رد: اسماء لها ايقاع .... وضاعت وسط الزحام !!!!

خلوهو الارص بتعرفو:
1- الصُرار
2- الضبه
3- المسمس
4- البرنبدى
5- الكعكول

إنت آالجعلي ربتك حبوبتك؟؟؟!!؟؟

دي مركبات كيميائية؟؟؟؟ شنو أرص وإسناج !!!!!!

الصرار : دة بيعملوه للغنماية
الضبة الأنا بعرفا حقت الميكانيكية وما أظنك قاصدا
البربندي : وتد لربط البهائم

المسمس دة يطرشني
الكعكول دة بعرفو لكن راح لي (أعتقد قطعة الصمغ الكبيرة)

أصلو أنا كان ما اتشالقتا ما برتاح ؟!! عارف رقبتي

الصرار للغنماية أأي يا بشو ,, لكن كمل عشان ما ترضع (السخوّول) دلع السخيلات ,, والناس الما بعرفوهن أولاد الغنماية الجداد ..

البربندي نعم بالحيل وتد ,, لكن من الحديد وتقريبا" خاص بالابقار والحمير يعني غنم وخرفان ما معانا

المسمس دا البصل لمن يكون صغير أو يجيبوه للشتل

الكعكول دا إتخييل لي فرع شجرة العشر الناشف

أم الارص دا اطرشني؟

والضبة دي زي ما قال هيثم!

من طرف عماد الشفيع الأربعاء ديسمبر 16, 2009 9:39 am

[quote="الرشيد الريح نورالدين"]لو ماعرفتو انت يادكتور معناها مافى زول ح يعرفو ,,,, كدى ننتظر العمده !!!! اصلو الافنديه اولاد على الشفيع مابعرفو الحاجات دى !!!![/quote

وأنا كمان والله زيهم ماعرفتها

من طرف سلمى الشفيع الأربعاء ديسمبر 16, 2009 8:48 pm

السلام عليكم ياشباب
الارص هو الحبل الذي يربط به الإسناج مع المحراث اثناء الحرث اما الضبه فهو جلد ذيل البقر وتزين به العصى(العكاكيز).ده كمان داير ليو درس عصر فضحتوني يا اولاد الشفيع.
طيب بتعرفو:
1-الضناب(النون مشدده)
2-التربيقه
لكم الود

سلمى الشفيع كتب:
ده كمان داير ليو درس عصر فضحتوني يا اولاد الشفيع.

والله على حسب علمي المتواضع -يابت الشفيع-

ولحد شهر ستة سنة 2006م إنت ولا حاجة من الإتقالت دي ما بتعرفيها

قال تربيقة قال..

ودااااااااااا إنجليزي دا يامرسي؟؟؟؟؟؟

الصرار هو للغنم ,, لمنع الوليد من رضاعة الام ,,, ومافي داعي للتفاصيل المقرفة
الضبة للعكاز ,,, قطعة من الجلد يكسي بها العود ليزداد متانة,, يقال عكاز مضبب.
البربندي ,, هو وتد من الحديد.
الكعكول : هو قطعة الصمغ علي الشجرة ,, وتقال ايضا للقطعة الواحدة بعد حصدها,, يقال طويل وما بلحق الكعكول,,, وهي غلوتية يقصد بها الطريق ,, الذي قد يكون طويلا ولكن لا يستطيع ان يطول الكعكول اعلي الشجرة.
الضناب : هذا هو حبل او ما شابه ,, وعادة ما يكون مفتول من قطع القماش ويربط السرج الي ما تحت ذنب الحمار.
الارص؟؟ ارجع الي سلمي الشريف قاسم
التربيقة : نوع من الكسرة ,,, ما متاكد.
بعدين رجاء يا جماعة بالله واحدة واحدة عشان نفهم حاجة.

كلمونا عن معني : المررو

المررو:

-والله أعلم-
مشروب المكون الرئيسي فيه عجين الكسرة

اعتقد كما قلت ياهيثم

من طرف سلمى الشفيع الخميس ديسمبر 17, 2009 7:40 pm

السلام عليكم يا شباب.واحد قال كسره والتاني العامل فيها مربياهو حبوبتو يؤيد كمان.المررو هو الفول السودانى المدمس ياااانتو ولا ما كده ياسعادتك؟؟

من طرف **خالدعمرحسن** الخميس ديسمبر 17, 2009 11:13 pm

يااااا بشو ألحق أختك دي والله الجعلية ديل سوو فيها شي !! يا ربي دا التطوور القاصدو الرشيد لمن كان قاعد في البنبر المووولع بتاعو ؟؟؟

قال نطوور الشايقية قال!

الفول السوداني نعم
التربيقة امكن غيرت رأيي فيها ,, هي إمكن برضو ما متأكد هي البربور.

ما وريتونا التربيقة دي تطلع شنو؟؟

يللا ورونا معاها:
الترتوس

الترتوس دا يا حلو نوع من النبات ينمو تحت الارض زي البامبي ويستعمل بديلا للفحم ,,, هجمتك ,, صاح.

التربيقه عباره عن ملاح الويكه ملايق باللبن بدل المويه!!!!!
بتعرفو
المُطاله

المطالة يا الرشيد أظنها قراصة بيعملوها في الواطة عديـــــــــــــــــــــــــــل.

كلامك صاح
يلا شوف لينا الكُنان شنو؟؟؟؟؟

يا الرشيد إنت بي جدك؟

الكُنان خيط غير خشن يستعمل لفحل الضأن لعزله من القطيع
يلا شوفوا لينا المريضيضة شنو؟؟؟؟؟
وده تحدى يا الرشيد

ها ياااااااااا أبوبكر

نحن ما راجين نعرف المريضيضة دي شنو؟؟؟

المريضيضة دى يا هيثم عجينة دخن (يقشرالدخن ثم يطحن وتعجن بماء عرديب ويضاف إليها كمية مناسبة من السكر حسب المذاق)
وينتشر إستخدامها تقريباً فى المجلد وما جاورها

الاخ / أبو بكر التحية لك ,,, اسعدني وجود تباشير موسوعة عامية سودانية كما نأمل ,,, يلا يدك معانا.

ماهي : القرهوبة

لكم الود.

وأين اختفت حبوبات المنتدى؟؟؟؟

من طرف محمد الزبيدي الأربعاء يناير 06, 2010 8:48 pm

هيثم على الشفيع كتب:وأين اختفت حبوبات المنتدى؟؟؟؟

يا جماعه الناس وين عاوزين مترجم

موجودين شوفوا لينا معنى القرهوبة دي ولا قولوا الروووووووووووووووووووووب عشان نواصل.

هو ياميرغني انا لو عرفت القرهوبة كنت سألت من حبوبات المنتدى؟؟؟؟؟

أها يا ميرغني

الروووووووووووووووووووووووب

القرهوبة شنو؟؟؟؟

حاشاك الروب يا هيثم ,, ممكن نقبل منك زبادي أو لبن رائب وبرضو الناس مقامات .
القرهوبة هي تلك المادة الصلبة التي تتكون علي الجرح وهويبرأ ,, مادة سوداء أو بنية الشكل حسب اللون ودرجة النظافة ,, شيئ مثل القشرة الخارجية التي تغطي الجرح أو السحجات .

يلا ورونا سؤالكم شنو؟

من طرف سلمى الشفيع الجمعة يناير 22, 2010 8:23 pm

سلام.سؤالنا يا سعادتك ما هو المرس(بكسر الميم والراء).لكم الود

سلمى كيف حالك؟

المِرس نوع من الطعام" ملاح" في الغرب ,,, ويصنع من المصارين المعفنة أو ما يسمى كبير أخوانو,, أبو كبير,,, رأيك شنو

فيكم زول سمع بي :

أم كجيلات!!؟؟؟؟

ياهيثم وميرغني بالله ما تدبرسوا بينا انتو الكلام دة بتجيبوا من وين؟؟؟
وخلوهم أولاد الزمن دة..والله أنا شايفة انها(ملاعب جنة لو سار فيها سليمان لسار بترجمان)
عليكم الله نزّلو قاموس العامية بتاع عون الشريف نذاكروا وبعدين اسألوا

الأخت إنصاف كيف حالك ,, ما قصدنا ندبرس بي أي زول ,, لكن هيثم أخوك دا بحت البوست دا من وين ما عارف ولقينا الحكاية ماشة مشينا معاها ,,بعدين أقول ليك حاجة الحاجات الغريبة الما مطروقة على النت بتجيب الناس الببحتوا في بحث جوجل ,, يعني مثلا أكتبي مرس بكسر الميم واعملي بحث حتلقي عدد قليل جدا 3_4 مواقع فيها الكلمة وفي هذا فرصة لاشهار المنتدى ,, بالاضافة لتثقيف الاجيال الجديدة عن كلمات كان لها شنة ورنة في عهد سابق ,,, كان ودي تنزيل كتاب عون الشريف قاسم لكن ما موجود منو نسخة الكترونية على النت ولكن مجرد إشارات هنا وهناك ,, وأيه رأيك أنا أم كجيلات دي ما عارفه,, لكن الكجيلات جايه من الكجال والزول أب كجال هو الزول أب كريعات رقاق وملولوات ,, وأظنها تطلق في مكان ما من السودان على الاعواد الثلاثة التي تثبت على الارض ويربط اعلاها مجتمعة في شكل مثلث ليثبت عليها السعن " وعاء جلدي يستعمل لرج "خش" الروب",, ممكن .

تعرفي يا انصاف حكاية شعب بوان دي إمكن اوافقك عليها بعد محاولة شرح ام كجيلات وجدت اني لازم أشرح سعن وخش وروب ذاتها ,,, لك الود.

من طرف سلمى الشفيع الأحد يناير 24, 2010 8:25 am

السلا عليكم.اسمعوا يا مرغنى وهيثم بالله ما دايره معاكم انا تاني لما اسال سؤال عافيه ليكم مافي واحد فيكم يرد لي ويامرغنى شايفه العمده اصلو ما بيخش البوست ده عامل فيها من اولاد الزمن ده ولا شنو؟؟لكم الود

إنصاف اختي
والله زي ما أخوك عندو حرية رايحة ليهو
إنت عندك دبرسة رايحة ليك

يعني شنو لو ماعرفت مصطلحات وأسماء ما مرت بيك قبل كدة؟؟؟
شخصياً بشوف إنو الموضوع دة نسبي ، فلو سألناك عن الخوسة والجر والاشميق بتجاوبي بسهولة وممكن الرشيد الريح ما يعرف فيهن ولا واحد، والعكس صحيح :
لما هو سأل عن مصطلحات ود حامد في ناس سطحت
{وبيني وبينكم في بوست مشابه للبوست دة في منتديات سنار وأنا أحياناً بمشي بسرق منو الأسئلة}
ونفس الكلام ليك ياسلمى
أخدو القصة "إيزي" وشاركونا بي البتعرفوهو
عشان نتبادل المعرفة التراثية لسودان المليون ميل

ودمتم

أم كجيلات نوع من الحشائش ترعاه البهائم

ودة من مصطلحات قرى سنار

إنتو الناس حردت البوست دة بالجد؟؟؟؟؟

طيب يا شباب حأشارك معاكم:الأخ الصديق عبدالمنعم شبو له ابن ظريف يدعى الجقر(نسبة لألن اسمه أاحمد)عندما كان صغيرا كان مولع بترديد جملة( شنّينة أم قرينات)ما هي الشنينة أم قرينات هذه؟؟وبالمناسبة لي صديقة سودانية متزوجة من ليبي يعيش بالسودان فكانت كلما صنعت أكل سوداني يسألها عن اسمه وفي يوم جاء للغداء بصحبة صديق له سوداني وكانت قد أعدّت(سخينة)_دي برضو بكون في ناس ما عارفين معناها_فسألها:دي شنو فأجابت :شنّينة.فذهب الى صديقه وأخبره بأنهم سيأكلون على الغداء وجبة سودانية تسمى شنيّذة!!!!!

سلمى الشفيع كتب:السلا عليكم.اسمعوا يا مرغنى وهيثم بالله ما دايره معاكم انا تاني لما اسال سؤال عافيه ليكم مافي واحد فيكم يرد لي ويامرغنى شايفه العمده اصلو ما بيخش البوست ده عامل فيها من اولاد الزمن ده ولا شنو؟؟لكم الود

سمعا وطاعة ,,, أما بالنسبة للعمدة بيني وبينك لما إسألوهو من عمره بيقول أنا أصغر من ميرغني بي سنتين .

دا طبعا عشان الناس يفتكروا إنو عمره 32,,, أعملي بوست عن الزواج ومشاكل الشباب حتلقي العمده أول المعلقين ,,, ربنا يشفيهو ,,, لك وله الود.

إنت ياميرغني

شنينة أم قرينات دي غلبتك؟؟؟؟

ولا عامل فيها نظرك ضعيف؟؟؟؟

أنا غايتو ما عارفا عديــــــــــل كدة

والله انا ما كنت عارفه سؤال ,, لانها وردت في سياق القصة على كل حال أنا ما عارفها برضو وما السائل المفترض باعلم من منا ,,, في انتظارك انصاف ,, هيثم شكلو ورطك... لكم الود.

أنا عارف إنو إنصاف ما بتعرف شنينة ام قرينات

مافي زول غيرا بيعرفا طيب؟؟؟؟؟؟

من طرف سلمى الشفيع الجمعة فبراير 19, 2010 7:51 pm

بشو كيفك؟؟انا عارفه معنى شنينه ام قرينات لكن عشان ما احرج الناس الكبار ناس مرغني وانصاف بكلمك براك.لك الود

من طرف **خالدعمرحسن** الأحد فبراير 21, 2010 9:55 pm

أنا غايتو شنينة دي ما بعرفا ؟؟؟

لكن أم قرينات دي

آي ما له (قرون)

والله أعلم

لمنتصرعلى عبدالله بحث طريف عن هذه ال(شنينة أم قرينات) جاب فيه كل المنتديات السودانية وسأل كبيرات السن من قريباته،وستات الشاى وبياعات الكسرة فى جدة.لكنه لم يجد اجابة شافية.
موضوعكم ده ذكرنى صديق اشتغل معاهو ود محمد سليمان(جراب الحاوى) وكان حنكوشأ..سأله صديقى:تعرف أم سلمبويتى ولا كدكاى زول؟ رد ود محمدسليمان:لا
-تعرف دنيا دبنقة دردقى بشيش؟؟
-لا.
-تعرف جقلّو ما مشى عُرُج؟؟
-لا.
-سمح أبوك قادّينا مالو؟؟؟ انعل أبوك وأبو أبوك...

يا اخوانا خلونا من شنينة ام قرينات ورجعوا لينا البوست دة...!!!!