رد: مطارحة الأغنيات السودانية

من طرف **وليد معلا** الثلاثاء يناير 10, 2012 3:19 am

ماهو باين فى العيون وين حنهرب منو وين
الهوى البعث الليالى العامره بى ذاد الشجون

- محمد الامين -

نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

أبو اللمين

من طرف عواد عمر الخميس يناير 12, 2012 12:00 pm

رحلتو بعيد نسيتو الريد والحنان
الالفة الجميلة والسعد اللي كان
لكن فرقتنا أقدار الزمان

من طرف **وليد معلا** السبت يناير 14, 2012 12:06 am

ناس لالا ناس لالا ناس لالا
خلو الاالا والاالا في حالها
خلو الماخطر زول علي بالها

- عثمان حسين -

من طرف عواد عمر الأحد يناير 15, 2012 7:48 am

المهموم ومحسود علي حني
المظلوم ومهدور دوام دمي
من الحب ابتليت
غير الصد مالقيت
من النار اصطليت

من طرف **وليد معلا** الثلاثاء يناير 17, 2012 1:47 am

ايامنا في الفواد ذكراها
ايامنا حبي كيف ننساها
ايامنا وما نحن لسواها
ايامنا وللممات نطراها
يا النسيت ايامنا ايامنا
حققنا فيها غرامنا ايامنا

- عثمان الشفيع -

من طرف عواد عمر الثلاثاء يناير 17, 2012 10:37 am

((قواعد المطارحة طارت))
الذكرى للحبان أجمل اشارة
هي للقلوب مرآة وللحب امارة
مرات تجود بي حنانة ومرة ناره
وذكرياتنا جميلة وكم نبيلة
واحبابنا وين الليلة
في أي ليلة

من طرف **وليد معلا** الجمعة يناير 20, 2012 4:17 am

المفروض ميم ي عواد لكن نمشيها

هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى احبة لو صادقين

- محمد الأمين -

نسيتني أنا وخلاص يعني
مافي طريق يرجعني
ما بقول أرجع أصافي
بلاقي العزّة تمنعني

عين

من طرف **وليد معلا** السبت فبراير 18, 2012 2:11 pm

عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد

- محمد وردي -

دة شيتن أصلو ما شفنا
لا في الناس ولا في الريل
دة ما قدر الله جانا عدييييييييييييييييل

محمد ميرغني

من طرف عواد عمر الأربعاء أبريل 04, 2012 10:10 am

لو بتفتكر الليالي تداوي غلبي
ولا تاني ترجع الافراح لقلبي

من طرف **وليد معلا** الأربعاء أبريل 04, 2012 4:49 pm

براي سويتا في نفسي
قلبي الحب ما واعي

- محمد وردي -