رد: هيثم الشفيع يتساءل عن الغربة

أنا راجع راجع بدون (تطويل زمن) دي ما دايرة ليها إتنين تلاتة ...

(بــــــــــــــــــــــــــــس)؟؟؟

قفاي أعوّج اللعدلو شوية كدي وراجع تاااااااااااااااااااااااب

ووحاتكم ما كلام مغتربين!

من طرف alklaklah الثلاثاء فبراير 02, 2010 11:10 pm

سلام عليكم جميعا ويا معاويه بمناسبة حميد اسمع دي قالوا كتبها لمن كان بقرا في الثانوي في عطبرة واهلو في مروي فالغربه السغيره دي اثرت عليهو فكتب الى امه يقول:
طعم الدروس

وريني شن طعم الدروس مادام بكانا مشى قطر

وكيف ذاتا ترتاح النفوس تقبل قرايتاً فى سفر

يايمه حان الإمتحان من وقتو بس فاضل شهر

ما اظنى من جور الزمان انجح واجيب ليكم نمر

كيف ذاتى يا نبع الحنان انجح من آلام السهر

عمرك سمعتيلك جبان خاض المعارك وانتصر

زينوبة كل ما افتح كتاب القاك فى أول سطر

القى الجداول والصحاب القى الجناين والتمر

فى الحصة عقلى أنا قام سدر يمه المدرس لو فكر

كان بلقى قاعد فوق ككر فى الدونكا(المطبخ) لسع ما فطر

يسمع كليمة يا عشاي وأغلى الحكم عند الضجر

أنا قلبى كلو عليك جناى وقلب جناى على حجر

والله موش لو كان نهر لو كالنى بسيطان بقر

مادام عقيل الجن سدر(سرح) ما اظنو من عندك حضر

بذاتو ابوى تلقاهو قام فاتح كتابو مع الفجر

يقرأ ويرتل فى كلام ما بفهمو الناس الكفر

زينوبة كر من حالى كر قاعد لى فوق نيران جمر

غربة وكمان حالاً فقر عذبنى قبل أصل القبر

الشوق متل شوك الكتر طعن الجسم لمن خدر

والله لو ما بنقبل ما كان بفارقك بى شبر

زينوبة دنيا الإغتراب خلتنى زي ورق الشدر

اتحت من عدم الشراب عم الأراضى وانتشر

الغربة اصلو طعيمها مر لكنى بقعد بالجبر

لمن سنين الهم تمر يا ربى الهمنى الصبر

الأخ كلاكلة

شكراً على الإضافة

ولدينا -بالقسم الثقافي- مكتبة دسمة للعملاق حميد

وهذه بمثابة دعوة لك لزيارتها ومشاركتنا طيب ثمارها

https://alzoubaidi.ahlamontada.com/montada-f52/topic-t1196-50.htm#10457

مع الود

هجرة للموت الى موتى يعدون الحضور على موائد من صفيح اللغو هرجلة التفاصيل الدقيقة والهلام

لية كدة انتو لية بتكرهونا كدة خلونا فى غبانا دا

شكرا بس

يا سلام ياخ نسيتونا نرحب بأخونا كلاكلة و شكرا ليك على الإيميل بتاع الامارات يا حمور

بكري علي عبد الله كتب:

خلونا فى غبانا دا

بكــــــــــــــــور

سعادة - ولا شك - بعودتك للمنتدى ككل وهذا البوست بالأخص

مانحن هنا عشان كان هو غبا
نمرقك منو

ولو كان حاجة تانية
نشوف ليها حل

ولسة منتظرين باقي المغتربين

كدى شوفلينا نسيبك الرشيد يشغلنا فى شركة بترول وشوفنى كان قعدتة ليكم هنا

الدين فوق الكتوف والاصل معروف

من طرف عماد الشفيع السبت فبراير 06, 2010 8:41 am

بكري علي عبد الله كتب:كدى شوفلينا نسيبك الرشيد يشغلنا فى شركة بترول وشوفنى كان قعدتة ليكم هنا

الدين فوق الكتوف والاصل معروف

وأنا كمان ......

من طرف سلمى الشفيع السبت فبراير 06, 2010 9:17 am

الاعزاء عمده وبكرى سلام جاكم.تدفعوا كم ونشوف ليكم الموضوع ده.لكما الود

بندفع ليك يا سلمى 5800000 ولا تكلفة الحج أكثر من كده؟

لكم الود.

من طرف عماد الشفيع الأحد فبراير 07, 2010 8:03 am

ميرغني ابراهيم كتب:بندفع ليك يا سلمى 5800000 ولا تكلفة الحج أكثر من كده؟

لكم الود.

ابو الزفييت...........معقول تكلفة الحج وصلت هذا المبلغ والله كان كده انتو ياسلمى مغطسين يدكم فى الشعيرية لى هنا . عموما انا وبكرى بنشترك المبلغ ومرغنى ده طبعا حايدفع المبلغ كامل ماهو دكتور ...