زواج عصري

> مصر البطلمية
> تتجوزينى يا افروديت
> اتجوزك يا بانسيلوس
> يللا بينا نبنى كوخ ع البحر ونعيش هناك يللا بينا

مصر بعد الفتح الإسلامي

> ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة..
ويقدم مهر بعير
> والله خالد ولدك زين الرجال .. وايش اتمنى غير رجل صالح يكون زوج لبنتى ..
وكما قال رسول الله صلى الله عليه وسلم ' ان جاءكم من ترضون دينه وخلقه
فزوجوه ' ********

مصر 1919

> انت هتتجوز بنت الحاج عبد الجليل .. انا كلمته خلاص ووافق .. وضب قوضتك
وهات خلخال .. فرحك يوم الخميس اللى جاى
> طب مش اشوفها الاول يابا
> انت اتجننت يا ولد تشوفها ده ايه .. انت هتتجوز والا تبحلق
> حاضر يابا

مصر 1960


> بقى يا ستى بنتك آمال جالها عريس
> يا ألف نهار ابيض يا ألف نهار مبروك
> جدع طيب وابن حلال موظف فى الحقانية .. وماهيته مش بطالة .. اهو يبنوا
حياتهم سوا بعد الجواز.. والا ايه رأيك يا أم العروسة؟
> الرأى رأيك يا أبو العروسة .. والله العيال هيعجزونا يا ابو محمد
> فشر .. تدبل الوردة وريحتها فيها يا نرجوستى

مصر فى عصر الانفتاح


> اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
> بس يا ماما !!
> ما فيش بس.. انا وابوكى قبل ما يموت فى الحرب كانت بتعدى علينا ايام ما
بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى
هتتجوزى فتحى ابن خالتك
> بس انا مش بحبه يا ماما
> الحب ما بيأكلش تونة فى الزمن ده يا فالحة
> امرك يا ماما

مصر 1990

> البنت: بابا ريكو هييجى يقابلك بكره وهو راجع من مع ديدى .. ماتتكلمش
معاه فى اى ماديات من فضلك انا بشترى راجل واحنا معانا كتير وبعدين
الكلامفى المهر والعفش والقايمه والفرح ده موضه قديمه وحاجات بلدى قوى ..
انا اتفقت معاه على كل حاجه والفرح فى كافيه ماريانو فى المعادى على
الضيق .. وانا جيت اعزمك انت ومامى
> الاب: مبروك يا حبيبتى

مصر 2008

> بابــى .. دودى اللى اتعرفت عليه من الشات مشغل الويب كام وعايز يكلمك

علشان يقرأ معاك الفتحه اصله ملتزم اوى و مصمم يدخل البيت من ماسنجره

اقصدى من بابه
> الاب : على خيرة الله يا بنتى ده شكله فعلا ملتزم روحى شغلى الكاميــرا
والمايك واناهالبس انا و مامتك ونيجى نقرا الفاتحه مش انتوا اتفقتوا على

كل شىء
يلا ربنا يتمملكم بخير يا روحى


> مصر 2010
> بابــى .. حياتى .... انا فى مارينا دلوقتى ، قابلت ميدو ابن أنتي مادى

اكيد فاكره واتفقنا على كل حاجة .. انا بس بقولك ان فرحى الليلة على

البحر فى البلاج بوابة 5 .. ومفيش فستان ولا حاجة ما حبيتش اكلفه ..

كله بالمايوهات .. سورى قصدى البكينى .. ولو مش قادر تيجى الصور والفيديو

على الفيس بوك

> الاب : مبروك يا حياتى .. بس انتى عارفة ان مامى معندهاش بكينى بس
باكينام السكرتيرة عندها .. هاجيبها واجى .. وماما تبقى تتفرج من على
الفيس بوك

باقي ليك آبنوتة آختي....

بالمعدل دة...........

2020 ناس البيت بيكون عندهم خبر؟؟؟؟؟؟

بنوته / كيف حالك .....
كنت أتمنى .. أشوف التسلسل التاريخي عندنا برضه ... ما أظن بيفرق كتير ... شكرا للموضوع والنشاط..... لك فائق الود والتقدير.