أوجه الشبه بين السياسة السودانية والكورة السودانية

منذ قررت إعتزال متابعة الكرة السودانية في 1/1/2010م ورغم نجاحي النسبي في هذا الأمر إلا أن هناك هاجس لازمني طوال هذه الفترة وجعلت أكرره على مسامع كل من يسألني عن السبب.......كان هاجسي هو أن الكرة السودانية والسياسة السودانية متشابهتان ، لذلك فقد اعتزلتهما معاً ،
في صحيفة الصحافة -عدد اليوم 11/4/2010م- وجدت كاتباً يحمل نفس فكرتي فأخذت مقولته كبداية لما كتبته ، وأنتظر من أعضاء المنتدى المساهمة بآرائهم في هذا الأمر باضافة المزيد من اوجه الشبه :

العلاقة بين الكورة السودانية والسياسة السودانية

القاسم الأعظم بين السياسة السودانية والكورة السودانية هو الإخفاق وإشاعة الحزن في قلب الشعب السوداني
(المتوكل محمد موسى – الصحافة 11/4/20101م)

1-في الكورة الهلال والمريخ والكومبارس وأشباه الكومبارس موردة أمل عطبرة الخرطوم وبقية فرق الممتاز
في السياسة المؤتمر الوطني والحركة الشعبية والكومبارس وأشباه الكومبارس أحزاب المعارضة والمؤتمر الشعبي وحركات دارفور
2- في الكورة مافي أي علاقة بين كورة العالم وكورتنا
في السياسة كذلك
3- في الكورة عندنا صحف رياضية أكتر من البقروها
في السياسة كذلك
4- الصحف منقسمة الميول بين القطبين
في السياسة كذلك
5- في الكورة الناس همها الهلال والمريخ والمنتخب يحرق بي جاز
في السياسة الناس همها المؤتمر والوطني والحركة الشعبية والبلد تطير في ستين داهية
6- في الكورة لا يعترف أي هلالابي بوجود أشياء طيبة في المريخ والعكس بالعكس
في السياسة لا يرى أعضاء المؤتمر الوطني أسوأ من الحركة الشعبية والعكس بالعكس

يللا يا أخوانا

أنا متأكد أوجه الشبه أكتر من كدة بي كتييييييييييييير

في الكورة

رئيس الاتحاد دائما شداد,, وفي السياسة ما دايره ليها شطارة وحيفوز بي انتخابات زي انتخابات شداد ,, وما فيش حد أحسن من حد.

المدرب دائما مازدا,,,والمدرب دائما الترابي ولو ما المدرب بيكون في الاستديو التحليلي.

لكن كمان يا هيثم في اختلافات كثيرة ما تنسوها
1/ اللاعبين في الكورة بنيتهم الجسمانية ضعيفة ,, لكن اللاعبين السياسيين خمسة في عين العدو
2/في الكورة شداد بيستقوي علي الجوة بي البرة "الفيفا"
وفي السياسة بنستقوى علي البرة بي الجوة
3/ في الكورة ما بنعرف ننظم الهجمات المرتدة
لكن في السياسة ما شاء الله عليهم
4/في الكورة مرات بيطلعوا الكورة لولاعب خصم أصيب ,,بس بشرط يكون غالب.
في السياسة مش لو مصاب لو مات عديل اللعبة بتستمر

وكثير كثير ...
حتما سأعود.

من طرف ياسر السبت أبريل 24, 2010 7:09 pm

والله احيي الجميع على الموضوع الجميل دا

من طرف زاهر الأحد أبريل 25, 2010 12:31 am

في الكرة والسياسة التحكيم فاشل .

من طرف عماد الشفيع الأحد أبريل 25, 2010 8:23 am

فى الكورة العجب وهيثم مصطفى خالدين فيها برشام ...وفى السياسة المهدى والمرغنى والترابى لا دايرين يفوتو ولا يموتو

من طرف **خالدعمرحسن** الأحد أبريل 25, 2010 10:01 pm

زاهر كتب:في الكرة والسياسة التحكيم فاشل .

وفي الملاعب الكروية في موت ,,, وفي الملاعب السياسية في موت ...

ومن الصُدف الجميلة إنك تلاقي زول جميل زيك كدة يا أبو يوسف

وكمان مُمّحن ,,, إنعل أبو الذفت زاتو

مرحب بيك في المنتدي وواصل نحن معاك لمن يوسف يجي يسجل معانا

والمنتدي منتداك وتاني مرحب ..

في الكورة ...لاعب او لاعبين تلقاهم سارقين
في الحكومة ... السارقين كُتــــــــــــــــــــــــــــــــــار.

أوجه الشبه بين السياسة السودانية والكورة السودانية

أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية

رد: أوجه الشبه بين السياسة السودانية والكورة السودانية