اطالب وبشدة بإقالة حامد عثمان

عماد الشفيع كتب:اسمع يامرغنى بدون واسطات وتحيز مامعقول يكون المشرف على الصفحة حامد عثمان وهو لا عندو موضوع ولا يعمل مداخلات بس ورينى عملتو كيف مشرف اننى من هذا المنبر اطالب وبشدة بشطبه فورا0000 ولكن عشان اخيتك الصغيرة الله يعينا عليه نعطيه انذار نهائى ( انت واقع مع حامد وانا واقع مع شبو الله يعينا عليهم الاثنين )0

حامد عثمان حامد كتب:

عماد الشفيع كتب:اسمع يامرغنى بدون واسطات وتحيز مامعقول يكون المشرف على الصفحة حامد عثمان وهو لا عندو موضوع ولا يعمل مداخلات بس ورينى عملتو كيف مشرف اننى من هذا المنبر اطالب وبشدة بشطبه فورا0000 ولكن عشان اخيتك الصغيرة الله يعينا عليه نعطيه انذار نهائى ( انت واقع مع حامد وانا واقع مع شبو الله يعينا عليهم الاثنين )0

لك التحية والتقدير أخي عماد الشفيع ومع ذلك فإني أود أن أعلق على هذه المساهمة بما يلي:

أولاً:إن التحيز والواسطات شيء طبيعي والحمد لله إننا لم نمارسه إلا بهذا المنتدى فقط، ياخي إنت ما تتكلم مع ناس الحكومة والله ماك شايف وعارف الأسباب وراء هجرة الكثيرين؟.

ثانياً: إن عبارة "وهو لا عندو موضوع" إستوقفتني كثيراً وفيها إشانة سمعة خاصة للذين لا يعرفون حامد عثمان جيداً، كما أنها يمكن أن تؤدي للمطالبة بالخلع، يعني الموضوع ده فيهو خراب بيوت عديل كده.


خونا حامد 000 سميناها رضينا وبدون تعليق 0000

ثالثاً: إن شطبي من المنتدى لا يمكن ان يتم إلا بعد إجتماع للأسرة الحاكمة وده المخلينا ما شغالين بي إنذاراتكم إنت وأخوك "ميرغني" وفي إجتماع الأسرة في تحالفات وتكتلات وفيتو وهلم وهلم،،، لذلك فنحن نائمون على تلك التحالفات والتكتلات وذلك الفيتو، وبالمناسبة إذا سمح المدير العام بنشر أي مساهمة من هذا النوع وقتها سيكون لنا حديث آخر وسترون تلك التحالفات، لذلك أرى سحب ذلك الطلب وخاصة كلمتي "بشدة وفوراً"لأنه ده كلام ساكت يعني بالواضح دي جعجعة فارغة.

رابعاً:وبعدين ياخي أنا وشبو المسكين ده في زول جبركم علينا حتى تأتوا وتتبجحوا وتطلبوا من الله يعينكم علينا، وبعدين شكلك ناوي توصل رسالة لي شبو لكن بطريقة حلوة فأهنئك على هذا الاسلوب الرائع.

للمذكورين بمساهمتنا الود والتقدير، وكذلك الحال بالنسبة لجميع اعضاء المنتدى

ميرغني ابراهيم عمر كتب:سمعت يا عمده القصة بتاعة المريخابي المرتو هلالابية,,, الهلال غلب المريخ المرة قالت ليهو وييييييي غلبناكم قال ليها وييي طلقناكم ,,, نحن ما بنقدر نقول ويييي اقلناكم ,,, وكان عايزين تقيلوهو قيلوهو براكم انا بره,,, لك الود.

حامد عثمان حامد كتب:

ميرغني ابراهيم عمر كتب:سمعت يا عمده القصة بتاعة المريخابي المرتو هلالابية,,, الهلال غلب المريخ المرة قالت ليهو وييييييي غلبناكم قال ليها وييي طلقناكم ,,, نحن ما بنقدر نقول ويييي اقلناكم ,,, وكان عايزين تقيلوهو قيلوهو براكم انا بره,,, لك الود.

الأخ ميرغني لك التحية

يا أخوي ناس عمدة ديل أنا ما عارف قاصدين شنو، لكن على ما أظن والعهدة على الراوي أن عمدة زهجان من شبو وداير يوصلوا رسالة معينة وإتخذني وسيلة أراد بها تعميم رسالته بحيث أن لا يفهم منها قصده الواضح مع نسيبو، يعني أنا صرت ضحية سببها فشل شبو مع نسابتو وعدم صبر عمدة على ما أبتلي به، يعني بإختصار زي ما بقولوا علماء النفس ده إسقاط، والله يكون في العون.ومعليش يا شبو فأنا لا أعرف عنك إلا كل خير لكن نسيبك فضيحة وإنت القال ليك ناسب زي ده منو؟

لكم تحياتي،،،