منتدي الحوار

تنفيذا لاقتراحات الاعضاء تم تدشين منتدي الحوار,,, ونتمني ان يكون نواة لنقاش هادف ومفيد.
دعونا نتعلم ونضع أسس للحوار الهادف .
وجهة نظر:
الحوار يعني تبيين اختلاف وجهات النظر والافكار ,,, اي بالضرورة ان يكون هناك إختلاف في الرأي ليكون هناك حوار.
أنا أختلف مع ما تفكر فيه ,,, هذا طبيعي جدا ووارد بنسبة كبيرة وإلا لكنا كلنا صورة واحدة لشئي واحد ,,,خلقنا مختلفين حتي في المحسوس من لون وشكل وحتي بصماتنا لا تتشابه فبالضرورة ان نختلف ,,, ولكن يجب ان نعرف كيف نختلف,,, مع يقيننا بان الاخرين مختلفين,,ونعرف كيف نحترم اختلاف الاخرين عنا,, قد نختلف في شئي ونتفق علي شئي آخر وهذا ليس عيبا ايضا,, المهم ان نعرف كيف نناقش افكار الاخرين ,, وليس الاخرين انفسهم ,,,
كل ما يكتب هنا هو رأي لآخر ,, هل هناك مدعاة أن أغضب لأن الآخر يري غير ما أري ؟؟؟ أسأل نفسك قبل أن ترد علي الأخرين ,,قد تغضبك فكرة,, ولكن يجب ألا يغضبك ما عليه الشخص الآخر.

وأخيرا: ناقش أفكار الآخر ولا تسفهها ,, أقنعه بما تحمل أنت من أفكار,, ولا يعيبه شئي ان اقتنع ولا يعيبك شئي إن لم.

نحن لا نناقش الاشخاص بل الافكار.
ودمتم
كان إختلافنا الاول في ما ذا نطرح.. ألم أقل لكم!!!
لذلك رأينا أن يبتدر النقاش بمقدمة صاحب الطرح أولا يليه الأخرون.
يمكن ان تطرح كل التساؤلات الواردة بالاقتراحات متزامنة مع بقية المواضيع أو ان نتناولها واحدةً واحدة,, الرأي لكم.
إن لم تزد شيئا للحياة فأنت زائد عليها.
تفضلوا الباب مفتوح.

أظنها مرضة عامة بتاعت الحنين للماضي وما عندنا برانا بل تطال كل شعوب الأرض...أظنه طبع الانسان..الغريبة انك في تلك الأيام التي تحن الآن اليها لم تكن تذوق لهذه الأحداث طعما..وأرجعوا بالذاكرة كم كنتم تعانون في حفظ ودراسة ما أتاكم به الكلاكلة وتستمتعون بقراءته الآن...وقيسوا على ذلك كل الأشياء.جمعني مرة نقاش بمجموعة من الأصدقاء وكان السؤال المطروح:هل حياتك أحسن بعد الزواج أم قبله؟؟قلت :لاشك أنني أحن لتلك الأيام أحن لليالي التي لايوقظني فيها بكاء أحد أطفالي أو التي أضطر للسهر طوال الليل لأرعاه مريضا لكنني قطعا لا أتمنى عدم حدوثالأخيرة,أحن أيام لم أتحمّل فيها مسؤولية أسرة لكن_ورغم معاناتي لا أندم علي تكويني أسرةواعتنائي بها.ثم ألم نكن نشكو من أشياء أخرى.ابنة عمي الحبيبة سوسن قالت لي يوما ضاحكة (أنا خايفة يجي يوم نقول:تتذكروا لما كنا بناكل البوش بالصحن الكبير؟؟)لكم الود

إنصاف

شكراً اللقيت زول يقول لي إنت بتقول في شنو!!..

هذا عن الحنين للماضي

فهل فقدت الحياة طعمها؟؟؟؟

بانتظارك وانتظار بقية الأعضاء

عن نفسي أتحدث:

وأنت طالب بكلية الطب على زماننا كان طالب الطب دا حكاية عجيبة .
الاهل
الاصدقاء
البنات
في البيت في الشارع في المسرح
اينما ذهبت ,, بالونة كبيرة منفوخة زاهية الألوان .

تصدق هذا الذي يحدث حولك تزداد إمتلاء " هواء" تنتفخ أكثر,, تري نفسك بعد التخرج أكبر لما لا وأنت طالب بعد تحدث كل هذا الضجيج تسبقك يا دكتور اينما ذهبت واينما قيلت تلتفت الحسناوات ويصغي من لا يريد أن يصغي ,, تفتح لك الابواب المغلقة ,, وتمد لك البسط اينما حللت.
المهم في الموضوع انك حتصدق الشغلانة وتتنفخ ,, وترى نفسك غير الاخرين في المستقبل ,, وستغير وجه التاريخ الطبي ,, وستكتشف أشياء لم تخطر على بال الخواجات نفسهم ,, ستساعد كل المحتاجين ,, وستكون عيادتك مفتوحة مجانا ,, ستصحو ليلا في اي وقت لرؤية مريض ,, ستبتسم وتواسي وترفع المعاناة ,,,,, وووو,,, لي بعد بكرة .
تتخرج يا سيدنا يا اتنفخت زيادة لما تفرقع
يا تنفس حبه حبه لما يكمل الهواء الجواك
وفي كلا الحالتين ,, ضاعت البالونة ولا بهرجة ولا يحزنون!!!
العيادة المجانية صعبة نخليها مخفضة ,,, طيب مخفضة مابتغطي " الاكل والمشرب والملبس"
طيب نخليها عادية زي الناس التانيين ,,بس لو جا زول مسكين نشوفوا مجان, برضو ما بتغطي !!
طيب خلاص أنا ملائكة ما عندي التزامات ووووو لازم أوفيها ,, تقوم تعمل عشان تزيد قروش زي
زي التانيين عشان تأكل وتشرب ,,, بعد شوية عشان العربية " ما انت دكتور كمان ما ممكن تمشي بي كرعينك",,,, بعد شوية البيت والمرأة والاولاد ,, ولازم يعيشوا كويس ,,, وعييييييـــــــــــــك,, خلاص بقيت جزء من القطيع الكنت شايفوا غلط ,,لو كنت واعي بهذه التغييرات النتيجة إحباط ,, ولو ما واعي خلاص قطيع قطيع .
تصحى يومين تلاتة بي الليل وتشوف العيان جاركم وتمشي معاهو المستشفي ,, ولو في حقن تديها ليهو في البيت بي الساعات ,, وفرحان " ما أنت بتساعد في الناس " والجار يبقوا جارين وتلاتة ,, وبعد شوية الحي كله ,, والناس خلوا المستشفي والممرضين البيجوا يطعنوهم بي القروش .. ما ود ناس هناي الدكتور بيقوم بي اللازم ...... النوم خزاز ولا مافي كلو كلو ,, بعد شوية اعتذارات بعد شوية تتناوم ,,, بعد شوية تنقنق ,,, بعد شوية تحمر عيونك وتهرج ,,, وشوية تسب وتلعن ,, وبعد داك تبقى ود ناس فلان المفتري العامل فيها دكتور
لو كنت واعي بما تفعل إحباط أسى.
ولو ما واعي بقيت ضمن القطيع.

اجتهاد شديد ومذاكرة واطلاع على آخر المستجدات ,, لكن كمان الدنيا حولك عايز تلهو وتعيش كبقية خلق الله ,,, طيب نفكها شوية كده بعد سنوات الدراسة الطويلة ,, سنة سنتين وبعدها نرجع لي قصة الاكتشافات العلمية والفتوح الطبية ,,, تمر السنون وكل سنة تؤجل للي بعدها ,,, ثم هم القرو عملو شنو ؟؟ في زول اكتشف حاجة جديدة؟؟؟
قنعنا منها حكاية الاكتشافات دي نعمل حاجة كده زيادة لقب ومرتب ومنظر اجتماعي ,,, يلا نبدأ,,, وعيييييييييييييييييييييييييييييييييييييييييييييييــــــــــــــــــــــــــــــــــــــــــك ,, لمن يصحى الديك ,, الذي هو انت.
لو كنت واعي بهذا النتيجة :احباط
ولو ما واعي قطيع .

آسف جدا للتفاصيل ,, التي تنطبق ليس علي الاطباء فقط ,, من العامل لي أكبر رأس ,,,كلو طموحات ورؤية حالمة لبلد سعيد وناس طيبين وحياة مثالية وتغيير ستحدثه لم يحدث أو لن يحدث
وقليلا قليلا تخبو الجذوة وانت تنظر اليها امامك ,, أنت جزء من قطيع مغلوب على أمرك ,,
وخيبة أمل كبيرة ,,,, وصفر كبير جدا .... فلماذا لا نحن لما فات ونلوك الايام حصرما ,, نبتلعها كدواء مر..... منتهى الاحباط !!!صاح.؟

تداخل جمممممممممممميل لمن سبقوني ها هنا

وبما ,,, إنو لسة مغسة (بمنظار أسود) الدّخلة فوقي ميرغني!

لسة ما مرقت

لكن

بللف وأجيك يا بشوو ... وعد

ميرغني شكراً على المداخلة القيمة شديد
ورديت ليك متأخر لأني كنت منتظر خالد عمر يلف ويجيني
فلما لقيتو كضاب قلت أشكرك

وبرضو لقيتك زي إنصاف مركز لي على الحنين للماضي وما ناقشت فكرة الحياة الفقدت طعمها دي
وما تقولوا لي الإتنين وجهان لعملة واحدة

مشكور يا هيثم علي كلماتك الموجهة لي ..........!


بس ... كان إنت داير أي كلام خارم بارم هسي بعمل ليك

ألفية من السطور ...... أو

معلقة

ياهيثم الحاجات ولا فقدت طعما لا حاجة بس الزول كل ما مرّت بيه السنين بتتغير نظرتو للحاجات يعني لما كان عمرك سبعة سنة بتفرح لو جابوا ليك لعبة ولأسة لو ملكت محل العاب ما حتفرح ولو فرحت حيكون لي سبب تاني وكنت بتفرح بالعيد عشان العيدية والحلاوة والخبيز وأسة ممكن تكون نفس الحاجات دي هي المانعاك تفرح(لأنو عليك مسئولية ايجادا)وكنت بتشوف الناس حلوين وطيبين ما لأنهم كذلك (لكن عدم شوفا ليك)الحياة هي الحياة لكننا نراها من مناظير مختلفة..فالبتأكيد من فقد حبيبا لايراها كمن لم يفقد بعد.
أقرب مثال ياهيثم ألم تكن غاية المتعة عندنا أنت وأنتا أن نقرأ مجلات ميكي وسمير معا صفحة ..صفحة؟؟؟والآن أتراه شيئا مبهجا؟؟؟لا أظن ذلك
نعم ياحليل زمان وسنين زمان..لكنها لو عادت الآن لما تذوّقنا لها طعما

هيثم على الشفيع كتب:ميرغني شكراً على المداخلة القيمة شديد
ورديت ليك متأخر لأني كنت منتظر خالد عمر يلف ويجيني
فلما لقيتو كضاب قلت أشكرك

وبرضو لقيتك زي إنصاف مركز لي على الحنين للماضي وما ناقشت فكرة الحياة الفقدت طعمها دي
وما تقولوا لي الإتنين وجهان لعملة واحدة

هيثم لك الشكر ,,, الفكرة التي أردت طرحها ليست حنين للماضي ,, ولكن باختصار عشم في زمن ما انك ممكن تغير في نفسك وفي حولك ,,, وغلبك ولقيت الدنيا زي ما كنت شايفها زمان معقدة أكثر مما يجب ,, الناس هم نفس الناس بس نظرتك كنت مختلفة أو قل متفاءلة ,, الآن هو وقت الحقيقة بعد ان تتكشف كل الاشياء عارية دون مراء ,,يعني كل ما بنيته علي حسن نية فقط أو نظرة موضوعية لم تكن متوفرة لك ( لاسباب كثيرة من ضمنها طريقة تفكيرك أنت),, وللحديث بقية.

يا أهل الله

زول سااااااي يجي يقول لي قصيدة الكتيابي دي سمحة مافي؟؟؟؟

والله يابن عمى داير اضع النظارة عشان اقرأ قصيدة الكتيابى وضعت السماعة على اذنى ومستغرب ليه برضو شوفى طشاش.. وعشان كده بنقول ياحليل زمان وايام زمان ..على الاقل كنا بنشوف ..
ولدنا بكرى على عبدالله بيقول .... بكرة احلى ...
اما ما نقوله نحن ...لع لع لع

شرحه ...........
اقتح موضوع تاني .... دا انا خلصت العندي فيه... ومرحب بيك.