إرشيف البنبر

برشح وبشدة جمال حسن الطيب (جمال نقة) كرهنا الكشتينة زمان

يالسيد المدير اعتمد الترشيح وخلينا نبدأ 00000000000

معتصم يوسف كتب:برشح وبشدة جمال حسن الطيب (جمال نقة) كرهنا الكشتينة زمان

معتصم تحياتى وسلامت ابنك ونتمنى ان يكون بلغ الصحة 00000 اتصلت بك تلفونيا اكثر من مرة ولم تتكرم سعادتكم بالرد 000 بخصوص جمال والنقة امس كنا فى زيارة للخفجى لمرغنى ومعى الباقر ودالعباس وأسرته وعماد يوسف واسرته وطبعا جمال واسرته وزولك امس كره مرغنى الكوتشينة وطبعا منذ عشرات السنين هو الذى يرفع ضغط مرغنى وضغطنا كلنا ونحن قدر ما نقول نزوغ منو القدر يرمينا معاه 0000000000

كتب معتصم يوسف العوض

برشح وبشدة جمال حسن الطيب (جمال نقة) كرهنا الكشتينة زمان
وبتزكيه من عماد الشفيع , سيكون جمال حسن الطبيب علي هذا البنبر حتي نهاية شهر يونيو
وسنبدأ بالاسئلة المعتاده كأفتتاحيه:
1/ الاسم كاملا
2/ العمر
3/ الحالة الاجتماعيه
4/ المراحل الدراسيه

الاخوان ميرغني وعمدة تحياتي والولد الان بخير . لكن الشئ المحيرني ومطلع عيني صور الراجل ابوعمامة التحت أسم عماد دا منو

معتصم يوسف كتب:الاخوان ميرغني وعمدة تحياتي والولد الان بخير . لكن الشئ المحيرني ومطلع عيني صور الراجل ابوعمامة التحت أسم عماد دا منو

وجـــاهه مش كــــــــــــــــــــــده 0000 لسه فينا عر00000000000000

معتصم يوسف كتب:معليش هيثم الرد كان ليك وكيف بقيت الان

حبابك معتصم آخوي وكيف حالك؟؟؟

وسلامة ولدك وإنشالله سلك تمام (إنتو كمان الناس البرة السودان دي بتمرض؟؟؟)

الحمدلله أنا بلغت الصحة(الجسدية) لكن في صحات تانيات حالتن صعبة خليها ساكت

شكراً ليك والتحايا ليك وللمعاك في الأوضة ساكنين

الله يسلمك ياهيثم وسلامات من التانيات وانا عارفهن هن الصعبات ربنا بس يسلم ويديك العافية من كله

أعضاء المنتدي من الذكور والاناث لكم مني التحية الصادقة وشكرا على حفاوة الترحيب واستضافتي على بنبر مولع واتمنى أن تكون الاسئلة واضحة وصريحة ومباشرة ولي الحق الرد وعدمه
الاسم ؟ / جمال حسن الطيب البشير+++++++++++++ حتى العباس عم الرسول (ص).
العمر ؟ / شمعة اضأت ولم ينطفي نورها
الحالة الاجتماعية ؟ / متزوج من بربرية كنزية حديثا والعروس معاي ليها 6 أشهر ونيف
المراحيل الدراسية :
المرحلة الابتدائية /
$ الصف الاول والثاني الاسرة كانت في نقطة خدر ريفي المناقل فدرست هناك
$ الصف الثالث كنا في اشلاق الدويم فدرست في بخت الرضا
$ الصف الرابع كنا في نقطة معتوق فدرست فيها
$ الصف الخامس اشلاق الدويم حيث بخت الرضا
$ الصف السادس نقطة ابوقوتة المدرسة الغربية
نجحت في الابتدائية ووزعت في القطينة المركز وتم تحويلي الى أبوقوتة
المرحلة المتوسطة /
$ الصف الاول في أبوقوته
$ الصف الثاني في الحصاحيصا (ب)
$ الصف الثالث في المحريبا
نجحت وتم توزيعي بالراديو الى مدرسة الحصاحيصا الحكومية القســــــــــم الداخلي (المرجع ارشيف ومكتبة الاذاعة السودانية )
المرحلة الثانوية /
$ الصف الاول الحصاحيصا الحكومية والسكن نقطة كنبو المحالج ونادي العامل
$الصف الثاني الاسرة نقلت نقطة طابت وسكنت في داخلية دقنه بالدرسة الحكومية
$ الصف الثالث ( ظل الوضع على ما هو عليه لم يتغير ما يذكر )
نجحت نجاح كان أشبه بالحلم ( عكس اليقظة ) أنا وعمدة وصلنا حالة اليأس
$ فكرت في اتمام دراستي الجامعية بعد أن توظفت في ديوان شئون الخدمة وقد
سبقني عمدة في الوظيفة وهنالك تشكلت شخصيتي واصبحت مرتب نوعا ما في ظل
وجودي مع زميلات جميلات يتبادلن معي أطراف الحديث بطريقة حضارية عكس ما
عشناه في السابق كان البنت عايزه تكلمك تقد ضهرك بالضرب والتلكز عشان تسمع ليها
وجدت التشجيع وسجلت في مدرسة محمد حسين الثانوية منازل والحمدلله نجحت دون ان
ارسب في أي مادة فرحت قوي قوووووووووووووووووووووووووووووووي
المرحلة الجامعيه /
$ تقدمت الى جامعة النيلين كلية الآداب وقبل ظهور نتيجة القبول كنت مسجلا في
أعداد المغتربين بعد أن خطبت احدى الجميلات من ديوان شئون الخدمة واصرت $
$ التحقت بجامعة القران الكريم والعلوم الاسلامية كلية الدعوة والاعلام وفي السنة
الثالثة تخصصت اتصال وعلاقات عامة ادرس 17 مادة راسب في مادة القران الكريم
امتحنت ملحق مرتين لم أنجح في الاول والثاني كان قبل 3 شهور النتيجه لم تظهر وباقي
السنة الرابعة واتخرج والقران يتفلت وينسى ولا تظنوا أنا الوحيد البرسب عندكم د ميرغني
رسب كم مرة وداسيها


لاتقعد عن طلب الرزق

01/ جمال حسن الطيب والرياضة
02/ جمال والرياض
03/ اى الفرق تشجع
04/ فريق العامل بالحصاحيصا
05/ اى المراكز كنت تلعب
06/ ضربة جزاء تسبب فيها جمال
تحياتى وامنياتى لك ,,,

ياجماعة أنا قلت ليكم من زمان جمال دا نقاق شديد شوفو التعريف بتاعو ( على كل لك التحايا مني ياجمال ) معقول ياجمال عرست قبل 6 شهور وأنا سؤالي ليك لية أتاخرت في العرس على ماعتقد كان هناك شاكوش صاح أرجو تعريفنا بقصة الشاكوش

الأخ/جمال تحياتي

بداية ما عندي أي سؤال لكن بقدم احتجاج على( ولي الحق الرد وعدمه) يفتح الله آخوي
كفاية معتصم يوسف قعد في البنبر شهر ونص وجاوب ليو سؤالين وعمل فيها ماشايف الباقي

هيثم الله فكاني من بنبركم والحمد لله أديت العلي

الاخ جمال مالك مزعل ميرغني أسمع ياجمال الصورة دا صورتك لو كانت دي صورتك أبوعبيدة بقى كيف

الاخ جمال / حدثنا عن طابت الشيخ عبد المحمود

تحياتي لجميع اعضاء المنتدي ،،،،، وللاخ جمال حسن الطيب ،،،، والاسئلة جاية في السكة انشاء الله

نسبة لإنقطاع الأخ / جمال حسن الطيب لظروووفه عن المنتدى والبنبر 0000 فأننى اقترح لسعادة المدير العام ترشيح عضو آخر إعتبارا من بداية بداية شهر يونيو 2008م 00000 مع تحياتى ,,,,,,,,,,

اليوم عندي استراحة محارب مع بداية الويك اند ولا أنسى ان ألوح بكلتا يدي محييا أعضاء المنتدى من
كبيرنا د. ميرغني حتى أصغر عضو وأعتذرللغياب وعايز امشي مع المثل البقول كترت الطلة بتمسخ
خلق الله ما علينا ندخل مباشرة الى صلب الموضوع وأجلس على البنبر المولع ونظرا الى السته اسئلة
المطروحة من العضو عمدة فانني قررت ان أفرد له هده الصفحة كاملة مجيبا على جميع التساولات دون تحفظ والامل ان تشفي صدوركم أما بقية الاسئلة تجدون لها اجابت لاحقا .
1- الرياضة :
يا عمدة بغض النظر عن الاحترافية واجادة الالعاب الا أن حياتنا في الاشــــــلاقات كانت رياضة وكنا نمارس كثير من الالعاب في ظل غيـــاب التطور التقني وادكر بعضها على ســبيل الامثله للحصــر في
المقدمه كرة القدم وكرة الطاولة والشطرنج وليه وشليل والمنقله وسفرجت والعاب الكوتشينه وصــراحة
اولاد البوليس ميالون للعب اكثر من القراءة ولا يدكرون الا بعد تعليق جدول الامتحانات ياجماعه لحظة
أكمل أنا عارف واحد أو اثنين ح اقول ود فــــلان بقى مهندس أو ود علان بقى دكتور أنا ما عايز أقول
لكل قاعدة شواذ بس أسألوهم عن المعاناة والتعب الشديد الذي اعياهم حتى تخرجوا ودلك بسبب أن العب
يتغلب على المذاكرة والسؤال الاصعب من تاريخ التخرج وحتى الان من حضر لنيل درجه أعلى !!!
2- الرياض العاصمة
تربطني بيها علاقة محبة غريبه كيف لا وقد عشت فيها ستة عشر سنه واكثر الاشياء استغرابا عندي حينما أسافر من المنطقة الشـــــــــرقية الى الرياض وحينما تظهر ملامح المدينة في الافق البعيد ودون احساس أجد عيوني امتلات بالدموع وبعدها احس بأنني أكثر ابتهاجا وفرحة وتنفسا وسعة صدر فيكون هبالك تغير ايجابي وأحس بأن الشجر والحجر يعرفني اما ادا فتحت نافذة لأرى الاحباب والمعارف فحدث ولا حرج هولاء الخلق قدموا الي الكثير ومهما أقدم لهم لا أستطيع الايفاء ..... و واحدهم قال في شعرا
سالبا بعد ان تأذى من من حديثي وارائي الواضحه وهو من الجنسية اليمنية كنا نعمل سويا فقال:
هدا جمال الطيب السوداني * مرحى له لولم يكن اذاني
أخلاقه كالشهب في عليائها *لكنه قد حاز طول لســــان
ياليته حــاز الكمال تكرما * وتأدبا لغدا عظيم الشـــأن
أهدي اليه نصيحة من مخلص* والنصح دوما أكبر الاحسان
أن يغدو من قبل الكلام مشاورا*لجنابه فيــكون ذو تبيـــــان
كي لا يزل عن الصواب فتكتوي* بلسانه الارواح والابدان
ان الحياة لشيمة عربية * وهو الدليل لقوة الايمان
وتعليقي على هذه الابيات كان عادي والسبب انني سمعت كثير من التعليق فمنهم من يحذر زوجته ان
سألتها أن لاترد مباشرة تخبره اولا حتى يساعدها على الاجابة فالامر عندي معقد وعايز حل جذري
3- المريخ السودان والنصر في السعوديه وريال مدريد في اسبانيا وميلان في ايطاليا ومانشستر في
انجلترا والزمالك المصري
4- فريق العامل بكنبو الحصاحيصا كنت أحد لاعبيه المخضرمين أقصد الاساسين كنت العب في خانة
الباك اليمين وكان نادي النيل الحصاحيصا جاري وعايز يضمني وبعد فترة بقيت أنا جاري وراء نادي
النيل عشان يضمني وحتى غادرت لم العب في الدرجة الاولى اما حكاية ضربة الجزاء التي اشار اليها
عمدة كنت باك كما أسلفت وفي مبارة رسمية كنت في مراقبة لصيقة لاحد المهاجمين وداخل الصندوق قطعت منه كرة وقبل أن أشوت الكرة خارج الصندوق واثناء مضايقة المهاجم سمعت صافرة ورحت
ماسك الكرة بيدي وصفر الحكم مشيرا بيده الى نقطة الجزاء وكنت في حالة زعل من الحكم وقلت له
صفرت حتى جاء الكوتش سفيان وهدئ من انفعالي وقال ده واحد من المتفرجين صفر ولكن الذمة بانت
حينما ضيعها المهاجم وكانت نهاية بطل سيظل التاريخ يدكره

شكرا جمال على الإستفاضة لكن وآصل الرد على الجميع وممكن تختصر لكن ما تزوووووووووووغ وع تحياتى ،،،،،،،،،،

يآآآآآآآآخى زمان شن قلنا000 ماقلنا الطير بيأكلنا هو كان ما عمل كده بيبقى جمال ما أصلو مارضك و مارضنا من زمان 000 وانت مسئولين من الخير معتصم النسيم خباره شنو ؟؟؟

الله يسترنا من بنبركم دا
الاسم: الرشيد الريح نورالدين عثمان-من ابناء منطقة ودحامد ريفى المتمة (جعلى)-مواليد 1973
المهنه: مهندس-شركة بترودار لعمليات البترول
العنوان: الكدرو - ام القرى شمال
الحالة: متزوج ولى محمد والحمد لله
المراحل التعليمية: الابتدائى والمتوسط بمنطقة الجنيد-الثانوى العالى بمنطقة الهلالية وسنار-الدراسة الجامعية وفوق الجامعية (لم تكتمل بعد) بجامعة الخرطوم.

لك الود الاخ/الجاهورى
الاخ هيثم على الشفيع زميل دراسة التقينا فى جامعة الخرطوم وبعد ذلك اصبحنا ضمن شلة واحدة وتعمقت العلاقات بيننا الى ان اصبح بيننا نسب وهذا فى اطار تهجين وتحسين الجنس الشايقى.
الهلالية تلقيت فيها الدراسة الثانوية (اولى وثانية) بإعتبار قربها من مصنع الجنيد المنطقة التى ترعرعت فيها.
عزيزى الجاهورى كلما ارتاح الانسان تعقدت مشاكله والدنيا دى مافيها راحة تب,,, خبرتى فى مجال البترول ليست بالكثيرة لاننى التحقت بمجال البترول قبل عام من الان.

الجعلى التحية ليك وللمعاك شنو حكاية البترول دى عاملها كتامى ولا شنو ؟ دحين انت ما كنت فى الكهرباء 000 عشان كده بتنا اختفت يظهر ان آآثارالبترول ظهرت0000 يالله يا اخوى كلنا جاييين واخصرك من ناس الجاهورى وأمثاله 0000 ودالذين يالجاهورى زمان عايزنا ندفع هسع انت كان ما دفعت مابنتوسط ليك وما بنشغلك 000 معليش ياهندسة خلينا نتجدع شوية باقى الجاهورى ده ما لاقين لين فيه فرقة 00 وبطل اللبط وما تتلصق فينا الحركات دى اعملها لأولادد الزبيدى 00 ما بيحلك الأ الدفع وبس00

العمدة سلام
بتكم وولدا رزقم قوى ,,, والحمد لله ربنا اكرمنا وعفانا من ناس الكهرباء.

السلام عليكم

كان ودي ان اشارك بفعالية في المنتدى لانه الاقرب الى نفسياتي وعقلي المحدود ولكن رفعنا شعار لاتقعدن عن طلب الرزق فنظل طول اليوم نكد ونكد ونكد والعمر ماشي والحياة مستمرة والغربة اساسها
العمل والتمس المعذرة من السادة الاعضاء من كبيرهم د . ميرغني الى صغيرهم م . ميرغني

الاخ معتصم يوسف لك تحياتي

الموضوع المهم تعليقك على الصورة طبعا الصورة ختها الحاقد علي وأنا أحلى بكتير انت شفت ليك واحد بياخد الصورة الجنب ومن زاوية من تحت الارض والدليل على حلاوتي انو عرست بربرية وكل يوم بتغير
علي وتشوف رسائل الجوال والزوبعه ده كلها من حلاوتي كان الواحد يتمنى انتكون فيهو لمسه شنه على
خفيف حتى يخف الضغط علي شويه والايام القادمة سأضع صور لشخصي الجميل ومرحب بالمعجبات
موضوع زواجي باختصار شديد تزوجت من ام درمان قريبتي وعشت معاها سنوات سبع عجاف ولم نرزق
بالبنون وبطلب وتفاهم ودي راح كل فرد لحاله ووقع أبغض الحلال ........... وجلست سنوات ابحث
عن زوجة تتحملني وتعيش وقابلت داخل المملكة اكثر من فتاه ولم يتم توافق حتى تزوج صديقي ياسر من
بربريه وعن طريقهم تزوجت من نفس الاسرة وهي الان معي بالدمام وما ازوج بربريه ما عرررررس

د. ميرغني
طابت الشيخ عبدالمحمود مدينة تقع في قلب مشروع الجزيرة وبها ثاني أكبر تفتيش بعد تفتيش بركات وتقريبا
سكان طابت خليط من قبائل السودان وعلى سبيل المثال فيها الجعلين والدناقلة والشوايقه والكواهله والعلاب
فيها جميع المراحل التعليميه المستشفى الذي عملت فيه يا دكتور والمدينة أشتهرت بالعلم والدين والسياســـة
وقد قال فيها المرحوم الرئيس الازهري يا أهل طابت طبتم وطابت بكم طابت ومن خلال وســــائل الاعلام المختلفة سميت بطابت الاديبه لان أهلها يتنفسون شعرا ان كان في الغناء أو المدائح أو الخطابه
أما العامود الفقري للمدينة هو الشيخ الجيلي بن الحفيان الشيخ الجيلي الشيخ نورالدائم بن سيدي الشيخ الطيب
صاحب الطريقة السمانية بالســــودان . ومن لا يعرف الشيخ الجيلي فهو خريج جامعة الخرطوم كلية الاداب
لغات وعمل مترجما بالتلفزون القومي وبعد أن توفي والده الحفيان تولى الخـــلافة من بعده وهو عبــارة عن
حكومــة محلبة داخل المدينـــة لايتم شئ بغض النظر عن أهميته الا باذنه أو بحضـــور مندوب من طـــرفه
وتستطيع أن تقول أن مدينة طابت هي مشيخة السمانية أو قل أن طابت هي الشيخ الجيلي

الجعلي سلااااااااااااااام

أنا جيت...................جاهز؟؟؟؟؟

بيني وينكم ياناس المنتدى رسلت للجعلي تهديد بالSMS يا يدفع لي يا.......البنبر بيولع

زولكم ولاااااااااااااااااااا قال بتقول في شنو

عشان كدة إستعدوا إنتو وهو:
1/ في الثانوي كان إسمك (أبوالدقيق) ....قصة التسمية وماذا تبقى من هذا الإسم؟؟؟؟؟
2/علاقة الجعلي بتنظيم الجبهة الديمقراطية بجامعة الخرطوم!!؟؟؟

والبقية تأتي

جاهزين لاسئلتك ياهيثم:
1/ تسمية ابوالدقيق اشتهرت بها فى خواتيم الدراسة الثانوية وتمت تسميتى بها للحمق الشديد ولم يبقى من هذا الاسم شئ الان ولكن يبدو انه سيعيد امجاده لانو شايف حماقتى فى زيادة.
2/ ياهيثم لو كان عندى علاقة بالجبهة الديمقراطية كان اشتغلت فى الكهرباء والبترول.

الرشيد الريح نورالدين كتب:
2/ ياهيثم لو كان عندى علاقة بالجبهة الديمقراطية كان اشتغلت فى الكهرباء والبترول.

إنت ياخوي أنا قريت في "كاب الجداد"؟؟؟؟ ماقريت معاك في جامعة واحدة وعارف البير وغطاها

مصادر موثوقة -على أيام الجامعة- أفادتني بأنك كنت قاب قوسين أو أدنى من الإنضمام ل(ج . د) والقصد من السؤال أن تحدثنا عن التجربة في حد ذاتها... ...وهو بالضرورة ليس سؤال تجريمي(مش بيسموه كدة يالجاهوري.؟؟)

ولا إنت خايف يجي كوز يخش المنتدى دة ويشوف إجابتك يقوموا يرفدوك؟؟؟؟؟

ومواصلة للأسئلة -لحين وصول مساهمات بقية الأعضاء- ..:

"الرشيد الريح على أيام الدراسة(من سنة تالتة وإنت ماشي) كان زول قراية ساااااااكت" يعني بالعربي(ضب)

خطأ أم صواب ؟!؟!؟

ونواصل

الجعلي:

وباسهاب لو سمحت:

تجربة عملك بالخطوط البحرية السودانية ، وهل كانت إضافة أم خصم ؟؟!!؟؟

هيثم على الشفيع كتب:
مصادر موثوقة -على أيام الجامعة- أفادتني بأنك كنت قاب قوسين أو أدنى من الإنضمام ل(ج . د) والقصد من السؤال أن تحدثنا عن التجربة في حد ذاتها...

قاب قوسين اوادنى وحدها تدل على انه ليست هناك تجربة.

إنت آخوي مالك ناكر الموضوع دة؟؟؟؟؟؟

أنا لو أتسألت السؤال دة كنت حأجاوب إنو الجبهة الديمقراطية مثلها- مثل أي تنظيم بالجامعة - ايامنا الكنا برالمة حاولوا إستقطابنا وحضرت معاهم جلسات شعرية وحضرت معاهم حاجة إسمها " جلسة أصدقاء" {دي بتاعة التجنيد ذااااتا} وما طلعوا مني بعد دة لا بي حق لا بي باطل......

شنو شابكني مافي تجربة وما عندي علاقة بيهم !!؟؟؟

هم مالم؟؟؟؟؟؟ بيعضو؟؟؟؟؟؟ ولا آآآآآآآآآآآآآآآآآآآآآآآآآآآآآآآآآآآآآ..............كفار

هيثم على الشفيع كتب:ومواصلة للأسئلة -لحين وصول مساهمات بقية الأعضاء- ..:

"الرشيد الريح على أيام الدراسة(من سنة تالتة وإنت ماشي) كان زول قراية ساااااااكت" يعني بالعربي(ضب)

خطأ أم صواب ؟!؟!؟

لو كنت ضب ياهيثم ماكان مشيت معاكم انت وحسب الله وشقورى والبقية......

هيثم على الشفيع كتب:الجعلي:
تجربة عملك بالخطوط البحرية السودانية ، وهل كانت إضافة أم خصم ؟؟!!؟؟

العمل فى الخطوط البحرية تجربة ناجحة بكل المقاييس وعلى جميع الاصعدة.لقد التحقت بالخطوط البحرية فى عام 2000 وكان عملنا على ظهر البواخر التى تجوب الاقطار والبحار وكان على نظام الورديات اثناء الابحار ودوام يومى اثناء الربط على الموانئ.التقينا باناس جدد على ظهر هذه البواخر الذين كان هدفهم الوصول الى بر الامان دائما ولقد استطعنا ان نجوب بلدان العالم فى تلك الفترة ومنها على ما اذكر ايطاليل-تركيا-الهند-دبى-الشارقة-اليمن-جيبوتى-ارض الصومال.
لقد نكأت علينا زكرياتنا القديمة وبالمناسبة ياهيثم خبرتى فى مجال البحر هى التى ساعدت على تعيينى فى البترول....
طبعا دا مابإسهاب لكن والله ايدى فترت من الكتابة.

الرشيد الريح نورالدين كتب:
لو كنت ضب ياهيثم ماكان مشيت معاكم انت وحسب الله وشقورى والبقية......

ياخوي في زول سألك من الكاشف أخوك؟؟؟؟؟

سؤال وااااااااااااااضح (خطأ أم صواب)؟

هيثم على الشفيع كتب:
ياخوي في زول سألك من الكاشف أخوك؟؟؟؟؟

سؤال وااااااااااااااضح (خطأ أم صواب)؟

خطأ

تاريخك بتاع عربى جزيرة..الجنيد والهلالية..(عشان كدة الجاهورى هلالابى)..البحر عاوز ناس (بجغموا)وانت ما منهم..شغل البترول لابد له من علاقة كيزانية..وكت نكرت علاقتك ب(الدمقراطيين)..علاقتك شنو بى بنى كوز؟؟؟؟ اعترف.

معاوية علي الشفيع كتب:تاريخك بتاع عربى جزيرة..الجنيد والهلالية..شغل البترول لابد له من علاقة كيزانية..وكت نكرت علاقتك ب(الدمقراطيين)..علاقتك شنو بى بنى كوز؟؟؟؟ اعترف.

مرحب والله بالدكتور
ليس لدى اى علاقة بى بنى كوز وانت تعلم ذلك....بالمناسبة جامعة الجزيرة والحصاحيصا برضو من الجزيرة

ميرغني ابراهيم عمر كتب:الاخ الرشيد ,, شنو اولاد الشفيع ديل اتشلبوك ؟؟؟؟ واحد يضرب من هنا والتاني من هنا ,,,دا نسب دا ولا شكل .

الجماعة ديل كانو حاقرين بى عديلى المسيكين لكن لمن جيت انا مالقو فينى فرصة...

ناقش فيما لا يزيد عن ثلاثة أسطر:

{الرشيد الريح ....شخص حاد الطباع ، إستفاد كثيراً من فترة الجامعة والخطوط البحرية في ترويض هذا الجانب}

ميرغني ابراهيم عمر كتب:الاخ الرشيد ,, شنو اولاد الشفيع ديل اتشلبوك ؟؟؟؟ واحد يضرب من هنا والتاني من هنا ,,,دا نسب دا ولا شكل ,,, ونسبة لسخونة الاسئله سأكتفي بي الفرجه ,, حتي يحين موعد اسئلتنا ,,, وطبعا زي ما قلت البنبر المولع فرصه للتعرف علي الاخرين ,,, وطبعا انا الان اكتر زول مستفيد لاعرف جوانب عنك ,,, ما كنا لنعرفها لولا البنبر ,,, والمديده حرقتني ,,, لكم الود.

يظهر يا مرغنى الجعلى منجض اخيتهم الصغيرة ومن زمان ما لاقين فيه طريقة والآن سنحت الفرصة عشان كده هجموا عليه هجمة رجل واحد 000 تانى المديدة حرقتنى 00000

وباعتباري (راعي النار المقدسة) لهذا البنبر أواصل بدون فواصل"والتعبير لميرغني الزبيدي":-

حدثنا عن "ودحامد-الجعليين" النشأة - الجذور - العلاقة سابقاً وحالياً

هيثم على الشفيع كتب:ناقش فيما لا يزيد عن ثلاثة أسطر:

{الرشيد الريح ....شخص حاد الطباع ، إستفاد كثيراً من فترة الجامعة والخطوط البحرية في ترويض هذا الجانب}

هذه الحدة ياهيثم ليست مع كل الناس وانما مع اشخاص تشعر بأنهم يفهمونك ويكمن ان يتحملو هذه الحدة والتى غالبا ماتكون لمصلحة الاخرين اما الناس البعيدين منك فالتعامل معاهم يكون بحذر حتى تتأكد وتحدد هل يمكن ان يستحملوا هذه الحدة اما لا. بالنسبة للجامعة فيمكنك ان تقول اننى وجدت اناس يقدرون هذه الحدة ويفهمونها والبحرية اضافت لى بعض الحدة.

هيثم على الشفيع كتب:
حدثنا عن "ودحامد-الجعليين" النشأة - الجذور - العلاقة سابقاً وحالياً

لن تصدق ياهيثم لو قلت ليك انو اطول فترة قضيتها فى ودحامد كانت اجازة ال9 شهور ايام الجامعه ولكن ايام الدراسة الابتدائية كنت انتظر اجازة المدرسة بفارغ الصبر للسفر الى ودحامد.كنت استمتع بقضاء تلك الايام فى البلد.
الان اصبحت العلاقة فى حدود الاعياد والمناسبات الرسمية مع العلم بأن معظم افراد الاسرة الكبيرة فى ودحامد.

الرشيد الريح ...وسنار التقاطع....وسنار الثانوية....ثم العودة لسنار كمهندس في الكهرباء{إنت اشتغلت في سنار ولا أنا نجرتها؟؟؟؟}

حدثنا عن تلك الفترات

السلااااام عليكم ياناس المنتدى.اولا انقطعت عنكم للمشغوليات والليله عرفت انو صديقى الجعلى فى البنبر فظهرت.العمده كتر خيرك والله سويت الراجل منجضنى؟ماها المحريه فيك ينجضوك الكرارير انشاءالله.الجعلى قال للجاهورى عايز يحسن نسل الشايقيه..يعملو شنو يعنى؟؟هم شايقيه احسن من كده الا يبقيهم ملائكه ولا شنو يامرغنى؟

الجعلى قالوا العرس شايقيه عرس وما ناسب والعرس جعليه ناسب وما عرس رايك شنو فى المقوله دى؟؟لك الود