كلام الجن والجنبو!!!

قصة الأدروبين( مثني أدروب) البيركبو البكاسي زمان وواحد فيهم لما يقبضوهو بي الثابتة الثاني بيقول علي طول : مدنون,,,, اي يعني ان هذا الشخص مجنون ولا حرج عليه .
اهه من الليلة انا مدنون اي مجنون وحاضرب شمال يمين والسكران في ذمة الواعي فما بالك بالمجنون واي زول عنده موضوع يفتحه وانا بفتو عديل ,, مش مجنون
أول حاجة : الاتحاد الاشتراكي سفّ الدولة إربٌ إربٌ,,, وود طه لحق السودان أمات طه ,,, وامات طه ديل ذاتن منو؟؟ ولحقن طه كيفن ما عارف لكن نحن لحقناهن ,, ويحلنا الحلّ بله واتحداكم اعرفو لي الحلّ بله شنو؟؟؟
ما تقول انتفاضة ولا إنتكاسة ضقناها وضقنا كأسها ,,, وكل ما اتذكر الانتفاضة بتذكر الجدادة لما تتنفض كده,, وكده بينما الديك لا بتنفض ولا بتعرط,,,,,
طيب يحلها الشبّكها ,,, إنتو من زمن الشبّكها,,,!!
الشبّكها دا ما اتلحس زمااااااااااان,, وكايس القالو هو؟؟؟
الشارع ملآن نسوان
التلفزيون نسوان
المدارس نسوان
المستشفيات نسوان
الصحافة نسوان
أقول ليكم ,,, دار الرياضة نسوان ,,, وشوف عيني دي البياكلها الدود ,,, الأستاذة/ ندي القلعة ,,, في منصة استاد الهلال ,,, وسجم رمادي أنا البشجع في الهلال من زمن عوض كوكا,, ما لاقي لي فرقة في المصاطب آآآي مصاطب بي الصا,,, آآي بي الصا وما الصاد والما عاجبو يشرب من هارموني وساهور,,,, ذكرتوني ,,, ساهور ذاتها فيها نسوان بيمدحن,,, والله صحي يمدحن عديييييييييييييل كده,,,,,, وواحدة تغرود ليك عيونها كده ,,, وتقول ليك : أحمد يا حبيبي,,,,,,يالله !!! زمان لما كنا بنسمعها من الجماعة المنقرضة (الرجال) ما بيأخدك أي شك أنو أحمد دا ماهو أي إنسان غير المصطفي (ص) ,,, لكن أحمد البنية دا والله ما عرفناهو؟؟؟
وجاييكم ,, ما تقعدوا تتدسدسوا لي وتدخلوا في اضافرينكم,,, جاييكم جاييكم

حباااااااااااااااااااااااااب الجية ..
واني لمن (القاعدون) وفي انتظار
أدروب لمن ينزل من (البوكسي)

كلام صصصصصصصصاح ....
بالمناسبه الموسسات كلها نسوان ...

يا جماعه الناس مرقو بره البلد خلوها لى ناس طه

وادروب ما بنزل من العربيه .... وطه ما بسيب السواقه

خالدعمرحسن كتب:حباااااااااااااااااااااااااب الجية ..
واني لمن (القاعدون) وفي انتظار
أدروب لمن ينزل من (البوكسي)

خالد ,,, جيتك عندنا عجبتنا ,,, لكن القعاد لا متين ؟؟
قعدنا لامن فترنا ,,, واي زول يجي يقعد فوق راسنا لامن يزهج !!! لكن الجماعة القاعدين هسه ديل ,, القعدة عجبتهن وجابو معاهم جماعة تاني , برضو قعدو وبركو عديل ,,, وطالبين شاي وقهوة وهاك يا فنجطة وكلو فوق راسنا ,,, شوف لينا يا خالد حبة بندول ,,, ولا اقول ليك زيت سمسم وقرضايات صرهن في طرحة واكرب بيهن راسنا,, وبي مناسبة الطرحة دي , السودان لسه فيهو تكاسي طرحة ولا لا ؟ انتو عارفين سموهن طرحة لي شنو؟
زمان النسوان طبعا كلهن كانن توب ,,, والبنات الصغار طرح , مش الفتوات ,,, وعشان بتاع التكسي ما لاقي مشوار,, امكن عشان تكسيهو قديم ولا شين,, ولا السواق عجوز,, المهم مهما تعددت الاسباب التكسي شغال طرحة,, يعني بقيمة معينة خمسة ركاب ماشين الحاج يوسف مثلا اي زول ينزلوهو في اقرب مكان لي بيتو علي الطريق العام ,,,والبنات امات طرح لسه ما اتلمن علي راجل ( مشوار) يكون التكسي حقو يوديهو محل ما عايز
يعني باختصار بتاع التكسي ما لاقي مشوار
والبنت ما لاقيه راجل او لسه ما بقت علي العرس ,,, فالتاكسي شغال طرحة والبت لابسه طرحه.
شايف يا خالد البلاوي الجبتها لينا وليك بي كلامك دا؟؟؟
انا من الاول قلت ليكم شيلو شيلتكم ,,, واي طرف كلام بقول فيهو كف ويجي زي ما يجي.
ما تلاوذ ( بالزاي ولا الذا) اكتب ونحن بنفسر زي ما دايرين؟؟
مجنون علي كيفو.

الجن بنداواا يا مرغني ولا (ميرغني) البتعجبك فيهن بس التانية زي ما قلت ليك عندي معاها عقدة ...!!
أها كان كدي النسعي في درب القرض والزيت ,,, هو ربنا زاتو قالأسعي يا عبد وأنا أسعي معك ..) بس (امهل ليي) انا لسة جديد و(بتاوق) من بعيد لي بعيد رايك شنو في بتاوق دي ؟!! عجيبة صااااح ؟؟
ويسلم راسك من القعاد .. والبطن الجابتك حاشاها ما بتندم ...!!
كما سيك سيك معلقين فيك والزارعنا غير الله ال يجي يقلعنا ...؟!
(والمدردم كلللو ليمون) هذا مع خالص احتراميييييييييي

محمد الزبيدي كتب:كلام صصصصصصصصاح ....
بالمناسبه الموسسات كلها نسوان ...

يا جماعه الناس مرقو بره البلد خلوها لى ناس طه

وادروب ما بنزل من العربيه .... وطه ما بسيب السواقه

الرجال المرقهن شنو؟؟؟
في ناس مرقتهن الحاجة وديل شويييييييييييييييييييييييييييية.
وفي ناس مرقتهن الفنكهة,, وديل كتار
والفنكهة انواع :
بوكس في (عد ميرغني)
برادو في مدني
عروس من كسلا
بيت في مدينة النيل
شهادة من لندن
شراب نضيف في القاهرة ولا امريكا بدل عرقي ام در.
بشرة بيضاء وكريمات بي الكوم وشنط كتار كل سنة وموبايل آخر موديل
وفي واحدين ,,, مكيف وبيبسي وعربية وبس
وكان فتيت في ناس بيزعلو
المهم خلينا البلد للحريم والجماعة ديلك والاتنين ناقصين عقل ودين وقعدنا نشكي !!
مافي زول يشكي الداير البلد دي ترجع زي ما كانت علي الاقل ,, يرجع ,,, يرجع آآآآ ي يرجع .
وانا بالذات ما راجع ,, الا تلمو النسوان والركشات من الشارع
وانا قلت يا محمد بجيب ليك ضقلها يكركب ,,,
يا جماعة زول يصم لي خشمي دا قبال ما اخش في الغريق.

ميرغني ابراهيم عمر كتب:
1- أول حاجة : الاتحاد الاشتراكي سفّ الدولة إربٌ إربٌ
2- وود طه لحق السودان أمات طه ,,, وامات طه ديل ذاتن منو؟؟ ولحقن طه كيفن ما عارف لكن نحن لحقناهن
3- ويحلنا الحلّ بله واتحداكم اعرفو لي الحلّ بله شنو؟؟؟
4- الشارع ملآن نسوان
التلفزيون نسوان
المدارس نسوان
المستشفيات نسوان
الصحافة نسوان
5- أقول ليكم ,,, دار الرياضة نسوان ,,, وشوف عيني دي البياكلها الدود ,,, الأستاذة/ ندي القلعة ,,, في منصة استاد الهلال
6-,,,, ذكرتوني ,,, ساحور ذاتها فيها نسوان بيمدحن,,, والله صحي يمدحن عديييييييييييييل كده,,,,,, وواحدة تغرود ليك عيونها كده ,,, وتقول ليك : أحمد يا حبيبي,,,,,,يالله !!! زمان لما كنا بنسمعها من الجماعة المنقرضة (الرجال) ما بيأخدك أي شك أنو أحمد دا ماهو أي إنسان غير المصطفي (ص) ,,, لكن أحمد البنية دا والله ما عرفناهو؟؟؟

-- الاتحاد الاشتراكي يا ميرغني طلع ما بيعرف السف والله،،الحمد لله نحن ماشين في تقدم،،والناس بتقول نحن راجعين للوراء(الفرق كبير بين امات طه والاتحاد الاشتراكي)
-- قالوا كان في سبعة بنات بايرات،المهم بالجلالة كده في واحدة اتزوجت منهم وجابت ولد وسموهو طه،،وطبعا طه نشأ في بحبوحة من الدلع من سبعة بنات( ما طه الجديد،طه الجديد جاب البحبوحة عضل)وفي يوم من الايام خرج طه ولم يعد(عقبال طه الجديد) والسبعة خرجوا يبحثون عن طه والمرقة الياها لي هسي،،ومن هنا جاء المثل "لحقن امات طه".
-- اما بالنسبة للحل بله ،،بله كان محظوظ جاء في زمن فيهو حلول ، والراجل حل نفسه،،لكن بله ده لو كان في زمنا ده كان تلقاهو لي هسي بيفتش في اليحلو،،انتوا قايلين فيها حل تاني،،ارجو الراجاكم بس(لكن مع ذلك ح اكتب ليكم قصة بله بعد الرد ده لانها طويلة (طول قعاد ناس امات طه)
-- اما للاحتلال النسواني لجميع المرافق ، ده برضو ليهو علاقة مع امات طه،،لكن العلاقة شنو؟انا ما عارفة

-- حلوة والله كلمة استاذة دي منك يا ميرغني،،انا عجبتني لمن ختيت ليها خط ( أعد ما تحته خط)،،الله يجازي الكان السبب،،تعرفو الكان السبب منو؟ الجيبماليين الجدد (جيب ضد رأس)،برضو احتلونا من جميع النواحي(رياضة - شعر - فن - سياسة - سوق )،لذلك الفن عندنا زي عملتنا..المشكلة لو شفتوها لما كانت في الابتدائي ولابسة هدوم الابتدائي(تحلف تقول حلبية بتشحد)لكن مع أمات طه مافيش مستحيل - هو اذا كان حضور امثالهن اصبح شيء عادي في التلفاز،،استاد شنو المابجن فيهو
-- اما ساهور - اللذيذة بتقول انها قناة مخصصة للمصطفى - واركب الموجة - ما عارف ليه ساهور دي بتذكرني مزمل ابوالقاسم (المريخابي المدّعي) وكل يغني على ليلاه- احتمال وجه الشبه بينهم (الغاية تبرر الوسيلة)،،أياً كانت الوسيلة (قرآن ولا سنة ولا حتى وجودية) المهم نبقى جيبماليين وما يهمنا رأسنا....
اما للمديح الانثوي - مش احتمال عشان يجذبوا بيهو شباب الزمن ده؟ ولو نجحوا في ذلك، هل يا ترىالانجذاب ده ح يصب لمصلحة المديح ام لمصلحة المادحة( ام الاتنين معاً،،طالما دخلت فيها كلمة مصلحة؟؟؟؟؟؟؟؟؟))
في النهاية امات طه سبب كل البلاوي البتسألوا عنها

ولنا عودة ،، اذا عدتم تستفزون شكل القهر الجوانا

(القديس)

اما قصة الحل بله (وبرضو في علاقة بينها وبين امات طه)

لم يعرف (بله) ماذا أصاب أهل الحلة، ما إن خرج من منزله لابساً جلابيته السوداء حتى اندفع نحوه حوالي أربعمائة رجل يحملون خمسمائة عكاز، وحوالي عشرين ميلاً من الحبال، وغبارهم يتلوى خلفهم، لم ينتظر ليشرحوا له الأمر، قرر أن يهرب وينفذ بجلده، وسيعرف التفسير لاحقاً، هذا إن نجا منهم.!
- ها آزول .. أجري ..
- ألحق .. ده الفقر ذاتو ..
- لابس الجلابية السودا .. !
- ظهر في صورة بله .. أمانة ما وقع راجل ..
انطلق جميع أهل الحلة بهتافات مختلفة خلف
(بله) الذي لبس جلابيته السوداء في الزمن غير المناسب تماماً،
حتى صديقه (عمر) كان يجري مع الجماعة وهو مندهش أن الفقر
تقمص شخصية صديقه (بله)، ولكن حسب كلام الكتاب
أن الفقر سيأتي على هيئة رجل من سكان الحلة،
و(بلة) رجل معروف، ومن سكان الحلة المشهورين،ولا ذنب له في أن الفقر تشكل علي هيئة (بله)، فـ (بله) الحقيقي قد يكون لا زال في العاصمة، أما هذا الذي يجري أمامهم لا شك أنه الفقر، ولا بد من القبض عليه وتقييده وتغطيسه عشر غطسات في النيل، ومن ثم جلده ألف جلدة بـ سوط العنج، وسينتظرون بعدها أن يتبخر في الهواء حسب كلام الكتاب.!
بما أن الكثرة تهزم الشجاعة، تمكن أهل الحلة من القبض علي (بله) بالقرب من الشاطئ، ولم ينتظروه ليشرح لهم موفقه، ربطوه بحبل متين، وغطسوه في المياه الباردة، وهو يصرخ والمياه تتناثر من فمه:
- يا جماعة .. دقيقة .. اشرحوا لينا الحاصل شنو..؟!!
لم يجاوبه أحد، وبعد تم تغطيسه عشر غطسات، وكان بقية الجماهير يحسبون عدد الغطسات بصوت عالٍ مع كل غطسة:
- واحد.!- اتنين.!
وهكذا حتى تمت العشر غطسات، وأُخرج (بله) مذهولاً، ومبتلاً والمياه تتساقط من جلابيته السوداء، ولا زال غير فاهم ما الذي يجري له، فهو ولـ سوء حظه لبس جلابية سوادها كـ ليل بلا قمر، ولم يخبره أحد أن الفقر سيأتي ويتجول في سوق الحلة بـ جلابية سوداء.!
تم ربطه علي جزع شجرة بطرف النهر، ورأى صديقه (عمر) يتجه نحوه حاملاً سوط عنج طويل نصفه يجر بالأرض.!
سأله (بله) وسط انفعاله:الحاصل شنو يا عمر؟!
أجابه عمر وهو يمسح سوط العنج ببعض القطران الأسود:ما تعمل لي فيها ما فاهم حاجة ،،إنت ما الفقُر المنتظرنو قبل (عشرين سنة)- خارج النص - ما قلت ليكم في علاقة بينه وبين امات طه الجدد.
رد عليه (بله) بحيرة:انا الفقُر؟!!.. فقُر شنو آزول .. انا صاحبك بله .. ما بتعرفني يا عمر ؟!
- لا صاحبك ولا حاجة .. إنتا الفقُر ومفروض بعد الغطسات العشرة دي.. تنجلد ألف سوط .. وبعدها حـ تتبخر .. ونحن نبقى غنيانين .. ويمكن بلة الحقيقي يجي من العاصمة بعد يومين تلاتة كده؟!
جحظت عينا (بله) في التياع وهو يهتف:ألف .. سوط .. لا حولاااا؟!!
وفجأة انفجر بلة في بكاء حار وهو يقول وسط نحيبه:والله العظيم أنا بله .. يا عمر تتذكر وكت عزمتك أقاشي من عم أبكر قبل سنتين ... وتذكر اليوم الغلبتني في الكوشتينة خمسة مرات تحت العمود ..؟!
فكر (عمر) قليلاً ثم قال:والله ياخي فعلاً .. الحاجات دي حصلت .. لكن ده ما بحلكّ .. إمكن الفقر ذاتو عارف المعلومات دي .. هو قدر يظهر في شكلك .. ما يقدر يعرفك عزمتني أقاشي قبل سنتين؟!
وأطلق (بله) جاعورته من جديد وهو يصرخ في ناس الحلة ويؤشر نحوهم بأصبعه هائجاً:إنتا يا حاج اللمين .. ما بتعرفني .. ما قاعدين نلعب الضمنة سوا في ضل دكان (حاج الطاهر) .. وإنتا يا (بشير) .. اتدينت منك عشرة تالاف في الاسبوع الفات .. !
وصار (بله) يتحدث مع أهل الحلة ويعدد لهم المواقف التي مرت به معهم، وصاروا يتغالطون في هذا المربوط أمامهم، هل هو (بله)، أم إنه آخر؟! ..وإذا كان هو بله، فـ أين ذهب الفقر المتشكل بهيئة رجل من أهل الحلة، وفجأة ارتفع صوت من وسط الزحام:
- ها آ ناس .. كدي بالمنطق .. مُش قلتو الفقر بظهر يوم الاتنين؟
أجابه (عمر): أيوة بظهر يوم الإثنين!
- وقلت بكون لابس جلابية سودا؟
- نعم!
- وبتشكل في هيئة واحد من ناس الحلة!
- نعم!
- وبكون حايم في سوق الحلة بي جلابيتو السودا؟
- نعم!
- طيب .. دا ما ياهو الفقر ذاتو .. بس اتشكل في هيئة (بله) .. والزول ده ما يغشكم ساي .. ده ما بله .. ده الفقر ذاتو.. الما بغباني ؟!
ثم أردف قائلاً:كدي يا عمر ناولني سوط العنج ده .. مُش قلتو يجلدوهو ألف سوط .. وبعدها بتبخر في الهوا .. أها أنا علي خمسية سوط براي .. !حمل سوط واتجه نحو (بله) وهو يهتز بحماس وباقي الجماهير تشجعه وهو يهتف:اركز آ الفقر .. حرّم الليلة تتبخر من تاني سوط .. قال بله قال ..
وهنا (بله) أدرك أنه مجلودٌ لا محالة عندما رفع ذلك الرجل السوط عالياً وهوى به في ظهره، ولكن قبل أن يصل السوط ظهر بلة، أمسك عمر بيد الرجل وهو يهتف به:
- دقيقة يا حاج .. دقيقة
أنزل الرجل السوط حانقاً وهو يصرخ:
- بتقابض مالك آ زول ؟!
أجابه (عمر): يا جماعة في حاجة واحدة نعرف منها الزول المربوط ده (بله) وللا ده (الفقُر)؟!
طنطنت بقية الجماهير وهتف العمدة:داير تقول شنو آ عمر .. خلينا نجلد الزول .. ونرجع أهلنا.؟
أجابه عمر:- لو بتذكر في الكتاب يا عم العمدة في سطر قال (وجيوب الفقر تخلو من النقود..).. صاح وللا ما صاح الكلام ده.
- صاح!
- خلاس .. نفتش جلابية (بله) السودا دي .. كان لقينا فيها قروش .. نطلق سراحو .. ويبقى ده بلة .. وكان ما لقينا فيها.. نجلدو الألف سوط.. أها رايكم شنو؟!
فكر العمدة قليلاً ثم قال:كلامك منطقي .. خلاس فتشوا إنت ذاتك .!
اتجه (عمر) نحو (بله) ليفتشه، وهنا بله ازداد جحوظ عينيه، فـ هو يعلم تماماً أن جيب جلابيته يخلو تماماً من النقود، أدخل عمر يديه في جيوب (بله) لتفتيشه، وفي حركة سريعة لم ينتبه إليها أحد، رمى عملة معدنية صغيرة في جيبه، وأخرجها بعد برهة، ورفعها لتراها الجماهير، عملة معدنية صغيرة بيضاء عكست شمس الظهيرة، وكانت من فئة العشرة قروش لا تكفي حتى لشراء كيس من التسالي، وأدرك القوم أن (بله) يحمل نقوداً في جيبه، حتى وإن كانت عشرة قروش، إذاً فهو ليس الفقر الذي كانوا يظنون، وتم حلّ رباط (بله) الذي تنفس الصعداء، ولم يصدق أنه نجا، وأخيراً .. فـ الذي حلّ بله لم يكن سوى عملة معدنية رماها صديقه في جيبه بعد أن حس أنه ليس الفقر، ومن دونها كان من الممكن أن يُجلد بله ألف سوط.!!

خارج النص- اها يا ناس: نحن السياط الواقعة فينا دي البفكها مننا شنو؟

(القديس)

مدهش يا قديس ,,,, وكلام المجانين الليلة وفرتو لي قعدة تانية ,,, لك الود ... وواصل.

شكراً يابلة ...............أقصد يا قديس على المعلومة الجميلة

وياميرغني هو بعد دة فضل ليك جن؟؟؟؟؟

الليلة جيتكم,,,,,
الاسطي حاسس انواع الالوان تمام لانها الوان الشروق.

وناس القمة بتحبو ,,, واساس (اثاث) منو البقيف جمبو

والفائز وما ادراك ما الفائز ,,,

ومأمون البرير اسم من ذهب.

وعصير روتانا دوّب واشرب معانا

ابو الفاضل بلازا ,,, تذوق طعم التسوق

وجياد تتمني لكم موسما زراعيا مع جرارات جياد

شارع الستين تقول لك حبابك جيتنا زائر
وغرف النوم قاعديزيدن تهبهب فوقها الستائر
البشائر,, وما ادراك ما البشائر

وكمان في صالون ما عارف اسمو لازالة القشرة للرجال ,, وتزيين سيارات العرسان كمان!!!!!! في صالون واحد والله العظيم.

شامبيون ,, خالي من الكحول ,,, انتاج البرير برضو

وهايل ,,, ما معقول,, زيت هايل
ونحنا زيتنا طلع,,,,
طلع زيتو يعني عصروهو لمن جاب الزيت,,, زي الفول ,,, وطبعا العصارات فرق,, في عصر اربعة تروس وفي 3 وهكذا ,,, يعني العصر حاصل حاصل ,,, والداير يتعصر اقصد داير يعرس يشد حيلو ,,, زيتو حيطلع وامبازو حيطلع برضو ,,, يا جماعة امباز دي جاية من وين انجليزي ولا تركي ,,,
زيت السمسم مفيد للفول ,, ولي وجع الراس ولتطويل الشعر,, ولي وجع العضام,, وللبعض فيه مآرب أخري ..... اهه ذكرتوني ,, بي الحلّ بله ,,, والبلات كتار ,, غايتو انا بعرف الشريف بله وبله الغايب,,, وبله جابر بالمناسبة بله جابر دا لو احترف ما حيكون عندو مشكلة في نطق اسمو عند الخواجات والمذيعين العرب ولا موسي الزومة ,,, المشكلة ميرغني كنيد وسيف مساؤي والله عصام الشوالي قالها كده ( مساؤي) أول مرة يقول كلام صاح؟؟؟
وقالوا معاوية جابولو ولد ,,, القال منو؟
معاوية جاب ولد من مرتو.
وكمان ازيدكم ,,, قالوا اول حاجة رفس الداية وقال ليها : اختينا كده عامله زي بويان كركتش ,, وفي رواية قالوا بعد ما طلع السفة,,, قالوا عليّ شقي ومجنون.
وبلو راسكم لامن اجيكم تاني.

دعاية تجهيز العريس وكمان معاهو الوزير مجاناً
عليكم الله طه ما بسوق العريس والعروس ( وما بنزل لى اى زول لانو العريس ادروب )
عرفنا تجهيز العريس البطل ( الباء طالعه ) ما فى العربيه ... الوزير سببو شنو .. غليتو بله ما اظنو يتحله ...
ويا ميرغنى المجنون قال شنو ( الشيخ ود بدر قال : )
انتو عارفين الدراويش بنضمو ساى .. لكن كلام صاح

نواصل .. مع الدرويش ود عم المدنون

يا جماعة ,, أمس اخدت حبوب من دكتور كده بالوريد حبة تالتة مرات عند اللزوم ,,, وشاعر انو رأسي خفيف وقلبي رهيف وما بقدر علي الهبابي جنب القيف ,,, علي الحركرك ,, هبشة كده وبطير بي فوق بي غرب السوق ,,,,
شايفين انا الليلة صاحي كيف بعد حبوب الدكتور ,,,, ويا اخوانا خالد عمر حسن وين ؟؟؟ بعد ما عودنا عليهو زاغ مننا ,,, وخلانا نتقريف ليهو ,,, ويا ود 114 ولا و215 عوّدتنا عليك وزغت ,,, ونتلاقي نتلاقي في الرمل الدراشة ,,, أهه نسيت أقول ليكم , الباشمهندس بتاع قصة الجواز المفبركة القاطعه من مخ رأسو ومعاهو الاستاذ بتاع عرعر ,, انكج , انكج ( يكتبوهو كيف دي ؟) غايتو عشان تقراها كويس , أدفع لسانك الي الجهة اليسري من فمك قريبا من اللهاة ضاغطا علي الاسنان وومغلقا الجزء الاخر من فمك ,,, واجذب بعض الهواء في الجهة التي بها اللسان ,,, يا اخي انا متعب روحي مالي ؟؟؟ القولوها لي الحمار لتحفيزه علي المشي ,,, والبعض يستعملها للاجابة بنعم ,, انكج.

ميرغني ابراهيم عمر كتب:
أهه نسيت أقول ليكم , الباشمهندس بتاع قصة الجواز المفبركة القاطعه من مخ رأسو ومعاهو الاستاذ بتاع عرعر ,, انكج , انكج ( يكتبوهو كيف دي ؟) غايتو عشان تقراها كويس , أدفع لسانك الي الجهة اليسري من فمك قريبا من اللهاة ضاغطا علي الاسنان وومغلقا الجزء الاخر من فمك ,,, واجذب بعض الهواء في الجهة التي بها اللسان ,,, يا اخي انا متعب روحي مالي ؟؟؟ القولوها لي الحمار لتحفيزه علي المشي ,,, والبعض يستعملها للاجابة بنعم ,, انكج.

إنت ملاحظ معاي إنك لمن كلامك انتهى ما قلت لينا حاجة؟؟؟؟؟؟

ولا تكون جنيت بالجد؟؟؟؟؟

أنا ما قلت ليك (بتاوق) ؟!!
من بعيد ..

مشكور علي السؤال ..
انا موجود الا من قليل ... ولك التحية

هيثم على الشفيع كتب:

ميرغني ابراهيم عمر كتب:
أهه نسيت أقول ليكم , الباشمهندس بتاع قصة الجواز المفبركة القاطعه من مخ رأسو ومعاهو الاستاذ بتاع عرعر ,, انكج , انكج ( يكتبوهو كيف دي ؟) غايتو عشان تقراها كويس , أدفع لسانك الي الجهة اليسري من فمك قريبا من اللهاة ضاغطا علي الاسنان وومغلقا الجزء الاخر من فمك ,,, واجذب بعض الهواء في الجهة التي بها اللسان ,,, يا اخي انا متعب روحي مالي ؟؟؟ القولوها لي الحمار لتحفيزه علي المشي ,,, والبعض يستعملها للاجابة بنعم ,, انكج.

إنت ملاحظ معاي إنك لمن كلامك انتهى ما قلت لينا حاجة؟؟؟؟؟؟

ولا تكون جنيت بالجد؟؟؟؟؟

فوووووووووووووووق ,,, مكتوب كلام مجانين ,, عشانكم انتو مخصوص يا اولاد الشفيع ,, مافي زول يطير لي في حلقي في الرايحة والجاية .
وقع ليك؟
ولا أوقعوا ليك ؟
اوقعوا ليك من المدير وأجي .
وقون اقجي لازم يجي ,,,,, وتجيكم الطاوية حبالها
واقول امكن انا الما جيت
وووتر جيت
والبجي من الله كلو سمح
وما بنمشي لي ناس ما بيجونا
وما قال بيجي ,, مالو ما جا
وجو جو بي اريت كان طار بي
وقع ليك؟
تقع لهاتك ,,, اهه كان وقعت البيحصل شنو
والوقعت لهاتو قبال دا منو؟
أذكر خمسة من الذين وقعت لهاتهم ,, واذكر اسباب النزول ,,أقصد الوقوع.

يا السايق البوباي الاشارة جاي ولا جاي
ورينا سوق جاي جاي ,,, ورينا سوق جاييييييييييييي
علي كشكش,,, واحد من الجماعة شلتنا يعني حالج صامولة زينا وكده.
وجد ثلاثة نساء بالضفة الشرقية في حيرة من أمرهن ,, إذ كن يردن العبور للغرب ,, ولم يجدن صاحب المركب ,,, وبينما هن علي هذي الحال ,أتي علي كشكش مترنما بالأغنية سابقة الذكر,,
سألن علي كشكش ( وكن لا يعرفنه) إن بأمكانه قيادة المركب والعبور بهن الي الغرب , لقاء أجر معلوم .... وافق علي كشكش وبدأ الابحار بهن غربا ,,, وبينما هن في منتصف النيل ,, لا حظت النسوة أن علي كشكش قد بدأ بخلع ثيابه ,, العراقي المتسخ ثم السروال الأكثر إتساخا ,, وقام بلفها جميعا حول رأسه ,,, سألنه :
ماذا تفعل؟؟
رد علي كشكش: والله يا جماعة أنا الإرادة مودياني شرق,, ثم وثب إلي وسط النيل عائما.
بدأت النساء بالصياح والعويل ,, حتي تنبه لهن بعض من ذوي النخوة وقاموا بإنقاذهن ,,, ليس علي طريقة الترابي والبشير ؟
أتذكر علي كشكش ,,, في كل خطوة تقوم بها حكومتنا الرشيدة ..بدينا بي لا ولاء لغير الله ,, ونحن ما معروفين هسه واقعين لي الصين في عبها ولا بارين أمريكا وماسكين طرف توبها,, زي الشافع الباري أمو ليل ونهار ,,, كنا نسميه وقتها( بطول) والمعني واضح إن شاء الله.
أتذكر كشكش :زمن النار ولعت ,, ورائحة الجنة وأخوات نسيبة ,, وزمن ياسر عرمان وباقان أموم.
أتذكر كشكش: زمن نأكل مما نزرع ونلبس مما نصنع ,,, والفلل الآن علي النيل تمتلئ بما لذ وطاب ,, وأتذكر شنو ولا شنو.؟؟
وجاييكم كان الارادة جابتنا.

واحد قاعد قدام بيتهم , شاف كوم من الناس ماشين في الشارع وقدامهم واحد سايق كلب معاهو ,,,وراهم طوالي نعشين شايلينهم جماعة ووراهم يجي زي الفين نفر مشيعين الجنازة ,,, سألو رقبتو ياربي المهمين الاتنين الماتو ديل منو ؟؟؟
قال ممكن دا يكون واحد من الجماعة المهمين ,, لكن حرقتو الشلاقة
مشي للراجل السابق الكلب قال ليهو:
يا اخي والله انا عارف انو الظرف حزين لكن الميت منو ؟
قال ليهو الراجل: دي مرتي نطّ عليها الكلب دا عضاها وقطع رقبتها.
: طيب الجنازة التانية ؟
: دي حماتي الله يرحمها جات تنقذ بتها نط عليها كلبي دا ذاتو وكسر رقبتها؟؟
: طيب يا اخي ولو انو الوكت ما مناسب لكن ممكن تسلفني كلبك دا بعد الجنازة؟؟
: ما عندك اي مشكلة لكن أركب الصف.
ملحوظة: لدينا عنوان صاحب الكلب.

كتير ما بنلقا قصص زي دي لكن ................!!
أنا ما عارف دة تهديد لينا أنحنا (العززابة) ,,, ولا إفترا منكم إنتو (المتزوجين) ؟؟
ولا الحكاية شنو بالضبط ؟؟؟؟؟؟؟؟؟؟؟؟؟؟؟؟؟
أفيدوناااااااااااااااااااااااااااااااااااااااااااااااااااااااااااااااااااااااااااااا

الليلة جينا وكيّة لي المابينا

هيثم الشفيع جاء المدينة وفتح لينا ,, نتمنى انو يكون في الخلا علي طول "أوعه تكون المرأة بتخش المنتدى؟",, الليلة وقعنا !!! لكن والله ما امسحها والزارعها الله التقوم ,,,
الرشيد يخش بي الليل والنهار يقرأ ويرد في المنتدي الاسلامي أو السياسي ,,, ولما دخل في كلمات لها ايقاع يومين تلاتة ووقف .
وليد اشترك في النت كتب مساهمة واحدة وما جا تاني
خالد: خلانا كلو كلو
وليد معلا : القصة شنو يا اخونا ؟؟
عصام الشفيع : سلام ساكت ,,, كمل المطايبة دي وتعال بي جاي.
معاوية الشفيع : حيدر قطامة
عماد الشفيع: هه
سلمي الشفيع : حيدرة قطامة
انصاف الشفيع: نشاط ثم كسل ثم نشاط ,, واليومين دي كسل
عبود: رائع لكن مقل
نور: وين؟
منية: وين؟
محمد الزبيدي : حاجات الدراويش زاتها خلاها ,,, يكون إتحمل؟
ابو بكر الزبيدي: يدخل يوم يجوط المنتدي فوق تحت والموضوع البتكتب في رد واحد يعمله 5 عشان يزيد عدد المشاركات ,,, ولا ردود علي المتداخلين.
هالة الزبيدي: النت مقطوع؟؟؟؟
قديس: فرحنا بيك كتير لكن خذلتنا
عز الدين : قال النت بطئ وبزهج عندهم
ابو بكر علي عبدالله : يا أخي بالله قوم لف ,, معاك اسكابشن الما نافع كلو كلو ,,, مالي منتديات الاذاعة والتلفزيون ولا يرضي ان يتصدق علينا بي موضوع واحد كل شهر,,, والمشتهي الحنيطير يطير.
اهه تاني في منو؟

البوست ده كان وين من زمان؟؟ أول مرة أشوفو وأسمع كلام المجانين..طبعأ أنا-ولا أعوذ بالله من كلمة أنا-أنا دايمأ مصاحب العقلاء لكنى أحب السماع للمجانين.
لماذا لم يبدأ صاحب الاقتراح هذا البوست بالاغنية الرائعة الخالدة أبدأ باذن الله(زى ثورة مايو):
قالوا قالوا على شقى ومجنون
صحيييييييييييييييح مجنون...؟؟؟

بالمناسبة يا معاوية البوست مفتوح لكل المجانين وليس حكرا علي مجنون دون آخر ,,, أُخد رحتك,,,, شكرا للمرور والتعليق.

بركة البقينا كلام مجانين ساكت

يعني عاوزين تقنعوني الناس دي كووولها عقلت؟؟؟؟؟

ما علقنا يا هيثم ,,, بقيت تفط سطر عديــــــــــــــــــــــــــــــــــــــــــــل ,,, مشتاقون.

يا ربي المجانين نحن ولا مجنونة الحكومة ... ولا مجنون السودان كلو ... الحكومة قبل الانتخابات بي شوية كانت لذيذة ومزاجها رايق وما بتغلط مع زول واذا خاطبهم الجاهلون قالوا سلاما ... مباحثات بي رواقة ونفس هادي مع حركات دارفور ... وعد الاطباء المضربين بزيادة المرتبات ... وقف كامل لاطلاق النار في دارفور ...وووو
لكن عينك ماتشوف الا النور بعد الانتخابات والتمكين ... اول حاجة كرفسوا ليك الترابي ... وكرفسوا ليك خليل ما عرف ينزل وين ... وعلى فكرة الاثنين انا شمتان فيهم عديييييييييييييل وما ناكره ... وكرفسوا ليك الحركات في دارفور كلها ورشوهم رش جد في جبل مون ودي برضو أنا شمتان فيها .... وتعال شوف " ما عايزين مشاركة مع اي زول في الحكومة .. مش فزنا .. مش قلتوا ديمقراطية أهه إنتخابات وعملناها ليكم وفزنا .. مش من حقنا نعمل الحكومة العايزنها ... وللحقيقة مافي اي زول عنده منطق يقول غير كده !!
لكن ما عجبتني كرفسة الاطباء " مش عشان انا طبيب ولا حاجة" لكن الحكومة عشمتهم قبل الانتخابات وبعدين نطت عدييل كده ... وتعال شوف يا قبيض ورفد ودق وكلو .... وقالوا إنو دا إضراب سياسي ... طيب نفرض إنو سياسي !! طيب مالو ؟ ما قلتوا ديمقراطية ...هل الاضراب السياسي ممنوع في الديمقراطية ؟؟ وللحقيقة الاضراب أساسه مطلبي وان آذرته مجموعات سياسية ... طيب إنتو تدوا فرصة للجهات السياسية فرص عشان تآذر ناس مطالب مشروعة لي شنو ؟؟؟ أنا لو كنت في الحكومة وبتكلم عن الديمقراطية حتى لو ما جادي فيها ما بدي فرصة لي ناس تانيين عايزين يكشفوني الفرصة!!!
والله الدكاتره أنا شفتهم في الاجازة الفاتت والقبلها ... حالتهم تحنن الكافر .. خليك من الجبهة القومية الاسلامية !!
رأيكم شنو بالله ما بنفع منظر سياسي؟
الحالة دي مجنون .. لو كنت عاقل كنت أكون كيف....؟

والله يا مرغنى يا اخوي البوست ده يعمينى عمى الترب(قول لي تبري)قبل الليله ما شفتو لكنو لذيذ والله.لكن مالو ليهو زمن مافي زول دخلو؟عقلتوا فجاءه ولا شنو؟وبرضو شايفه كل المشاركين فيهو من الجنس الخشن ده معناهو شنوووو؟لكم الود

سلمى والله كل زول يخش يقول يعميني ... الظاهر البوست ذاتو راكبه جن...تعرفي الموضوع انو الواحد عايز يقول كلام ويبقى ما مسئول منو ... تعمل فيها مجنون وتقول العايزو ... بعدين حكاية جن الرجال براهم دي ما معروفة !!! البجننهم منو كان النسوان زاتهن جنن؟ لكن إنتي طبعا من ما بديتي تذكري في المؤنث بقيتي معانا رغم التبريرات.... مرحب بك بيننا ! وقالوا الجن بيتداوى كعب الإندراوة ... الأنا ما عارف ولا متأكد من معناها ... لكن أظنني ماشي علي الاندراوة.... ومن الليلة أنا مندرو ... ولا تصريفها ما كده؟
أنا ما قلت ليك ما تمشي تهبشي المجانين؟؟؟
لك الود

دكتور يا ريت لو بقينا كلنا مجانين زي جنك حقيقي ممتع وعاقل

محمد الزبيدي كتب:كلام صصصصصصصصاح ....
بالمناسبه الموسسات كلها نسوان ...

يا جماعه الناس مرقو بره البلد خلوها لى ناس طه

وادروب ما بنزل من العربيه .... وطه ما بسيب السواقه

العم محمد/يعني انت هسة معترض على حكاية النسوان دي؟ ما المكتب بتاعك كلو نسوان ،وما في داعي لذكر اسماء .

يا مرغني ردا علي كلام ود الجدي ارجع للبوست بتاع100حكمه واقرأ الحكمه رقم89(وهذه بتلك يا حميراء)لك الود

أشكر المتداخلين / ود الجدي وياسر وسلمى .

دي إسمها هجمة مرتدة يا سلمى لكن الهجمة المرتدة عشان تكون صاح ما مفروض تتعمل بي نفس الطريقة كل مرة عشان ما تكون مكشفة ... وهجمتك المرتدة قطعناها من نص الميدان ... وهاجمنا تاني ...
المدارس الخاصة لذيذة جدا .. ويا ريت لو كنا قرينا خاص ... الأساتذة سياحيين زي الجرسونات بتاعين الفنادق 7 نجوم .. تحت طلب الطالب .. والزبون على حق دائما يعني ممكن حصة التاريخ ما تنفع معاك .. تفرطق أصابعك للجرسون" أقصد الأستاذ" وتقول ليهو عايز المنيو ...وطبعا حيكون واقف جنبك وأنت تمرر في أصبعك على اللستة بتاعة الحصص... واحدة واحدة .. علوم أحياء مع بريك قصير ... جغرافيا العالم مع شرح بالبور بوينت ...لغة عربية مع قصائد لنزار قباني .. وممكن أغنيتين لكاظم الساهر .. أو الأطلال لابراهيم ناجي مع أم كلثوم في الأداء ... تربية رياضية تنس إسكواتش بلياردو .. وممكن أهداف ميسي في الدوري الاسباني ....بعدها تشير بأصبعك للجرسون الذي هو الاستاذ الذي ينخفض عليك وأذنه قرب فمك لتهمس طالبا 2 لغة عربية وواحد إنجليزي مايكل جاكسون ......
إدارة المدرسة لاتتردد في تحقيق طلبات أولياء الأمور في توفير وسائل الراحة للطلاب ...والترفيه عنهم وعدم الضغط عليهم كما تنص عليه أصول التربية السياحية الحديثة .....
حليل زمننا ... تجي مردٍف يوم السبت والثلاثاء .. يوم النظافة فالويل لك إن كان هناك زرار مقطوع أو أظافر غير مقلمة أو بقعة حبر علي ملابسك أو يدك ..والويل لك في أيام الأسبوع الأخري ... تسميع جدول الضرب .. تسميع الأحاديث والآيات .. تسميع الأناشيد والمحفوظات .. الإملاء ..والأستاذ وما أدراك ما البعبع الذي تفر هاربا إن رآك خلسة في الطريق تلعب الكرة أو البلي أو غيره ......وأبوك الذي أول ما يقتادك الي المدرسة محدثا إدارة المدرسة أن لكم اللحم ولنا العظم ,, إيدكم والبركة ...أحسدهم كثيرا أبناء هذا الزمن ...!!

مرغني تحسد منو يا ود امي؟صدق او لا تصدق يا مرغني ووالله ما بهتهم لقيت في واحده من الصحف السودانيه اعلان لمجلس الاباء لجامعه كومبيوتر مان.زمنكم يا مرغنى(طبعا زمنكم ما ياهو زمنا)المدرسه ما فيها مجلس آباء.والمدارس بتعلن في التلفزيون والجرايد وتقول فصول مريحه ومكيفه لكن للاسف ما قاعدين يوضحوا لاولياء الامور هل التكييف مركزي ولا عادي .يااااحليل زمن الحصص التحت الشجره.لك الود

والله زكرتوني حاجة غريبة خلاص!!

في الثانوي

أولي ثانوي تحديدا" كان معلم الفيزياء بتاعنا مش مجنون

جنانيتر عديييييييييل 500 واط ,,, كهربتو زايدة وبتشغل مصنع سكر

وما أظن إنو في معلم (فيزياء ولا كيمياء) نصييح؟!!

المهم

كان كل يوم إتنين عندنا دبل فيزياء من الصبااح ,,, بجي داخل الفصل
السلام عليكم ................... ,,, أقعدوا
خالدعمر قوم عرف القوة؟؟؟
- ما عارفا
تعال ,,,
آكل لي خمسة عصايات وأرجع مكاني
الموضوع إتكرر
ركبت راسي ,,, وأبيت أحفظ التعريف!!!

بقي ثابت ,, كل يوم إتنين أستلم خمسة عصاياتي ديل وأرجع
إنتهت السنة بشرها وخيرها
مشينا تانية ثانوي وللأسف عرف إنو والدتي معلمة ..

وبرررررضو مسكنا فيزياء

السلام عليكم .................... ,, خالدعمر قوم عرف القوة
نفس السيناريو
خمسة عصايات وبرضو كل يوم إتنين؟!!

إنتهت السنة

في تالتة ,,, إتنقلت مدرسة السني والحمممممممممدلله ...


لكن ناس الوزارة نقلوا هو زااااااااتو جابوهوا السني؟؟؟؟؟

بس ما كان ماسكنا هو

بقي يلاقيني في الحوش

خالدعمر,,,,, عرف القوة!!!!!

الأخ / خالد إن شاء الله تكون عرفت تعريف القوة هسه ... القوة الجابتك وقلعتك من وسط أهلك .. وفننتك وسط الصحراء والأعراب ... القوة التي غيرت الناس بالسودان البسملة قبل كل شيئ والقلوب خاوية .. الإسلام الذي صار مظهرا بعد أن كان فعلا.... حليلو هو!!
تعرفوا إنو البامية بتاعتكم دي زي ما بتاعة أمبارح ؟؟
الزيت هو الفرق ؟

طيب ساهلة ... نطلع زيت البامية وزيتكم وما يكون في فرق ... ولا جدودنا زمان الوصونا علي شاي الزرافتين !!
يا أخ فقعتو مرارتنا يا ناس التلفزيون ... الإجازة كلها نحن ما عارفين نحن في مصر ولا في السودان المصري !!
دا كلو كوم وحاجة إسمها رمضان .... يأخ دا مش رمضان ... دا رمضان وفي السعودية ومن غير مكيف والفطور الساعة عشر ماية .... دا جابوهو من وين ؟..ولا هو ذاتو شنو؟ ولا كيف ؟ ما عارف؟؟
دا طير لينا الجن الفي راسنا زاتو!!
وقوون تي في تحييكم وتطلع زيتكم زاتو ؟؟
وجاييكم.

من الحاجات الحيرتني في الإجازة وجننت جني ... وما عرفت ليها صرفا ولا عدلا... جربت الفيزياء والأحياء والكيمياء ... وكله ما نفع .. وما لقيت أي تفسير .... وطيرت لي جني في رأسي وكان لقيتوا لي حل ولا تفسير خصمتكم بي الله تقولوهوا لي !!
وعشمان في ناس الهندسة كتير خلاس!!
يالله أقول ليكم:

أنا عارف وكلكم عارفين في السودان لما تجي المطرة بتقوم الكهرباء تقطع .. أقصد بيقطعوها ناس الإدارة عشان خايفين السلوك يطاقشن يقومن يعملن ماس .. أو يكونن إتطاقشن قبل ما يقطعوها وعملن ماس والكهرباء تقطع... دي حدود معرفتي في قطع الكهرباء مع المطرة ... لكن في الإجازة دي وفي حينا في اركويت السنة دي لاحظت ... صبة مطيرة.. مش مطيرة .. نقيطة مطرة كدي ... تقوم الموية تقطع ... الموية العديلة الفي المواسير دي والكهرباء شغالة زي العجب ... يا أخوانا أنا ما ساهرت الليالي وحكيت رأسي دا لما جاب الدم ما عرفت لي سبب!!
قلت إمكن الناس ديل عندهم بابور بيرفع الموية في الصهريج والبابور دا قاعد بره في السهلة والناس ديل ناس عاقلين خايفين علي البابور من الحكاية بتاعة الماس القلنا عليها قبيل... ماركبت لي في رأسي لأنو الموية دي ,قولة طق كده نقطة مطرة الموية بتقطع .. يعني كان الصهريج دا فيهو صفيحة موية بس ما بتقطع !!
طيب السبب شنو؟
إمكن الناس ديل بيقولوا الناس ديل وكت جاتهم موية الله نخليهم عليها! يا ربي!
المهم إنو أنا ما لقيت أي سبب مقنع ... وإجازتي كلها راحت لي في موضوع الموية وما حصلت حاجة... قلت أسأل زول بيعرف في التكنولوجيا لكن خجلت وقتها .. معقول زول كبير قدر ده ما عارف المويه بتقطع مع المطره ليه؟؟
إجازتي راحت شمار في مرقة ... ولأني ماشي الإجازة الجاية ... وإمكن أرجع كلو كلو فبالله عليكم يا العاقلين شوفوا لي سبب عشان إجازتي الجاية أو باقي عمري مايضيع بين ناس الموية والخريف.....

مقاول يعاني من موضوع الإنفصال .... مشكلتو حتكون طُلَب !! ونحن بدورنا نطمنو جدا لأنو الصعايدة وصلوا!!
بتاع سجاير سيفرح من موضوع الإنفصال...مافي حد حيضايقو في تجارته!! ونحن بدورنا حنقول ليهو ما تفرح شديد.. الناس بقت تمباك بس !!

بعض الحكومة سعيد بالإنفصال .... دولة إسلامية 100% زي بنغلاديش ؟؟ ونحن بنقول ليهو ما تفرح شديد لسه في جبال النوبة وفي أقباط برضو!!
وبعض الحكومة زعلان من الانفصال عشان موضوع البترول !! ونحن مش دورنا نطمنوا برضو....ستقل نفقات الانفاق العسكري ونفقات ال500 وزير جنوبي و300 مستشار !!
طيب السياح نجيب ليهم أناتيك وأبنوس وعاج منو وين ؟؟؟ مشكلة !! لكن حلها ساهل في البروتوكول التجاري بين جمهورية السودان الشمالية وجمهورية السودان الجنوبية حنضمن موضوع الأناتيك ... ضروري !!
طيب منو القال ذاتو حيكون السودان الجنوبي !! الناس ديل كلمة جنوبي دي ذاتها كرهوها بي الله واحد .. وهي واحدة من أسباب الإنفصال!!!
موضوع النشرة الانجليزية ساهل بنلقلى ليهو حل .طيب ... ناس ساحات الفداء وسائحون ديل حيلقوا مواضيع وين ؟ والله آآ دارفور حتكون ساحات فداء برضو !!.. المشكلة حتكون في الدراما بتاعة الشروق .. وين حيلقو مواضيع زي بتاعة ملوال وعثمان !! ما مشكلة الوالي في بيلقى ليها حل .
وبمناسبة الوالي دي ... هل سيؤثر إنفصال الجنوب على إنتخابات الإتحاد العام ولا لا؟
وهل سيطالب صلاح إدريس أو شداد بإعادة الإنتخابات ... ثم ماذا عن هلا ل جوبا ومريخ جوبا ... هل سنرجع للهلال والمريخ العاصمي أو سيصبح هلال ومريخ السودان الشمالي ؟
أهه وناس ألعاب القوة وكرة السلة حنعمل فيهم شنو ... ؟ والله أنا بفتكر إنو في ناس جرايين جدا في الخلا نحن ما مستفيدين منهم ! وأهو " عسى أن تكرهوا شيئا وهوخير لكم ".
طيب السكة حديد بتاعة واو .. حتمشي للحكومة ديك ولا دي ؟؟ عشان نحن عايزين حقنا حديدة!!
وأهم حاجة جامعة جوبا !! يعني زي ناس نحنا حنكون خريجين من السودان ولا من الخارج !! وهي الجامعة الهسه دي حيقسموها نصين .. نصنا نحن حيكون جامعة جوبا فرع الخرطوم ... طيب لو الجنوبيين قالوا نحن نصنا التحت نسوي شنــــــــــــــــــــــــــــــــــــــــــو؟
طيب سؤال برضو ... ناس الحركة الشعبية ديل لما جوا ما قالوا نحن عايزين ديمقراطية وكده ... وما عارف منسقية المفصولين تعسفيا و ما عارف لجنة شنو العليا وبقوا للحكومة في رقبتها .. المهم ديمقراطية ما عليك بيها , لكن الكحة ولا صمة الخشم ... الناس ديل ما حيفكونا عكس الهوا .. ويخلونا علي ناس نقد والميرغني والصادقين وهلم جرا ... وبيني وبينكم نحنا هينين المشكلة في الشماليين المع الحركة الشعبية ... ديل حتكون قِصتم كيـــــــــــــــــــــــــــــــــــــــــف؟
واحد مغترب .. قال مشكلتو مع الإنفصال إنو الدولة ما حتكون عندها مصادر دخل عشان كده حيرجعوا الضرائب بتاعة المغتربين .... واحد تاني قال ليهو مافي مشكلة لأنو الريال سعرو حيزيد !! وبعدين قصة الخدمة الإلزامية حيلقوها .. ما خلاص بقى مافي جهاد .. نجاهد منو؟؟؟


قلبي على وطني !! وكل ما أذكر خريطة السودان the heart of africa رأسي يعمل زنّ... وأتخيل الخريطة كده حتكون على شكل كلوة ... أب دمام " ما قلت الدمام عشان العمده ما يطير لي في حلقي" أو على شكل فشفاش بعد ما نخش القراش ....


كل يغني على ليلاه وهناك يرقد وطن جريح ينتظر مبضع أطباء قليلي الخبرة وقصار النظر , رأوا أن البتر هو العلاج .....لاأدري كيف تبتر عضوا سليما ليبرأ باقي الجسد !!

وهناك يجلس محمد أحمد مطرقا برأسه بين كفيه ...ينتظر النهاية لا يحرك ساكنا ولا نحرك ساكنا فينا إلا اللسان .... لكم ودي.

زمـــــــــــــــــــــــــــــــــــــــــــــــــــــــــــان عندما تزوجت كلما تكون المرأة حامل أتمنى المولود ذكرا .. كعادة كل الذكور المنحازين إلى جنسهم .. الحكاية دي ضربت في الاولى والتانية لكن جلّن في الثالث والرابع ... ولكن بعد هذا العمر المديد تبين لي خطل ما كنت أرتأيه .. قولوا لي كيف؟

الأولاد الزمن دا قرايتهم تلتلة زي قراية البنات زمان وهسه يعني مافي فرق بين قراية بت وولد ... زمان شلن الفطور ويفكوك عكس الهوا لحدي الثانوي العالي ولا مواصلات ولا يحزنون ... تدق الكدر ..يردفك صاحب في عجلة المهم تشيل شيلتك ....بعد داك تستلمك الحكومة في الجلمعه ترحيل أكل وسكن .. والله يا جماعه وما طالبني حليفة الناس الكانوا بيلعبوا كورة الجامعة كانت بتصرف ليهم كدارات ... ومصاريف شهرية " أيوه مصاريف .....الحكومة كانت بتصرف لينا قروش كل آخر شهر" وهذا الإستثمار الحكومي إستفادت منه دول أخرى غير السودان والخليج على وجه التحديد!! دا ما موضوعنا هسه موضوعنا الإستثمار في البنات ... وزي ما قلت ليكم إكتشفت إنو أنا كنت غلطان ثم غلطان ... عندي بتين بجهز واحده فيهم مذيعة ودي الصفراء شوية كده .. أعلمها ليك مخارج الحروف وتقعد يوميا قدام المراية وتستضيفني في برنامجها .. وتعرف متى تلتفت ومتى تضحك ومتى تبتسم ... ومتى تحدث المشاهدين عن ذلك الألق الموشى بالعبير ... والليل المتدثر بالحروف واصطفاق الموج على حواف أم در ... دي واحدة .
الثانية : كل يوم من الصباح قبل ما تمشي المدرسة تسمٍع لي أغنية حقيبة بدل جدول الضرب" برا ضرب برا زفت وهو نحن الضرب عمل لينا شنو؟"... حأقعد أسن ليك في صوتها لحدي ما يجهز أسوقها أوديها لي ناس محمد سليمان تبكيهو بي كم أغنية كده ... وبابكر صديق بيتم الباقي جزاه الله عنا كل خير .... بس ما حأدويها لي أحمد المك يقول ليك هويحب إحتضان المواهب الشابة ... الزمن دا كلو ماشفت أحمد الجن دا إحتضن ليهو موهبة راجل!!
ولا يعملها لي عرس وما عرس وانا مافاضي لي الكلام دا ....أحمد المك هين .. المشكلة ناس دوغري وما دوغري الطالعين فيها اليومين دي !!... ولا أقول ليكم حاجة خليت الغنا حنقلب مديح .. والله برضو بيجيب ما بطال .!!!. أربط ليك رأسها من فوق كده زي ناس فدرير ونادال وأعلمها غميض العيون لما تندمج في المديح .. ولا ضرر من التمايل قليلا أثناء المديح " جوّزه بعض الفقهاء مع الكراهة"... المهم البنات المستقبل مضمون وما فيه أي مشكلة بالإضافة لظهوري في التلفزيون بين الفينة والأخرى للحديث عن هذا البيت الموهوب .. لكن بس ختّوني ناس الدار ...والجرايد إياها...
الأولاد العوض على الله الإتنين طلعوا ما بعرفوا كورة ... وإلا كانت تمت الناقصة .... بس بفكر أفتل شعر واحد فيهم وأعلمه التمتمة في الحديث ومقاطعة الآخرين والتعصب الأعمي والحديث عن كل شيئ في نادي الهلال إلا عن كرة القدم.... إمكن إطلع لي زي صاحبنا رمضان وقوووووووووووووووووووووووووووووووووووووووووووووووووون.

التاني بلبسه أحمر وأصفر بس ...وأعلمه الغلاط والمكاواة ... ويركز لي علي حكاية" راعي الضان في الخلا بيعرفها" ..... وفرق يا أبراهيم .. وإتجعرني ... إمكن يطلع لينا بي كلوة حقيقة ولا فشفاش يهرد بيهو فشفاشكم... المهم جيبو إتملي !!

المهم الآن أنا عملت العليّ وجهزت الأولاد وضمنت ليهم مستقبلهم ... وسأنام قرير العين هانيها... وإي زول رأسو ضارب ممكن إتصل بينا ونعمل معاينة لي ولده أو بنته ... وبعد الدراسة المستفيضة سنوجهه التوجيه الصحيح بإذن الله ... أرزقي حكومي ودقن وجلابية وكرش ولسان سنين وكثير من البسملة والحوقلة والإستغفار....أو قمصان صفر وبترقش وكرافتة ما مربوطة كويس وحلاقة مكوجنة أو شعر مفتل وهاك يا غنى.. حليل زمن ناس مهدي بكش ...المهم ما حتندموا إتصل نصل..

دا كلام عاقلين يا استاذ والمجانين هم الما بسمعوهو

البوست دا حاجة ظريفة وتعليقاته مضحكة وساخرة......... وواصل نحن في انتظار الجديد

شكرا البنوتة .. شكرا امال عباس للمرور والاضافة ,,, لكم ودي.

صديقي / معاوية علي الشفيع ... .. وهو رجل مسكون بالإبداع والكسل ...له رأي سالب في بعض الأمثال السودانية .. وكان قد إبتدر نقاشا في هذا الإطار وكتب حوله ولكن توقف لأسباب أهمها قد تم ذكره ... وهذه محاولة مني لتقليده ...

الراجل افجخي بصلة قبل ما يبقي اصلة


يعني بإختصار الراجل تِفيهو قبل ما يتِفِك ... حرب عديـــــــــــــــــــــــــــــــل
دا ما عرس ولا حاجة ... ولشرح المثل للذين لا يعرفون فجخ البصلة " وأكيد لغير المتزوجين " .. تفجخ البصلة عادة ليس في فنادق كنون .. وليس على رخام ولا تحت المكيفات ... وليس بيد هيثم أو لؤي أو حتي صلاح أو عادل ... فاجخ البصلة غالبا ما يكون خير الله أو عبد الجبار أو آدم .. وساحة الفجخ تكون في شمش الله الحارة دي حيث لاوقت لأي من هؤلاء لتقشير أو خلافه .. توضع البصلة على سطح صلب " خشبة حجر.. أو ركبة الفاجخ نفسه أو يده الأخرى" ثم يقوم الفاجخ بضربها على أم رأسها تتفرطق بعدها البصلة علي ستين حته.. وشظايا أصغر مما يستطيعه الشيف أسامة بكل أدواته .... تقدم الشظايا للضيوف لقرشها مع الوجبة ... وبالهنا والشفا .....
عليكم الله شوفوا النسوان ديل القدرن عليها ؟
... فجخ زي دا مالهم عليهو الناس الماشين فوق دربنا ؟
وشوف كمان التهديد للما بتفجخ البصلة !
يعني يا هناية كان ما فجختيهو حيبلعك جب زي الأصلة .. وهذا التهديد لضمان القيام بالفجخ كما تفعل سابقاتها!!
نحن غايتو " أنا وأخوي الجاهوري " إتفجخنا وإتفرطقنا علي 600 قطعة الدور والباقي علي الجايين .والمفجوخين جديد" أنا قلت إسم زول يا جماعه؟".. ما تخافوا فجيخة بسيطة كده والأمور تمشي !!
يمكن لمن إنتوى الزواج ... أن يحدد قبل الزواج مع الخطيبة كيفية الفجخ وشدته وما تتغشوا .. ما ترضوا بي أكثر من فجخة واحدة يا صابت يا جابت !!!

خاتمة: بالله يا جماعه شوفوا ليكم جنس فهم !!
الرجال يوصوا في العريس : أضبح الكديس وما ضبحت الكديسة !!
والنسوان يوصن في العروس : أفجخيه وما تفجخيه!!
دي بداية قالوا لحياة زوجية سعيدة ... نفرين مفترض فيهم يعيشوا مع بعض طول العمر .. يقتسمان الحلو والمر " وما أكثر المر" .. نفرين عايزين يكونوا أسرة فيها أطفال يجب تربيتهم وليس إطعامهم وكسوتهم فقط!!
دي بداية دي ؟
والله أخير منها بداية هلال مريخ الأخيرة !!

حرب عديل زي ما قلنا ! طيب الجابرنا والجابركم شنو ... لا تفجخونا ولا نبلعكم .. ما دام الحكاية كده كل قرد يطلع جبله ويا دار ما دخلك شر ....

بحثت كثيرا في التراث الشعري العربي قديمه وحديثه ..فلم أجد إلا النذر القليل عن الزوجة تحديدا وليس الحبيبة عموما ....



وخليكم شاهدين يا جماعة أنا ما جبت سيرة أي زول : ولا هيثم ولا أولاد عبد الرحمن الشفيع ... عشان بعدين ما تقولونا كلام ما قلناه.....

لكم ودي... وكديستي.

الله يفجج خش ..... بينى وبينك نحن فججونا بصل وتبش وبطيخ كمان وما اظنه نفع ولا بينى وبينك يكون نفع ونحن ماجايبييين خبر ....
موضوع استثمار الاولاد بالحيل وقع لى وكان مفرووووووض من زمان نعمل بيه وعشان كده الكبار ما اظنيتهم طلع فيهم عمار كدى نرجع نلحق الصغيرين....
اولاد الشفيع ديل كدى خليهم ورينى رأيك فى اولاد الزبيدى ديل عليك الله فجة ليمونة بس جابت خبرهم والكلام بنات الزبيدى وخاصة الصغيرونة دى ماعارفها عملت لود خالهاشنو ؟ بركاتك ياشيخنا

النسوان ... وما أدراك ما النسوان ؟؟

إطلعت على موضوع في إحدى المنتديات يطرح سؤال على الزوجة:

أيهما أحسن لك... زوجك يتزوج عليك ولا يموت؟؟

أعجبتني الفكرة والسؤال نفسه يعني حكاية إنو إتزوج دي زي المات .. يعني خيارين قريبين من بعض .. إتخيلت إجابات بعض نسواننا وتصرفت في بعض الإجابات الموجودة بالمنتدى ... يلا نشوف:

السُرة بت بابكر:

قالت بعد أن قشقشت دميعاتها :
الموت حق ... والدنيا دار الغش .. داير بيها شنو ؟ أخير ليهو يموت...إستغرك يا ربي .. ما دايم إلا وجهه.

ست النفر بت الدابي :
قالت بعد أن عضت على أصبعها السبابة:

أحيّ عليه: يتزوج وبعدها يموت طوالي عشان ما أزعل وأبكي عليه.

ست البنات بت جاد السيد:

يتزوج لكن بشرط يبني لي فيلا في المهندسين ... ويدخل الأولاد مدارس أجنبية ويدفع أقساطهم كلها ... ويملى لي يديني ورقبتي دهب ... ويسجل لي العمارة حقتو بي إسمو وبعد داك يموت.

العازة بت تاج السر :

شوفوا يا أخوانا لمصلحته أحسن يموت لأنه بعد ما يموت أنا حأدعو ليه ... لكن لو إتزوج حأدعو عليه ....

شايفين الحنية دي ؟؟

السارة بت جاه الرسول قالت:

أحسن يموت .. حياته من موته فرقها شنو ؟؟
أرملة ممكن ألقى لي زول يعرسني .... لكن زوجة تانية ما عندي فرصة ... ولو طلقني فرصة الأرملة أحسن من المطلقة ....

سلوي عادل:

أحسن يموت ... بس أنا حأموت معاهو .. وبعدين نخش الجنة ونكون زوجين فيها ونعيش في تبات ونبات!!

يا أخي دي جنس عنكشة !! سيك سيك معلق فيك .


سألت زوجتي الفاضلة فقالت:

إن شاء الله لا تفوت لا تموت !!

طيب لو فرضنا مثلا .. إفتراض ساكت كده إنه الموضوع ما فيهو فوته .. يعني أنا ما حأمشي كله كله... يوم هنا ويوم هناك ؟
قالت وهي تلوي ببوزها:
والله ما سمعنا بيهو زول يوم ميت ويوم حي!!

لكم ودي .

مرغنى ما لقيت زول يوريك موية الحصاحيصا بتقطع ليه عندما تصب المطرة ... لأنه بصراحة كده شحتفت لينا رويحتنا دى ،،،،،،،

عماد الشفيع كتب:
مرغنى ما لقيت زول يوريك موية الحصاحيصا بتقطع ليه عندما تصب المطرة ... لأنه بصراحة كده شحتفت لينا رويحتنا دى ،،،،،،،

والله يا عمده لسه مافي اي خبر .. إنت الشفقة والمهابشه عليك شنو؟؟
لا ساكن في الحصاحيصا ولا عايز تسكن فيها !! الحارق رزك شنو؟
غايتو الناس ماشه كبيره في العمر ولسه التحشر ما عايزه تخليهوه !!

لك ودي.

يا عمدة

الموية بتقطع لما المطرة تصب
عشان الكهرباء بتكون قطعت
وموتورات الموية شغالة بالكهرباء.......وقع ليك؟؟؟؟؟؟


بعدين ياميرغني

عقلت ولاّ شنو؟؟؟؟

ميرغني ابراهيم كتب:

أنا عارف وكلكم عارفين في السودان لما تجي المطرة بتقوم الكهرباء تقطع .. أقصد بيقطعوها ناس الإدارة عشان خايفين السلوك يطاقشن يقومن يعملن ماس .. أو يكونن إتطاقشن قبل ما يقطعوها وعملن ماس والكهرباء تقطع... دي حدود معرفتي في قطع الكهرباء مع المطرة ... لكن في الإجازة دي وفي حينا في اركويت السنة دي لاحظت ... صبة مطيرة.. مش مطيرة .. نقيطة مطرة كدي ... تقوم الموية تقطع ... الموية العديلة الفي المواسير دي والكهرباء شغالة زي العجب ... ...

إجابة خطأ يا باشمهندس ....شوف غيرها ...

لما تجِن ...وفوق الجِن العندك تجن تاني حتكون عاقل وتهمِد تقعد هناك في الكورنر ... تعاين بس ...نفي النفي إثبات و-1مضروبة في -1 تساوي +1

وقع ليك ولا أوقعه .. ولا أمضاهه ليك ....
سنعود لو إنتهى الإستفتاء دون إنفصال ... لأنه حيكون في مجانين في الجنوب يسمعوني وأقدر إتفاهم معاهم ... ومع صاحب الإنتباهة الما قادر يفهمني ...

جاييك والله يا هيثم ... المهم أنا سعيد بعودتك .

يا جماعة اقول ليكم كلام طبعا الايام دى البلد عندنا باردة وبينى وبينكم كان عندى سخان موية بس نسبة لعدم استعماله منذ فترة اظنو صقر ( القاف فيها شدة ) انا ما عارف بيكتبوها كيف فى الكى بورد و عارفك يا مرغنى بتنط لى فى حلقى وتقول لى وريناكم اسرار الكى بورد لكن اجارك الله ما عندى خلق للرجوع والتفتيش المهم حلوه كلمة ( صقر ) طيب انا قاصد الصدأ نرجع لموضوعنا قمت شلت السخان ده ورميته على امل ان اجيب لى واحد جديد تانى يوم لكن المفاجأة تانى يوم قمت الصباح قبل الذهاب للعمل ودخلت الحمام لكن فوجئت بأن الماء دافئ ومايل للسخونة قلت يمكن ان الشقة الفوق منى التوصيل بتاع المواسير بمر بالسخان بتاعهم لكن فوجئت بأن اثنين آخرين قالوا انهم ايضا لاتوجد لديهم سخانات وبرضو المويه دافئة اها دى رأيك فيها شنو ياود عمى ... نقول طبقة الأوزووون ...
تخريمة
اوع من كتاب اخوالك بتاعين بورسودان البسجلو فيه الحاجات بتاعت دل ...