مسدار الصيد للحاردلو الكبير

الشم خوّخت بردن ليالي iiالحرّه
والبراق برق من منا جاب iiالقرّه
شوف عيني الصقير بجناحو كفت iiالفرّه
تلقاها أم خدود الليلة مرقت iiبرّه

تعرف لي مشاهيد الرقاد iiوالفرّه
فلاخ المصب بيهو بتبين iiتتورّه
فوق حيا فوق محل من الصعيد iiمنجرّه
شاحد الله الكريم ما تلقى فيهو مضرّه

أب عراق فتق قرنو المبادر iiشرّه
والباشندي عمت مهششيب iiالدرّه
من النقرة كل حين فوق عليو iiمنصرّه
ها الأيام محاريها القليعة ام iiغرّه

قدمت من هنا وبي ضانها سمعت iiكرّه
فوق كارتوت شخيتيرا تخين خرّه
قلاتو الوهاط بي لشغه قبلو iiمحرّه
يابسط النعم تسقيها في ها المرّه

بت المن قرين مرقن على iiالجبّال
في بية وبلوس ما برجن iiالوبّال
صفرا درعتن تدلى iiللبهّال
وبيضت شاش قرابيبن تريع iiالبال

مرقن يا مجيب لي جملة iiالسُعّال
شاحدك تجمعن من مطبق iiالحلاّل
ما ينقص حساب الدرج لو بي iiعجال
ونحن نجيب لهن في كل يوم iiمنوال

من بيلا الصباح اسربقن هُمال
والدوف فوق حقايبهن كترتو iiجمال
الخور العطيش بلدا عزاز iiورمال
ومدروك ماهو من حر النهار بكمال

عقبن ود دعول بجرن شفاقة عدال
ختمن مقرح الحربة ال جبال طوال
قلت أمات قرود وردنو بي iiالقبال
خلقن كيف برمولهن دمير iiحبال

من امات رميلة متركشات لا iiشمال
سمعن هدري لا قدام كرير iiواضلال
إشرحط بريقن راح إشيل iiولوال
وتيسن زاعلن باكر مع iiالشهلال

خلاهن رتوع في بقيل وخرجت iiنال
لا من دور الوادي السرى iiسيال
فوق قمزوز طلع شاف في ملينتو iiزوال
وقلعت كو حفيرها لقيلو فيها iiنعال

مطامنات هناك لامن نهارن iiزال
وشرفن كلهن شمن دعاش iiأتعال
ما بيات البلد دايرات حقو iiالسروال
وصفا متع الغناي قدر ما iiقال

في عاقب نهار سون لهن iiمرحال
وعينيهن خلقهن زرق بلا iiكحال
من ريح الحويل بقين دحين في iiحال
وديل ليمهن على الناس أل متلنا iiمحال

جاهن منقلب وقتا عصيرا iiوشفاف
وكاسب ليلو بيهن من صدف ماب iiخاف
ديل أل طبعهن دايم الأبد عياف
وفي نايط السروج لقين بقيلن iiجاف

حجار المزار ال من بعيد iiبنشاف
جرن فوقو دورن ال للفقر عراف
لافخ ود نها من البحوم iiطراف
لقى سبرون بقيلو من الملين مو iiجاف

شاف برقن بقل فوق الجبل iiرفراف
وهن وحل الدرار يا الليلة منو iiخفاف
من عند المضيق مرقن هناك بي iiسناف
ديل قسين على القوي وال متلنا iiضعاف

لونن من بعيد متل البليبلي iiنضاف
حرد ومعصرات من شبت iiالاكتاف
لي الناس البغنولن يجرو iiالقاف
ماليات الخشم من كامل iiالأوصاف

اتنفضن من الغبش أب صهيب iiناموس
وجين بين القصيرة وبين فريع iiقلبوس
سدر المرمى لقين ردو مو iiمانوس
وطاحن من حقيقيصو المعيز iiأرموس

خلاهن على حجر الصفية iiحبوس
ولقى في الدهسريب قمبار وعرق iiفقوس
في المخلوقة شن تشبه معيز أم iiروس
غير ال في وريدن شولقن iiمرصوص

تيسن لي مراتعهن تملي iiبكوس
وديم بقل على البرق البشيل iiحرقوص
كم زولا رقد فوق دربهن iiممقوص
ومنو اتخلسن ما صيدن iiجاموس

قامن منهن اتنين مضاكره iiتيوس
ولقين في السمير ختا وجيع iiمكبوس
دمجا ازرق مشهادو مو iiمعفوس
وردن منو في الميع المقامو البوص

أخدن فيه سبوع دورين حسابن iiتام
من أوديد بزاول شرفهن iiقدام
طلعن قوز كديس جاهن صقيط نمنام
وصلن حد بطانت مركز iiالعدام

الهبريم طلق جاب الميع iiحوام
من شهر النفاس فضلن لهن iiأيام
انقلبن من القوز أل مقامو iiتمام
لونن يشبه البفت الجديد iiوالخام

ديل الطبعهن بالحيل خفاف iiوهمام
في سمير ود حريري مضقلات كل iiعام
قربن لي مواليد الرخيص وبعام
ومن عين البعاين سورة iiالأنعام

نوّن بالنجيع يا سابل iiالأكمام
أسبل سترك السابل على iiالنيام
تيسن جك مغرب وبي الملاين حام
جاهن وعافطنو وحيل سدوهن iiقام

من دعت السراويل قبلن دارتات
على العاشنوق لقن زوزاي وبي iiفارات
عسكر خاف عليهن في ضرا iiميعات
وجاهن زاعلن بعد النهار ما iiفات

ختمن شابلك العارق التلات iiشدرات
ومرقن فوق عزاز حمريبت أم iiسوبات
داشن للصباح ما لقن لهن iiمرحات
لامن ليّنن باكر على iiالطلحات

خلاهن على رد الفروخ iiبايتات
وفي المكفى الورى ام ميمون لقى ختيتات
متماسك سدوهن وبي الحدوب iiشاتات
جاهن وعافطنو وجنّو iiمنحتّات

ديل الديمة من رد الأنيس iiناجعات
وكل حين فوق عليون نابي iiمنجمعات
تيسن دور الوادي الورى iiالقلعات
ضمر خلقه مو من قل معاش iiضايعات

خلاهن على رد iiالدموكيات
فلخ الفار مسيلباتو اتلقن iiباردات
قربن حضّرن بو ولي النفاس iiدانيات
وفي دردور شدير ومعاه iiحمريبات

انحلن جناهن في ضرا نالات
لامن رضعنو وجف من iiالسبيات
كم فوقن دقونا ولّفن iiقافات
قالن دوبه ليهن والزمان iiالفات

الحي في الوجود والقالوا قبلنا iiمات
كله بلاهي بي لهج iiالطريفيات
شن ما قلنا فوق دغس العيون iiساويات
قبلي ود أب شوارب جاب لهن iiكلمات

يا باسط الأراضي والسبع iiسموات
وكل البدبي فوقن حافي وأب iiنعلات
دغس العين تنجيهن من iiالآفات
لامن وخّرن بيلا المعيز جامعات

مرقن من مطيبقات الخوي أب iiدنان
وهكعن فوق معالق الوادي ابو ريحان
شافن في السمير زولة وحيامت iiانسان
ونطحن ها القليع المسمي بي iiالنسوان

الوادي أب جراد حرزنو بي حيوان
وفوق الدبة قرّاص شوف شريفن iiبان
المعزة المراتعن سهول iiوقنان
ما انجبدن تناييهن سداد في iiسنان

وكت ادردقن بي مطبق iiالوديان
كلبي الشارعو فيهن جا منقلب iiهقلان
اتحيرت قعدت ساكت بقيت محنان
يكتب لي لماهن ربنا المنان

تيسن جاء من الرحيح iiضبلان
من قفر بلدا بعيد iiقسيان
أب سعنة الرشيد لقينو خورو iiملان
بتفلّت على نعناعو ليهو iiزمان

من الفجخا هبر iiخلاهن
لامن دور أمات رميلة iiوجاهن
عند المتنة في عاقبا جديد iiلمّاهن
ختمن بيلة فوق قلع البقر iiدلاّهن

المعز البجازن ديمة فوق في iiخلاهن
بالغات النصاب أنصاري ما زكاهن
من ود البصير جايب إذن بي iiغناهن
شوفن يا الزبير في لساني ديل iiمحلاهن

من عوج الوكت ما بتركن iiوانساهن
فوق حيا فوق محل دايما بجرّو iiغناهن
ناس ابن الذريح ضربوا المثل بي iiجناهن
من كل السوام سيدي الحسن iiيبراهن

قطعن ود دعول وادّن قليعو iiقفاهن
جفلن من زوال شوفا بعيد iiباداهن
ملزوم بي مراتعهن وخبرة iiماهن
وصلنّو المصب واتوكّرن في iiضراهن