرب (الكمر) وكل الطرائف والجكايات تنسب لمركب النويري وكان ذالك الزمن الجميل
على ود كدودة رحمه الله يعتبر زعيم من زعماء منطقة الكمر والجزيرة نسري وهو شيخ وصاحب نفوذ وإذا قصدته في شيء لن تعود إلا وتجد ما طلبته أشهر أولاده المحامي الذايع الصيت أستاذي المحامي صديق على كدوده ..
بله ود عويضه رحمه الله هو جدنا ويعتبر من مشاهير الجزيرة نسري والكمر بيته في الجزيرة نسري فيهوا شجرة منقا كبيرة تلقي الناس قاعدين تحته يفطروا ويتغدوا وزوجته الله يرحمه حبوبتنا ستنا بت مصر تعتبر أم للجميع .. أشهر ابناء المرحوم بله هو العم على بله ومعانا بالحصاحيصا واخوي متزوج بنته
العم عباس ود الهدي رحمه الله هو عمي إبن عم الوالد كان له دكان بالجزيرة نسري والكمر ويعتبر دكان العم عباس هو النادي الثقافي الاجتماعي .. وكان عمنا المرحوم عباس الهدي رجل نكته وكوميدي من الطراز الفريد تجده مبتسماً هاشاً باشاً إستحيل تجده عابس الوجه .. أولادوا الأخوان عثمان والسر وعوض ربنا يطول في عمرهم
ود الشايقي ود عابدول والله ديل ما عندي أي معلومات عنهم للأسف الشديد

طبعا يا اخونا ذهبت الاجازة السنة الفائتة ,,, واكيد استرعت انتباهك نغييرات كثيرة في مجتمعنا السوداني ,,, ما هي اكثر الاشياء التي لفتت انتباهك ,,, السلبي منها والايجابي ,,,, لك الود.

الجاهوري أخوي صباحك زين
شايف الموضوع زي بدا ينوم كدة قلت أصحيهو لقيتك طنشت سؤال ميرغني الأخير دة، عموماً عندي ليك اقتراح تعمل زي ما عمل العمدة وتستغل الهدوء دة وتزوغ ,,,وما تنسى تقعد زول وراك

الاخ الجاهوري / نسال عنك وبشدة,,, اظهر وبين وعليك الامان .

من طرف مدثر الجاهوري السبت مارس 22, 2008 8:00 am

ميرغني ابراهيم عمر كتب:طبعا يا اخونا ذهبت الاجازة السنة الفائتة ,,, واكيد استرعت انتباهك نغييرات كثيرة في مجتمعنا السوداني ,,, ما هي اكثر الاشياء التي لفتت انتباهك ,,, السلبي منها والايجابي ,,,, لك الود.

الأخ ميرغني سلام .. ذهبت إجازة شهر سبعة الفات في تغيير في كل شيء الناس دايره تكون كلها غنيانة الفقر أصبح عيب وهذا مفهوم خاطيء الفقر عمروا ما كان عيب .. العيب إنك تصل للمحرم وهو أن تكون عندك قروش بطرق غير صحيحة .. بعدين لاحظت إنوا أي واحد عايز إتزوج الثانية والثالثة والرابعة وهذا مفهوم غلط من وجهة نظري لانوا إمراة واحدة تكفي بل السعيد من لم يفكر في هذا الموضوع من اساسوا

من طرف مدثر الجاهوري السبت مارس 22, 2008 8:04 am

هيثم على الشفيع كتب:الجاهوري أخوي صباحك زين
شايف الموضوع زي بدا ينوم كدة قلت أصحيهو لقيتك طنشت سؤال ميرغني الأخير دة، عموماً عندي ليك اقتراح تعمل زي ما عمل العمدة وتستغل الهدوء دة وتزوغ ,,,وما تنسى تقعد زول وراك

الأخ هيثم كيف حالك وأحوالك مع البرسا قلت ليك أي واحد بقي يكون لاعب معاكم يكون ضامن الفوز عليكم حتى طيش الدوري الله يكون في عونكم ... ما علينا والله الأيام الفاتت كنت مشغول حبة ومديرنا إتفقدنا كتر خيروا .. لسه عندي أسبوع وأول أبريل بنزل ليك واحد في البنبر ده بس جهزوا أسئلتكم ليهوا

من طرف مدثر الجاهوري السبت مارس 22, 2008 8:13 am

ميرغني ابراهيم عمر كتب:الاخ الجاهوري / نسال عنك وبشدة,,, اظهر وبين وعليك الامان .

يا دكتور أهو ظهرنا ونشكرك على تفقدنا .. مسئول من الخير ياسر الخير وين ما تدخلوا معانا في المنتدي ده

من طرف **ميرغني ابراهيم** السبت مارس 22, 2008 8:16 am

الاخ مدثر مرحب بيك مربع ,, ها قد ظهرت اخيرا كا وعدت ,,, لك مني الشكر ,, ولكن هاك السؤال دا قزقز بيهو لمن يجيك الجايي .

من هو مدثر الجاهوري حقيقة ؟؟؟ياتو زول في الناس,, انا اعرفك ولكن لما تكون عندك حاجة كويسة بتكون عايز الناس يعرفوا عنها كل شئ محاسن ومساؤي ,, وانا عندي صاحب اسمو مدثر الجاهوري اتمني ان يعرف الناس عنه,,, لك الود.

ده بنبر بارد..ما ولع لس..الغربة خلتك تقول المسجد..بدل الجامع...عجبنى كلام..السعيد من لم يدخل فى موضوع الزواج من اساسو..وما عجبنى انك بتشجع ريال مدريد وانتر ميلان..الهلال ما كان عندى معاهو مشكلة لكن مع كتابات بكرى الزبيدى ممكن تحصل..واصل على البنبر وخلينا نمطك باقى الاسبوع ده..

إنت يامدثر تقول السعيد من لم يدخل موضوع الزواج من أصلو !!! الظاهر ضاااامن الكلام دة مابيصل الحكومة.

من طرف مدثر الجاهوري الإثنين مارس 24, 2008 10:14 am

ميرغني ابراهيم عمر كتب:الاخ مدثر مرحب بيك مربع ,, ها قد ظهرت اخيرا كا وعدت ,,, لك مني الشكر ,, ولكن هاك السؤال دا قزقز بيهو لمن يجيك الجايي .

من هو مدثر الجاهوري حقيقة ؟؟؟ياتو زول في الناس,, انا اعرفك ولكن لما تكون عندك حاجة كويسة بتكون عايز الناس يعرفوا عنها كل شئ محاسن ومساؤي ,, وانا عندي صاحب اسمو مدثر الجاهوري اتمني ان يعرف الناس عنه,,, لك الود.

الأخ ميرغني تحياتنا
تعرف أصعب حاجة الواحد يقييم نفسوا ويوضح محاسنوا ومساويهوا .. ما أعتبره من المحاسن أنوا الواحد اعتمد على نفسوا وحاول يتغلب على بعض الصعاب تتصور يا ميرغني الواحد من الثانوي العام كنا بنشتغل في الإجازات طلب مع البنايين واشتغلنا في المحالج لقاطين ووزانيين ومراجعيين واشتغلت في الإدارة المركزية للكهرباء وأنا بدرس في الجامعة وإمتحنت المعادلة والحمد لله الواحد نجح من أول مرة ... الواحد لمن يكون كبير الأولاد بتتفرض عليهوا العديد من المهام والحمد لله وفقت في هذا الجانب .. من المساوي أنا زول مستعجل يعني بكون عايز الأشياء تخلص بسرعة ما بحب الانتظار والتروي وما بقدر أكييف نفسي مع أي ناس .. وما خفي أعظم

من طرف مدثر الجاهوري الإثنين مارس 24, 2008 10:19 am

معاوية علي الشفيع كتب:ده بنبر بارد..ما ولع لس..الغربة خلتك تقول المسجد..بدل الجامع...عجبنى كلام..السعيد من لم يدخل فى موضوع الزواج من اساسو..وما عجبنى انك بتشجع ريال مدريد وانتر ميلان..الهلال ما كان عندى معاهو مشكلة لكن مع كتابات بكرى الزبيدى ممكن تحصل..واصل على البنبر وخلينا نمطك باقى الاسبوع ده..

الأخ معاوية سلام وشوق كتير وسامعين بيك لكن ما شفناك وقالوا زول صعب بالحيل .. طبعاً بعد الغربة بقينا نقول المسجد والسيارة والجوال وإتصلت فيهوا ودقيت ليهوا وعوارات كتيرة ما فضل إلا نقول وش لونكم .. أما الهلال فهذا عشقنا .. وريال والانتر ديل حبنا .. بعدين يأخي اخوانك هيثم وعماد ما قصروا .. البنبر مولع لكن الواحد بقي زي اللاعبين المصريين لمن يكونوا لاعبين في أرض الخصم إتوقعوا عشان يضيعوا الزمن كمان أنا برد متأخر عشان الشهر يخلص والواحد يطلع بأقل الخسائر .. ومرحب بيك أخونا معاوية

من طرف مدثر الجاهوري الإثنين مارس 24, 2008 10:21 am

هيثم على الشفيع كتب:إنت يامدثر تقول السعيد من لم يدخل موضوع الزواج من أصلو !!! الظاهر ضاااامن الكلام دة مابيصل الحكومة.

الأخ هيثم حكومتنا ديمقراطية وتقبل بالرأي والرأي الأخر .. بعدين لو سمعت الكلام ده بتكون سعيدة أقل حاجة تضمن الواحد ما بعرس تاني ويكرر الغلطة

طيب يا مثر وكت ما بتخاف من الحيكومة :
أول شاكوش؟
انا عارفهم كتار وما تزوغ

من طرف مدثر الجاهوري الإثنين مارس 24, 2008 6:40 pm

ميرغني ابراهيم عمر كتب:طيب يا مثر وكت ما بتخاف من الحيكومة :
أول شاكوش؟
انا عارفهم كتار وما تزوغ

أول شاكوش أنا كنت في الثانوي العالي واحده حبيته رسلت ليها جواب طلع بحبها صاحبي وأدته الجواب تتصور .. وبعد داك الشواكيش بقت عادية كل ثلاثة شهور شاكوش في داعي يا ميرغني يأخوي لجنس الكلام ده خلينا في الهلال وريال والانتر

الجاهورى سلام
ياخوى الجاهورى دى جات من وين؟ (اسم ام لقب)

من طرف مدثر الجاهوري الأربعاء مارس 26, 2008 9:55 am

الرشيد الريح نورالدين كتب:الجاهورى سلام
ياخوى الجاهورى دى جات من وين؟ (اسم ام لقب)

الأخ الرشيد نور الدين منور المنتدي بطلتك .. الجاهوري ده أسم .. جدي الله يرحموا ويحسن إليه قام من النوم لقي اسموا الجاهوري ... بعدين الجاهوري هو الرجل صاحب الصوت الجهور واللبق إذا تحدث أسمع وإذا سكت خاف الحاضرين من سكوته .. والله أعلم (الأسماء لا تعلل) درسونا كده

الجاهوري / اذا سكت خاف الحاضرون دي علاقتها بي الجهر والجاهوري شنو ,,, معليش قول كان صوتو عالي زيك كده ,,, وبعدبن الصوت العالي عموما لسد النقص في محتوي الحديث ,, يعني الحديث لو كان محتواهو ضعيف بتديهو جكة بي رفعة الصوت ,, كما ان الجاهوري يمكن ان تكون من الجهر بالشئ اي ان جدكم لم يكن يكتم سرا او الرجل الاجهر الذي لا يري بوضوح ,,, ومنو القال اسماء الناس لاتعلل ,, اسماء الناس تعلل ونص ولكن اسماء الاشياء لا تعلل,,, لك الود.

ميرغني ابراهيم عمر كتب:الجاهوري / اذا سكت خاف الحاضرون دي علاقتها بي الجهر والجاهوري شنو ,,, معليش قول كان صوتو عالي زيك كده ,,, وبعدبن الصوت العالي عموما لسد النقص في محتوي الحديث ,, يعني الحديث لو كان محتواهو ضعيف بتديهو جكة بي رفعة الصوت ,, كما ان الجاهوري يمكن ان تكون من الجهر بالشئ اي ان جدكم لم يكن يكتم سرا او الرجل الاجهر الذي لا يري بوضوح ,,, ومنو القال اسماء الناس لاتعلل ,, اسماء الناس تعلل ونص ولكن اسماء الاشياء لا تعلل,,, لك الود.

الأخ ميرغني سلام .. أولاً السكوت في كثير من الأحيان يعتبر أبلغ دليل على العديد من الأشياء وما سمعت بالسكوت جهراً ده حق جدنا ذاتوا .. بعدين نحن كلنا صوتنا عالي ده طبعنا وليس لمركب نقص كما تدعي فالرجل عليه أن يتحدث بالصوت العالي إذا تكلم وأن يمشي بالخطوة السريعة إذا مشي ليكون في الصفوف الأمامية وليس الخلفية .. بعدين نحن ما قوالين ولا شمشاريين نحن جهوريين بنجهر باشيائنا ولا نخفيها .. والأسماء عموماً لا تعلل سواء كانت أسماء الأشياء أو أسماء الإنسان أو الحيوان .. ولك الود .. بعدين بنسألك لمن نلقي فيك مجال عن الزبيدي والله يهون

الاخ مدثر / ما قصرت والله البست الصمت ثوب الجهر ,, ومن كان صامتا يسمي الجاهوري ,,, انت المقعدك في البلد دي شنو ,,,,؟ ارجع لي الجماعه ديل في السودان وشهر شهرين قطع شك يا والي يا وزير ,,, تنفع رقبتك وتنفعنا,,, وجزاك الله خيرا

الجاهوري/ بي صراحة شديدة جدا ,,, هل تنصح الشباب بالزواج المبكر,, ام المتاخر ,,, ام عدم الزواج ,,, ولماذا؟؟؟

الجاهوري / امنية لم تتحقق؟

الجاهوري / رأيك في المراة عموما ,, وعالم المرأة هل هو عالم بسيط سهل الفهم ام ماذا؟
هل انت من انصار المساواة؟ ولماذا؟

من طرف مدثر الجاهوري السبت مارس 29, 2008 1:12 pm

ميرغني ابراهيم عمر كتب:الاخ مدثر / ما قصرت والله البست الصمت ثوب الجهر ,, ومن كان صامتا يسمي الجاهوري ,,, انت المقعدك في البلد دي شنو ,,,,؟ ارجع لي الجماعه ديل في السودان وشهر شهرين قطع شك يا والي يا وزير ,,, تنفع رقبتك وتنفعنا,,, وجزاك الله خيرا

تتصور لو الواحد رجع ممكن يبقي وزير ولا والي يعني الفي ديل أحسن مننا ولا أفهم مننا

من طرف مدثر الجاهوري السبت مارس 29, 2008 1:18 pm

ميرغني ابراهيم عمر كتب:الجاهوري/ بي صراحة شديدة جدا ,,, هل تنصح الشباب بالزواج المبكر,, ام المتاخر ,,, ام عدم الزواج ,,, ولماذا؟؟؟

الزواج شراكة خاسرة لانوا الراجل بدفع والمرأة بتستهلك ونحن نسوانا إستهلاكيات يعني نجي نغترب نقعد 30 سنة ما نعمل حاجة .. المصريين الواحد أقعد 6 سنة يعمل الداير أعملوا ويرجع ويعيش مرتاح .. لو الواحد داير اشتري بيت حسب امكانياتوا تقول ليك ما تشتري في الكلاكلة نشتري في الطائف ولا المعمورة أخر النهاية لا تلم في الطائف ولا المعمورة ولا الكلاكلة وتسكن في بيت إيجار ..
عشان كده الواحد ما يستعجل في العرس على أقل من مهلهم الشباب ولو الواحد عرس أشوف ليهوا لبنانية ولا تركية ولا أوزبكستانية وخلاص أقضي باقي عمروا معاها ويجيب ليهوا أولاد حلويين نصهم سوداني ونصهم أوزبكستاني

من طرف مدثر الجاهوري السبت مارس 29, 2008 1:20 pm

ميرغني ابراهيم عمر كتب:الجاهوري / امنية لم تتحقق؟

الهلال إشيل بطولة أندية أفريقيا ويشارك في تصفيات كأس العالم للأندية .. وإني لأراها قريبة

من طرف مدثر الجاهوري السبت مارس 29, 2008 1:25 pm

ميرغني ابراهيم عمر كتب:الجاهوري / رأيك في المراة عموما ,, وعالم المرأة هل هو عالم بسيط سهل الفهم ام ماذا؟
هل انت من انصار المساواة؟ ولماذا؟

المرأة قاموس صعب الفهم ومن يقول بأنوا فهم المرأة كاذب .. عالم المرأة عالم خيالي لا يمت للواقع بشيء ... لا مساواة بين الرجل والمرأة .. والمرأة مرأة والراجل راجل أهلنا علمونا كده وده حقوق يجب عدم التفريط فيها حتى لا يختلط الحابل بالنابل .. والمرأة ذاته لو عملت ليها فيها مساواة وغيروا ما بترضي .. أنسوا الموضوع ده

مدثر الجاهوري كتب:
ميرغني ابراهيم عمر كتب:الجاهوري / امنية لم تتحقق؟

الهلال إشيل بطولة أندية أفريقيا ويشارك في تصفيات كأس العالم للأندية .. وإني لأراها قريبة

الواحد كان شايف السؤال عادي لكن بعد إجابتك عاوز أعدل السؤال:
أمنية لم تتحقق......ولن؟؟؟!!!

علي الطلاق يا الجاهوري هلالك دة يشيل كاس أفريقيا ويلعب في بطولة العالم للأندية ، تكون حصلت واحدة من تلاتة لا رابع لهم:
1- تكون ناااااااااااااااااااااااااااايم وحلمان.
2- يفوز بالتزكية(إنسحاب جميع الأندية المشاركة)
3- يكون اليوم داك 1/4 {كذبة أبريل}

من طرف مدثر الجاهوري الأحد مارس 30, 2008 12:19 pm

هيثم على الشفيع كتب:علي الطلاق يا الجاهوري هلالك دة يشيل كاس أفريقيا ويلعب في بطولة العالم للأندية ، تكون حصلت واحدة من تلاتة لا رابع لهم:
1- تكون ناااااااااااااااااااااااااااايم وحلمان.
2- يفوز بالتزكية(إنسحاب جميع الأندية المشاركة)
3- يكون اليوم داك 1/4 {كذبة أبريل}

الأخ هيثم لو متزوج أكيد حا تطلقه وتعتبر ده طلقة أولى رجعية يعني ممكن ترجعه بعد داك ونعيش ونشوف .. وإني لأراها قريبة لو حيين

أحمد الله متزوج وعندي شافعين ومتأكد 300% إنو مرتي حتفضل في ذمتي لما أقنع منها براي.

بعدين أنا كلامي واضح ...إنو إذا دة حصل معناها حصل واحد من التلاتة أعلاه ولا رابع لهم أكرر لا رابع لهم ...يعني طلاق مافي

من طرف مدثر الجاهوري الأحد مارس 30, 2008 4:42 pm

هيثم على الشفيع كتب:أحمد الله متزوج وعندي شافعين ومتأكد 300% إنو مرتي حتفضل في ذمتي لما أقنع منها براي.

بعدين أنا كلامي واضح ...إنو إذا دة حصل معناها حصل واحد من التلاتة أعلاه ولا رابع لهم أكرر لا رابع لهم ...يعني طلاق مافي

الأ خيثم يعني بالحسابات لو حلفت من السنة الفاتت كان طلقت إلا ربع .. السنة ده طلاق عديل بإذن الله بس خليك عند كلمتك وأنا مسافر السودان عشان أشوف دوري المجموعات

مدثر الجاهوري كتب:

... يعني بالحسابات لو حلفت من السنة الفاتت كان طلقت إلا ربع .. السنة ده طلاق عديل بإذن الله بس خليك عند كلمتك وأنا مسافر السودان عشان أشوف دوري المجموعات

شوف آللخو

أنا مابقول كلمة أنا ما قدرا
بعدين إنت قايل المشكلة وين؟؟؟ ما في إلا ربع دة ذااااااااااااااااااااتا
أقعدوا أقلعوا لينا أضانا بي {وصلنا النهائي 87 و92 ونصف النهائي 2007} وصدقني ياهو حدكم

بعدين مجموعات شنو دي آخوي؟؟؟ مجموعات التقوية؟؟؟

هلاللك السنة دي كان فات زيسكو و لا ديسكو دة كتر الف خيرو

من طرف مدثر الجاهوري الإثنين مارس 31, 2008 9:34 am

الأخ هيثم أنت شديد كيف حالك وريال والهلال في تقدم وألف عافية وانت أقعد شجع لي في المريخ والبرسا لمن الهلال يجيب كأس أفريقيا للأندية الأبطال ونسافر المكسيك نلعب كأس الأندية وتصدق أنا بسافر معاهم وبعزمك معاي لكن بشرط نشوف الطلاق وتشجع الهلال وتقول فوق فوق هلالنا فوق نوديك المكسيك مع فرقة الهلال .. وإني لأراها قريبة وأنتم ترونها بعيدة وربنا يحقق لينا أمانينا

حبابك والله

وقبلنا العزومة - وحرّم ماتقول حاجة حق التذاكر ماشي وجاي للمكسيك علي أنا - إنت بس شوف لينا الفندق الحينزل فيو الهلال واحجز لينا أوضة جنب صلاح إدريس.

قال "أراها قريبة قال".........عامل لي فيها الزرقاء؟؟؟

من طرف مدثر الجاهوري الإثنين مارس 31, 2008 10:24 am

الأخ هيثم طيب لو التذاكر عليك أنا على حق الفندق غرفتين جنب صلاح إدريس .. بس شرطنا تقول فوق فوق هلالنا فوق موافق

الاخ / مدثر آخر يوم دا حيكون صعب:
رايك في حكومة الجبهة وبصراحة.
رايك في الاحزاب التقدمية وعلي راسها الحزب الشيوعي .
ولماذا انت لا منتمي حسب تصنيف الحزبيين.

من طرف عماد الشفيع الإثنين مارس 31, 2008 12:06 pm

هيثم على الشفيع كتب:حبابك والله

وقبلنا العزومة - وحرّم ماتقول حاجة حق التذاكر ماشي وجاي للمكسيك علي أنا - إنت بس شوف لينا الفندق الحينزل فيو الهلال واحجز لينا أوضة جنب صلاح إدريس.

قال "أراها قريبة قال".........عامل لي فيها الزرقاء؟؟؟

الأخ / هيثم زولك ده مصاب بالهوس الهلالاى وبقى يحلم وأنا خايفه يصدق الحلم كمان ودى تبقى مصيبة وتبقى عليه زى بتاع زجاجة السمن 0

من طرف عماد الشفيع الإثنين مارس 31, 2008 12:10 pm

الاخ / الجاهورى ربنا حلاك وطبعا اليوم آخر يوم وقد كنت عزيزا على البنبر الشكر موصول لك بس سؤال برئ 0000متى مقرر العودة نهائيا لأرض الوطن ؟؟

ميرغني ابراهيم عمر كتب:الاخ / مدثر آخر يوم دا حيكون صعب:
رايك في حكومة الجبهة وبصراحة.
رايك في الاحزاب التقدمية وعلي راسها الحزب الشيوعي .
ولماذا انت لا منتمي حسب تصنيف الحزبيين.

الاخ ميرغني شنوا الاسئلة العجيبة ده ما تخلينا في هلالنا وريالنا .. عموماً ما علينا بالنسبة لرأي في حكومة الجبهة تعتبر الأنقاذ إنقلاب على الديمقراطية وبغض النظر عن أي شيء فالإنقلاب في حد ذاته عمل غير شرعي كما أن الحكومية الحالية حكومة موالاه فكل من هو غير موالاي للحكومة يعتبر خارج التغطية كما أن الثراء الفاحش أصبح سمة المواليين والفقر والمرض والجهل يغطي السودان إضافة لتمزق السودان ..
رأي في الأحزاب التقدمية برامجها وطرحها يعتبر جيد لكن فهم الغالبية العظمي للسودانيين خاطيء فكل تقدمي شيوعي وكل شيوعي ملحد وكل ملحد لا وجود له في السودان ..
أنا منتمي لحزب في السودان
لك الود

الأخ / هيثم زولك ده مصاب بالهوس الهلالاى وبقى يحلم وأنا خايفه يصدق الحلم كمان ودى تبقى مصيبة وتبقى عليه زى بتاع زجاجة السمن 0[/quote]

الأخ عماد أحلي حاجة في الدنيا الهوس بالهلال وريال .. زجاجة السمن زجاجة الكولا عموماً سوف نأخذ كأس أفريقيا للأندية الأبطال وتشوفوا يأولاد الشفيع بصلكم في أماكنكم وبرقص ليكم رقصة الحضري .. والهلال لا يقل عن النجم الساحلي

عماد الشفيع كتب:الاخ / الجاهورى ربنا حلاك وطبعا اليوم آخر يوم وقد كنت عزيزا على البنبر الشكر موصول لك بس سؤال برئ 0000متى مقرر العودة نهائيا لأرض الوطن ؟؟

الأخ عماد .. أشكرك للمرة الثانية لإتاحتك الفرصة للجلوس على البنبر وأتمني أن أكون قد وفقت في الإجابة على الأسئلة
بالنسبة للعودة للسودان نحن يأخوى يداب لينا عشرة سنة لسع ما زال الليل طفل يحبو ونحن بنفتش في اللوتري ماشين لافوق

كتب مدثر الجاهوريالأخوة الكرام أعضاء منتدي الزبيدي والشفيع غاية السعادة تغمرني وأنا بينكم وخلال شهر كامل وأنا جالس على البنبر المولع بحفاوتكم واسئلتكم الجميلة .. أتمني أن أكون قد قدمت وعرفت عن الجاهوري .. وحقيقي رغم عدم معرفني بآل الشفيع لكن الواحد بقي منهم وفيهم عماد هيثم معاوية وسلمي والبقية الباقية .. أما آل الزبيدي فهم لحم ودم خاصة صديقنا ميرغني ومحمد ووليد وأبو بكر وعمر وربنا يديم الأخوة والمحبة ..

طبعاً اليوم 1/4/2008م من حقي اختار عضو للجلوس على البنبر المولع لنتعرف عليه وأنا بختار الأخ معتصم يوسف العوض فهو صديق وزميل ونعرف عنه الكثير لكن نتمني أن نتعرف على الخفايا .. لذلك أرجو من الإدارة تثبيت معتصم على البنبر المولع

وأنا ببدأ بالأسئلة التالية :
الأسم :
العمر :
الحالة الاجتماعية :
دولة العمل الحالية :
وسوف نلتقي بإذن الله
_________________
ان كان للهلال ملايين المشجعين فأعلمو أنني منهم
وان كان للهلال مشجع "واحد" فأعلمو انه أنـــا
وان لم يكن للهلال مشجع فأعلموا أنني مت

تم تثبيت الموضوع ومرحب بالاخ معتصم ضيفا لهذا الشهر علي بنبر مولع

معتصم حبابك

وإنشالله بنبر كنار المجوس

إضافة صغيرة لأسئلة الجاهوري {لأني عاوز أسألك في إجابتك الحتجاوبا لي}:-

اللقب:

من طرف معتصم يوسف الأربعاء أبريل 02, 2008 7:04 pm

شكرا" أخي مدثر
معتصم يوسف العوض
العمر دا أسال منو ميرغني أحسن لكن انا أصغر من عمدة
متزوج من الانسانة الراقية : أسيا محجوب قوليب
عندي سعاد مواليد 2000 - أمال مواليد 2004 - يوسف العوض مواليد 2007
مقيم بدولة الامارات العربية من العام 1980

والله دة قصد عديييييييييييييييييييييييييييييل كدة

يعني سؤالي دة طول في عرض وماشفتو؟؟؟؟

من طرف معتصم يوسف السبت أبريل 05, 2008 11:22 am

مش قصد ياهيثم والله والله العظيم ماقاصد شي بس قصة اللقب دي ( النسيم ) وأسال ميرغني وعمدة من السبب بصراحة ياهيثم أنا من أكثر المعجبين بالمرحوم الاستاذ مصطفى سيد أحمد وخاصة في أغنية أحمد المصطفي ( النسيم القلبي رادو ) وكنت برددها مش 24 ساعة يمكن 26 ساعة ولك الود ياهيثم الظريف

من طرف مدثر الجاهوري السبت أبريل 05, 2008 12:21 pm

الأخ معتصم البنبر بنولعوا شوية شوية ..
ماذا تعني لك تلك الأماكن :
1ـ الإشلاق
2ـ أركويت
3ـ الحلة الجدية
4ـ الكنار

دقيقة يامعتصم

قبل ما تجاوب للجاهوري:

إنتو شلتكم دي كلها كدة؟؟؟؟ قالو عماد غنى للناس في الرحلة{جيناااااااااااااكم.....من الأيام}

هسع إنت تقول لي (النسيم القلبي رادو)؟؟؟؟

ياخوي الأغنية دي :الوسيم مش النسيم!!

عندك سبب تاني للتسمية غير دة؟؟؟؟؟؟؟

من طرف سلمى الشفيع السبت أبريل 05, 2008 7:45 pm

معتصم ازيك؟سعدنا بالجاهورى فى بنبرو بردوده خفيفه الظل والغريبه قالوا محامى اول مره يلاقينى محامى لطيف.نتمنى انو البنبر يكون بارد عليك كال(نسيم).

من طرف معتصم يوسف الأحد أبريل 06, 2008 5:30 am

الاخ هيثم طبعا" شلتنا كانت غريبة وفريدة كنا بنطبز من أيام زمان لحدي اليوم والبركة في (فول عمك محي الدين)

من طرف معتصم يوسف الأحد أبريل 06, 2008 5:33 am

سلمى أزيك وأنشاء الله كويسة وذي ماقال أخوك نحن بنطبز خلوني انا وشوفو طبزات ود عمكم الكبير عمدة

من طرف معتصم يوسف الأحد أبريل 06, 2008 5:47 am

والله يالجاهوري الاشلاق عشت فية أجمل أيام حياتي والله جد وكانت شلتنا غريبة وفريدة والمودة قائمة بيننا الي الان وياريت يامدثر يعود الاشلاق وتعود أيامة - أركويت بصراحة ماعشت قيها كتييير لانو بداية غربتي كانت من الاشلاق - الحلة الجديدة زمان أيام المدرسة كنت بمشي لاصحابي هناك وزي مابقولو صديق الطفولة أسامة أحمد صالح وأخوة محمد والان الحلة الجديدة ناسبناهم وناسبونا - الكنار الله الله ياخي يوميا" كنا بنمشي نقعد في الكورنيش بتاعو أسف الردمية بتاعتو

من طرف معتصم يوسف الأحد أبريل 06, 2008 5:51 am

والله ياجماعة أنا خايف من بنبر الجاهوري وأظن يالجاهوري الغريق قدام صاح - ياخوي أحسن أتصل الان بكمال حسن الجمل عشان يقيف معاي

الاخوان / معتصم ,, هيثم ,,, الاخ معتصم لقب النسيم دا كان حكرا علي مجموعة من الاصدقاء ولم يشتهر به كثيرا ,, والحادثة علي ما اذكر انه وقتها كان مسلسل اذاعي بنفس الاسم وكان هناك من بين ابطال المسلسل شخصية لعبيط بالمسلسل حاول الاخ معتصم إلصاق اسمه بالاخ جمال السر ,, وكان اسمه النور ,,, وفي هجمة مرتدة من جمال السر علي معتصم قام بالصاق اسم النسيم وهو لبطلة المسلسل وليس كما ذكر اخونا معتصم الذي حاول الالتفاف بعيدا عن الاسم لانه مؤنث ,,, له ولكم الود.

الأخ/معتصم يوسف
انشاء الله بنبر كنار سيدنا ابراهيم.
ياخوى انت من 80 فى الأمارات ح تجى السودان كيف؟
بعدين ياخوى انت شغال شنو؟ ماتكون محامى زى الجاهورى
بعدين زى ماقال هيثم الشفيع الاغنية دى الوسيم ما النسيم واعتقد انك معجب بأحمد المصطفى لانو مصطفى سيدأحمد عندو اغانى اجمل من دى.
لك الود.

من طرف معتصم يوسف الأحد أبريل 06, 2008 6:01 pm

ميرغني انا حاولت أشوف لي زوغة من اللقب لكن شايفك جبتها من الاخر حاولت أزوغ بي المرحوم مصطفى سيد أحمد ومعاهو كمان أحمد المصطفى لكن هيثم مابريح وانت كمان ماقصرت المهم ربنا يديكم العافية ويدوم الود