مسطبة شعبية

كتب ميرغني ابراهيم عمر
الاخوة بالمنتدي ,, تلاحظ في الايام الاخيرة كثرة مناكفات الاعضاء وملاسناتهم رياضيا,,,والكل وما يعشق ان كان الانتر او اليوفي ,,, برشلون والريال ,,,, الهلال والمريخ,, المان او الارسنال او ليفربول او تشلسى,, ولذلك فكرنا في انشاء هذا البوست للمناكفات بين المساطب ومختلف الانتماءات ,,, ليس هناك شروط محددة ... ولكن ثقتنا في اعضاء المنتدي كبيرة في الابتعاد عما يجرح ,, وتظل المناكفات والمُلح والطرف الرياضية هي ملح الكرة والتشجيع ,,, ويلا نبدأ,,, لكم كل المودة والود.

كل الأمنيات لهلال السودان بالتوفيق والنصر في مباراة اليوم أمام زيسكو الزامبي ال(يطرشنا قبل دة ماسمعنا بيو)

من طرف مدثر الجاهوري الأحد مارس 23, 2008 9:43 am

هيثم على الشفيع كتب:كل الأمنيات لهلال السودان بالتوفيق والنصر في مباراة اليوم أمام زيسكو الزامبي ال(يطرشنا قبل دة ماسمعنا بيو)

الأخ هيثم سلام وشوق كتير .. يأخوي نشكرك على وقوفك معنا .. هذا الفريق مشارك في البطولة الكبرى بطولة الأندية مش الكونفدرالية درجة تانية .. وجميع فرق هذه البطولة يعتبروا فرق من العيار التقيل ناس عندهم إمكانيات مادية وبشرية مش زي جماعة ما عندهم حق التذاكر لحدي ما رسله ليهم واحد مغترب معانا في حائل

الاخوة بالمنتدي ,, تلاحظ في الايام الاخيرة كثرة مناكفات الاعضاء وملاسناتهم رياضيا,,,والكل وما يعشق ان كان الانتر او اليوفي ,,, برشلون والريال ,,,, الهلال والمريخ,, المان او الارسنال او ليفربول او تشلسى,, ولذلك فكرنا في انشاء هذا البوست للمناكفات بين المساطب ومختلف الانتماءات ,,, ليس هناك شروط محددة ... ولكن ثقتنا في اعضاء المنتدي كبيرة في الابتعاد عما يجرح ,, وتظل المناكفات والمُلح والطرف الرياضية هي ملح الكرة والتشجيع ,,, ويلا نبدأ,,, لكم كل المودة والود.

من طرف مدثر الجاهوري الأحد مارس 23, 2008 10:13 am

خلاص ما عندنا مانع .. أنا وأولاد الزبيدي في المساطب الشمالية .. أولاد الشفيع في المساطب الجنوبية رايك شنوا في القسمه ده

يابتاع العيار الثقيل يا ثقيل إنت
الله يسألك...سمعت بي الفريق دة قبل كدة؟؟؟؟؟
سؤال واضح ماتلف وتدور

ما عندك مانع ,,, دا بالنسبة لهلال مريخ ... الباقي كيف ؟؟؟
بعدين قلت لي الفريق الجا دا لابسين كباكه قالوا ,,, وحايمين بي سفنجات في شارع الجمهورية ,,, لكن قالوا في الميدان الواحد يعكسها ويجري يدخلها.

ياميرغني إقتراح البوست جميل
لكن ياجاهوري المشكلة المساطب ما هلال مريخ بس ...عشان تقسما شفيع وزبيدي
مثلاً بارسا ريال حنقعد أنا وميرغني في مسطية البارسا سوا
عشان كدة خليها مفتوحة وخلينا نشمت براحتنا في الوهم الإسمهم ريال مدريد وإنتر وما شاكلهم

الجاهوري / عندنا سؤالين واحد كاتبو هيثم في بوست اخر عن الفريق الذي يلاعبه الهلال ,,, والسؤال التاني عن الانتر والاتنين ما رديت عليهم,,, انا في انتظارك في موضوع الانتر بالذات

من طرف مدثر الجاهوري الأحد مارس 23, 2008 10:39 am

يأخوانا المساطب ده في السودان وبس يعني شمالية وجنوبية لكن في أسبانيا وإيطاليا وإنجلترا الواحد بسوق الجكس بتاعتوا وبمشي الاستاد ميرغني شنوا وهيثم شنوا الواحد بلاقيهم في اسبانيا وإيطاليا وإنجلترا خلونا في عرضتنا ده عشان كده وزعناها شمالية وجنوبية واظن أنا لي حق في الكلام ده

برضو ما رديت علي السؤال

ما تفقد المنطق

قلنا للمشجعين بلا فرز ........الواحد يشجع ليو فرق وهم ، ولما تتغلب يقعد يقول خلونا في عرضتنا

بكرة العرضة تتغلب تقول خلونا في الدوريات الأوربية
أركز

هيثم / وين الابيض الازرقاني بتاع بكري ,,, طبعا معاوية اداهوفي التنك من قولة تيت ومن ديك وعيك,,, نتمني ان ينضم الي المسطبة وطبعا هو حقنا بنفكو ليكم ونقعد نتفرج

من طرف مدثر الجاهوري الأحد مارس 23, 2008 10:46 am

بالنسبة لزيسكو الزامبي ده فريق قوي وليهوا صولاتوا وجولاتوا وأنا سمعت بيهوا من أيام ناس النقر قبل كده لعب مع الهلال وفاز عليهوا الهلال ذهاباً وإياباً وكان في الوقت داك بطولة الأندية وكأس الكؤوس على ما أعتقد .. بعدين الجماعة ديل قال ليك جوا ليهم أسبوع في التمرين الأول شربوا ليك 560 قارورة موية .. ومشوا أمواج أتعشوا الحساب طلع ستة مليون وسبعمائة وخمسين جنيه .. بعدين الجماعة ديل قال ليك يضربوا ليك في الأقشي ده والباسطة وغايتوا الله يسترنا معاهم قولوا يالطيف

والله كلنا راجنو(دة إسم مرة كانت في الإشلاق ..صاح)
بعدين إنت قايلا صعبة...برضو بنعمل لينا واحد نسميهو(الأحمر بن الوهاج الجوي"دي من الكاسات المحمولة جواً") ونفكو ونقعد نتفرج

هيثم المراة في الاشلاق اسمها حامدنو مرة عثمان الجاك { جيتني في تخصصي} اما راجنو برضو اسم مرة لكن لم تكن بالاشلاق ,,ومرحب مقدما بالاحمرالوهاج الجوي لك الود.

مدثر الجاهوري كتب:بالنسبة لزيسكو الزامبي ده فريق قوي وليهوا صولاتوا وجولاتوا وأنا سمعت بيهوا من أيام ناس النقر قبل كده لعب مع الهلال وفاز عليهوا الهلال ذهاباً وإياباً

هو ليو صولات وجولات وهلال السجم دة يفوز عليو ذهاب وإياب؟؟؟؟دة إنجليزي دة يامرسي؟؟؟؟

بعدين قلنا ليك "الله بسالك" تقوم تقعد تألف في القصص...

كل الجرايد ووكالات الأنباء الداخلية والخارجية اجمعت على إنو الفريق دة حديث عهد بالتمثيل الخارجي

من طرف مدثر الجاهوري الأحد مارس 23, 2008 11:47 am

طبعاً أنا قاعد في المسطبة وبيميني أبو بكر وشمالي ميرغني وبعد داك أولاد الشفيع .. أقوم أفياني الحفياني أجيب القون وهاك يا تشجيع فريقك صاح يا صلاح .. سايقا صاح يا صلاح .. سيد البلد سيد البلد .. نقعد شوية كده أقوم كلتشي أجيب قونين ما خمج وكرنقوا يجيب الرابع ونطلع من السيرة بي عربية أبو بكر ونعمل السيرة .. الله أوعدنا يارب ..
تتصور يا ميرغني إجازتي الفاتت دخلت كورة هلال والترجي .. والهلال وأسيك العاجي وسيرتين لي الصباح نتصرمع في شوارع أم درمان .. والجكس طلع والبلد ما نامت لي الصباح بالرغم من أنوا بعد مباراة الترجي كانت في مطرة

أنا ما نسيــــــــــــــــــــــــــــــــــــــــــــــــــــــــــــــــت

إنت ما محامي
يقولو ليك اليوفي ...تقول نحن هلالاب.....يقولو زيسكو...تقول الترجي

أرسى على بر عشان نرسى معاك

بعدين أفياني بتاعك دة صدقني انا ألعب منو

ملحوظة:

آخر مرة لعبت فيها كورة سنة 98 وفي ميدان السلة ال(جنب جامع الجامعة){لاحظ إنها كرة قدم وفي ميدان سلة} وانهزمنا 1/11 وحارس مرمانا كان نجم المباراة

من طرف مدثر الجاهوري الأحد مارس 23, 2008 1:07 pm

والله إيفياني الحفياني ده أمبارح حلمان جاب ثلاثة أقوان وأنا ود فقراء وشيوخ حلمي ما بقع واطة وخلي موبايلك فاتح بعد الكورة

أنا موبايلي مفتوح قبل وبعد وأثناء المباراة ........الله يستر ما ناس كدة تقفل موبايلاتا

يا عمدة أفزعني بي جاي
عاوزين نتفرغ للهلالاب والريالاب والإنتراب اللسانم طويل بلا إنجازات ديل ونقطعو ليهم

من طرف مدثر الجاهوري الأحد مارس 23, 2008 6:15 pm

هيثم على الشفيع كتب:يا عمدة أفزعني بي جاي
عاوزين نتفرغ للهلالاب والريالاب والإنتراب اللسانم طويل بلا إنجازات ديل ونقطعو ليهم

الأخ هيثم العمدة وقعنا معاهوا اتفاقية سلام وهدنة والبروتوكولات اتوقعت لكافة الترتيبات الأمنية والسلطة والثروة خلاص شوف ليك حيطة تانية اتسند عليها العمدة بقي قوات صديقة ..

بي اقل مجهود فاز الهلال علي زيسكو 2/0 بام درمان ,,, حقيقة لم يعجبني الهلال في هذه المباراة ولكن برضو غلب ,,, ودي مرقنا منها يا ناس الاحمر الوهاج ,,, وفوق فوق سودانا فوق.

مدثر الجاهوري والله ريالك دا بي قرشين ما تشتريهو ,, وانا قلت ليك فضينا ليكم ,, وتقلص الفارق الي 4 نقاط والغريق قدام ,,, وفالنسيا من فرق المؤخرة التي تهزم الريال في عقر داره 3/2 كما فاز علي البرسا 3/2 ولكن الفرق علي ارض فالنسيا في الميستايا ,, وتقولي شنو وتقولي منو ,, عايزين نسمع صوتك يا جاهوري .الحمد لله نوم هانئ ان شاء الله الله البرسا غالب والريال مغلوب ,,, والانتر مغلوب,, والارسنال مغلوب والمان غالب والموج الازرق غالب .

أهااااااااااااا....
إختلفنا تاني ياميرغني...أخوك متيم بالأرسنال رغم تنظيرات فنجر(هو أنا صابر على ريكارد ماأصبر على فنجر)
ودى حلاوة المسطبة دى ....ولا مش كدة ياجاهوري؟؟؟
نصيحةً تخدرك آيابا ...أنا زمااااان قلت إنو هلال/مريخ السنة ما بطلعو ليهم قوزاً أخدر ولو ما طارو من ال32 ...حدهم ال16

الجولة السابقة كانت جولتي دون منازع :
الهلال غالب
مانشستر غالب ليفربول يعني معاوية مغلوب ومكانة مانشستر عند معاوية كمكانة ليفربول عندي
البارسا غالب والريال مغلوب
ميلان غالب والانتر مغلوب ,, يعني ماعندي اي مشكلة غير انو تشلسي غالب ,, لكن غالب لي ارسين فنجر اللي هو مشكلتي معاهو اساسا .
حصيلة الجاهوري :
الهلال غالب ,, وبس الباقي كلو ملطش ,, عشان كده الليلة ما ظهر وما متوقع يظهر ,,, رش شديد
ملحوظة : الارسنال يا هيثم حيكون نقطة الالتقاء الثانية مع بكري الزبيدي مع البارساوالاختلاف الثاني بيني وبينك مع المريخ ,,, اما مدثر فنقطة التقائي معه في الهلال العظيم ,,, معاوية اختلافي معه في ليفربول وان كان يشجع المان كفريق ثاني ,,,عماد نقطة اختلافي معه المريخ فقط ,, بكري نقطة اختلافي معه في الانتروالارسنال

من طرف مدثر الجاهوري الإثنين مارس 24, 2008 10:00 am

رغم فرحتنا بالفوز على زيسكو لكن ريال خيب الأمال لكن الكورة كانت جميلة وكازياس روي أحسن منوا .. عموماً الليقا ريالية 100% والكاس كاسنا بنشربوا برانا .. الأنتر حلت عليه اللعنة .. ليفربول حقنا .. ده كلوا كوم والليلة كوم تاني ريون جاكم كان الله أداكم والجماعة ديل قالوا مكربنها في كراع سوسيو

مدثر الجاهوري كتب:..... وكازياس روي أحسن منوا ..

حرام عليك والله ياجاهوري
تصدق إنو أنا بكره الريال من بيبي لحد رامون كالديرون لكن بحب كاسياس وبشجعو هو براهو وعلى الطلاق كان ماهو كان الريال نزل التانية

من طرف عماد الشفيع الإثنين مارس 24, 2008 11:04 am

الجاهورى سلام سلام
اولا : المعلومات التى سألتك منها فى البنبر استقيتها من الباقر احمد العباس وحرمه اميرة
ثانيا : شاءت الاقدار انو لقيت لى واحد مثلك تماما وهو ابن الباقر الصغير ( 13سنة تقريبا ) واسمه احمد وهو رياضى ومتابع الكورة والانشطة الرياضية والمصيبة انو بيشجع الهلال والانتر وريال مدريد عكس والده تماما0
ثالثا : مبروووووووووووك الفوز للهلال وهاردلك لريال مدريد
رابعا : امس قلت اشاهد افيانى بتاعكم ده ودخلوه قبل نهاية المبارة لكن ماستلم كورة وهو كان نافع ماكان وضعوه بره
خامسا : اوافق هيثم لولا كاسيس لنزل الريال للثالثة وبحق وحقيقة فريق مافيه اى نكهة وبيفوزوا بالحظ
سادسا : تحياتى ليك وللمعاك قاعدين

يا الجاهوري حرام عليك ,,, والله لو ما كاسياس دا كنتو حتكونوا في الدرجة الدرجة الثالثة من سنتين ,,, كيف كانافارو ,, حبيبنا

اليوم مباراة الفريق الراوندي مع المريخ ,,, وحقيقة قلوبنا مع المريخ ,,, وفوق فوق سودانا فوق,,,,,,,,,,لكم الود

من طرف مدثر الجاهوري الثلاثاء مارس 25, 2008 9:34 am

مبروك للمريخ الفوز على الفريق الفتران الكحيان الماعندوا حق التذاكر .. ناس إجوا العصر ويلعبوا بالليل لازم تغلوبهم 3 صفر وحرقني قون علاء طيارة .. عموماً مبروك الفوز بس أعملوا حسابكم الغريق لي قدام.

مرحب والله ياجاهوري
شفت نصيحتي؟؟؟ قلت ليك لوغلبناهم تقول "حق التذاكر ماعندهم" ولوغلبونا تقول"ناس حق التذاكر ما عندهم ..يغلبوكم؟؟"
بعدين خليك إنت..انا قون طيارة و لازفت دة واجعني ورافع ضغطي
بعدين مسئولين من الخير :
ليه "فان بيرسي"و"إيتو" بيتعوقو كل تلاتة مباريات ومن الله وراني هيثم طمبل دة بلعب ما سمعت بيو معوق؟؟؟؟

من طرف عماد الشفيع الثلاثاء مارس 25, 2008 10:05 am

هيثم على الشفيع كتب:مرحب والله ياجاهوري
شفت نصيحتي؟؟؟ قلت ليك لوغلبناهم تقول "حق التذاكر ماعندهم" ولوغلبونا تقول"ناس حق التذاكر ما عندهم ..يغلبوكم؟؟"
بعدين خليك إنت..انا قون طيارة و لازفت دة واجعني ورافع ضغطي
بعدين مسئولين من الخير :
ليه "فان بيرسي"و"إيتو" بيتعوقو كل تلاتة مباريات ومن الله وراني هيثم طمبل دة بلعب ما سمعت بيو معوق؟؟؟؟

ياجماعة تصدقوا انو اليوم اول مرة اعرف انو فى ركن اسمو مسطبة شعبية مع العلم بأنى عملت مداخلة للجاهورى دون معرفة بالركن ومعذرة هيثم اليوم فقط رجعت وقرأت من بداية المسطبة وعجبنى جدا مواجهتك لهؤلاء الهلالاب المتعصبين من امثال الجاهورى وبكرى الزبيدى وبعدين يالجاهورى هدنة معاك ماعايزها ( انا وابن عمى على الغريب ) وانت مش غريب وبس غريب وكمان هلالابى وريالابى وانترابى وديل كلهن العياذ بالله ولولا المعلومات التى استقيتها من الجماعة لصنفتك من ناس بحر ابيض أوأهل العوض 00أما بخصوص المريخ فيكفى انو خاض المباراة دون لاعب اجنبى وهذا يكفى والجاية أحلى 0

هيثم على الشفيع كتب:مرحب والله ياجاهوري
شفت نصيحتي؟؟؟ قلت ليك لوغلبناهم تقول "حق التذاكر ماعندهم" ولوغلبونا تقول"ناس حق التذاكر ما عندهم ..يغلبوكم؟؟"
بعدين خليك إنت..انا قون طيارة و لازفت دة واجعني ورافع ضغطي
بعدين مسئولين من الخير :
ليه "فان بيرسي"و"إيتو" بيتعوقو كل تلاتة مباريات ومن الله وراني هيثم طمبل دة بلعب ما سمعت بيو معوق؟؟؟؟

الأخ هيثم الشفيع الجماعة حمام ميت .. علاء طيارة بخيت وسعيد عليكم .. طمبل ما بتعوق شفت ليك زول عوير بتعوق

ياجماعة تصدقوا انو اليوم اول مرة اعرف انو فى ركن اسمو مسطبة شعبية مع العلم بأنى عملت مداخلة للجاهورى دون معرفة بالركن ومعذرة هيثم اليوم فقط رجعت وقرأت من بداية المسطبة وعجبنى جدا مواجهتك لهؤلاء الهلالاب المتعصبين من امثال الجاهورى وبكرى الزبيدى وبعدين يالجاهورى هدنة معاك ماعايزها ( انا وابن عمى على الغريب ) وانت مش غريب وبس غريب وكمان هلالابى وريالابى وانترابى وديل كلهن العياذ بالله ولولا المعلومات التى استقيتها من الجماعة لصنفتك من ناس بحر ابيض أوأهل العوض 00أما بخصوص المريخ فيكفى انو خاض المباراة دون لاعب اجنبى وهذا يكفى والجاية أحلى 0[/quote]

عمده صباح الخير جماعتك المريخاب ما وروك المسطبة العجيبة ... نحن اقترحنا الهدنة وما دام رفضتها بكيفك ... أنا الجاهوري مشجع الهلال وريال والإنتر الأقوياء .. أما مريخك فيهوا ثلاثة أجانب واحد مصاب وأثنين سافروا يشاركوا مع فرقهم .. بعدين ناس ريون ديل حمام ميت ما عايزين ليهم أجانب لو لعب ميرغني وهيثم وأنت ومعاوية ومعاكم سبعة من ميدان معهد التربية لفزتم على ذلك الفريق التعبان الغلبان الما عندوا حق التذاكر .. والله يوريني فيكم يوم يا مريخاب

والله ياالجاهوري بس بقت عليك الحدرة الفي الضلمة
بقول ليك أنا بكره الزفت الإسمو طيارة دة ..تقول لي سعيد وبخيت؟؟؟
(هو عليك الله زول الهلال العفين دة أباهو ..يكون فيو فايدة كيف؟؟؟)
بعدين بالنسبة للأخ/طمبل فانا ومنذ لعبه للهلال عندي راي إنو "كوم رزق" ويظهر اليومين ديل الحظ فارقو عشان كدة اتفضح وظهرت حقيقتو
تعال برضو قول لي يضوو ليك!!

هيثم على الشفيع كتب:والله ياالجاهوري بس بقت عليك الحدرة الفي الضلمة
بقول ليك أنا بكره الزفت الإسمو طيارة دة ..تقول لي سعيد وبخيت؟؟؟
(هو عليك الله زول الهلال العفين دة أباهو ..يكون فيو فايدة كيف؟؟؟)
بعدين بالنسبة للأخ/طمبل فانا ومنذ لعبه للهلال عندي راي إنو "كوم رزق" ويظهر اليومين ديل الحظ فارقو عشان كدة اتفضح وظهرت حقيقتو
تعال برضو قول لي يضوو ليك!!

الاخ هيثم نهارك سعيد نعمل ليكم شنوا تسجلوا في مشاطيبنا وده عقدتكم البرنس يلعب تمام لازم العجب يحرز قون كلتشي يجيب قون لازم طيارة يجيب قون عادل يجيب قون السعودي لازم يحاكيهوا كرهتونا الكورة

اليوم مجموعة من المباريات كالاتي :
البرازيل/ السويد ,,, طبعا نحن مع البرازيل
ايطاليا / اسبانيا ,,, نحن مع اسبانيا
انجلترا / فرنسا ,,, نحن مع انجلترا
مصر / الارجنتين ,, طبعا نحن مع الارجنتين
تونس / ساحل العاج ,, وطبعا نحن مع ساحل العاج
ورونا اتجاهاتكم عشان نشمت

أنا عموماً غير مهتم بالمباريات الودية لكن أهم حاجة عندي مصر تتغلب
الباقي مابيناتنا

ميرغني ابراهيم عمر كتب:اليوم مجموعة من المباريات كالاتي :
البرازيل/ السويد ,,, طبعا نحن مع البرازيل
ايطاليا / اسبانيا ,,, نحن مع اسبانيا
انجلترا / فرنسا ,,, نحن مع انجلترا
مصر / الارجنتين ,, طبعا نحن مع الارجنتين
تونس / ساحل العاج ,, وطبعا نحن مع ساحل العاج
ورونا اتجاهاتكم عشان نشمت

أنا بشجع البرزيل .. فرنسا .. إيطاليا ... الارجنتين .. ساحل العاج .. يا ميرغني أنت حقار كده ليه منتخبكم السوداني لاعب مباراة ودية مع ليبيريا ولا بتأكلوا تفاح غيركم وتابوا دومكم .. الله المستعان ده حقارة تاني ما اسمعك تقول فوق فوق سودانا فوق انت وهيثم قديتوا اضنينا .. عموماً أنا بشجع سبعة لاعبين من الفريق السوداني فقط ولا تسألوني عن السبب

مدثر الجاهوري / كورة السودان دي الا تكون قاطعه من رأسك ,,, ما سمعنا بيها وكان سمعنا وبقت في تشجيعنا للسودان ماى عايز ليهو كتابة ,, كان ال16 لاعب من اسرائيل,,, لك الود.

والله السودان لاعب مع ليبيريا حسب ما هو وارد بصحف اليوم لكن أنتو ما بتجيبوا خبر المساكين بس فلاحتكم باسبانيا وفرنسا والبرازيل نحن لينا الله وخرمجة مازدا

تصدق ياميرغني صاح السودان لاعب مع ليبريا الليلة؟؟؟
بعدين يالجاهوري زي ما قال ميرغني : الموضوع ماداير ليو كتابة ...بعدين شاحد الله السبعة البتشجعم يتغلبو وباقي الفريق يغلب

هيثم على الشفيع كتب:تصدق ياميرغني صاح السودان لاعب مع ليبريا الليلة؟؟؟
بعدين يالجاهوري زي ما قال ميرغني : الموضوع ماداير ليو كتابة ...بعدين شاحد الله السبعة البتشجعم يتغلبو وباقي الفريق يغلب

هو لو في غلب بغلبوا السبعة اللعابيين يعني إما أن يتسببوا في الأهداف بالباص القاتل ويسدوها وراء باقي الجماعة بي مدربهم يكونوا كومبارس .. بعدين نحن مصادرنا صحيحة 100% رغم بعدنا لكن جايبين الأخبار ولو داير تعرف ما يحدث بالاتحاد الأن ممكن نمدكم بالمعلومات شفت نحن خطيرين كيف

ولا خطيرين ولا حاجة ,,, ما عارفين صاحبك معتصم جعفر

ميرغني ابراهيم عمر كتب: ,,, ما عارفين صاحبك معتصم جعفر

عليك الله معتصم جعفر صاحبو؟؟؟
طيب كدة ما اتأكدت قصة إنو الجاهوري أحد أسباب تخلف الكورة السودانية...
هو يكون بيوري صاحبو أجندة الكورة السودانية وداك يطلع ميتينا..
لينا الله نحن

من طرف مدثر الجاهوري السبت مارس 29, 2008 1:31 pm

هيثم على الشفيع كتب:
ميرغني ابراهيم عمر كتب: ,,, ما عارفين صاحبك معتصم جعفر
عليك الله معتصم جعفر صاحبو؟؟؟
طيب كدة ما اتأكدت قصة إنو الجاهوري أحد أسباب تخلف الكورة السودانية...
هو يكون بيوري صاحبو أجندة الكورة السودانية وداك يطلع ميتينا..
لينا الله نحن

الأخ هيثم نحن دائماً في مراكز القرار وفي كل مكان .. لك الود والاحترام

من طرف مدثر الجاهوري السبت مارس 29, 2008 1:34 pm

اليوم وغداً العديد من المبارايات بالسودان وخارجه وذلك على النحو التالي :
الهلال وجزيرة الفيل استاد مدني اليوم
المريخ والموردة استاد المريخ اليوم
ريال مدريد واشبيليه غداً الأحد
الانتر ولاتسيو اليوم
برشلونة وبيتيس اليوم

أمنياتنا للهلال وريال والانتر بالفوز الباقي خسارة يارب أو تعادل إنك سميع مجيب